أنا طالبة في المرحلة الثانوية
في السنة الأولى
و أنا و للأسف من طالبات مدارس الصرح الأهلية
إنها أسوء مدرسة يمكن أن تدخلها أي فتاة
********
السلام عليكم ورحمة الله وبركاته
عندي تعليقات بسيطة جداً على كتابتك للموضوع
ياريت تتقبلينها بدون أي حزازية أو سوء فهم
قبل كل شي أحب أقول
أنا برضه
طالبه في المرحلة الثانوية
في السنة الثالثة
ولي كل الشرف والفخر إني من مدارس الصرح الأهلية
وبنظري إنها أفضل مدرسة
بحكم إني فيها من ابتدائي
*******
صحبتي من البنات المشتركات بعدة برامج و صار ليها 3 أشهر بتخرج من الحصص
وتقطع على نفسها الفسحة و نقصت 2 في الإختبارات
و مع كدة صبرت و كانت مشتركة في 4 فقرات في حفلة التخرج
*****
بمرور سنواتي كلها في المدرسة
أول من يشارك من الطالبات في حفلة التخرج أنا
تبدأ التدريبات قبل شهرين من الحفل
والمشتركات بتكون لهم حصص إضافية
والسنة اللي فاتت كانو يخلو أخر حصة
بس للتدريب يعني مافيه أي دروس
وإذا انشرح درس بترجع المعلمة تعيده
نسمع كلام كثير من المدرسات عن الدرجات وخصمها
لكن ولا مره نقصوا بنت درجة من درجات المشاركة
اللى للشديد القوي
*******
الحمد لله جات الفقرة الحاسمة و هي إلي جلست و تعبت فيها أكثر شيء
و لغوها و جابو بدالها فقرة رقص قليلة حيا
فالبنت زعلت و حلفت يمين ما تشتركلهم في حفلة و لا في إذاعة
*****
يا بنتي نتمناهم يعملوا فقرات فرشفة
أو على الأقل فيها دق شوي
حير وحوا يعملوا فقرة رقص قليلة حيا
*******
مرة كانت واحدة من البنات في الباص في أمان الله و بعدين
طلعلهم صرصارين مو واحد إثنين و من إلي بيطيرو
*****
أنتي قلتيها انه في الباص
والباب مفتوح طبيعي كل حشرات الدنيا بتدخل
انتي افتحي باب بيتكم اشوي
ولا شباك غرفتك
والله حتشوفي حشرات عمرك بحياتك ما بتشوفيها
*****
البنت هذه عرضت على المعلمة تنظيف المدرسة
( مع العلم إنو المدرسة صغيرة و عدد الدادات ليس بقليل)
راحت المعلمة صرخت على البنت و قالت لها
( مساحة المدرسة كبيرة و لا يمكن تنظيفها)
فقالت لها ( و الباص؟؟؟) فردت ( طيب نشوف)
*****
أول شيء على حسب المعلمة اللى قالت لها
وثانيا إذا إنها راحت عند المسئولة عن الباصات
لاااا يمكن ترد بهذا الرد ولا يمكن تصرخ أو تعصب عليها
مساحة المدرسة كبيره ودادات كثار وطالبات وسخات
المقصود بالمعني : مين اللى بيوسخ المدرسة
ولا الهواء بيجي طاير ومعاه قوارير عصير يرميها بكل أركان المدرسة
لا وبعد يكسرها
******
نشوف؟؟؟؟؟؟و في قسم الثانوي في مسبح ،
أقسم بالله المسبح لونه أخضر و عليه قذارات،
******
أوكيه أنا معاكي بدا انه وسخ وكله طحالب
وبدل ما نتركه بوسخه نزيد وسخه
والقذارة اللى عليها مين اللى كان بسببها
تعالي شوفيه الحين مافيه مويه
بس صار زبالة للبنات
تقوليلي فين دور الدادات هنا
أقولك المسبح مش زي الساحة
صعب جداً إن دادا تنظف المسبح ولاحظي انه فيه كمان
مسافة بين السلم وأرضية المسبح
مين بالله اللى حينط
وإذا جابوا رجال ينظفوا
ايش الفايدة دام بيكون آخر الدوام بداية زبالة جديدة
وإذا قدروا وشالو الوساخات
لايمكن يطلعوا سليمين لان كل أياديهم مجروحة وكلها دم
بسبب القوارير المتكسرة
****
أحيانًا نجلس في الفصل بالأسبوع ما يتنظف الفصل و قال ليش
( لأنو الدادات لما يشوفو الفصل وسخ ما ينظفوه)
و متى حينظفوه يعني لما يكون نظيف؟؟؟؟
و ليش بيدفعو للدادات فلوس علشان بس بييجو على المدرسة
****
وليه الله يسلمك من الأساس تطلعي من الفصل وهوا وسخ
زبالة الفصل بتكون من أكياس شبس وحلاوة ومناديل ومويه
ليه مو كل وحده وهي متكرمة وطالعه من المدرسة تشيل وسخها وترميه بالزبالة
وان ماكان فيه في الفصل ترميه بره
وحرام برضه أي إهمال ووسخ نرميه على الدادات
حتى مستكثرين عليهم المبلغ اللى بياخذوه ونقول ليش بيبجوا
*****
كمان ما في ستائر و أنا و صحبتي مرضنا لأنو المكيف في وجهنا و الشمس جنبنا :
و قال إيه إنتو جيبو الستائر
( طب مين حيركبها لأنو ما في علاقة ستائر؟؟)
قالت المشرفة ( إنتو)
نعم يا ماما ليش بتربو رجال على غفلة ولا فاتحين مشغل ستاير:
*****
الكل يعاني من هذي الحالة
بس يمدحوا القصدير
عازل للشمس كذا
*****
أنا حاولت أطلب من ولي أمري أغير المدرسة قام قال
( إنت فاضلك سنتين فاصبري)
*****
كان قلتيله عن الاشاعه حقت الولد اللى ركب بالباص
ثاني يوم راح يجي يسحب ملفك
أهم شي عند الأب سمعة بنته
******
و بعدين هذه بسيطة
لأنو أنا كمان بنت المديرة و بنت المديرة التانية بيتغششو في الإختبار قدام البنات
*****
المديرة مالها إلا أحفاد بالمدرسة
والكبار منهم وحده بس بأولى ثانوي والثانية بثالث ثانوي
*****
و بعدين سمعت إشاعة إنو قبل 6 سنوات في بنت دخلت ولد على الباص
و كان لابس عباية فما أحد دري عنه
إلا لما أظن وحدة من البنات سوت شيء يضحك فضحك هو
فبان كل شيء فالمديرة ما سوت شيء للبنت و قامت قالت
( هذه الإشاعة لا تمشي برة المدرسة)
****
ياسلام والبنات اللى في الباص سكتوا
صدقوا أنها اشاعه
لو صدق السالفه
كانوا اهالى البنات قلبو الدنيا فوق تحت
*****
و بعد أسبوعين جات بتركب الباص في الصباح فقال السواق
(يلا بسرعة يا قليلة الحيا) فقالت له (احترم نفسك)
فقال ( أنا شفتك بعيوني تركبي سيارة مع واحد شاب)
ما لقى غير أكثر بنت بريئة في المدرسة يرميها؟؟؟؟؟؟
فجات أم البنت و قالت للمديرة على الموضوع فقالت المديرة
( بشويش يا مدام علشان سمعة المدرسة)
نعم يا روح أمك و سمعة البنت في ستين داهية؟!؟؟؟
هذا هبل معليش و قال إيه
(يا بنت خليكي مؤدبة مع السواق (جنسيته يمني) لأنو عامل زي جدك)
آااااااااااااااااه طب طالما عارفين إنو عجوز و بيخرف مخليينو ليه
*****
ايش مصلحة السواق يقول كذا
وعمري ما شفت بالمدرسة سواق يمني
اللى فيها 2من شرق اسيا
و1 من نيجيريا
1 من السعودية رجال عجوز وتقي
وحارس المدرسة سعودي
ومدرسة المتوسطة صعيدي
أبدا مافي يمني
وكلهم من زمان بالمدرسة
*****
أخوي Guys king
رابعا .. اذا انتي طالعه لثالث ثانوي .. حبيت أسألك كيف معاملة المدرسة
مع ثالث ثانوي ؟؟
أكيد معامله حلوة
******
البنت تقول انها اولى
لكن عندي أنا الخبر الأكيد
لمدرسات ثالث علمي
يشهد الله أنهم أفضل مدرسات العلمي بس
بس الأحياء تكون معاها حلو تكون معاك تمام
ماعندها لف ولا دوران
الكيمياء والفيزياء
اعتبرها أفضل مدرسه
الرياضيات
محد يقدر يقول عليها كلمه أو انها ما تعرف تشرح
لأنه بيكون اكبر كذاب
أما الباقي
الله يصلحهم
********
نرجع لموضوعنا
*****
قال في بنت مرة إتأخرت عن الإختبار
يعني الإختبار الساعة 7 هي صحيت 7 إلا ربع فصحيت علطول و كلمت المدرسة
قالولها ( تعالي حتى لو جيتي 7 و ربع نختبرك)
وصلت البنت الساعة 7 و 5 فوقفت المديرة و قالت
(إنت ما حتختبري روحي إرجعي كملي نوم)
طب أبغى أفهم لو ترجع تكمل نوم ليه قالوا لها تيجي من الأساس
و البنت بعد ما جات أمها و فضحت المدرسة وافقوا تعيد مع الراسبين
***********
لاااا فهمتي غلط
تأخرت البنت أكثر من ربع ساعة
ويوم جت شافتها الموجهة
+
طولة لسان من البنت
=
منعتها الموجهة من الأخبار
وبعد محايلات عادت البنت بعد نهاية الاختبارات تقريبا بأسبوع
******
مرة دخلت وراء المبنى ففي مجموعة عواميد عليها كلام ما ينكتب
و من بين الكلام
"فاشلات الصرح"
"يا مديرة يا معفنة لو ما راحت كل البنات و ما ضل غيري أنا و أنت
ما أكون أناو أنا وراكي و الزمن طويل أو إلى أن أنقل أنا الثانية"
*******
بأنظف الأماكن تنكتب على الجدران وأبواب الحمامات (الله يكرمكم)
أوسخ الكلام وأقذره
وفي كل مدرسة لايخلوا جدار أو عامود أو باب
من سب وحش ولعن وتهديد
*********
و في كمان ظهرت ظاهرة عندنا في المدرسة خلت البنات يخافوا أكثر
خاصة في المرحلة الثانوية( إلي أنا فيها)
ألا و هي (ظاهرة الشذوذ)
و أنا ما أتكلم عن بنت أو بنتين أنا بأتكلم عن فصول بكاملها
*********
يا بنت الناس الله يستر علينا بس
إحنا شعب وللأسف إن شفنا شي اقصد
إن سمعنا مجرد سمع عن موضوع
طورناه وكبرناه وعملنا منه قصة وحكاية
وفلم هندي بأربعة أجزاء
والله بسنواتي كلها بالمدرسة ماشفت أي بنت مع الثانية بشي مخل
وأنا ما أقول مافي بنات شواذ
لا فيه
والسنة دي اللى شفتهم
واخذوا جزائهم
ونالوا فصلهم من المدرسة
*********
المهم..
في بنات كتبوا
"المعذبة"
"الخارجات من مدارس الصرح فاشلات"
"كسر أم الدراسة في مدارس الصرح و إلي تخاف على نفسها
و على فلوس أهلها تخرج من المدرسة قبل ما تفلس"
*****
شي طبيعي بكل مدرسه هذا الكلام
*******
9000 ريال في السنة
و لو إنت جديد تدفع زيادة 500 ريال
يعني تدفع 9500 لو إنتجديد
*******
ياا أختي وش حادك وجابركعلى المدرسة
قولي لأبوكي عن بلاويالمدرسة
وراح ينقلك لأفضلالمدارس بنظرك
والعذر والسموحة أختي
إذا ردي ضايقك
بس مجرد انفعال وكلمة الحق تنقال
إن كنتي بأقذر الأماكن حاولي ترفعي من قدر المكان
عشان تقدري تعيشي
غيرك مو لاقي ربع مدرستك ولا تعليمك