قهوة WoW .. :P

[Karazhan]

ياولد طبيت ببطني طب

الحين يقولون الناس ان كارازان خواف من السعوديين ودايم يصطرونه و مايقول شي

يعني بالعربي مسخره او بالسعودي مصخره او مهزأ وكل واحد قبل يدخل القسم يعطيه كف ويدخل

اتقي الله يارجل

[لوعةالفرقا]

لا اش دعوه انا ما قلت جذي

انت ابو الشجاعه كل ابوها

إلا تدري ان توقيعك مفيد للصحه وينصح بالحركة دوما
وانا من على هذا الكرسي اقولها لك وكتلميذ سابق لديك انا فهمت ما تخبأه خلف التوقيع ^^

[Dudette]

سلام عليكم
شخباركم

[Cry Me A River]

:
وعليكم السلام ورحمة الله وبركاتة

هلا دووديت ,, اشحالك انتي ؟ احنا بخير الحمدلله وبعافية


كلنا صرنا تلاميذ مطيعين


(:

0

[Dudette]

ههههههههههه اشحالك انجري حسيت غبار يوم سلمت انا دومي تلميذه عمي شنبو

الصراحه اشتقت حق بابا اونا و يوشي ووارشيف واظن بس

[Karazhan]

لوعه شنو قصدك تلميذ سابق ؟؟

ماعندنا تلاميذ سابقين , اي تلميذ تسول له نفسه ان يطلع من التلمذه . يهدر دمه على طول


دوديت اسأل عنج دايم , وينج يا حرمه , انا قلت اكيد تزوجت وقعدت او شرت وحيد القرن و نطحها , حاله من حال الحيوانات اللي تربينهم

[Karazhan]

وين يوشي ؟

لايكون يبينا نسوي ثوره عليه ونشيله من الرقابه بعد , عاد هو كلش ولا تشيله , مره عالكرسي سألته هل تقدر تترك الرقابه ؟ يعني تتنازل عنها ؟ قال مستحيل

يعني صار عضو مجلس امه توه نجح وشاف الامتيازات والفلوس من كل صوب , مستعد يبيع الملك ومندوب الملك بس يظل طول عمره قاعد على الكرسي الاخضر

هذا شكله يجي يشوف اسمه مو مراقب تجيه انهيار عصبي ونفسي ويطيح مغمى عليه

[لوعةالفرقا]

لا لا

لاتفهمني غلط انا اقصد بـ (تلميذ سابق) لاني الحين خلاص تخرجت كملت 4 سنين تلميذ واخذت الشهاده هههههه

اما الآن انا عندي تلاميذ وماشي على النهج المدروس والمخطط له من قبلكم يعني انا الحين لدي تلاميذ انشر لهم واعلهم ما تعلمناه منكم


وعليكم السلام نورتي دوديتي << اسمك صعب

[Dudette]

هههههههههههههه لا عمي شنبو خطبت بس بعدني ما عرست

[Karazhan]

ياحظه
قصدي الله يوفقه

وليش قطعتي جذي مره وحده , هل في احد ضايقج مثلا او الاكاونت انسرق وقلتي خلاص ماراح ادخل , او مقطوعه الكهربا عندكم في دبي عشان ناطحات السحاب اللي تبنونها كل يوم قاعده تسحب كهربا الاماره كلها

عطينا سبب مقنع مو كلمتين كل 3 ساعات وتبينا نفسر

[لوعةالفرقا]

ماشاء الله

ومتى العرس عشان نحضر ولا نسوي حفله هنا هههههه

[Dudette]

شكرا شكرا لا بس كنت مشغوله شوي دراسه وخطبه ووووو انت معرس 20 مره وتعرف الواحد مشاغل وماله خلق يلعب بس الحين اوكي العب انت خبرني عنك شخبارك وشخبار شنباتك ما انقصو ؟

[Karazhan]

الله يوفقج وجميع المشاهدين , ابشرج صرت الحين اتلحف بشنبي ووفرت فلوس الفراش والكمبل , قبل كان عادي بو نفر الحين نفرين كنج سايز يعني , شلون اللعبه معاج عسى ذبحتي ديث ونق

[Karazhan]

دخل الاخ

لما سمع ثوره بتقوم ضده دخل سيده

بعد ماكان يدخل مخفي , على باله مو صايده , مايدري ان استخباراتي بكل مكان ويوصلون الاخبار اول بأول

على باله تلاميذي بس اعضاء عاديين ابو مشاركه و مشاركتين

مايدري ان نص العنابيين تلاميذ و الازرق 90% تلاميذ والذهبي 30% تلاميذ والاخضر 0 والاحمر 20% تلاميذ

نفس ما شلنا مراقبين 2 من قبل نشيلك في غضون 48 ساعه

هههههههههههههههه

ياولد اتغشمر معاك لا تاخذها صج وتوقفني

بس شرايك فيني بصراحه ؟ مو ودك تصير تلميذ مخلص بعد اللي صار ؟

شوف حركات الالقاب تحت الاسم , عضو جديد و عضو و عضو ذات كثافه سكانيه وعضو ذات اغلبيه و عضو مستمر بالابداع

انا الحين عضو مستمر بالابداع بس ماعندي وسام ابداع بقسمك يالشيخ

وان شاء الله احط لقب خاص فيني , عضو ذو تلاميذ

عشان نفرق بين الاعضاء العاديين والاعضاء اللي عندهم تلاميذ , المعروف ان بس المراقبين عندهم تلاميذ

بتقولي ليش , صح اي مواطن شريف وشرير راح يقول ليش ؟

لأن محد يطبل للمراقب الا الاعضاء , بداخل المنتدى وخارجه , يعني يجي عضو يقعد يطبل للمراقب و يطيره بالسما عشان يصير اهو المخلص للمراقب ويعتقد المراقب ان هذا تلميذ مخلص ويقعد بأي توزيع اوسمه يحط اسمه و نقاط تقييم بأي مشاركه و اي مخالفه يشيلها له

و اي تقرير سيئ من عضو اخرى ضد العضو التلميذ يروح المراقب و يحذفه

عرفت شلون , يعني عضو يدور المصلحه

انا بناء على ضميري و كلمه الحق , طالبت ان سالفه ان المراقب اهو بروحه يعطي شكر تلغى , والشكر او تقييم المشاركات يتم عن طريق الاعضاء

لأن العضو اهو اللي راح يستفيد من المشاركه والمراقب رجل على رجل ويشرب سيجار و كوب قهوه ويطالع اللي رايح واللي جاي , ولا يستفيد اي شي تقريبا

اما الاعضاء مثلا يجي واحد من جوجل يبحث عن شي معين ويشوف احد الاعضاء كاتبه وكاتب في توقيعه "اذا استفدت من مشاركاتي اتمنى تشكرني او تقيمني"

الزائر اللي من جوجل هذا يقول حرام تعب نفسه وكتب وبالنهايه اخذ المعلومه ولا يستفيد شي , خلني اسجل دخول واشكره , ويتم الشكر

اللي كاتب الموضوع يرتاح نفسيا و الزائر يرتاح نفسيا لأن مااخذ تعب العضو وراح , ويمكن يشوف مواضيع ثانيه تهمه بعدين و يثبت بالمنتدى

والاوسمه نفس الطريقه كل مره يصير فيها توزيع يروح المراقب ويضبط رفيجه ويخلي الباقي من الاعضاء بالزاويه

لذلك قلت احذفوا سالفه الاوسمه و خلوها القاب بعدد المشاركات , عشان مايصعد عضو على كتف اخوه العضو

والحمدلله كانت الاداره تستجيب لكل الصرخات المستغيثه من قبل الاعضاء

عاد انت لاتخليني اتكلم بروحي وبعدين يطفشون مني ويقولولي شرايك كلنا نطلع من الاداره وتصير انت المدير ؟ اقول اوكي

يقولون عينك قويه والله , ويحكوني توقيف نهائي

انت لازم تشتغل شوي وتقدم افكار , مو بس فالح تروح المطبخ وتسوي اندومي او تاخذ صور من منتديات واحد يطبخ وتحطهم وتقول انا

شوف

هذي الصوره الله يسلمك لسيد الالعاب ولد بطنها الاصلي اللي عروقه بالماي

كان رايح كوكب زحل , تعرف كوكب زحل وين ؟ وين راس تنوره ؟ شفت راس تنوره اول جسر يصادفك للدمام شفها يمينك

زحل بعد في احد مايعرف وين زحل , كوكب بالفضاء كبير , اسأل المدرس اذا ماعرفته و قوله شنو الكوكب اللي لابس حزام

المهم كان معزوم هناك و حفل مسوين الشباب وشعر ومسابقه هجيج ابل و اهو بالطريق صفط وقالي صورني وانا طاير وصورته والدليل شوف مكتوب اسمه عشان تعرف الصوره مالتنا

فهمت شلون

اذا بتسرق اسرق جمل


انا نسيت سالفتي شنو كنت ابي اوصله

اي تقدم افكار و تساندني وتطالبهم يعطوني وسام شكرا لك على انجازاتي اللي ماراح ينساها المنتدى طول عمره


ونفس ماقلت حق الاخ لوعه عن سياسه سيد الالعاب ولد بطنها الاصلي اللي عروقه بالماي

سياسه السحب المقدس , الا وهي سياسه سحب زوار من جوجل , تتكلم عن كل شي بالمنتدى ولما واحد في جوجل يبحث عن شغله يشوفنا كاتبين عنها , بالطريقه هذي نسحبه للمنتدى

وهذي سياسه سيد الالعاب واللي اطلق عليها سياسه "السحب المقدس"


انت تقول موضوع عادي لكن بالواقع موضوع كبير

والشكر موصول لكل انسان فاضي قعد يقرأ مشاركتي هذي

وتوقيعي لحد يسرق منه شي وان شاء الله بحاول اضيف صور عشان محد يحطهم وبعدين يقولي سبقتك فيهم

خصوصا صوره العتوي اللي يركض , 90% من اعضاء المنتدى بنات و يكشخون بالقطاوه واكيد راح يقص عليهم الشيطان وياخذون الصوره

اللي الوحده فيهم توري رفيجاتها يعني رومنسيه وتحب القطوه يعني انتيكيت وكشخه في بيتنا قطو واهي ساكنه بخيمه وتوه يوصلهم ايفون وشابكين منه ,وتشوف كلامها تقول بس هذي المليونيره من الصوره والسوالف اللي تحطهم بتوقيعها

وكل وحده تطير الثانيه , تعطيها صوره بالتوقيع تحطها واهي مغصوبه وتكتب عندنا شكرا فلانه , يعني ترى شوفيني عاجبتني الصوره اللي مسويتها , ماتدري انها غاصه فيها

انا شكو , دع الخلق للخالق

المهم السيد قدس سره موصيني اوصل سلام الكبير و قبلاته الحاره لكل التلاميذ و الاعضاء ماتفرق معاه , دام فيها بوس مو مهم تلميذ او عادي

ودمتم بود

اخوكم

ولد بطنها التقليد , مندوب سيد الالعاب , ولد بطنها الاصلي اللي عروقه بالماي

[Karazhan]

ليش الكلام ملخبط

يلا المهم توصل الفكره