قهوة WoW .. :P

[Dudette]

لا شكرا ما ابي

[Karazhan]

على راحتج

يعني شوفوني ترى ماحب الدماء والقتل وانتي تتلذذين بقتل الابرياء لفل 70 و نازل بدم بارد

[Karazhan]

طحت على يوشي يدخل مخفي الحبيب بعد

تشوف عدد المتواجدين الان 60 شخص , تحسب الاسماء تشوفهم 40 شخص

ههههههههههههههههههههههه

طبعا شيل واحد منهم اللي اهو انا , يطلع الناتج 19 شخص مخفي

[Dudette]

ههههههههههههههههه

خلهم يتفرجون عالاقل يدخلون بعد

مثل ما يقول المثل عصفور باليد ولا عشره عالشجره

تفرجوو تفرجووو

انتو اكتبو كلمه ونحن بنعلق عليها وبنسوي موضوع بس كلمة ولو جبر خاطر

[Dudette]

اقول بو شنب في طريقه اخلي الخط اوتوماتيك يوم اكتب يكون الحجم واللون محفوظ لاني مليت كل يوم اختار لون الصراحه خليت الموضوع قوس قزح كل يوم لون

[Karazhan]

انتي ما عندج خبر اني غبي بالمنتديات ؟

انا نفسج جذي دايم اغير اللون والخط و احط الكلام بالنص

كله يدوي مااعرف اوروماريك على قوله الهنود

ماادري اذا في جذي بالخيارات اللي بلوحه التحكم , بطق فره بشوف اذا في حفظ الاعدادات للخط والسوالف هذي

[Karazhan]

ماكو اي شي

يعني مالج الا يدوي

اذا محنيه ايدينج او صابغه اضافرج على شكل ورد او شخصيات كرتوني قولي حق البشكاته تكتبلج وانتي مليها الكلام

[Dudette]

ههههههههههههههههههههه

انت شو في على بشاكيرنا

والله محد مغربلنا غير هالبشاكير وانا اقترح يحطون قسم بس حش بالخدامات وصدقني بيكون قسم فعال واظن ما بيوقف من مشاكلهم

[Karazhan]

انا بروح اشتري ايباد الحين

تروحين معاي ؟ انطرج على ماتوصلين

لا تتريقين ها عشان نمر شارع المطاعم ناخذ سندويتش

[Dudette]

الله وياك

لا شكرا انا خاطري في نامليت من سوق الامباركية

[Karazhan]

السلام عليكم

معاكم سعد الجديد ، قاعد اكتب من الآي باد



انا إنسان جديد الحين و كشخه وراعي تابلت و كوول يعني


،


شلون الخط والألوان

[Karazhan]

السلام عليكم

سوق المباركيه نروحله بالليل

الحين نروح بالحر هذا نذوب

[Dudette]

انزين بروح اشتري نامليت وبطلع ما بفتر بعني بيقولون %$#@ القايله (لا تشبيه)

المهم الحين يبيلك بدله وببيونه زقرتية وتكون كوووووووووووووووووول ونظارة شمسية وشعرك طويل وتسويله كيراتين وتكون ماك شكن على قولتكم

[Karazhan]

نامليت هذا اسم قديم

انتي لازم تصيرين كوول وتواكبين التطور

وانا راجع البيت و عشان اطبق الكوول مره وحده مريت راعي عصير و شفت الشباب الكوول والبنات واقفين عنده , كلهم كوول

شفت الشباب الكوول يطلبون افوكادو بالحليب والعسل جان اطلب معاهم

غصبت نفسي اشربه . وانا طالع من المحل وجدام الشباب الكوول قلت برشف من العصير يعني كوول و يوم ذقته سد نفسي و ثقييل بس غصبت نفسي جدامهم وشربته مع ابتسامه يعني شوفوني ترى متعود عليه و اني كوول قديم

انا كان شعري قبل لغايه اكتافي واطول شوي , الحين برجع اطوله عشان اطبق الكوول و عندي نظاره شمسيه اصليه طبعا والاطار مالها عريض , شريتها لأني اشوف الشباب الكوول دايم يلبسونها

بس شنو كيراتيين ؟ ماك شكن يعني ماك جكن

يعني اروح اشتري وجبه ماك جكن عشان اصير كوول اصلي ؟

والبدله الببيونه هذي شنو بعد

كلميني كويتي او اماراتي معرب . ماافهم كلامكم عدل

[.::RaK_BoY::.]

hmmmm

كيف حال WoW هاليومين؟؟:33:

[Karazhan]

والله ماكو

مشغلين البوت يلفل وبعدين يجمع جولد


زينه بعد ما احرموا ناس كثيرين من رايدات لفل 80 و 85 . الحين حاطين من البدايه LFR بشرط ان يكون الجير 480 عشان تدخلهم كلهم او 470 على مااعتقد عشان تدخل اول رايدين

يعني صار فيها حركه الحين اللعبه

[Karazhan]

دارك تي اي بي

[darkitp]

كنت نايم .. بعدين قمت على كابوس واحد ينده علي ..

وشو تبي ؟

[Dudette]

ههههههههههه صدقك هذا كابوس بو شنب

راك بوك يعني انت من راس الخيمة صح

حياك الله على الاقل يفهم مب شرات هالطمطمة كل دقيقه يقولي اماراتي معرب كلميني

والكيراتين هذا يخلي شعرك من كشه الى حرير

وماك شيكن هذا عاد من عندكم يعني صبي كووول حلو جميل معضل او جسمة مرت عندكم تسمونه ماك شيكن عاد لا تسالني انا ما اعرف بس اسمعه في المسرحيات وسالت بنات خالتي في الكويت وقالولي اي يعني بهالمواصفات

وامس سمعت ان نامليت يبيعونه هني في دبي واليوم العصر بمر بشوف صج او لا

[Karazhan]

شنو كابوس

جرحتوني و سيلتوا دمعتي على خدي

كنت بسألك عن واجهه المنتدى توني شفت تويتر فيها فوق يسار . بشوف هل اهو حساب دعايه واعلان او خاص فيك

عشان يعني ان كان دعايه واعلان تكتب عن القسم اكبر موسوعه وحلول واستفسارات عن لعبه ووركرافت

بس

دوديت بما اني كويتي بالتأسيس ماسمعت ان الكويتيين يقولون جكن فليه يعني واحد حلو و معضل و مواصفات خاصه

يعني شنو ؟ انا بطاط وفلافل لأني مو معضل ولا حلو و لا محلق لحيتي و شواربي ديرتي

والنامليت هذا مشروب قديم قبل البيبسي والكولا كان مشهور بدول الخليج والحين انقرض , عندنا انقرض مادري اذا عندكم متوفر


وشنو راك بوك ووين قريتيها راك بوك وعرفتي ان راس الخيمه , انا اعرف راس الخيمه اختصارهم RAK جذي

اي اهو من راس الخيمه , ليش اسمها راس الخيمه ؟ اسم غريب , نفس عندنا بالكويت راس حمار هههههههههههه

والله هذا اسمه راس حمار , اهو ارض زاويه داشه بالبحر , نفس مايسمونه لسان يعني ارض بالبحر , شوفي جون الكويت الزاويه اللي فوق بدايه الجون على اطراف جزيره بوبيان , هالراس هذا اسمه راس حمار

خلصت الاسامي

[Dudette]

انزين قصدت راك بوي عنبووو محد يغلط يعني :12:

ما علينا ترا في مشروب بعد اسمة بوتيلا والمحل اسمة بوتيلا بعد وموجود في سوق المباركية روح جربه عجيب

وفي ماك شجن مب شكن فيليه انت ويا شنبك

انزين تقدر تشوف مسرحية ابو ساره في العماره وبتسمعهم يقولونها :silly:

[darkitp]

هيه هذا تويتر خاص بالمنتدى , و من زمان موجود بس الحين حطيته في الواجهة علشان نزيد المتابعين .. و المهتمين بالتويتر ..
بخصوص الموضوع اللي تبي تسوي له دعاية على تويتر وينه ؟

إذا عندك انت حساب تويتر .. اعمل تغريده بالضغط على الزر الموجود فوق كل موضوع ( قدام زر المشاركة )
و راح اعمل له إعادة تغريد Retweet ..

بالنسبة لراس الخيمة , اسمها زمان جلفار .. و منها تسمع عن مصنع ادوية جلفار

اسم راس الخيمة جاء من ان البحارة اللي كانوا يجونها من الكويت و البحرين و عمان
فكانوا اول ما يشوفون البر , يشوفون خيم كبيرة قدام السيف ..
وهذه الخيم مصنوعة من الخوص و الدعون ( قش النخل الصلبة مربوطة مع بعض على شكل لوح )

فالبحار اول ما يشوفها .. يقول هذا هو راس الخيمة !
وصلنا البر !

[Dudette]

فهمت يا بو شنب وفي عندنا منطقه اسمها هور العنز

ولو darkitp تعرف ليش سموها بهالاسم لاني انا سامعه قصه واوقع انها خرافه :33:

[Karazhan]

فهمت يا بو شنب وفي عندنا منطقه اسمها هور العنز

ولو darkitp تعرف ليش سموها بهالاسم لاني انا سامعه قصه واوقع انها خرافه :33:





يعني انتي اللي كنتي فااااااااااااااهمه




انا ماعندي موضوع ولا سالفه

بس يعني من الدعايات على الطاير , ترى القسم مو شويه

قسم ووركرافت هذا لو تفر المنتديات العربيه كلها ماراح تشوف منتدى تكلم و قدم للناس معلومات واستفسارات و نقاشات كثره

يمكن بس المنتديات الاجنبيه و مو كلها بعد ليش ؟ سؤال جميل

لأن ماعندهم ملك اللعبه انجليزي

ف انا قلت يعني تسوي دعايه لقسم ووركرافت على انه اول واشمل منتدى تكلم عن لعبه ووركرافت بهذا القسم

انت شكلك معصب و نفسيه , يبه خلاص اسحبها و امسحها بوجهي هالمره




دوديت في منطقه صحراويه شمال الكويت

تقريبا من مركز حدود العبدلي الى قبل الجهراء ب20 كيلو

المنطقه هذي اسمها بالعريض

الحمــــــــــــــــــــــــــــــــــــار

مكتوبه جذي لأن المساحه كبيره , فمكتوبه من يمين الخريطه الى يسارها بالطريقه هذي

وانتي شنو يعني هور العنز ؟ طايحه بالهور عنزه مثلا ؟

[Karazhan]

طبعا هذي مو دقيقه لأني شفت المناطق كل وحده اسمها مو بمحله , لكن شوفي بالنص مكتوب دوله الكويت فوق كراع المرو وفوقه الحمار :)

طبعا اكبر المنطقه "منطقه الحمار" لكن صحراويه كلها

يمين صوب جزيره بوبيان , شوفي الراس اللي مكتوب قصر الصبيه وتحته راس الصبيه , مو صحيح اسمه , اسمه الصحيح راس حمار و الجهه الشرقيه او الراس الثاني صحيح راس البرشه

برشه برشه


و في اسماء غريبه بعد لكن بخريطه شامله



357394

[Karazhan]

المباركيه احنا يالكويتيين مانروح مثلكم , ملينا منه , انا اذا رحت عشان اشتري ملابس او سمك

نروح نتريق هناك الفجر بعد الصلاه , عليهم كبد و قلوب و كلاوي مشويه , نروح نتريق و بعدين ندخل سوق السمك

[Dudette]

اتوقع لكثرة الحمير هناك لان عندكم مكان اسمة حد حماره نسبه لحمارا طاحت في الند وتمت هناك لي ما غرقت

انزين هور العنز يقولون ان قبل كان في تله صغيره والناس في هالمنطقه فليل يشوفون عنزه بدون راس عشان شي سموها هور العنز ، وناس ثانية يقولون كان في مزرعه مواشي ويبيعونهم وعشان شي سموها هور العنز

عاد انا احس عنزه بدون راس احلى لان فيها اكشن وفلم رعب شوي

هههههههههههه واذا الخرافتين غلط حد يصلحلنا اياهم

[Karazhan]

عنز بدون راس

انا اعرف البوس اللي باللعبه يطلع بالهالوين اللي بدون راس

لكن عنز بدون راس صعبه شوي

شنو غداكم ؟

و هل انا معزوم ؟

بصراحه بصراحه

حدي جوعان \ يوعان

ومفلس

[darkitp]

بوشنب ..

بخصوص Ebay
انا استلمت الغرض .. و عطيته فيدباك ..
بس هو ما عطاني .. لازم اذكره يعطيني فيد باك او كيف ؟

[Karazhan]

اهو تعطيها للي يبيع الاغراض عشان يكسب سمعه

لكن ايضا يعطونها البياعين للي يشترون بس مو كلهم

يعطونها للي يدفع بسرعه

يعني اللي يشوفك من البياعين يعرف انك دفيييييييع وبسرعه

بعض الناس يشتري شي ان كان بالمزاد و لما ترسي عليه السلعه يقعد يماطل البياع و ينقعه فتره على ما يدفعله , لكن في ناس مثلي و مثلك من يرسي عليه شي يدفع عشان يخلص بسرعه

هذي فايدتها

قوله اذا يعطيك تقييم على سرعه دفعك , بس مو ضروريه ترى , يمكن ادخل انا واشوفك جذي دفيييييع من التقييمات واصكك عين , او واحد اعبر مني و عينه وحده بوحده يصكك وتروح فيها

[Karazhan]

Smooth Transaction, fast pay, Thanks!


*:•..•:*¨¨*:•..•:*¨• EXCELLENT TRANSACTION, THANK YOU *:•..•:*¨¨*:•.•:*


هذي رسايلهم لي اللي شريت منهم

مثل ماقلتك يقيمك على سرعه دفعك , مايدرون ان احنا العرب نحب الدفع السريع

[darkitp]

ترى لازم ادفع قبل ما توصلي . فيه خدمة دفع بطيئة اساسا ؟ هههههه
عموما راسلته وقلت له يعطيني بوستف فيدباك .. و انطر ..

ترى بعض البياعين ما يبيعون إلا اللي عندهم فوق الـ 10 نقاط بوسفت .. و عندهم اغراض رخيصة !

[Karazhan]

وبدأ العمل



357401


65 جولد وان شاء الله يصيرون 650 الف و شوي شوي الى المليون

ماصرت بحياتي مليونير الا باللعبه هذي

المهم بقولكم نصيحه , نصيحه للأشرار

اذا تستعمل بوت لا تكتب اسم الشخصيه , امسح اسمها من فوق راس الشخصيه و فوق يسار بالزاويه واذا بالشات كلام امسحه , امسح كل المعالم اللي من خلالها توصل بليزرد لشخصيتك

هم الحين اكيد يقولون هذا كويتي اكيد بالسيرفرات الاوربيه و يقعدون يدوروني هناك المجانين و الحقيقه اني بالامريكي

هذا الهنتر بروحه بالاكاونت , لفلته عشان اشغل البوت عليه و يكون للتفريم فقط

كان عنده في مشوار تلفيله جولد جاوز ال7 الاف ولكن ارسلتهم بعد ماتعلمت الطيران 280% عشان يكون سريع للتفريم

ونصيحه ثانيه , اذا انت شرير و هدفك بوت انصحك تشغل البوت في اكاونت جديد مافيه الا شخصيه وحده , او تشغله على اكاونت بدون معلومات و انت ناقل الشخصيات منه

يعني اكاونت ماتتحسف عليه , ان طاحوا عليك و عطوك باند ماتتحسف وتقول ليش و تقعد تبجي

هذا الهنتر الحين مضبط البوت ان يرسل كل الماينق لشخصيه ثانيه بأكاونت ثاني , يعني الماينق اللي تشوفونه هذا راح يرسله لأكاونتي اللي فيه شخصياتي الرئيسيه واللي العب فيه كل يوم

ماراح يروح شي من الجولد , ومن الاكاونت الثاني اقعد ابيعهم و اقبض فلوسهم وهذا شغال 24 ساعه

موفقين يالاشرار , اتمنى لكم تفريم جميل بعيدا عن الفضوليين و بليزرد

[Karazhan]

اي تدفع قبل توصلك اكيد

لكن بالمزاد لما يكون صاحب السلعه مو حاط سعر معين و لما ينتهي الوقت ترسي على اخر شخص حط مبلغ

في ناس يحطون مبلغ وينسون السالفه , يجي بعدين يشوف رساله ان ربح المزاد ويكون اهو طاب خاطره منها فما يدفع او يكنسل او يماطل

لكن نفسي انا اجابل المزاد واشوف اخر دقيقه من الانتهاء لأني قبل كنت اسوم على اقلام واخر دقيقه يدخل واحد ابو الشباب ويفرق السومه وياخذها

اقلام بسعر التراب تنباع و اتحسف حدي عليهم

لو يرسي علي المزاد يقولولي ترى ربحت و يحطون القلم باللسته عندي , انا ماادفع واقعد اماطل لغايه ما اطلع روحه و بعدين اهو يراسلني يقولي يابن الحلاال ادفع ترى علقتني

في ناس جذي

لكن التقييم لما تربح شي و تدفع بسرعه , يروح اللي دافعله انت ويكتب رساله نفس اللي كتبتهم فوق ويشكرك لأن 100% مارين عليه ناس نشفوا دمه و انصدم فيك سريع


هذا المزاد و هني التقييم



اما تروح لشخص حاط سلعه و كاتب سعرها 100 دولار بدون مزاد يعني , ليش يعطيك تقييم وانت اصلا ماراح تاخذها الا لما تدفع اول شي

نفس امازون يعني تدفع وتستلم

بالحاله هذي مااظن راح يعطيك تقييم

فاهم او اشرحلك بالصور ؟ ترى عرفت سكريت شوت ابشرك

يوم وانساها

[Karazhan]

على فكره

ترى اللي في ايباي ناس تعطي تقييم ان شريت منه او بعت شي يقيمونك الناس ويكتبون الصج او العيوب ببضاعتك

واذا شريت اشكروك

انت يمكن مخك مبرمج عالمنتدى هني , نفسي يعني ادخل مواضيع و اطلع بدون شكر ولا تقييم

تشوف موضوع مليون مشاهده ومافي الا 2 شاكرينك , تعودت على هالشي وعلى بالك هناك جذي

لا هناك دام السالفه فيها فلوس في شكر وتقييم و الامريكان انا ملاحظهم فيهم خير والله

يعني اذا بضاعه فاشله يكتبون ترى فاشله ولحد يشتريها , يزعل البايع ويقولهم اعطيك مجانا بس فكوني من شركم

حتى باليوتيوب ادخل اشوف شغلات معينه شلون تعمل , اشوف افلام عن ناس شارينهم ومجربينهم ويعطونك الخلاصه , نفس لما تدخل تشوف جهاز تلفون unboxing ويقولك كل شي عنه

لكن البضايع لما اشوفهم , بالنهايه يقولك انصحك لا تشتريه

ناس عندهم ضمير


ملاحظه : اقصد الشعوب البسيطه مثل حالنا وليست اقصد الحكومات

[darkitp]

ايوا الحين فهمت ..
بالمختصر : الشرايين ما يهمون كثير .. المزايدين يهمون اكثر !

انا عندي شيء قاعد ازايد عليه الحين

http://www.ebay.com/itm/Blue-Microphones-Snowball-MultiPattern-USB-Microphone-w-Ringer-Shockmount-150-/400485924094
Blue Microphones Snowball Multi-Pattern USB Microphone
+
Ringer Shockmount

.. قيمته الاصلية 150 دولار .. انا ما كنت مركز كثير و كتبت 50 دولار ( على بالي راح يطلع 50 دولار كاملة )
لكن كتب لي 41 دولار .. فلو زاد شخص 45 .. فهو ما ياخذها , انا اخذها بدل منه لأني انا مزايد 50 ..

الحين وصل 45 .. خايف شخص يزيد اكثر و ياخذها مني
افكر ازيد 60 أو 70 دولار زيادة بحيث اضمن باني اخذها ..
لكن ما راح ازيد عن 70 .. قيمتها ما تستاهل هالقد ..

باقي يوم و نص على البضاعة
المشكلة ما يعطي تنبيه قبلها بساعة على انتهاء البضاعة ..
مثلا كنت مزايد على JABRA REVO STEREO WIRELESS BLUETOOTH HEADPHONES
http://www.ebay.com/itm/BRAND-NEW-JABRA-REVO-STEREO-WIRELESS-BLUETOOTH-HEADPHONES-/330919742935

و كنت موصل 190 دولار و انا متطمن اخذها!

قبلها بساعات و انا كنت نايم ( بعد صلاة الفجر)
اشوف واحد زاد 10 دولارات اكثر و اخذها !

تحسرت صراحة , قيمتها الاصلية 250 دولار !
و بالامارات تنباع بـ 1200 درهم يعني 94 دينار كويتي أو 325 دولار امريكي ( 75 دولار زيادة )
غالية كثير على عكس اللي تنباع بامازون

[Karazhan]

بخصوص الطريقه هذي

انت تحط المبلغ اللي تقدر عليه

يعني السلعه انت شايفها بالامارات ب1000 دولار

موجوده بالمزاد ب500 دولار كبدايه مساومه

سعرها اللي البائع يبيها ب900 دولار

كمثال يعني

انت بالحاله هذي تقول انا شاريها شاريها بالسعر هذا اللي حاطه البايع واللي اهو 900 دولار

تروح وتحط ال900 دولار , انت ماتشتريها بالسعر هذا ولكن انت تعطي ايباي صلاحيه انهم يساومون عنك لغايه ال900 دولار , لما احد يحط سعر فوق ال900 دولار ايباي ماراح يزيد اكثر , هذي مثل ماتقول ميزه انك مو ضروري تدخل كل يوم تشوف الوضع , تروح وتجي وقت انتهاء المده اللي حاطها للمزايده

تشوف ربحت او لأ

لكن

مو تكون اول شخص يحط سعر على سلعه محد تساوم عليها قبلهم او محدد سعر البايع وانت حطيته كامل و يمكن تقدر تشتريها بأقل

اول شي ان ماشفت احد حاط سعر على سلعه شوف تحت ايباي يقولك حط هالسعر اذا لك نيه تشتريها , يعني مثلا حاط سعرها اهو 10 دولار وكاتبين ايباي تحت حط 10 دولار عشان تكون الاول و بعد ان يتثبت سعرك تقدر تحط 1000 دولار بدون ماتشتريها بالسعر هذا وانما صلاحيه لهم انهم يساومون عليها بغيابك

[Karazhan]

في اقلام كثيره برخص التراب حصلتهم ولكن نفس ماحصل معاك , انام واقعد الساعه 5 الصبح اشوف واحد زاد عليه 10 دولار واخذها

مع ان طول الاسبوع انا اعلى سعر . لكن انت صير مثلهم , لا تساوم على شي الا بأخر نص ساعه من الانتهاء , هم كلهم جذي ينطرون اخر ساعه و يحطون اسعارهم وتنصدم بالنهايه على بالك محد يبيها غيرك

المشكله ماينتهي المزاد الا بوقت دايخ , دايم اكون نايم فيه


انت حط wish list كل شي و اخر ساعه من انتهاء المزايدات حط سعرك وشوف

[Karazhan]

بس سماعات ب200 دولار والله غاليه



انت شكلك ادمنت :)


لا يجيك مثل ما جاني , صرت اطلب منهم من ولاعه الى اغراض المطبخ

راح يجيني يوم اطلب اثاث وسيارات

الحمدلله اني فقير والله وله كنت انفقرت بسببهم

[darkitp]

السماعة غالية لأن فيها مواصفات حلوة و قوية على سعرها ..
أدخل هنا و شوف
http://www.jabra.com/products/bluetooth/jabra_revo_wireless/jabra_revo_wireless

بلوتوث 3.0 + توصيل بكيبل صوتي على حسب الرغبة ..
ربط هيد فون آخر لشخص ثاني يستمع معاك ..
تحكم لمس بالصوت و تغيير الملف الصوتي
بطارية 12 ساعات أستعمال
ربط بالجلاكسي NFC
و مناسب بالربط بالبلاي ستيشن او الكمبيوتر بنفس الوقت ..
و اقدر اربط جهازين بدل واحد عن طريق البلوتوث ..

^^^^^^^^^^^^^^^^^^^^

على مقارنة بـ Beat .. هذه شكلها افضل و مواصفاتها عالية ..

انا افكر اخذها لما توصل بسعر 180 دولار أو اقل .. أو الاقي شخص يبيعها جديدة بـأقل من 200 دولار
الجهاز اكيد غالي مو رخيص , لكن اعتبرها رخيص بالمقارنة مع الاجهزة الثانية .
حتى سوني عندها جهاز قوي و هذا قيمته 400 دولار , ما تستاهل !

هو ما يهم لو احصلها باي مكان , امازون او اي باي ..
ولو لقيتها بسعر اقل من 700 بالسوق عندنا اخذها .. بس 1200 اشوف مبالغة على السعر عندنا , خاصة ان ما عليها ضمان !

[Karazhan]

هذي طالبها لي اخوي من امازون

اهو طالب سماعه له حسب كلام الناس يمدحونها اللي شروها لكن اخوي يقول انها ممتازه لك الصوت مو قوي اذا احد يكلمك بصوت واطي

المهم الخلاصه قالي لا تطلبها اطلب غيرها و بحث بنفسه وقالي طلبتلك هذي

B0052BHIA2


واظن انها شغاله للالعاب وهالسوالف و الصوت HD

لكن مااظن تكون مثل السماعات الثانيه اللي يكونون للأذنين عشان يطلع الصوت ثلاثي الابعاد او مادري شنو يسمونه

لكن اشوفها رخيصه و كويسه

[darkitp]

ادخل هنا .. أفضل مبيعات امازون للبلوتوث (http://www.amazon.com/b/?_encoding=UTF8&camp=213733&creative=393193&linkCode=shr&tag=montada09-20&node=2407775011&pf_rd_m=ATVPDKIKX0DER&pf_rd_s=left-2&pf_rd_r=09REMFKNA8366DFHQGVW&pf_rd_t=101&pf_rd_p=1548837302&pf_rd_i=2335752011)

[Karazhan]

انا مو لي هناك بالالكترونيات , اخوي نفسك يحب هالسوالف و طلباته كلهم جذي , قطع كمبيوتر و اكسسوارات وسماعات و من هالنوع

انا مسوي نفسي مسكين و قطيت نغزات قلت ابي سماعه بلوتوث نفس مالتك حق الايباد واهو طلبلي يقولي هذي زيته وتشبك جهازين اذا تبي للايباد و الايفون



عموما لا تتهور وتطلب كل شي , اللي تبيه واللي ما تبيه

نص اغراضي اللي طالبهم والله ما استعملهم , امشي واطلب

حطلك ميزانيه شهريه للطلبات من هالمواقع واذا طار المبلغ انطر الشهر الجاي , انا حاط 100 دينار الحين للطلبات و بيني وبينك مرات ازيدهم عشان اشتري اكثر

ونصيحه قبل تشتري اي شي اسأل عندكم , ترى يمكن في شغلات اصليه وارخص , اغلب مواقع الانترنت اغراضهم صينيه

[Karazhan]

ابشركم

و ابشر كل المصبنه والعرابجه والمتشردين والمجرمين

انصكيت توقيف توني الحين

فلا حول ولا قوه الا بالله

توقيف على الهنتر اللي ماجمعلي الا 30 الف جولد بس , والله قهر

انطروا لما نوصل المليون , يعني لا بالحقيقه ولا باللعبه اصلح اكون مليونير ؟ شنو هذا

[Karazhan]

السلام عليكم

اليوم رحت مطعم اسمه بيتزا ان

يمكن محد فيكم سمع فيه

حدكم حدكم سمعتوا عن بيتزا ام ربع اللي يسويها راعي الفطائر اللي بالجمعيه

وله بيتزا ان شعرفكم فيها انتوا . هذي بيتزا الناس الراقيين مثلي و مثل التجار و الشيوخ والوزراء

انتوا عند ابو عبدو , ابو عبدو اللي طول اليوم قاعد ماكو شغل و مطفي الفرن مال الفطاير حتى وان صادف زبون قاله انطر نص ساعه على ما يحتر الفرن

وطبعا ماراح اقول ان طول وقت فراغه قاعد عالكرسي يشرب جاي و مصندح بالعالم و اصبعه بخشمه و ان طلبت حتى مايغسل ويسويلك العجينه و يفرك فيها بأصبعه اللي تقول برغي دلكتر ومتروس اللي خبركم

احنا الناس الراقين نروح مطاعم 5 نجوم بلا شك , من عمري وانا اروح مطاعم 5 نجوم , ماادري شلون تاكلون عن ابو عبدو , هذا اللي بفرع الجمعيه , انتوا اكيد عندكم نفس ابو عبدو

ما الومكم بصراحه , ناس ماتعرفون الانتيكيت ولا حتى شنو معنى 5 نجوم على بالكم اتكلم عن ضابط شرطه

لا , ال5 نجوم تصنيف المطعم العالمي , كل ماحصل نجمه ارتفع تصنيفه وصار كشخه , كشخه مثلي يعني و مثل ابناء الطبقات المخمليه الراقيه , مو الطبقات الكادحه

فمن هذا المنطلق و وضعي الاجتماعي الراقي المخملي لا يسمحلي اني اروح حق ابو عبدو ومن هم على شاكلته , احنا نروح مطاعم كشخه عليها القيمه , مطاعم يطبخ فيها شيف عالمي

نظيف و مرتب و كوول , للناس اللي مثلي

ماعلينا , دع الخلق للخالق

المهم هذا المطعم اللي يمكن بس تسمعون فيه او تشوفونه بالصور والافلام و تتمنون انكم تاكلون فيه , اليوم تغديت عندهم

طبعا هذا مطعم بيتزا , لو اقولكم عن المطاعم الثانيه اللي رحت لها شنو تسوون , يمكن تبجون من القهر , وعشان جذي ماراح اقولكم اني رحت مطعم ابل بيز , يمكن على بالكم ايفون جديد , لا اسمه ابل بيز المطعم

و مطعم فرايديز و مطعم دراجون الصيني و مطعم تشيلي , يعني عده مطاعم راقيه ماودي اقولكم عشان ما تقومون بأي عمل متهور للذهاب اليهم بالعافيه , اعرف واحد من كثر ما انه مات قهر اضطر انه يسرق عشان يقدر يروح ياكل بالمطعم وجبه

الحين يتغدا و يتعشى و يتريق عدس لأنه بالسجن , ضيع عمره عشان وجبه في مطعم راقي

فأنا ماودي اقول اكثر عشان مايكون السجن نهايتكم و تكون السالفه بسببي

انا ودي اقولكم جربوا الشريحه المشويه من صدر البط في مطعم دراجون الصيني , لكن المشكله اني لو قلت ماراح تجربونها لأنكم ماتقدرون عليها

انتوا حدكم بطاط وفلافل وطحينه و تترسها سلطه و شطه عشان تشبع

جباتي مع كيمه و بطاط , عجبه او شكشوكه , انتوا متعودين على جذي و بطنكم متعود على جذي , صمونه فول , صمونه طعميه , شنو بعد

واللي يكشخ فيكم ياكل شورما

حتى ان لو احد فيكم اكل في مطعم راقي يعوره بطنه , اي مسكين مو متعود على هالنوع من الاكل و النكهات الاستوائيه , الغربيه والشرقيه

انتوا حدكم نكهه بومبي , مطعم هندي ويخب عليكم

واتوقع ان حتى لو تسرقون بنك وتاخذون منه 100 دينار و تروحون المطعم ماراح يدخلونكم , ليش ؟

لأن عيال الطبقه المخمليه مثلي معروفين , من شكله تعرفه , قلم كارتير , عطر تومي , ايفون في ايد , ايباد ميني في ايد ثانيه , دشداشه جديده , مسباح , بوك كليفن , يعني مواصفات خاصه تعرف ان اللي امامك انسان مخملي اما ولد تاجر معروف او وزير او عضو

انتوا لو تروحون مايدخلونكم ليش ؟ الشكل يكفي , عربجي او مصبنجي شعر كشه والغتره على الكتف و قلم رصاص او بك والعطر زقاير او شيشه , بدون بوك و رابط فلوسه بسير نباطه , نعال مقطعه و مسحوكه

يعني من الشكل ينعرف الشخص فما يرضون يدخل ويقولوله روح اخر الشارع في مطعم هندي هناك , روح اكل هناك ولا عاد نشوفك مار بالشارع هذا بعد


الواحد ما وده يتكلم ويقول , خلها على الله يارجل

المهم

اليوم رحت اتغدى في مطعم بيزا اسمه بيتزا ان

ودي اقول انصحكم فيه لكن شلون ؟ محد يقدر يروح فيكم , مصروفه الاسبوعي دينار وين يقدر يروح مطاعم كشخه

المهم ان صار العيد و جمعت فلوس او لقيت جنطه فيها فلوس او عملت سطو مسلح على بنك و صارت عندك فلوس انصحك تروح للمطعم وتطلب جوانح دجاج حار , مو صلصه البركبيو مالت الشواء , لا قوله ابي الصلصه الحاره مالتكم

شي مو طبيعي

والسلام عليكم ورحمه الله وبركاته

[Karazhan]

دوديت انتي قدمتي استقاله من دوامج ؟

او ماخذه اجازه طويله ؟


ابي boost ياجماعه

بلاك تمبل و ناكسراماس

بلاك تمبل الى ايليدن عشان Bulwark of Azzinoth (http://www.wowhead.com/item=32375) واذا طاحوا السيوف هم ابيهم لحد يحسدني ويصير نينجا

ناكس الى اول بوس في قسم كونستركت والبوس اسمه باتشورك البطه اللي يتمشى رايح راد بالممر

لازم هالبوس نكون 25 مو 10 لأني ابي Hero's Surrender (http://www.wowhead.com/item=40266) وهذي ماتطيح الا من ال25



الحين مو لازم نكون بسيرفر واحد

نضيف بعض بالباتل نت و نسوي قروب ونروح كل مكان

واذا لكم خاطر نروح اماكن و رايدات ثانيه مو مشكله , ان كانت لفل 60 او 70 او 80 او 85

انا هدفي الحين تجميع الجير القديم و الاسلحه , و ناقصني شيلد محترم من ناحيه الشكل والنوع والتطبيق

احد مهتم ؟

ردوا ؟

المندوب يناديكم

[QTR .SOUL]

يا كثر ما تهذر اعقل يا فلان

[Karazhan]

لو تحسبها تشوف كل يوم مشاركه وبالكثير مشاركتين

انا اكتب لأن ادري في ناس مثلك بس تطالع بدون تشارك , يمكن عل وعسى واحد يرق قلبه ويقولي اروح معاك

[darkitp]

انت لما ذكرت بيتزا ان , بنفس اليوم واحد عزمني عليه ..
شكل كلامك كله طلاسم و تعاويذ .. ساحر انت مو بشر !

[Karazhan]

بركات الملك

لو مو خوفي تصير فتنه كان قلتلك شنو راح تتغدى و تتعشى باجر

وشنو تفكر الحين و شنو تسوي

انت على بالك انا مندوب تخليص معاملات ؟ انا مندوب الملك

يقرا المستقل وهو بالارحام , يكشف المكتوم ويخفي المعلوم رفيجي ولد بطنها اللي عروقه بالماي


اطلب منهم جوانح بالصلصه الحاره , بدون عظم ويجي معها علبه صغيره مثل المايونيز

اخذ الجوانح ك ولد راقي تاكل بمطاعم كشخه و طبقه مخمليه , و لما تطلع من المطعم وتركب السياره خل الطبقه المخمليه بالدبه و الكشخه والسوالف هذي و مر خباز ايراني

اخذ خبزه حاره توها طالعه من التنور و روح بيتكم بسرعه , افتح الخبزه و صب المايونيز مال الجوانح و امسح الخبزه و حط الجوانح ورى بعض بخط مستقيم بالخبزه و لفها واكل

وادعيلي

نفس حركات المصبه يعني الاكله تخليها اكلتين , يعني تشتري مثلا بطاط وفلافل بسندويشه , مثل ماهو معروف يعني

تروح بيتكم و تشوف اذا في صمون من المخبز واذا مافي طلع خبزه من الفريز و حررها و روح للسندويشه مالت المشكل , شنو فيها ؟

بطاط وفلافل عدل

بالضبط فيها قطعتين بطاط و فلافله وحده واذا طيب المطعم حط 2 او انت قوله حط 2 بالصمونه

لما تروح بيتكم وبعد ما تحرر خبزه افتح الصمونه و طلع بطاطه و فلافله وحطهم بالخبزه

شنو يصير عندك ؟

صمونتين بطاط وفلافل

نفس رفيجي ولد بطنها يوم شرى 2 بيج ماك و فصلهم عن بعض و طلع 4 همبجررات و 6 خبزات , يعني من 2 بيج ماك طلع 4 صمونات برجر

كل المصبنه يسوون جذي خصوصا اللي حالتهم كسيفه


يلا روح اخذ جوانح و سو الطريقه وقولي رايك

[Dudette]

شميت ريحة اكل فييت

السلام عليكم ورحمة الله وبركاته

شخباركم شعلومكم ، وناسة وناسة خلصــ......

اوبس سوري نسيت نحن في منتدى مب في كيييك

المهم من يوم السبت وانا في المستشفى مع الوالده والحمدلله امس العصر طلعنا والحمدلله هي بخير :)

انت تتكلم عن المطاعم بو شنب لو تحب بيتزا الصراحه في رايي انا احلى بيتزا (بابا جونز ) وعنده اصابع الجبنه والاحلى خبز بالثوم يجنن لازم لازم تجربونه وحتى انت سيد دارك تيب

والمطاعم هممممم تشيز كيك فاكتوري حلو ومطعم بي اف جينج بعد حلو لولا يطوفك الداينمايت شريم (روبيان ) مقبلات عجيب يم يم

ومطعم صمد العراقي بعد حلو حق غدا بس عشا احسه ثقيل وايد عاد هذا حسب اذا انت اكيييل يعني عادي سير تعشا زين حقك

ومطعم قرطبة حلو بعد بس مشكلته في شيشه والقعده الداخلية للعوائل وبدون شيشه بس لازم تمر علة الشيشه عشان تدخل المكان الثاني

ومطعم قيصر بعد حلو هندي

ومطعم بحري الاحلى مطعم بحر الامارات عجيب يسويلك محار بالصلصة البيضه عجيبه لازم تجربونها ، وام الروبيان بالصلصة البيضه بعد ما راح تندم عليها وشوربة البحرية الصفرا بعد ما يحتاج اتكلم عنها

ولو تحب الجشيد (ولد الولد) نصيحه مطعم وادي النيل في ام القيوين وصالونه حبار بعد حلوه ، وفي مطعم سي وارلد سي فود حلو اكله بس يكون قليل يعني انت تشتري الروبيان كيلو او كيلويين ويوم يتنظف يختفي بس شوفه ههههههه واحلف عليه والطعم حلو


هي تذكرت وفندق جميرا بيتج البوفيه مالهم حلو يوم الجمعه او الخميس يكون مكس انترناشينال (عالمي) يعني من كل الانواع واكلهم حلو وهو بوفيه فتاكل كثر ما تبي وحلويات منوعه بعد

هههمممممم وفي مطاعم بس ما اتذكر اسمها يسوون سوشي عجيب

وهذا كل شي

[Dudette]

نفس رفيجي ولد بطنها يوم شرى 2 بيج ماك و فصلهم عن بعض و طلع 4 همبجررات و 6 خبزات , يعني من 2 بيج ماك طلع 4 صمونات برجر



من 2 بيج ماك يطلع 3 صمونات ويكون برجر زياده بدون خبز لان كل سندويشه فيها 3 خبزات واضرب 3 ضرب 2 يساوي 6 وكل سندويشه خبزتين يعني 3 وعندك في كل بورجر 2 لحم يعني 2 ضرب 2 يساوي 4

وعندك 6 خبزات بياخذون 3 برجر والناتج برجر زياده ان شاء الله فهمت الدرس

[Karazhan]

السلام عليكم

صبحكم الله بالخير جميعا

حبيت اعطيكم خبر ان في مسابقه اجمل بروفايل , نصكم يمكن يدري و نص مايدري او كلكم ماتدرون او كلكم تدرون

المهم ان في مسابقه اجمل بروفايل , 10 رابحين

الجوائز العاب و قسائم مشتريات و في عضويه ذهبيه و نقاط , روحوا للموضوع الرسمي وشوفوا الجوائز احسن , يمكن اقول سحوبات على سيارات و ابشل الرجال

المهم الموضوع رابط الموضوع الرسمي

http://www.montada.com/showthread.php?t=767890


اذا تبي تصور ملفك الطريقه سهله , اخذ كمبيوترك وروح حولي عند محلات الكمبيوتر هناك و شوفلك محل زين و قوله ابي تحط سكرين شوت بدقمه عشان بسرعه اصور

يقولك اي حرف تبيها ؟ قوله ابيها نفس ولد بطنها التقليد مندوب ولد بطنها الاصلي اللي عروقه بالماي , حرف f14 و لما تحطها ادخل النت لما ترد بيتكم و امش و صور , كل شي صوره

المهم صور ملفك نفس ما الشباب مسوين بالموضوع الرسمي و صور و حط ويمكن تفوز



و بالتوفيق

انا مسكين ويتيم وفوق هذا فقير

يعني 3 في 1 , حتى صرت احسن من الشامبو اللي 2 في 1

يقول تبارك وتعالى "واما اليتيم فلا تقهر"

مو قصدي شي

المهم انتوا اذا حابين تشاركون شاركوا لأن المسابقه مفتوحه للكل , يمكن فيكم اصحاب مواهب , شاركوا واذا فزتوا وماتبون الجائزه قولوا نبي نتنازل عنها لكزران وبس

بالتوفيق يا اتباع الملك

[Karazhan]

طلعنا نكتب بنفس الوقت

مطعم بابا جونز حلو لكن ما جازلي , اللي معاي يقولون احسن بيتزا لكن انا اشوف المطعم بالمقبلات

قلي المقبلات اقولك من انت

بابا جونز لما طلبت جوانح جابهم لي كأنهم جوانح بط , مااكلتهم لأن حجمهم يخرع و مو مطبوخين ول دن , جوانح بيتزا احلا صغار و سبايسكي و اقوله دايم خلهم welldone

اما باقي المطاعم اللي ذكرتيهم ماعندنا مثلهم , بس في نفس الطرق يعني وجربتهم , انا بحري احب كل مافي البحر , ان شاء الله حوريه البحر حتى , لو اصيدها اسويها مطبق حوريه

بخصوص البيج ماك و 4 صمونات , انا كتبت موضوع مادري وين اظن بالترفيهي او بقسم هناك و فصلت بالموضوع هذا , لكن هني كتبت بسرعه , صحيح ان راح يزيد بجرر لكن بالتفصيل كتبت ان معاه توست او صمون همبجرر ابو سمسم و مايونيز و كتشب

يعني ذكرت التفاصيل بس هني بشكل سريع

و ماتشوف شر امج و حمدلله على سلامتها , اجر وعافيه

قوليلها فهد يسلم عليج , اللي يلعب ووركرافت المندوب مال ولد بطنها اللي عروقه بالماي

اي اهو اللي بالزبيدي

راح تذكرني

سلمي عليها وقوليلها يقولج ماتشوفين شر و اجر وعافيه

[Karazhan]

ياشباب الباتش الجديد نزل عندنا بالامريكي واليوم توني حملته بالاوربي

باتل جراند جديد

ارينا جديده

التلفيل من 85 الى 90 صار اقل ب33%

مو متأكد لكن كأن في رايد جديد بعد

في دنجن جديد واللوت تغير

صار البوسات يقطون ليزر مدري شنو اللي يكون اقل من اللي اكبر منها واللي بالرايد تخليك تسوي بونص رول

انا مااعرف انجليزي وله كان ترجمت كل شي لكن اللي فوق عرفته لأن سهل

اللي يعرف انجليزي و شاطر بالمدرسه ويحب يقرأ يدخل هني

http://us.battle.net/wow/en/game/patch-notes/5-3-0 (http://us.battle.net/wow/en/game/patch-notes/5-3-0)


هذا الدنجن الجديد

Battle of the High Seas
Blood in the Snow
Dark Heart of Pandaria
The Secrets of Ragefire
Crypt of Forgotten Kings
A Brewing Storm

اللي نفس المهمات


وهذا التلفيل

Experience needed to increase from level 85 to level 90 has been reduced by 33%.

واذا ضايق خلقك بدنجن او رايد ناطر تانك او هيلر بليزرد حلت المشكله , بدل ماتقزرها تصجيم قزرها

Pet Battle Duels are now available in all dungeons and raids. Enjoy!

الرول

Bonus Roll

Protection for bad luck streaks have been added to bonus rolls. Each bonus roll that does not provide loot has a progressively better chance to award loot to the player.
Reduced the number of Lesser Charms of Good Fortune needed for the Mogu Runes of Fate weekly quest to 50, down from 90.

والكثير راح تحصلونه بالرابط

كل شخص يشوف شخصيته واذا مايعرف انجليزي يروح جوجل ترانز ام يترجم

[Karazhan]

رجعوا

The Voidbinders are back in capital cities and shrines.



هذا اللي يطور الجير اللي اضافوه باتش 5.1 و شالوه في باتش 5.2

اي اهو اللي خلتني دوديت ادق درب للكهف ادوره هناك و انذبحت 70 مره عشان اوصل للكهف وبالاخير مو موجود

المهم انهم رجعوه الحين وتقدر تطور الجير ان كان pvp او pve و الجير تطوره حسب المخصص له , يعني جير الpvp تطوره بالانرات والثاني بالفالور

انا ليش افتي بالانجليزي وانا مااعرف انجليزي ؟

دش شوف

http://us.battle.net/wow/en/blog/9241762/

[darkitp]

Dudette
ما شاء الله صرتي مرشدة سياحية ياختي !

ليش ما تسوين مقالات عن المطاعم الموجودة في دبي و الامارات في قسم السياحة .. على الاقل تعرفين على الناس المطاعم المشهورة ..
راح تفيد الحركة السياحية , المفروض تطلبين عربون منهم على كل دعاية " كوبون غداء و عشاء لمدة شهر " :09:

انا لما اروح دبي , القط نفسي في فاستيفل سيتي سنتر او دبي مول

فاستيفل سيتي الطابق اللي فوق بالاخير فيه كل المطاعم اللي ما تطلع المخ ..
اما دبي مول مب هالكثر , عجبني اسم مطعم الفلافل اللي هناك , بس ما قد جربته .. Just Falafel
اروح لـ Charley's احلى شيء عندهم الصمون الكبير و اللي ابغيه يحطونه فيه ..

لي فترة ما رحت دبي إلا اخر مرة بمعرض الكوميكون دبي .. رحت تغديت فيها بغالي ( 240 درهم ) لشخصين
انا جربت T.G.I Friday's و مطعم ايطالي للبيتزا نسيت اسمه اتوقع كان Joes او newyork's
اما المطاعم الثانية ما جربتهم للحين ..لأن ما بقى لي شيء في ذاك اليوم فتعشيت على خبز براتا و كيما بمطعم هندي جريب من نادي الوصل ب 20 ريال و هذا احلى من المطاعم الراهية ..

يبي لي اجرب المطعم اللي ذكرتيه ... اسمه P.F Chang's ؟ وينه هذا بالضبط ؟
بالنسبة لقرطبة اذكر انه تسكر كم مرة من بلدية الشارقة .. حتى الآهل ما عادو يروحون له من سنوات

[Karazhan]

Dudette
ما شاء الله صرتي مرشدة سياحية ياختي !

ليش ما تسوين مقالات عن المطاعم الموجودة في دبي و الامارات في قسم السياحة .. على الاقل تعرفين على الناس المطاعم المشهورة ..
راح تفيد الحركة السياحية , المفروض تطلبين عربون منهم على كل دعاية " كوبون غداء و عشاء لمدة شهر " :09:

انا لما اروح دبي , القط نفسي في فاستيفل سيتي سنتر او دبي مول

فاستيفل سيتي الطابق اللي فوق بالاخير فيه كل المطاعم اللي ما تطلع المخ ..
اما دبي مول مب هالكثر , عجبني اسم مطعم الفلافل اللي هناك , بس ما قد جربته .. Just Falafel
اروح لـ Charley's احلى شيء عندهم الصمون الكبير و اللي ابغيه يحطونه فيه ..

لي فترة ما رحت دبي إلا اخر مرة بمعرض الكوميكون دبي .. رحت تغديت فيها بغالي ( 240 درهم ) لشخصين
انا جربت T.G.I Friday's و مطعم ايطالي للبيتزا نسيت اسمه اتوقع كان Joes او newyork's
اما المطاعم الثانية ما جربتهم للحين ..لأن ما بقى لي شيء في ذاك اليوم فتعشيت على خبز براتا و كيما بمطعم هندي جريب من نادي الوصل ب 20 ريال و هذا احلى من المطاعم الراهية ..

يبي لي اجرب المطعم اللي ذكرتيه ... اسمه P.F Chang's ؟ وينه هذا بالضبط ؟
بالنسبة لقرطبة اذكر انه تسكر كم مرة من بلدية الشارقة .. حتى الآهل ما عادو يروحون له من سنوات

كل واحد لازم يحن للماضي

ايام لما كان فقير , لكن ولله الحمد انا من صرت من الطبقه المخمليه و راقي و كوول و كشخه راعي ايفون 5 و ايباد ميني فور جي و قلم كارتير و عطورات يالله من فضلك تبرأت من هالمطاعم و طلقتهم بال3

لا يمكن ارجع للماضي التعيس , الماضي اللي ما عرفت الابتسامه فيه و حياتي كلها احلام وتخيلات

روحوا قسم الطبخ وافتحوا موضوع مناقشات هناك يكون افضل , ومنها يتحرك القسم والناس تدخل على طول , هني لو تكتوب محد درى عنكم الا اللي يمرون عالقهوه بشكل يومي , روووووحوا قسم الطبخ

انتوا شنو ؟ ماكو قلب

[Karazhan]

دوديت ان رحتي صوري المطعم من برع , مو انتوا تقولون برع بعد او بس البحرينيين

المهم صوري واجهه المطعم و لما تدخلين صوري المطعم من داخل "يعني وين تصور بالله"

وصوري الطاوله و المنيو و لما تطلبين اكتبي اسم الطلبات اللي طلبوتهم و لما يجهزون وقبل الاكل صوريهم وبعدين اكلوا مطرح مايسري يمري

ولما تشبعين قولي رأيج باللي اكلتيه

وبهذا الشكل سويتي تقرير عن المطعم و حطيه بقسم الاسره فوق و داخل قسم الاسره تحصلين قسم طبخ , حطي الموضوع فيه

دارك لما تروح تاكل جباتي و كيمه وانا كنت احسبك مليونير طلعت فقير مثلي المهم صور الجباتي والكيمه و حط تقرير بعد

بس مو بأسمك هذا , سو عضويه لفل 1 و خلها تحط التقرير عشان الناس ما يعرفون انك راعي جباتي و كيمه , يمكن مثلي على بالهم مليونير عندك فراري

[darkitp]

قسم الطبخ للطبخ , بس هذه مناقشات عن المطاعم

لو تبي طبخ .. من قبل ساعة سويت لي سمك فيليه كنتاكي ..

جبت طحين باب اول , و حطيت فيه بزار و خلطة خاصة من البهارات
و جبت سمك فيليه 500 جرام و قطعته 4 قطع , و مزجته بالطحين المبهر ..
و قليته .. طلع روعة .. ما تتخيل المذاق !

بكتب عنه ان شاء الله , بس يبغي لي اصور و عفسة و حالتي حالة لما اطبخ ..
فلازم اضبط اموري قبل الطبخ علشان اكتب الموضوع بالصور و طريقة التحضير ..

[Dudette]

بي اف شينج موجود في امارات مول ومردف ستي سنتر


357517357516

وهالمطعم حلو بعد
357519357518

لازم تجربونه المطعم الثاني بعد ولو ما تعرف شو تطلب ومب واثقين افا عليكم انا بختارلكم :wink2:

وعن موضوع السياحه والله فكره حلوه وان شاء الله بسوي موضوع والكل يشاركنا :)

[Karazhan]

انا اقترحت عمل موضوع في قسم الطبخ عن المطاعم

يعني يروح العضو اي مطعم بقصد الاكل مو التصوير و لكن يستغل الوضع ويصور مثل ماتقول تقرير عن المطعم و بالنهايه يعطي تقييمه للمطعم وهل ينصح فيه او لأ

قسم المطبخ مو للطبخ بس , حق كل شي يتعلق بالطعام , تشارك وتكتب موضوع نفس المواضيع اللي كاتبينهم الاعضاء لما الواحد فيهم يطبخ

قسم للمطاعم وكلمت الاخت بلو عنه واللي نفس ماذكرت فوق تجارب الاعضاء مع المطاعم وتقييماتهم له

و قسم مناقشات عن تعليم مثلا اذا واحد يبي يعرف شي معين بطبخه معينه او انواع البهارات وهالسوالف

لما تطبخ لا تحط هني , روح المطبخ فوق وماعليك راح يشوفون الناس

نفس دوديت شلون مصوره المطعم من بره و تدخل تصور من داخل وتصور المنيو والاكل واخر شي تقول المطعم اقيمه ب3 نجوم من اصل 5 يعني

المذاق *****

النظافه *

الخدمه ***

يلا دقوا سلف و افتروا عالمطاعم

لحد يجي الا لما يكون رايح 10 مطاعم اقل شي

[Karazhan]

ياجماعه يمكن انتوا مو ملاحظين

ترى الريسايلنس شالوه من اللعبه , الحين ماكو ريسايلنس نفس ايام لفل 60 وبدايه 70

يعني الدمج راح تستمتع فيه ان ماحطوا بليزرد شي يقلله بدل الريسايلنس

الف الف الف مبروك الف مبروك

مطلوب بوست


تعديل ... الريسايلنس مع كل شخصيه الحين بدون مايكون بالجير

كل الشخصيات عندهم الريسايلنس 65%

ماادري شلون راح يكون الدمج بالpvp لكن بالقريب العاجل راح نعرف

[darkitp]

أقول جربت العاب ثانية غير WoW ?
واحد مسوي دعاية للعبة اسمها اللودز .. شكله يبي الناس تلعبها غصب !
ما ادري لو جربته او جربت شيء ثاني ..
انا اخر شيء جربته كان League of Legends .. بعد دقائق من اللعبة شردت
حسيت اني لو اندمجت مع اللعبة بصير مدمن و ما بطلع من متاهة كبيرة

[Karazhan]

جربت لكن ما استمر معاهم

ووركرافت ما خلت شي لأحد من ناحيه الحركه و سلاستها و السهوله بالوظائف داخل اللعبه و تعرف كل شي بسرعه

مو نفس الالعاب الثانيه معقده و مو واضحه

لودر ماجربتها بس لول اشوف ناس يلعبونها من شباب القسم هني و نصهم يقول فاشله والنص يقول حلوه

انا بعد خلصت ماقمت اهتم للألعاب و ووركرافت ادش و اشغل البوت للتلفيل وان وصل 90 عملت اكاونت ثاني و لفلت فيه شخصيه و عشان يكون لجمع الجولد بس

قليل ادش العب بنفسي

تعال ووركرافت خلنا نضبطك يمكن ترضى علينا و تعطينا وسام

صج ليش ماتجربها ؟ "ووركرافت"

[darkitp]

^
ما فهمت من جمع الجولد .. شو تستفيد منها بالضبط ؟
تجارة حقيقية يعني ؟ فيها مكسب مادي ؟

[Karazhan]

اهو في ربح لكن الحين انتشر البوت والكل صار يعرفه , بيني وبينك الجولد الحين صار بسرعه تجمعه من الكويستات و الدنجن

يعطونك جولد يكفيك انك تتعلم المونت السريع ابو 5000 جولد و يكفيك تسوي انجانت للجير , يعني تقويه

يكفيك تشتري جواهر عشان تحطهم بالجير و تقويه بعد

لغايه هني الجولد اللي تاخذه من اللعبه يكفي , اما اذا تبي امور ثانيه مثل مونت معين يباع بالمزاد ويكون سعره 100 الف وفوق , هني تحتاج تشتري جولد او بوت

قبل ايام لفل 70 كان الجولد تجاره رابحه , كان البوت مايعرفه الا مجرمين اوربا لأن اصل البوت الماني و الصينيين , الصينيين هم اهل تجاره الجولد , الاوربيين اللي يعرفون البوت ايضا يبيعون جولد لكن للصينيين و احنا نشتري من الصينيين

يعني المواقع المشهوره اللي تبيع جولد كل الناس او العرب بشكل خاص يثقون فيها واللي تكون صينيه , هالمواقع واخص بالذكر اوف جيمز ماتلحق تبيع جولد للناس كلهم , تبي تمويل بعد , شنو تسوي ؟

يحطون بموقعهم رابط يشترون الجولد ويحددون السعر , يعني يقولون نشتري الجولد مثلا ب5 دولار لل1000 جولد و هم يبيعونه للناس ب15 دولار

اللي يبيع و اوف جيمز ربحانين , بدل يشغل البوت ويجمع جولد بدون يستفيد منه شي وبالنهايه يمكن يصكونه باند ويروح كل شي

ناس احترفوا هالشغله وصار تجاره بالنسبه لهم , في ناس بموقع البوت اشوفهم يقولون عندنا 15 اشتراك بالبوت , و شاري 15 جهاز كمبيوتر ومشغل عليهم البوت , هذا استغل البوت صح

كان ال1000 جولد ب12 دينار , يعني كم درهم ؟ 150 درهم يمكن

تخيل انت لما بأسبوع واحد يطلع 100 الف جولد و يبيعهم اما انه يضبط ناس تشتري منه او يوصي ناس يسووله دعايه عند لاعبين اللعبه او اعلان في منتدى , غير انه يبيع للمواقع مثل اوف جيمز

طبعا كلهم يسوون اكاونتات حق تجميع الجولد و يسوون اكاونت واحد فيه شخصيه لفل 1 بس ومايشغلون عليه البوت نهائيا , وهالاكاونت يتم ارسال جميع الجولد له , لأنه البوت فيه ميزه ان اذا انترسوا الجناط عنده وطبعا مو اي جنطه يشتري

ياخذ الجنطه او 36 خانه او اكبر حجم يحصله للmining ولما ينترسون يروح البوت من نفسه للبريد ويرسلهم حق الشخصيه اللي مسويها بأكاونت نظيف و هناك يبيع الماينق وياخذ الجولد

كان الجولد ربح وانا لو ملحق عالبوت من زمان كان سويتها لأن عندنا وقتها الناس تدور جولد دواره

المهم الحين الجولد ماله لزمه لأن كل شي حطته بليزرد , قبل صعبه تشوف واحد لابس جير بنفسجي واللي عنده فلوس يروح المزاد باللعبه ويشتري جير بنفسجي بالشي الفلاني , الحين كل الرايدات مفتوحه و الباتل جراند يعطيك جير بنفسجي

قبل كان جير الباتل جراند ازرق

هذا بأختصار الجولد قديما وحديثا , وانا ليش اجمع جولد ؟

احترفت الشغله , مثل ماتقول صارت عاده فيني اشغل البوت

وقلتها قبل للشباب , اللي عاجبته اللعبه ويحب يلعبها لا يفكر يستخدم بوت لأن ان استخدم البوت خلاص راح يصير مدمن وماراح يلعب اللعبه , بس يقعد ويطالع البوت واهو يلعب

الصينيين دايم الاوائل والله , ناس تطقها صح من البدايه و لما يحلبون فلوسنا نكتشف الوضع

حتى ان قبل كنت افكر ان الباور لفل من اوف جيمز يسويه لاعب منهم , وقلت مو معقوله 10 الاف طلب باور لفل يسوونه اوف جيمز , كم لاعب عندهم هاد بيته وشغله ويلعب

طلعوا يستخدمون البوت بكل شي و اذا سألتهم قالولك لا احنا ماعندنا هالسوالف , والشباب هني يعطونهم اكاونتاتهم , وان قلتلهم عطوني الفل لكم مجانا قالوا لا انت حرامي تسرق اكاونتنا او ناخذ باند بسببك عشان ملفل بالبوت

صخله الفريج ماتحب الا التيس الغريب






هذا بأختصار شديد البوت

كل هذا واختصار بعد , احمدربك مختصر وله كان مايردوني الا 10 صفحات , اقولك شلون بدأت وشلون تجرأت وشريت

يلا انحاش

[darkitp]

يعني الزبدة انك تبيع الجولد
و كل 1000 جولد يعطيك 12 دينار
و تقدر تجمع بالاسبوع 100 الف جولد , و هذا يعني يعطيك 1200 دينار بالاسبوع ؟
شغلة حلوة !

احس ان الشغل مضبوط .. بس مشكلتكم مع الباندات و المنع ..
وليش بليزرد تقطع ارزاق الناس ! مسخرة !

المهم بعد النظر فيها اشوف انها احتمال 50/50 تنجح او تفشل ..
يعني مالي بهالشغلات ..

[Karazhan]

اي بس هذا قبل لما احنا كنا نشتري الجولد

لكن من عرفنا البوت و بدأنا بالمجال هذا صار الجولد سعر التراب ومحد يشتري لأن احنا فضيحه

لما نشوف البوت 100% للجولد ننشر الخبر والكل يروح ينزل البوت ويشترك ويشتغل , عكس الصينيين لو تذبح امه و ابوه جدامه مايقولك شلون يطلع جولد وبالنهايه تكتشف انه بالبوت

بس الباند مو بسرعه , يعني تاخذ وقتك وتطلع 100 الف جولد وبعدين يحوشك باند , هذا اسوأ الاحتمالات اذا كنت مشغل البوت في مكان واحد و 24 ساعه و شافوك ناس يعرفون البوت , في ناس تستعمل البوت ولما يشوفون غيرهم يستعملون البوت ويعرفون انه اللي جدامهم بوت يبلغون عنه

عشان يصفاله الجو و يجمع ماينق على راحته

قبل كان قليل اللي يستعملون البوت و محد يصيدهم من الناس لأن اغلب التوقيفات تجي من بلاغات الناس عليك , وله بليزرد مايدرون عنك الا لما يبلغ عنك شخص , تصير العين عليك ويدخل جيم ماستر يشوفك هل فعلا بوت او لأ

البوت واضح يمشي بخطوط معينه , يعني انا الحين لو اشوف شخص جدامي اعرف اذا كان بوت او لأ , لأني اعرف شلون يتحرك وشنو يسوي اذا تعلق في مكان وماقدر يتحرك او قاعد يجمع مايننق , الجيم ماستر يعرف بعد مثلي و يشوف الستيتيوس مالك مال اللاعب ويشوف تحركاته وشنو مسوي يعرف انه بوت

والبوت انشهر الحين , تدخل باتل جراند 40 لاعب تشوف 25 لاعب بوت , تروح مدينه تشوف عشان تجمع مايننق بنفسك تشوف 40 بوت , تروح تلفل تشوف 100 بوت , من كثرهم الناس اعرفوا يميزون بين اللاعب العادي والبوت وتصير بلاغات وتنصك باند

ان صكوك باند حط في بالك ان الناس تراقبك من 3 ايام , مو على طول باند

لما تصير شرير تصنيف عالي مثلي و مثل الملك راح تعرف شلون ما تنصك باند , بس انا خبل مجنون غلطت غلطه وحده كلفتني اكاونتي الجديد اللي جمعلي 30 الف بس خلال 4 ايام , لأني رحت مدينه متروسه ناس و طمعت بيني وبينك شفت المايننق مليان المكان

قص علي الشيطان وقالي خلك هني شوف الصخر شكثره يناديك , جان اقعد , و 4 ايام جان انصك باند نهائي

الحين قاعد الفل شخصيه جديده واصل لفل 24


وماراح اطيع الشيطان هالمره لو كل المايننق اللي باللعبه ينادني

[Karazhan]

البوت مو بس جولد

قبل كان عندنا بالكويت تبيع الاكاونت اذا في شخصيه وحده بس ب60 الى 80 دينار حسب الجير وكان قليل تشوف اكاونت فيه اكثر من شخصيه لفل 70 واذا حصلت شخصيتين تبيعهم ب120 دينار والجير عادي مال pvp او كوكتيل من الرايدات

كانوا يلفلون بالبوت وتقريبا يحتاج 3 اسابيع لأن وقتها التلفيل كان بالغصب و بعد التلفيل يلعب باتل جراند يجمع جولد يمكن يحتاج اسبوع وبعدين يبيعه

شهريا يبيع اكاونت وياخذ 80 دينار ويشوف شنو الكلاس المرغوب و يسويه

اغلبهم مايلبسون و يبيعونه ب60 على جير عادي , البوت تقدر تشغل عليه 3 اكاونتات مع بعض , يعني تشتري البوت يقولولك السيريال نمبر هذا ل3 اكاونتات

والشباب ماخذينها تجاره فيروح يشتري كمبيوترين ويحط واحد يشغل عليه لعبتين مثلي جذي و الثاني يحط لعبه بوت ولعبه اللي اهو يدخل فيها الرسميه

هذا اذا ما شاف ان التجاره ماشيه و اخذ 6 اجهزه و شرى حسابين للبوت عشان يشغل 6 اكاونتات مع بعض

غير ان البوت يبحث عن المونتات , انا شغلت البوت مرتين على مونت و حصلته مرتين بعت الاول ب80 الف والثاني ب60 الف

واحد من الاكاونتات شغلته مره ثانيه على المونت هذا و بلغوا عني الناس و عطوني توقيف , الثاني انك توقيف بس بسبب المايننق :)

بس طبعا هالاكاونتات يرسلون لأكاونت سري و منه اجمع جولد وكل شي , مستحيل اشغل عليه بوت . شغلت عليه وقت التلفيل ولما لفلت كل الكلاسات ماشغل البوت عليه

لما نزل الجزء الاخير شغلت البوت عليه و لفلت كل الكلاسات لغايه 90 . الكلاس الاخير كان هنتر , لما وصل لفل 89 طاحوا علي و باند

[Karazhan]

المهم ماعلينا

انت ماجربت ووركرافت او قعدت مع ناس يلعبونها وشفتها و شفت نظامها شلون

[Dudette]

صباح الخير

انا من اليوم ورايح قررت كل ما ادخل مطعم بصوره وبصور الاكل الي اطلبة وتقييمي على المطعم

شو رايكم

حتى انت بو شنب ابي اشوف اصحاب الطبقة المخللية اوبس اقصد المخملية كيف مطاعمهم وبرستيجهم :)

[Karazhan]

السلام عليكم

وصباح النور عزيزتي دوديت

انا اسف تأخر عليكم , اكيد قلتوا استقال من المنتدى لأني طولت حبتين , الاستقاله قريبه مو بعيده لكن لكن حادث حديث و انتوا راح تعرفون اول الناس هني

بس راحت علي نومه , توني الحين اقعد و ما داومت حتى ولا امس بعد داومت

المهم

مثل ما تفضلتي احنا الطبقه الراقيه في المجتمع لنا برستيج خاص فيها , ماودي اذكر البرستيج وينه عشان مايروحوله الفقاره عشان بس يقولون للناس ترى رحنا البرستيج واكلنا فيه , ويصورون عشان الناس تصدق انهم راحوا للبرستيجات

ان شاء الله لما اروج اي برستيج بصور و اكتب تقييمي له , بس من الجين اقولكم , لا تروحون مطعم هارديز

هارديز عنده واسطه قويه , كل مره يطيحون عليه مايقدرون يسوون شي البلديه , 70% من الشعب تسمم والشكاوي تارسه الوزاره لكن محد يسوي شي ضد المطعم , مادري مال منو اللي حتى لما تتسممين وتروحين مستشفى او مستوصف المنطقه يقولج شنو ماكله ؟ تقولين هارديز

يقولج ما لقيتي الا هارديز تاكلين فيه , كل الناس تجيني تسمم منه

مشهور بالتسمم

انا على بالي بس بالكويت , طلع حتى في مصر الناس تشكي منه و امريكا و اوربا

هالمطعم هاوي تسمم

و من يوم اخر مره صكني تسمم وانا قررت اني ما اكل بالبرستيج هذا

انا اسف والله

نأخرت عليكم صح ؟ والله راحت علي نومه , نمت الفجر يمكن الساعه 3 او 4

[Dudette]

سلامات ما تشوف شر بو شنب

لايكون من شنب تراه متروس فطريات وبكتريا وحليله هارديز ظلمتة ترا هذا من شنبك

شو رايك ادفعلك دينار وتشله وتصور بدون شنب

يا رب الحلاق بالغلط يخربلك الشنب عشان تشله كله :wink2:

انت شنو هارديز اقولك روح مطعم راقي وصور فيه مب كراتشي دربار والله حرام اظلمة كراتشي دربار مره اخوي يابلنا برياني كان حلو بس حاااااااااااااااااااااااااااااااااااااااااااااااااااار ان انا ياني عوار بطن

المهم متى بتصور في مطعم

[Karazhan]

شفيكم على الشنب

ترى مو كبير يعني , رقم واحد او واحد ونص طوله , على يوم بدز صوره الشنب تشوفين ان عادي


وتصوير المطعم ان شاء الله لما انعزم من احد بصور , ناطر اللي يعزمني

[darkitp]

أقول لا تغلط على هارديز .. احلى شيء جابوه للمطعم الثيك برجر انجوس

http://farm9.staticflickr.com/8307/7863220090_9ebbf3f1c6_z.jpg

[Dudette]

لا لا الصوص ماله مب حلو ومب دايما تلقاه ويل دون الصراحه بيك ديلوكس حلو مع كيرلي فرايز

وعن البطاطا الصراحه احلى بطاط مال برجر فيول
357535

357534

بس البورجر مالهم دسم وايد

[Karazhan]

هارديز خدعه لا تصدقونه

صور السندويشات اللي يحطونها مغريه انا معاكم بالشي هذا لكن مو نظيف

اذا مو مصدقين دقوا سلف الحين روحوا المستوصف و ادخلوا على الدكتور وقولوله دكتور شنو اكثر مطعم يمرون عليك ناس متسممين منه ؟

شوفوا الرد

ماكدونالد نظيف و ماسمعت احد تسمم فيه لأن اللي يشتغلون فلبينيين , المطعم ان صاروا الموظفين من الجنسيه ال...... يخترب ويصير مو نظيف , مابي اقول الجنسيه لا يزعلون علي

برجر فول ماعندنا بالكويت للأسف وله كان جربته

[Yoshi]

توني قايم من النوم وجايع شفت الصور ماتحملت

ان احترم ستيكـ هاوس بصراحه عذاب

http://l.yimg.com/lo/api/res/1.2/2CUOF23KMxaQKVCrqMD1Xw--/YXBwaWQ9bWtihttp://dl.dropbox.com/u/49833530/arab%20travellr/%D8%B3%D8%AA%D9%8A%D9%83%20%D9%87%D8%A7%D9%88%D8%B3/IMG_9939.jpg

والحلى حقهم جدا لذيذ

http://l.yimg.com/lo/api/res/1.2/JHtPZ0Y3aia.5pigjZzYgQ--/YXBwaWQ9bWtihttp://dl.dropbox.com/u/49833530/arab%20travellr/%D8%B3%D8%AA%D9%8A%D9%83%20%D9%87%D8%A7%D9%88%D8%B3/IMG_9951.jpg

ايظاً المأكولات البحريه تعذبني مثل الأستكوزا,الروبيان,الهامور

حسبي الله على بليسكم جوعتوني http://www.cute-factor.com/images/smilies/onion/016.gif

[Karazhan]

مو نفسي هههههه

شوف وين وصلت


http://www.youtube.com/watch?v=L0jx01GLEQg


ترى من كتبت اخر رد وانا باليوتيوب ومن مقطع لي مقطع , حاليا وصلت للي تشوفه

وبستمر لين اموت من الجوع وانا اطالع افلام

[Karazhan]

احب هالسوالف



http://www.youtube.com/watch?v=9lhIvndaO0M

[QTR .SOUL]

يا شباب احد يطرش من ذالعيشه الطيبه

[Dudette]

السلام عليكم بو شنب اول فيديو حطيته هذا الطباخ اسمة جيمي والصراحه ما يعجبني ومقرف ساعات تشوفه يقص خضره من المزرعه الي في بيته وما يغسله ويطبخه يقول اونه النكهه ما تخترب ولو تلاحظ يوم يتكلم زعابيله اطيح بالاكل ويع ويع

[Dudette]

ما تلاحظون السالفه فيها اكل يوشي قام من سباته الشتوي

[Karazhan]

اي اعرفه جيمي اولفر لكن باليوتيوب كنت واصل عنده , افتح مقاطع عشوائيه واشوف

و تبين الصج , حلاه الطبخ لما يطيح زعابيل و عرق الطباخ فيه , خصوصا العرق عشان يوفر عليه ملح

وترى هذا كله تصوير , يعني كل مقطع و مقطع يسوون cut و يضبطون الشغل , يعني مو يقطع من مزرعته ويحط سيده , في تقطيع بس ما تلاحظين انتي وفوق هذا حتى لو يقطع من المزرعه ويحط عادي لأن هم ماعندهم غبار

احنا كعيال الطبقات الراقيه و الانتيكيت دايم نصيف في اوربا و انتي لو رحتي اوربا كان ماشفتي رمل , الزرع كل مكان و ماكو غبار عندهم مثلنا

سنه من السنين كنا في سويسرا مثل العاده , المهم اني نسيت موعد طيارتي و كنا بالفيلا مالتنا هناك و مضبط خوش عشا , ولما جيت ابي اكل قالولي تلحق ماتلحق على طيارتك , المهم خليت العشا و طلعت ركض للمرسيدس مالت السايق هناك و على طول المطار و رجعت الكويت زين لحقت عالطياره

بعد سنه رحت اصيف في سويسرا وتفاجأت ان وجبتي قبل سنه موجوده كأن قبل دقيقه مسوينها , جان اقعد واكملها

لو عندنا هني جان شنو صار فيها

بس انتي دوديت او شبحها ؟ غريبه اليوم مو دوام و موجوده

تعودنا عليج بأوقات الدوام الرسمي

[Yoshi]

يا شباب احد يطرش من ذالعيشه الطيبه

ي رجال اسكت بس .. حدي انا وياكـ

http://www.karamatnews.com/assets/images/0f0b9ff26e3ab43b745e6a397a6b7070.jpeg

XD

[darkitp]

فيه برنامج تلفزيوني أمريكي اسمه Burger Land , يعرض كل انواع مطاعم البرجر في أمريكا ..
البرنامج هذا جاب الشيطان في راسي قعدت امخمخ اسوي لي مطبخ لهالانواع من البرجر
جربت اسو لي Cheese Steak Burger With Mushroom

http://steakbytes.com/wp-content/uploads/2011/03/13mushroom-swiss-burger-620x350.jpg

[Karazhan]

كأني اشوفكم بعد ما تشبعون من المشكل تنسد نفسكم عن كل هذا

نفس رمضان , تقزر النهار كله باليوتيوب تشوف الاكل والطبخ و بعد الفطور تتبرأون منه











توني ماخذ 5 زبيديات 48 دينار


العيشه ولعت نار , راح يجيكم يوم تصيرون نفس الاسيويين تاكلون عقارب و غبابيه و الدود الكبير

357606



بوفيه مفتوح , 50 بات بس




راح يجيكم اليوم اللي راح تمونون عليهم

اذا 5 حبات زبيدي بحد ال50 دينار والخروف ب130 دينار

انطروا بس

[darkitp]

^
ليش الدنيا خلت نباتات ؟

ترى يقولك المثل المصري .. الفول مش معؤوول ..

[Karazhan]

فوووووووووووووووووووووووووول

يدافع البلا

الله يديم النعمه , فول النهار و مسقعه الليل

بس لابد من الحشرات , يقولك مليانه بروتينات

عموما احنا نعيش عالتمر و اللبن و صيد البحر والبر

متى يشتفي منك الفؤاد المعذبُ

وسهم المنايا من وصالك اقربُ



انا بروح انام ياشباب وشابات

عندي دوام الصبح والاربعا او الربوع و الخموس او الخميس اللي فات ما داومت بشوف صكوني غياب او لأ

باي

عممت مساءا بلغه الهاي هاي

[Dudette]

صباح الخير جميعا

امس رحت مطعم تشيز كيك فاكتوري الصراحه كنت بصور اكثر بس استحيت يقولون مب شايفه خير فصورت الاكل بس

نبدأ بسم الله

هالصوره يبتها من النت لان الصوره الي صورتها مب واضحه المهم هاي اسمها سلطه اللواو

357616

وهاي صوره سلطه اسمها هاي فاي

357617


وهذا طبقي المفضل

دجاج مديرا مع روبيان
357618
357619

وهذا دجاج كاجون حق الي يحب الحار

357620

وهذا عصيري المفضل ميكس بيريز

357621

ونتريا نشوف المطاعم الي انتو رحتوها

[Karazhan]

خوش اكل خصوصا وانا توني اقعد من النوم

احب اكل جذي , بس الدجاج لو مخليته لحم يكون احسن , بس انتوا البنات لازم يكون دجاج

شكرا على الصور لكن شلون الطعم والجوده هذا اهم شي







انا مو امس قلت ما داومت الربوع والخموس , اليوم رحت الدوام و كنت اول شخص , بعد انتوا عارفين كل السالفه , حتى دوامي عارفينه ومتى اروح , المهم وعشان اكون حقاني كنت ثاني واحد يداوم بالاداره كلها

لما دخلت غرفه المهندس لأن التوقيع بمكتبه شفت و رحت حرف ف وصفحه 245 اللي اهي صفحتي شنو شفت ؟

شفت ان احد موقعلي الربوع و الخموس و الاحود بعد , الظاهر ان هالشخص لما وقع الخموس قال باجر عطله محد يدري خل اوقعله الاحود عشان مره وحده يطلع راحه 4 ايام

الخط بصراحه كأنه بنت , ليش ؟ لأن انا مااعرف احد بالدوام الا 3 , طبعا اعرف غيرهم بس مو ملزومين فيني يوقعولي , ال3 اللي اعرفهم واحد ما يداوم وكل يوم ناشب فينا نوقعله , الثاني مايداوم لأن في ناس نفس ماتقولون عصابه او مافيا يوقعوله من سنين

الثالث اللي اداوم انا معاه و اوقعله ويوقعلي , لكن الحين اهو مجاز صارله شهر , وفوق هذا كله اعرف خطوطهم , زين منهم يعرفون يكتبون اسمائهم

اما اللي موقعلي كاتب اسمي بطريقه تحسون ان يعرف يكتب مو واحد من اللي اعرفهم

انا ادري اعيش بحلم وبالنهايه يطلع تمساح مع اللي اعرفهم

يمكن شافوني اداوم كل يوم و ما وقعت هالايام هذي قالوا حرام خل نوقعله



رجعت من الدوام و نمت وتوني اقعد , عسى بس ما طولت عليكم ؟ اشتقتولي صح

لهدرجه غيابي يؤثر عليكم


لا وباجر عندي امتحان اخر السنه , امتحاني حاسوب

[Karazhan]

دوديت لما تصورين وتحطين بجهازج الكمبيوتر

ادخل عالصور و شوفيهم وتحت بالاطار تشوفين خيارات مثل علامه تشغيل و سهم يمين ويسار و سهم على شكل دائره

الاسهم يمين يسار عشان تروحين للصوره التاليه عدل ؟

السهم اللي على شكل دائره يقلب الصوره

انتي اقلبي الصوره لين تشوفينها صارت عدله , لأن تصوير التلفون لازم تطلع الصوره لافه مو مع شاشه الكمبيوتر وانتي تضبطينها بعدين

لفيها خليها متناسقه مع الشاشه بعدين اطلعي من الصور بالضغط على x اللي فوق بالزاويه اليمين مو الاكس اللي مع الاسهم يكون لأن هذا يمسح الصوره

و اهي تتخزن بالشكل اللي طلعتي منه

[Karazhan]

هذا موقع طلبات مادري اذا تعرفينه او لأ


http://www.talabat.com/kw/ar/home#


هذا قبل كان بالكويت والحين صار بكل دول الخليج

تسجلين عنده وتحطين العنوان و بعدين تدخلين بالايميل والباسورد و كل مره تطلبي يكون عنوانج مسجل عندهم ويوصلون

الحلو انهم يحطون صور للأكل , يعني كل مطعم تدخلين عليه تشوفين المنيو و كل اكله يحطون صوره لها , في بعض المطاعم مايحطون صور

طريقه الدفع اما لما يوصل الطلب لج تدفعين او بالكي نت , مادري عن الامارات وباقي الدول لكن بالكويت في كاش و كي نت وياخذون الموقع 200 فلس او 300 حسب المطعم ك اجره توصيل








لو تدخلين مطاعم الكويت , تقريبا كلهم جربتهم الا اللي يسوون حلويات و ايس كريم

ايس كريم بلهجه المخمليين , يعني بلهجه الشعب برد او بريد او بوظه في بعض الدول العربيه

[Dudette]

هي مسوينه عندنا بس بعده مب شغال والصراحه ما فهمت شو يسوي بس سجلت فيه وما وصلني شي ؟؟

[Karazhan]

اي تسجلين فيه و بعدين تدخلين بحسابج و تكتبين العنوان عشان يتخزن عندهم ووقت تطلبين يكون عندهم العنوان , تدخلين اي مطعم و تشوفين الاكل وتختارين وتطلبين وبس



بس مطعمكم هذا كريم حده

حاط فراولتين للقلاص الواحد , احنا يحطون وحده و خايس نصها

[Karazhan]

مضنى وليس به حراكْ
لكنْ يخِفُّ إذا رآكْ


ويميل من طربٍ إذا
ما ملتَ يا غصنَ الأراك


إن الجمال كساك من
ورق المحاسن ما كساك


ونبتَّ بين جوانحي
والقلبُ من دَمِه سقاك


حُلوَ الوعودِ، متى وفاك؟
أَتُراكَ مُنْجزَها تُراك؟


من كلِّ لفظٍ لو أَذِنـ
ـتَ لجله قبلتُ فاك


أَخذَ الحلاوة َ عن ثَنا
ياك العِذاب، وعن لَمَاك


ظلماً أقول: جَنَى الهوى
لم يجْنِ إلا مُقْلتاك


غدَتا منِيَّة َ مَنْ رَأَيْـ
ـتَ ، ورحتَ منية َ منْ رآك

[Dudette]

ههههههههههههه

الله اكبر عن الحسد

هي ترا يوم الاربعاء يمكن ما بدخل لاني بروح الكويت والسبت ان شاء الله راجعه

هذا اذا ماصار تغيير في الخطه ، :)

[Karazhan]

يعني انطرني بالمطار او شنو ؟

ترى انا مااعرف سوالف النغزات , يا تعطيني كاش وله لا تقولين

[Dudette]

هههههههههههههههههههههههههههههههههههههههههههههههههههههههههههههههههههههههههههههه لا تكفى خلك في بيتك ما ابي انصعق في المطار وما اتهنى في السفره

[Karazhan]

انا ذكي بصراحه

توني اعرف اني ذكي

شوفي الخطه اللي كنت مسويها

قلت بما ان اكاونتي مال البوت اللي مسويه عشان تفريم انصك باند و بما اني خلال مشواري بلفيل الهنتر شفت ان الماينق اللي جمعته من outland و northrend جذي تنكتب نورثرند ؟ المهم ديره الفلج اللي فيها ارثس

المهم اني شفت من خلال مشواري وانا الفل المايننق ان هالماينق ينباع بالمزاد بسعر عالي يوصل الى 80 جولد

وقلت بيني وبين نفسي انا الحين الفل المايننق عشان اوصل 600 عشان اجمع الصخور في الديره الجديده واللي يبيعونه بالمزاد ب30 الى 50 جولد بأحسن الاحوال وفوق هذا ياخذ مني تلفيل الشخصيه بس وقت

يعني على ما الفل الشخصيه الى 90 يكون طايف اسبوع او اثنين وبعدين ارجع الفل المايننق الى 600

فكرت وقلت ليش ما الفل الشخصيه الى 70 بس و اجمع المايننق في اوت لاند , منها بسرعه الفل الشخصيه ومنها ابيعه بسعر معقول عشان اصرفه بسرعه , واذا لا سمح الله انصك باند اقدر الفل غيره وغيره بوقت اسرع

غير اني نويت اشتري جير التلفيل اللي اخذ 4 قطع يعطوني 35% اكس بي زياده مع السلاح لكن السلاح مايعطي شي بس قوي حق التلفيل و فوق هذا 10% اخذها من الجيلد

يعني المجموع 45% اكس بي زياده و الفل بسرعه و كل باند الفل غيره بدل انطر لفل 90 وبالنهايه باند واتعطل شهر

من هذا المنطلق احبتي المجرمين قررت اني اغير الخطه المتعارف عليها , لما شفت ان المايننق مال اوتلاند و نورثرند غير متوفر بكثره بالسوق و سعره حلو قررت اني اسوي الشخصيه الى لفل 70 , انا شغلت البوت للباتل جراند عشان اجمع انرات والحين شفته لقيته واصل لفل 72

مو مشكله , انا ليش شغلته للباتل جراند ؟ سؤالك جميل و طرحك اجمل عزيزي العضو

شغلته عشان اشتري جير لفل 70 البروتال , هالجير له القدره انه يخليك قوي لغايه لفل 80 , لكن انا قلت بما ان الشخصيه لابس جير تلفيل فما ابي اخسره , عشان اذا صكوني باند اروح و اسوي اكاونت جديد وارسله الجير هذا مال الهنتر و الفله بسرعه , وان وصل لفل 70 البسه جير لفل 70 مال الباتل جراند

وارسل جير التلفيل للبنك "شخصيه لفل 1 في اكاونتي الرسمي"

بالحاله هذي استفيد من جير التلفيل مايروح علي و اطلع بأقل الخسائر لأني بدفع بس5 دنانير عشان الاكاونت الجديد بدل ما ادفع اكثر لغايه الباندا

انا لما الحين عادي مو ذكي , او ذكي ؟

المهم اكتشفت اني ذكي شلون , لما طلعتلي مشكله , لما شفت ان المايننق عندي 50 من 150 , معناته اني لازم اطوره في ازيروث الى 300 او اقل شوي عشان اقدر اكمل بالاوت لاند , فشلون اطوره ؟

رحت للبروفايلات عندي ملات لفل 1 الى 300 الخاصه لأزيروث لقيتهم كلهم للبوت الجديد GB2 الاختصار لgether buddy 2 اللي اهو البرنامج اللي مع برنامج البوت الخاص بالمايننق وغيره من الوظائف , المهم ان القذر بدي 2 لازم مونت طير

القذر بدي 1 كان عادي مونت ارضي , لكن 2 لازم مونت طير , انا توهقت , قلت شلون الحين وانا اقول بطلع ب5 دنانير بس للأكاونت مالي من لفل 1 الى 80 , لأني لو ابي اطور الوظيفه بس لازم اطور اكاونتي الى لفل 85 الخاص بالكاتا

لان بالكاتا اقدر استخدم المونت الطير في ازيروث وماادري كم سعر التطوير يمكن 19 دولار , لكن حرام وانا ابي اقل الاسعار اقط فلوس بس عشان اطير اطور الوظيفه وبعد ساعه ما احتاج المونت لأني بروح الاوتلاند او نورثرند وهناك اقدر اطير عادي بدون اكسبانشن الكاتا

هني فكرت , تبون الصج مو انا اللي فكرت واكتشفت , الصراحه الصراحه الاعتراف بالحق فضيله , انا دقيت على رفيجي ملك اللعبه اللي عروقه بالماي وقلتله وعرضت عليه مشكلتي و قالي :

انت تبي بس تطور الوظيفه في ازيروث وتروح اوتلاند ؟

قلت اي

قال روح الموقع مالهم واضغط على اكاونتك الاوربي اللي مطوره لغايه نورثرند ولما تضغط يقولولك تبي تطوره للكاتا ؟ قول لأ

راح تشوف يمين مستطيلات فيهم اختيارات , تطوير الاكاونت بفلوس , تطوير الاكاونت بالسيريال نمبر , 10 ايام فري

انت اختار 10 ايام فري , ولما تختارها راح يفتح معاك كل شي لمده 10 ايام , اضغط عليها طور اكاونت وادخل اللعبه وروح للمدرب مال المونت تشوفه يبيع تعليم الطيران في ازيروث , قبل التطوير مايبيعها كان

المهم انك راح تشوفه يبيعها , اشترها و ينتهي الموضوع , روح طور الوظيفه خلال يوم وبعدين دق سلف وروح الاوتلاند

انا لزمت على رفيجي ملك اللعبه اني اجيه البيت وابوس راسه , قالي ماله داعي لكني اصريت اني اجي , مع ان بيتهم يبعد عن بيتنا تقريبا 50 كيلو , رحت والشمس تحرقني و حبيت راسه ورجعت البيت

الحين المونت قاعد يطير وتلفيل الوظيفه شغال 100%

وان شاء الله اليوم اشطب المايننق



واخر دعوانا ان الحمدلله رب العالمين

[Karazhan]

توجت هذا الذكاء في الغباء


بعد ارسالي للقطع الخاصه بالتلفيل للبنك , رحت المزاد قلت بشتري قطع بديله

القطع اللي ارسلتها عباره عن

head

shoulder

back

legs

weapon

السلاح مايعطي اكس بس زياده لكن شريته عشان تصير الشخصيه قويه شوي

رحت بالانرات شريت سلاح بروتال , كلفني 350 انر تقريبا و شريت قطعه ثانيه اللي اهي الشولدر او الاكتاف و نقصت الانرات مااقدر اشتري شي بعد

قلت اروح المزاد اشوف , رحت وشريت و اكتشفت اني شريت من نفسي

اهو البوت يرسل الاغراص اوتوماتيك للبنك لأني حاط اسمه بالبوت عشان كل ما امتلأت امتلئت امتلؤت امتلئ ت يعني بالمحلي انترست يروح ويرسلها للبنك , البنك اكاونت بروحه وادخل فيه اشوف شنو الجديد , الاغراض مثل الcloth الخام ابيعها بالمزاد والقطع مثلا يطيح من الذبح سلاح بنسفجي او ازرق اروح وابيعه

او قطع ثانيه , المهم اني شريت من نفسي

[Dudette]

ههههههههههههههههههه

القصه مو مشوقة غير غير اتكلم عن الاكل ترا احسن ويزيد المشاركات

[Karazhan]

انا ذكي بصراحه

توني اعرف اني ذكي

شوفي الخطه اللي كنت مسويها

قلت بما ان اكاونتي مال البوت اللي مسويه عشان تفريم انصك باند و بما اني خلال مشواري بلفيل الهنتر شفت ان الماينق اللي جمعته من outland و northrend جذي تنكتب نورثرند ؟ المهم ديره الفلج اللي فيها ارثس

المهم اني شفت من خلال مشواري وانا الفل المايننق ان هالماينق ينباع بالمزاد بسعر عالي يوصل الى 80 جولد

وقلت بيني وبين نفسي انا الحين الفل المايننق عشان اوصل 600 عشان اجمع الصخور في الديره الجديده واللي يبيعونه بالمزاد ب30 الى 50 جولد بأحسن الاحوال وفوق هذا ياخذ مني تلفيل الشخصيه بس وقت

يعني على ما الفل الشخصيه الى 90 يكون طايف اسبوع او اثنين وبعدين ارجع الفل المايننق الى 600

فكرت وقلت ليش ما الفل الشخصيه الى 70 بس و اجمع المايننق في اوت لاند , منها بسرعه الفل الشخصيه ومنها ابيعه بسعر معقول عشان اصرفه بسرعه , واذا لا سمح الله انصك باند اقدر الفل غيره وغيره بوقت اسرع

غير اني نويت اشتري جير التلفيل اللي اخذ 4 قطع يعطوني 35% اكس بي زياده مع السلاح لكن السلاح مايعطي شي بس قوي حق التلفيل و فوق هذا 10% اخذها من الجيلد

يعني المجموع 45% اكس بي زياده و الفل بسرعه و كل باند الفل غيره بدل انطر لفل 90 وبالنهايه باند واتعطل شهر

من هذا المنطلق احبتي المجرمين قررت اني اغير الخطه المتعارف عليها , لما شفت ان المايننق مال اوتلاند و نورثرند غير متوفر بكثره بالسوق و سعره حلو قررت اني اسوي الشخصيه الى لفل 70 , انا شغلت البوت للباتل جراند عشان اجمع انرات والحين شفته لقيته واصل لفل 72

مو مشكله , انا ليش شغلته للباتل جراند ؟ سؤالك جميل و طرحك اجمل عزيزي العضو

شغلته عشان اشتري جير لفل 70 البروتال , هالجير له القدره انه يخليك قوي لغايه لفل 80 , لكن انا قلت بما ان الشخصيه لابس جير تلفيل فما ابي اخسره , عشان اذا صكوني باند اروح و اسوي اكاونت جديد وارسله الجير هذا مال الهنتر و الفله بسرعه , وان وصل لفل 70 البسه جير لفل 70 مال الباتل جراند

وارسل جير التلفيل للبنك "شخصيه لفل 1 في اكاونتي الرسمي"

بالحاله هذي استفيد من جير التلفيل مايروح علي و اطلع بأقل الخسائر لأني بدفع بس5 دنانير عشان الاكاونت الجديد بدل ما ادفع اكثر لغايه الباندا

انا لما الحين عادي مو ذكي , او ذكي ؟

المهم اكتشفت اني ذكي شلون , لما طلعتلي مشكله , لما شفت ان المايننق عندي 50 من 150 , معناته اني لازم اطوره في ازيروث الى 300 او اقل شوي عشان اقدر اكمل بالاوت لاند , فشلون اطوره ؟

رحت للبروفايلات عندي ملات لفل 1 الى 300 الخاصه لأزيروث لقيتهم كلهم للبوت الجديد GB2 الاختصار لgether buddy 2 اللي اهو البرنامج اللي مع برنامج البوت الخاص بالمايننق وغيره من الوظائف , المهم ان القذر بدي 2 لازم مونت طير

القذر بدي 1 كان عادي مونت ارضي , لكن 2 لازم مونت طير , انا توهقت , قلت شلون الحين وانا اقول بطلع ب5 دنانير بس للأكاونت مالي من لفل 1 الى 80 , لأني لو ابي اطور الوظيفه بس لازم اطور اكاونتي الى لفل 85 الخاص بالكاتا

لان بالكاتا اقدر استخدم المونت الطير في ازيروث وماادري كم سعر التطوير يمكن 19 دولار , لكن حرام وانا ابي اقل الاسعار اقط فلوس بس عشان اطير اطور الوظيفه وبعد ساعه ما احتاج المونت لأني بروح الاوتلاند او نورثرند وهناك اقدر اطير عادي بدون اكسبانشن الكاتا

هني فكرت , تبون الصج مو انا اللي فكرت واكتشفت , الصراحه الصراحه الاعتراف بالحق فضيله , انا دقيت على رفيجي ملك اللعبه اللي عروقه بالماي وقلتله وعرضت عليه مشكلتي و قالي :

انت تبي بس تطور الوظيفه في ازيروث وتروح اوتلاند ؟

قلت اي

قال روح الموقع مالهم واضغط على اكاونتك الاوربي اللي مطوره لغايه نورثرند ولما تضغط يقولولك تبي تطوره للكاتا ؟ قول لأ

راح تشوف يمين مستطيلات فيهم اختيارات , تطوير الاكاونت بفلوس , تطوير الاكاونت بالسيريال نمبر , 10 ايام فري

انت اختار 10 ايام فري , ولما تختارها راح يفتح معاك كل شي لمده 10 ايام , اضغط عليها طور اكاونت وادخل اللعبه وروح للمدرب مال المونت تشوفه يبيع تعليم الطيران في ازيروث , قبل التطوير مايبيعها كان

المهم انك راح تشوفه يبيعها , اشترها و ينتهي الموضوع , روح طور الوظيفه خلال يوم وبعدين دق سلف وروح الاوتلاند

انا لزمت على رفيجي ملك اللعبه اني اجيه البيت وابوس راسه , قالي ماله داعي لكني اصريت اني اجي , مع ان بيتهم يبعد عن بيتنا تقريبا 50 كيلو , رحت والشمس تحرقني و حبيت راسه ورجعت البيت

الحين المونت قاعد يطير وتلفيل الوظيفه شغال 100%

وان شاء الله اليوم اشطب المايننق



واخر دعوانا ان الحمدلله رب العالمين





المهم اني انصكيت باند بس الفكره مازالت يعني افضل فكره اكتشفتها

[Karazhan]

عاد وصلت لفل 78 و قلت بخليه لفل 80 و اقطه في نورثرند يجمع ماينقق لأن عندي بروفايل واحد لكن يشمل كل مناطق النورثرند


لاحول ولا قوه الا بالله

انا لله وانا اليه راجعون

انصك باند المسكين

اشوه اني دزيت جير التلفيل لأكاونتي الرئيسي مع اني يوم وصلت 70 و لبسته جير pvp وقعدت الفل , قلت ليش ما ارجعله جير التلفيل عشان يوصل 80 بسرعه

اشوه اني ما دزيتله وله كان راحوا علي

لا حول ولا قوه الا بالله

الحين ماكو الا اسوي رديوس لفل , اخليه لفل 70 و اقطه في اوتلاند عالاقل بسرعه يلفل و افتك مع ان كان في اوتلاند وما جمعلي الا القليل من الماينقق fel iron ore يمكن 8 ستوكات جمعلي بس بعت الواحد على 55 جولد بسيرفري

ماتدرون شكثر زعلان

بعد شسوي الحين

ماكو الا ابدأ من جديد بعد ماكو حل ثاني

لكن بخليه لفل 70 هالمره و بقطه في اوتلاند وانساه . صج ان مايجيب مايننق بكثره نفس المناطق الثانيه لكن ماكو الا جذي


يلا برب بسوي اكاونت

[Karazhan]

ايام الشنب



357657


بعد التحديد والتضبيط



357658


الله يسامحك كنت احلى بالشنب ليش تغيرت جذي و هان عليك الشنب

[Dudette]

هههههههههههههههههههههه اقول بو شنب ما مليت من الباند خلاص يا انك تشتري من الصينيين وتربحهم او انك تلعب بضمير وتجمع القولد بروحك ستيب باي ستيب

[Karazhan]

النصر او الشهاده

نفس ستار وورز لما اغسلوا ايدهم مني من كثر الاكاونتات والباندات قالوا يبا خلوه على راحته

نفس المنتدى من كثر الباندات قالوا يبا خلوه

ووركرافت جايهم الدور لين يزهقون ويقولون خلوه على راحته

ابشرج وصلت لفل 8 الحين لا ومسوي شامان هالمره يمكن ابعد الشبهه

[Dudette]

ههههههههههههههههه

شو رايك واريور ترا عجيب وعقبال الاشيفمنت مال لفل 10 :biggthump

شو اخر طبخاتك يا شيف بو شنب:32:

[Karazhan]

سويت وورير بس بأكاونتي الرسمي لفل 90

انا اسوي هنتر دايم عشان معاه بت يكون تانك له و الهنتر يعطي البت هيل بعد يعني مايموت وفوق هذا جير تلفيل يعني دبل القوه

لكن بما ان الهنتر يلبس mail و اجيلتي قلت خلني اجرب شامان دام نفس الجير

والحين رجعت من الدوام شفته فاصل , مسوين ريستارت بليزرد , حاليا لفل 15 عقبال ال70 واوقف تلفيل مده اسبوع , اشوف الماينقق له سوق مال الاوتلاند او لأ واذا ماله سوق كملت لفل 80

انا دايخ حدي وبنام , وسالفه الطبخ انطريني كل اسبوع طبخه , الميزانيه ماتسمح كل يوم طبخه لكن اوعدج ان ربحت الجوهره بالبنك الوطني راح اسوي كل يوم طبخه مده شهر

اخر طبخه مرق شعوم و سكرت السمك الحين بعد المشوي والمطبق والمرق و افكر جكن بالفرن , تعرفين شنو جكن ؟ لما تعرفين انجليزي تفهمين

يعني دجاج بالانجليزي


المهم انا بروح اخمد , وان قعدت ابيج تسويلي بوست ناكس 25

كلمي معارفج واللي يعزون عليج يسوون قروب ويعزموني نروح ناسك 25 نذبح اول بوس بس , مو طماع بس اول بوس واذا حبوا يكملون مو مشكله نكمل بس شيلد اول بوس ابيه , واذا يبون يكملون ابي شيلد كلذوزاد بعد مره وحده

ونروح بلاك تمبل مره وحده دام ماكو شغل و ابي شيلد والسيوف البرتقاليه

يعني اذا فاضين ومافيها كلافه او تعب


عممتم مساءا

بنجور كوانتاليفو

[Karazhan]

ملاحظه بارنز تغيرت صوب راتشت

اشياء جديده قاعد اشوف

[Dudette]

سوري والله ما اقدر مسافره عقب كم ساعه فيا اعضاء منتدى المشاهدين لا تتنتظروني ارد لي يوم الاحد

وان شاء الله بو شنب يوقف طيرين على شنبة ويسويلكم استعراضات لي ما انا ارد وادردش واخبص :)

عمي بو شنب هالله هالله بالمشاهدين انزين :wink2:

[Karazhan]

احنا بالصيف وبالموت نسافر

وانتوا حتى العطله الاسبوعين تسافرون

واللي يبط جبدي يقولون احنا دراويش وعلى قد حالنا , انا اقص ايدي

لا شنو اقص ايدي

اقص راسي اذا افقر اماراتي ماعنده مليون , مليون بالكويتي يعني بالاماراتي يعني 20 مليون

مادري كم وصل سعر لكن اعتقد جذي اذا مو 50 مليون بعد

بالكويت ها , ان شفتي واحد على تاهو اسود و مغيم الجامات و التاهو عليه صوت يعني مركب دبه وصوته شوي قوي واللي يسوقه من وجهه تحسين ان هالشخص مسكين و مظلوم فهذا انا

وقفيني وقولي ممكن صوره ؟ راح اوافق لأن كثيرين صوروا معاي

[Karazhan]

وينكم ياجماعه

ترى كله بوس واحد اول بوس في ناكس 25

و نروح بلاك تمبل , لو مو لازم اذبح البوسات كلهم كان رحت بروحي بلاك تمبل لكن في بوس هناك اللي حطوه في لفل 80 ابو وجهه , هذا لازم اكثر من واحد , رحنا 2 و فركنا , رحنا 3 وبالغصب ذبحناه لأن يعطي سي سي على 8 لاعبين , يعني 3 يبندنا

يلا ياشباب , مو لازم نقل ولا لازم شي , فقط بس العلوج جيوش الامريكان , وطنا انتهكوا حدوده واراضيه

وبعزم الله قريب نحررج بغداد , بطلايع صادقه وقاده حسينيه

قياده علمتنا الصدق والايمان . و ربتنا على الفطره الحقيقه

امنعتنا نزرع العبوات وسط السوق , ونأذي الشعب بكفوف مدميه

ولا عندنا مجاهد حلل التسليب , ولا عندنا عدد روح انتقاميه

فقط بس العلوج جيوش الامريكان , وطنا انتهكوا حدوده واراضيه

فرض واجب قتال الكفر بالقران , ونذرنا ارواحنا لله وهبيه

يلا ناطركم

الف لعنه على الشيطان وزني

انا ثقيل و خفف الشيطان وزني

وانا اللي ماكنت اخون الجار وزني

وهسه صارن الثنتين بيه

انطركم ها , دزولي بالخاص باتل نت و 10 دنانير رسوم التعب عشان اضيفكم , تعرفون متعبه السالفه

[Dudette]

صباح الخير

خيبه بو شنب ما كسرت خاطر حد ورد عليك

المهم انا رديت وللعلم مب اجازه اسبوعين انا والوالده واختي يايين اجازه الويك اند

وكانت حلوه السفره بس واجهتنا مشكله وحده الي هي المواصلات (يامعود ما عندكم تاكسي مثل الاوادم) شنو هذا

المشكله كنت باخذ سياره ايجار بس ما ادل المولات والسناتر عدل فخفت وقتنا يضيع بالدواره

فقزرناها بالتكاسي وما خبرنا اهلنا لان كل يوم بيعزمونا ووقتنا بيروح بالعزايم بدل الحواطه

وسؤال ثاني انتو ما تطبخون بالبيت وإلا شو كل مطاعم الكويت متروسه شنو هذا كان في خاطري اروح مطعم بزه كله فل فل الي في الافينيو فل ونطرنا نص ساعه وما يا دورنا والي في السالمية هم فل وقالت لازم احطكم باللسته ولي ما يي دوركم

ومطعم الشمم في الامباركية كان فل وقعدنا نتريا ساعه وربع وماكو محد يقوم والي يبط جبدك خلصووو الاكل وقاعدين بس يسولفون انزين قومو خلو الناس تقعد ماكووو عمك اصمخ

المهم طولت عليكم ولنا رجعه ثانية ان شاء الله

[Karazhan]

اهلا وسهلا

حمدلله عالسلامه

غريبه والله كل شي فل مع ان دايم فاضيين , والشمم هذا لازم يصير زحمه بس مو لهدرجه يعني , هناك مثل ماانتي شايفه وعارفه سوق السمك واللحم والخضره و اسواق شعبيه وخلفهم اسواق ثانيه , يعني الزحمه لابد منها , لكن تحصلين طاوله واذا قاعدين يسولفون الناس قولي للجرسون يشوف طاوله

انا اروح للمكان هذا الفجر قبل طلوع الشمس حتى وقت مزاد السمك , ناكل وبعدين نروح نشوف السمك

مره ثانيه روحوا الفجر احسن ماكو زحمه

والتاكسي شوارعنا متروسه منهم , احنا الكويتيين مانستخدم التاكسي , اذا بنشرت او صارت معاك مصيبه دق على احد من ربعك

بس انتوا الله يهداكم جان دقيتوا علي اجي اخذكم و اوديكم السكن ولما ترتاحون و تبون تطلعون دقوا علي اجي اخذكم واوديكم كل مكان تبون ولما تخلصون اوديكم المطار واعطيكم صور الملك و كبوس و تي شيرت على صورته

بدل التاكسي و المطاعم المزدحمه


مره ثانيه قوليلي انطرج بالمطار ههههه



تصدقين من ذاك اليوم الى اليوم محد عبرني وقالي تعال انا اخذك نروح ناكس 25

التلاميذ تمردوا يا دوديت , صار الملك ملطشه ولا احد يعبره للأسف



انتي شلونج وشخبارج طيبه ان شاء الله ؟

لج وحشه , حاليا الساعه 3 ونص والساعه 4 ونص امتحاني اخر السنه . الاسبوع هذا كله و الاسبوع الجاي نصه امتحانات

خلوني ادرس شوي

[Karazhan]

الدرود ماصار تانك عبط


http://www.youtube.com/watch?v=_JlAPuv8fO0

[Dudette]

:jap005: واعلية حرام هالاهبل شو ما شاف الدرود وهالدب اهبل شرات التانك الي عندنا ما عنده صبر مستعجل يبالي اطرشلهم في القروب عشان يعتبر شوي من الاستعجال

وعن محد عبرك مسكين والله الحين انا ييت وبعبرك وبسولف وبدردش معاك

وعن خدماتك والله مشكور وما تقصر وعندكم شي ثاني لاحظته خخخخخخخخخ بعدكم تغازلون نحن الناس عندنا تطورت (لا وواثق يعني حفظت الرقم الرقم ويقول مو ما دق ترا بزعل عليك) ياخي حل عنا زين امي ما كفخته بالنعال ههههههههههههههههههههههههههه

والمره اليايه قلت يوم بيي انا باجر سياره احسن بوايد

[Karazhan]

هذا الدرود الاصلي

تدعمه سياره يقوم يركض مره ثانيه بدون ما يقول اح

انسان مجرم عشان جذي حاطينه باللعبه تانك مايقول اح من الضرب , انا لو عندنا دببه بالكويت كان جربته على قطار واشوف يتعور او يقلب القطار

و

محد عبرني ياليت بالمنتدى بس , محد عبرني وقال خلني اضيفه باللعبه و اكلم الشباب بالدوانيه عشان ناخذه معانا نروح ناكس 25 نذبحله البوس الاول وياخذ الشيلد اذا طاح

محد راضي يضيفني , لهدرجه انا شبهه ؟ حتى البوت ماراح يضرهم شي , انا بالباتل نت الواحد في عده اكاونتات من بينهم اكاونتي الرسمي و الاكاونت مال البوت , كل مره ياخذ باند مال البوت اسوي جديد بنفس الباتل نت

يعني لا تخافون من سالفه انكم تضيفون شخص مجرم مشبوه يستخدم بوت

اما اذا خايفين من شي ثاني قولوا شنو , مطيرجي مثلا ؟ انا اربي زاجل للأكل بعد مو سباق وغيره

عطوني وجه شدعوه يبه يه

[Dudette]

انت مطيرجي ؟؟؟

انا عبالي عندك طير حر (صقر)

[Karazhan]

اي مطيرجي بس تبت

ابوي واخوي كانوا اهل طيور "صقور" بس اثنينهم بطلوا تربيه الطيور و ايضا اخوي وابوي لهم قصه

بدايه اخوي طلب من ابوي يجيبله صقر , يعني يكون مثل ابوي , ابوي راح البر و شاف حميميج وصاده لأخوي لأن الحميميج تقدرين تربينه ويصيد مثل الجرابيع و فأران البر

مثل هذا

357737


المهم اخوي استانس وقعد يربي فيه وابوي يعلمه بعد

اخوي اكبر مني ب8 شهور بس و ابوي جابله وماجابلي عشان خاف اكله

المهم اخوي يعني ابو الشباب ويعني ترى طيري مايقل عن طير ابوي راح وحطه بالوكر عند طير ابوي

رجع بعدين شاف ريش و طير ابوي قاعد يطالع . اخوي شك بالموضوع

بعد ما ايقن ان طير ابوي اكل الحميميج زعل و قرر ينتقم

راح وجاب

357738

وراح يضرب فيها الطير لما قتله شر قتله , قعد ينزف من حلقه و خشمه و راح فيها

اهو على باله الصقر اي شخص يروح البر ويصيد منه 10 و ان متوفر بالسوق ب5 دنانير و ان يعني طير عادي عند صاحبه

المهم رجع ابوي من الدوام وشاف المنظر وكان الطير فارق الحياه

المهم ان ابوي من بعد هذا الطير توقف عن تربيه الطيور , بعدين بفتره طويله يعني لما صار عمر ابوي 70 سنه صاد طير و كان في عينه رمد و ميزه الطير بعيونه لأن النظر عنده حاد ولكن اللي صاده ابوي في مشكله بالعين , المهم ابوي قعد يربيه لهدف المنظر فقط وليس للصيد

لأن ماعندنا حباري بكثره و ماله معنى

المهم بعدين ابوي باعه على واحد بعد ما تعالج من ابوي بعلاجات شعبيه و طاب وصار يشوف و اللي شراه صاد فيه حباري بعدين

اخوي بعد ما كبر ايضا اشترى طير وقعد يربي فيهم و طبعا عرف قيمه الطيور "الصقور" وعرف ان عمل جريمه بحق نواف "طير ابوي الذي تم قتله بالمخمه"

وحاليا ماقام يربي


وانا كنت مطيرجي و تبت ولله الحمد ولكن ان شاء الله لما يطلعلي بيت راح ادق محكر فوق السطح واجيب حمام اربيهم للأكل ويمكن اطير , والحمام بشتري زاجل , وان شاء الله تجين وتشوفين الطبات اللي عندي خوش حمام نسل وشهاده وكل شي طيب

لما انجز المشروع اخذج واخذ اي شخص يحب يشوف الحمام فوق السطح ويشوفون بالطبيعه

[Karazhan]

السلام عليكم

يجماعه انا بشكي لكم قصه حقيقيه حصلت اليوم

اسمعوا قصه غرام , اشكي لكم ياكرام
لي حبيب خانني , ورما قلبي بسهام

اليوم يااخواني واخواتي الافاضل دق علي شخص , قالي وينك ؟ قلت بالسياره رايح البيت , قال تعالي ابي اوريك شي , رحتله البيت وقعدت معاه و لقيته مع شخص ثاني , يعني احنا 3 و اهو في بيتهم دوانيه بس مو رسميه , للمناسبات يعني , وقعدنا فيها و كانوا معانا طفلين من اطفاله

المهم قالي فهد انا طلبت فلفل من بره و اليوم وصلني , هالفلفل قوته 5 ملايين , اقوى تباسكو بالعالم صنعته الشركه قوته 7 الاف , وذكر كلمه بس نسيتها , اهي نسبه الحراره يعني , مثلا يقولكم الفلفل الفلاني قوته 6 الاف كلفن او كيلو , نفس جذي يعني اسمه يدل على وحده قياس الفلفل

المهم قالي اقوى تباسكو و التباسكو اهو هذا

357743

هذا التباسكو والجدول يحدد كل حراره لكل نوع من انواع التباسكو , هذا متوفر عندنا وبكل العالم , لكن النوع القوي منه مااظن متوفر لأني ماشفته من قبل

تلاحظون اللي يسار واصل 7 الاف و لحظه اجيبلكم الكلمه مالت قياس الحراره عشان يعني يكمل الموضوع

برب

باك


scoville


هذي اهي الكلمه مالت قياس نسبه حراره الفلفل , التباسكو اقوى واحد وصل 7 الاف سكوفيل , وهذا قوي يعني يغثك مايخليك تاكل لأن اللي متعوديم عليه احنا ابو 1500

المهم رفيجي قالي هالشي كبدايه الموضوع و بعدين وضع نفس التباسكو هذا ولكن حجمه اصغر شوي تقربيا 50 مل حجمه , وقالي تدري شنو هذا ؟ قلت لأ بس اكيد شطه بما انك تتكلم عنهم

قال صح لكن هذا مو اي شطه , هذا قوته 5 ملايين سكوفيل , قلت التباسكو اقوى واحد 7 الاف وهذا 5 ملايين ؟ قال اي

معناته ياجماعه ان هذا يذبح

المهم قالي شفت فلان "اللي اهو الشخص الثالث" قلت اي شفيه ؟ قال هذا يبي يجرب

لما اخذت العلبه وفتحتها وشميت الريحه اخترعت , يجماعه ريحه تخوف و تحس ان الفلفل معتقد جدا

المهم اني حفظت شكل الفلفل و اسمه وبحثت عنه بالنت وحصلته و ايضا سألت رفيجي من وين قال من امازون شاريه و في انواع كثيره اقل و اكبر من ناحيه نسبه الحراره , واقوى واحد موجود 7 ملايين ويقال ان في 25 مليون

انا قلت هذا حق شنو ؟ منو المجنون يعني اللي يشتريه , قال هذا للمطاعم الكبيره , يعني مطعم يحضر وجبات كبيره لمجموعات كبيره , مايقدر يشتري فلفل بكميات هائله عشان يسوي صلصه بحراره معتدله , يعني مثلا حوض سباحه يبون يسوونه مرق لحم

مايقدر يشتري طنين فلفل ويفرمهم ويحطهم بالحوض , يروح يشتري هذا الفلفل ويحط الكميه المناسبه وخلاص , منها يحافظ على شكل المرق ومنها يوفر فلوس , لأن لو حط طنين فلفل راح تشوف المرق كله فلفل

الفلفل يعني حبحر

المهم انا نصحت الاخ الثالث وقلتله لا تجرب , اخاف فيك قلب او قرحه او قولون او اي شي راح يضرك الفلفل

رفيجي الثالث خاف بصراحه و كأنه غير رأيه , و رفيجي راعي الفلفل مجرم , قعد يقص على الثالث عشان يجرب وقاله خلك رجال لا تصير جبان او دجاجه

عاد من السوالف قلت حق رفيجي ليش شريته ؟ قال انا احب الفلفل و الفلفل اللي عندنا ماينفع , فقلت اشتري هذا و احط نقطه منه على الزيت مقدار لتر و اجيب فلفل مطحون مع ثوم بكميه كبيره و اصب الزيت عليه واجرب , اذا حار قللت نسبه الزيت يعني احط ملعقه صغيره من الزيت اللي فيه الفلفل واضيف زيت جديد

المهم ان جبنا قلاص جبن و حطينه نصه زيت و حطينا نقطه فلفل و قعد يحوسها بالملعقه لما اختلط الزيت بالفلفل

وكان الفلفل لونه احمر غامج كأن دم متجلط وكان ثقيل , المهم اخذ رفيجي خبزه فيها جبن و حط اقل من نص نقطه من الزيت المخلوط مع الفلفل و تردد وبعد التردد طلع طرف لسانه و ذاق الزيت

ياجماعه والله ما ابالغ لكم , اول ماذاقه قعد كأنه يفكر , وبدأ يعرق بعدين لف علينا وقال "هذا الفلفل تعدى مرحله الحراره ووصل مرحه الكي"

قلت شلون ؟ قال كأنك ماخذ قطعه حديد و حاطها بالنار ولما صارت مثل الجمر حطيتها بحلقي

يقول حطيت لساني فوق بحلقي والحين تخدر المكان

جان يقول حق رفيجي صاحب الفلفل , تكفى لا تخلي العيال يقربون صوبه , واتلفوا القلاص و الملعقه وكل شي حاشه من الفلفل

الفلفل هذا اسمه mad dog 357

هذي صورته

357745

بالضبط هذا اهو

انا مسكت القرشه و من الخوف صرت كل شوي اشم ايدي اشوف فيها ريحه الفلفل عشان ما اكل شي و ياخذ من الفلفل اللي بيدي , و وصلت البيت وغسلت ايدي عدل و كل ما امسك شي واكله والله قبل الاكل احاتي اقول اخاف فيه فلفل

شككني بنفسي هالفلفل

فأنا انصح الكل لحد يجرب هالفلفل , خلكم على ابو ديج

357746

ابو ديج زين و مايخليك تكره الاكل , ولا يزعلك او يغثك

اما اللي فوق ابعدوا عنه قدر المستطاع , انا بعد ما شفته دخلت اليوتيوب وقعدت اشوف افلامه

هذا شخص تراهن من فلوس انه ياكله وشوفوا شنو صار فيه


http://www.youtube.com/watch?v=bKDJn832odI


هذا واحد ثاني


http://www.youtube.com/watch?v=oh29x_vu3PE


واللي يجرحك بالموضوع ان اللي عندك يضحكون عليك , هذا اللي يبط الجبد


والافلام كثيره عنه و عن غيره من الانواع هذي , و لحد فيكم يسوي روحه مجرم ويجربه , ان جاكم واحد وقالكم عندي فلفل تعالوا جربوا لحد يجرب

واذا ما بذنه ماي و يبي يجرب خل يصور نفسه عشان نضحك مره وحده

والسلام عليكم ورحمه الله وبركاته

[Dudette]

صباح الخير

شو هاللوعه من صباح الله خير

انزين شان انت جربته وصورت عمرك عشان نشوف قوة تحملك :)

[Karazhan]

ههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههه


انا اجرب

لقيتي انا اجرب

انا افكر باجر اذا رحنا المزرعه او الشاليه اخذه معاي و احطه بالغدا للشباب اجرب فيهم

بفكر بالموضوع

[Karazhan]

357749


جم pet دازيلي

الصفحه الاولى كلها والثانيه نصها نفس البت

[Karazhan]

الاخبار

خصم 50% على النقل الان ولمده اسبوع اكراما من بليزرد لرفيجي ولد بطنها اللي عروقه بالماي و تلاميذه وكل اللاعبين العرب

[Yoshi]

السلام عليكم ورحمة الله وبركاته

فيه واحد من الجماعه فيه قل صح عسى الله يشفيه ويعافيه .. وجاء للبيت عندنا قبا كم يوم

كان عندنا عزيمه لواحد من الجماعه ... والمجلس مليان وصاك رجاجيل .. ورفيقنا

مهب صغير ... لكن سولف علينا سالفه من سواليفه ... وطبعا خذ وخل ..

يقول قبل يجي اربعين سنه .. كنت طالع اقنص لحالي بالربع الخالي .. على الفرت حقي ..

ويوم توسطت بالربع الخالي ولاني ناسي اعبي الموتر بنزين ..

والله ويقطع علي الموتر من البنزين ويطفى ... ويقول والله واتلفت حولي ولا

ما حولي احد .. واصوت باعلى صوتي ولا من يرد لي الصوت ..

ويقول ولا الدنيا قيظ وحر وشموس تشوي القعس .. والله وانا اللي اخذ شماغي وارش

عليه شوي ماء من الاديتر واجغم لي جغمتين من الاديتر واعض شليلي وابدا امشي

.. وامشي يجي ثلاثين كيلو عن موتري ... وارقى على راس طعس واتشوف ..

ولا اني اشوف لي شي يبرق ويلمع من بعيد .. واوجه له .. واناظر ولا طرف حديده

مندفنه بالنفود .. وانا اللي احفر له بشوف وشي .. وتطلع جناح طياره .. وانا اللي احفر

والقاها طياره من طيارات هتلر حقت الحرب .. واطلع الطياره وادحدرها من فوق النفود

واركب مكان الطيار وادق سلف لكن ما اشتغلت .. وانا اللي انزل من الطياره ..

وافتح الشنطه حقة الطياره واطلع شنطة العده وافك التانكي حق البنزين .. واشقله على

ظهري .. وارجع لموتري .. واصب البنزين بتانكي موتري .. واركب الموتر واسمي

واشغل وتشتغل من اول نقرة سلف .. واتوحى صوت المكينه وكني مستنكره شوي ..

يقول انا موتري طافي بنقره .. وغراز .. وانزل وانسم للكفرات شوي .. واعشق

الموتر l واحبس كلتش شوي .. وادعس له ابيه يطلع من النقره ..

ويقول والله يوم فز الموتر ذيك الفزه اللي ما فزها قبل .. وانا اللي انطرب وادعس له

مع النفود .. وادعس .. شوي الا اسمع صوت اول مره اسمعه .. طيييييييييييييط ...

وشوي اللي الموتر قام يرجف .. ووشوي ويقلع .. ويطير .. ويرتفع سماء ..

وامسك فرامل ولا يهدي مرتفع خشم الموتر للسماء .. واناظر الطبلون ولا هو مكيم ..

ويقول وانا اللي افضي الموتر .. يوم تعدل وجهه .. واناظر من الدريشه ولاني ما اشوف

شي .. مغيم سماء .. وياولد وش الدبره .. ويهديني ربي والقمه بالريوس .. يوم هزع

وجه الموتر .. تحت ويجيك على وجهه .. نزووووول .. وانا اللي اسايس الموتر ..

بالقير والدركسون .. وتبينت لي الارض .. واناظر الا ذاك الخط اللي قدامي .. واوزن

الموتر عليه واجيك نازل واول ما لمس الموتر الارض وانا اللي اسحب الجلنط ..

يوم قام الموتر يخمس اللين وقف .. وهو بس وقف .. الا شرطه ودوريات نازلين

برشاشات ويمسكوني .. ويركبوني سيارة شرطه غير شرطتنا ... ويدخلون بي

ذاك القصر ويدخلوني على ذاك المجلس اللي فيه واحد يدخن غليون .....

وادقق في وجه الرجال واتمقله الا والله ابوعدي صدام حسين " رحمه الله " ..

ويقوم ويسلم علي ويقول روعتنا يارجال نحسبك اف 15 .. وانا اللي اضحك واقعد

اسولف معه واتقهوى وشوي يجيبون الغداء رز تمن .. واتغدى واعين واجيكم

للرياض .. يوم خلص السالفه والناس تضحك وهو اللي يزعل ويمصع ذاك اليمين انه

صادق ولا كذب علينا .. الله يشفيه ويعافيه .. لكن والله سواليفه ما تشوفها

ولا بافلام الكرتون ..

وسلامتكم

م.ن

[Karazhan]

بنزين من طياره هلتر

هتلر ماسمعت انه دز طيارات للجزيره , لو انه قايل مصر كان احتمال اصدق , بس بنزين الطياره غير عن السياره ومايشغلها لكن بما ان الطياره قديمه يمكن صج وكان بنزين ذاك الوقت نفس السيارات الحين

لكن نكته , هذا يقزر الوقت عليك خصوصا ان مسكت خط سفر حطه معاك و ان وصلت وقبل توصل ب10 كيلو نزله من السياره قوله شوف التاير كأنه ناقص هوى واذا نزل حرك عنه , خله يرجع تأشيره

[Karazhan]

بنزين من طياره هلتر

هتلر ماسمعت انه دز طيارات للجزيره , لو انه قايل مصر كان احتمال اصدق , بس بنزين الطياره غير عن السياره ومايشغلها لكن بما ان الطياره قديمه يمكن صج وكان بنزين ذاك الوقت نفس السيارات الحين

لكن نكته , هذا يقزر الوقت عليك خصوصا ان مسكت خط سفر حطه معاك و ان وصلت وقبل توصل ب10 كيلو نزله من السياره قوله شوف التاير كأنه ناقص هوى واذا نزل حرك عنه , خله يرجع تأشيره

[Karazhan]

اكيد امس عطله وله ليش ما بينت دوديت


357756

[Dudette]

ههههههههههههههههههههه

هي عطله وكنت في الشاليه مع الأهل حر مووووت في النهار والجو فليل حلووو

عشان شي قلنا بنروح الشالية خل اليهال يتسبحون بالبحر وعندنا صغارية عمرهم ما تسبحووو بماي البحر فما صدقنا فرصه

انت شخبارك وحيا الله مراقبنا يوشي شخبارك والله حسيت انك حاط الموضوع في مكان غلط بس زين يوم شفناك

انزين بو شنب شو جديدك وشو هالبتات الي في الايميل

والله انا الحين قاعده افرم بيتات واسوي الدايلي مال البتات وما اخلي بت وما اخذه

[Karazhan]

اهلا وسهلا دوديت

عن ماذا تتحدثين ؟

بتات بالايميل ؟

ما دزيتلج بتات بالايميل ، اخاف شايفه سمجه بالبحر على بالج بت

انا الحين مشغل البوت و وصلت شامان لفل ٨٠ و تحايلت على بليزرد بال١٠ ايام المجانيه عشان اتعلم الطيران

لأني ماطورت اكاونتي لغايه ٨٥ ، قلت يمكن انصك باند ماتسوى ، خلني ٨٠ واروح بالعشر ايام المجانيه اطير في هايجال اجمع ماينق

والخطه نجحت ولله الحمد والحين قاعد يفرم من يومين بس والوضع مستتب ولا في اي مشاكل

خصوصا واني ماسويت اي كويست في هايجال وهذا يخليني مخفي عن عيون الناس

لأن مع الكويستات راح تتغير الخريطه وتطلع مدن جديده لغايه ما اخلص الكويستات كلها عشان الناس تشوفني واشوفها

عرفتي شلون ، فأنا بروحي الحين في هايجال وما ابين الا للي يدخلون هايجال اول مره او لما اكون في مكان يسرى او البدايه

تحت شجره درانسوس عند البورتال

في اكاونتي الرسمي قاعد الفل ديث نايت بقره والحين لفل ٦٥ ، بعده يبيله مشوار


هذي اخباري باللعبه

[Dudette]

انت حاط صوره المايل مالك وفيه شنه بتات ؟؟؟؟

[Karazhan]

وين هذا ؟

وين حاط ايميلي

بالصور يعني اللي حاطهم ؟

بشوف لحظه

[Karazhan]

ايييييييييييييييييييييييييييييييي


الصوره فوق البتات بالبريد باللعبه

هذا وانا العب وصلني رساله ولما حطيت الفاره عليها بشوف من منو لأني مااعرف احد بالسيرفر يراسلني ولا عندي شي ابيعه و شفت المرسل wow dev او شي جذي المهم ان من بليزرد

لما رحت البريد وله اشوف الصفحه متروسه بتات مثل ماهو مبين بالصوره والصفحه الثانيه نصها

استغربت وقلت شفيهم اخاف مضيعين لأن عندي اكاونتات يمكن 7 اكاونتات باللباتل نت و يمكن لأنهم مصكوكين باند اغلبهم دزوا البتات على اكاونتي هذا

عاد لما الحين ماادري


لكن انا انسرق اكاونتي , قبل كم يوم احد الاخوه كتب موضوع عن موقع تكتبين فيه الباسوورد و الموقع هذا يقولج كم يحتاج باسووردج عشان يكتشف من الهاكرز

انا دخل معاهم وكتبت باسووردي وطلع ينسرق في ربع ثانيه , يعني 25. من الثانيه وينسرق

عاد انا اكاونتي باللعبه مافي برنامج الحمايه اثندكيتر

المهم وانا مشغل البوت و على فالي شفته فصل دخلت وله الباسوورد غير , عرفت انه انسرق

اما من الموقع او ان هكر صيني ولأني استعمل بوت يمكن حاطين كي لوقر فيه , المهم رجعته واول مادخلت بليزرد صكوني باند احتياطي 72 ساعه

المهم اني نزلت البرنامج اثندكيتر بتلفوني و ركبته بالاكاونت والحين كل شي تمام

عاد اللي يحط برنامج الحمايه هذا بليزرد ترسله البت اللي تشوفينه , عاد هم ارسلولي 10 منه و هذي ما حصلت الا مع مندوب ولد بطنها اللي عروقه بالماي ارواحنا انا وانتي والحاضرين له الفداء

[Dudette]

ول عليك خلني اصكك بعين

انا مسكينه ادور البتوت دواره من مكان لي مكان وانت تلقاهم جاهزين شو هالحاله :(

[Karazhan]

السلام عليكم

انا اسف ياجماعه على التقصير هذا من قبلي , انا ادري اني استاهل الضرب والتوقيف عليه لكن شسوي اعذروني

انا مسكين , طبعا كلكم عارفين هالشي

لكن انا دوامي الصبح اروح من الساعه 6 و كلكم عارفين هالشي لأني معطيكم تفاصيل حياتي وان اللي يقعد من النوم فيكم ويشوف الساعه 6 يتخيلني بالسياره رايح الدوام

المهم ان دوامي الصبح و دراسه العصر و تخيلوا اني ارجع وانام الساعه 11 او 12 الظهر , كل يوم اتأخر ساعه , يعني كنت انام الساعه 7 وبعدين 8 و 9 وبعدين 10 وامس 11 واليوم 12

و اوصي زوجتي تقعدني الساعه 3 كل يوم , انا مو قايلها اني ادرس , لكن سألتني وقالت ليش كل يوم تقولي قعديني الساعه 3 و تلبس وتطلع ؟

قلت انا اروح اوقع لرفيجي بالدوام , دوامه عصر واهو مسافر و موصيني اوقعله , و مشى الفيلم عليها

المهم ادرس واداوم والنوم رايح فيها , الحين خلصت امتحانات وخلصنا كل شي وناطر بس تطلع النتيجه وان شاء الله ناجح مو دور ثاني لأني ما امتحنت امتحانين من امتحانات الاشهر

المهم الحين خلصت واقدر انام على راحتي

[Karazhan]

دوديت عندج رايدات لفل 60 فيها بتات صغيره

مثلا عندج molton core في بت او اثنين ماني متذكر لكن الاكيد ان في بت اللي شكله مثل imp مال الوورلوك لكن هذا يكون احمر و مشتعل نار

عندج aq 40 فيها بتين او اكثر , عندي 2 من الرايد هذا , واحد شكله يشبه اول موبات من تدخلين الرايد اللي يجون عمالقه وكأنهم اله مصر القديمه اللي وجهه كلب مادري ابن اوى

والثاني يكون شكله مثل اول boss

توني دخلت اطلس لوت وشفت ملتون كور شفت 3 بتات بالرايد هذا

دشي وشوفي و سهلين الرايدات ترى بس aq 40 يجي بوس شكله مثل ozz وهذا لازم لما تصير طاقته 1 يعلق عليها ومايموت لو شنو تسوين , طريقته ان لازم تضربينه ضربات فروست لغايه ما يتثلج بمكانه و بعدها تضربين فيها بعد مايتثلج لين يموت

والباقيين سهلين

روحي قزريها عليهم

[Dudette]

ادري عنهم وسويتهم والحين قاعده اسوي ريدات لفل 70 لاني ادور ماونتات بعد

[Karazhan]

بس شتبين بعد

مايصير لاعب يحصل كل شي , عطي مجال للاعبين الثانيين

[Dudette]

لا مافي كل شي حقي

[Karazhan]

خلاص دشيتي هالدنجن

http://www.wowhead.com/zone=5088#drops:mode=normal

هذا اللي في ديب هولم , النورمال والهيروك يطيحون المونت من البوس الثاني اعتقد اللي يكون اهو نفسه المونت

جربي النورمال تدخلين وتشوفين تقدرين عليه او لأ , انا ايام لفل 85 كنت تانك وكنت افرم عليه نورمال مع ان الجير مالي مال رايدات وكانوا اللي معاي يقولون ليش تدخل نورمال روح رايدات , فأقولهم ادش عشان المونت

طاح مرتين بس الحظ النحس ما خلاني افوز

[Dudette]

هي عرفته هذا مكانه فوق البورتال ولا مره طاح وانا في هالدانجون

[Karazhan]

زين عندي سؤال خارج اللعبه بما انج ملكه الايفون والايباد والجلسكي و غيرهم

انا الحين عندي ايفون حلو

قولي حلو

فجأه شفته مايشبك وايرلس , لما دخلت البيت العاده يشبك وايرلس على طول , هالمره ماشبك

حاولت فيه من الضبط وشفت الوايرلس شغال لكن لما اختار الشبكه مالتي يدخلني صفحه اول مره اشوفها و مكتوب فوق عنوان ابل , مو صفحه سفاري , صفحه اول مره تطلعلي , وفيها سهمين يمين يسار فوق بالزاويه و الزاويه الثانيه فيها كلمه الغاء

وبالنص عنوان www.apple.com و مااقدر اكتب عناوين بس اهو جذي طالع و من تفتح هالصفحه يوقف التحميل والصفحه فاضيه و يفصل الوايرلس ويضل 3g

حاولت وحاولت ولا اكو فايده , كلمت واحد من الشباب قالي يمكن السوفت وير عندك في شي , مع ان يشبك 3g و لما اسوي الايباد مالي وايرلس اشبك عليه عادي , الا وايرلس البيت مايشبك

شنو الحل تتوقعين

مع العلم اني طفيت الجهاز وشغلته و سويت اعاده ضبط الشبكه و مازالت المشكله موجوده

انا مستعد اعطيك 10 جولد بس شوفيلي حل , مايحتاج تنقلين سيرفري هالمره

[Karazhan]

انحلت المشكله

انا بصراحه استاهل الضرب و الضرب بالرصاص بعد

انا كلمت رفيجي ابو الشباب اللي مسوي روحه فنان ومهندس تلفونات , يقول سوفت واير

الواير اللي يتعلق على رقبتك


قلت ليش ماادق على رفيجي الملك ارواحنا له الفداء , يمكن يعرف

دقيت عليه وقلتله المشكله , قالي اجهزتك الثانيه كلها شابكه بالوايرلس ؟ قلت اي

قال بس الايفون مو شابك ؟ قلت اي

قال معناته ان الوايرلس مافيه شي ؟ قلت اي

قال واجهزتك بعد مافيهم شي الا الايفون ؟ قلت اي

قال يعني المشكله بس بالايفون ؟ قلت اي

قال وانت سويت ريست للبرمجه مالت الشبكه ؟ قلت اي

قال وماضبطت ؟ قلت اي

قال انت سويت ريستارت للجهاز ؟ قلت اي

قال خلاص روح سو ريستارت للراوتر ؟ قلت اي

قال شفيك معلق على اي اي اي روح سو ريستارت وبعدين قول اي

رحت سويت ريستارت للراوتر وضبطت والحين ايفوني شابك وايرلس

ابو الشباب يقولي سوفت واير

انا مني ورايح ماراح اسأل الا الملك , رفيجي ولد بطنها اللي عروقه بالماي


ارواحنا جميعا له الفداء

[Karazhan]

شرايكم بس

357835

[darkitp]

كم تدفع عليه ؟

[Karazhan]

200 دينار

بس مو صحيح , ضرب معاي اليوم جذي وله العاده والطبيعي 9 ميجا







بالباتش الجاي ياجماعه واللي يكون رقم 5.4 يقولون ان راح يصير الاكشن هاوس مشترك بكل السيرفرات و القروبات مشتركه بعد

[Karazhan]

الاصلي


http://www.youtube.com/watch?v=UcCGmmUSswk


التقليد


http://www.youtube.com/watch?v=KywpZwONXJQ

[Karazhan]

سلام عليكم تلاميذ

بقوم بثوره هني وابي مساعدتكم

خصوصا وان الثوره راح تكون طلب بتوقيف ما لا يقل عن اعضاء قسم كامل وحذف قسمهم فوقهم

ارجوا الحشد

[Dudette]

صباح الخير

هلا عمي بو شنب والحمدلله انك صلحت الايفون تبعك

وعن الباتش الياي سمعت عنه بيكون مشترك بين السيرفرات ودمج الاكشن هاوس بين الهورد والاينس هو حلو تقدر اطرش جولد بين لاعبينك الي في السيرفرات الثانية :) ومو حلو انه بيكون زحمة في الاكشن هاوس

وعن جريندايزر الايراني شكله ناسي يصلي في البيت وقال دام انه صوب القبلة خلني اصلي :) وهذا احتمال

وبخصوص الثوره انا معاك بس عطني العناوين عشان اسوي لوحات معارضة واجهزهم واعلام باسم الاقسام عشان نحرقهم في قسم الإدارة :silly:

[Karazhan]

شوفي انا احتمال هاليومين انصك توقيف

لأني دزيت رساله حق مراقب و قلت كلام خطير ، احتمال يدخل ويقرأ الرساله ويصكني باند

فأنتظر دخوله قبل الثوره لأن مو حلوه انادي بثوره وبنفس اليوم انصك باند

خليني اشوفه شنو يسوي وبعدها نحدد وقت الثوره واقول القسم اي واحد

[darkitp]

اقول بو شنب و Dudette .. عندي سؤال فرضي ..

لو بليزارد قامت بعمل تطوير للعبة Warcraft جديدة للكونسول ( PS4 أو XBone ) بجرافيكس حقيقي مثل اللي حاصل على Final Fantasy XV (http://www.montada.com/showthread.php?t=657626&p=7472413#post7472413)
هل راح تتركون اللعبة الحالية البيسي ؟ او تبقون مثل ما انتوا ؟

و هل احد فيكم جرب Dota 2 ?

[Karazhan]

انا ماراح اتركها لأن هدفي منها البوت , لو مو البوت مالعبتها او رجعت لها

لكن البلي ستيشن لو يحطون بوت مااعتقد بيضبط لأن لازم ينربط البوت بموقعهم

بس صعبه حيل حيل حيل انهم يحطونها على بلي ستيشن لأنها قديمه اللعبه من 2004 و بليزرد مستفيده من البوت بيني وبينك , كل يومين تعطي 200 شخص باند و يضطرون الحلوين يشترون اكاونتات جديده

انا واحد منهم

انا اترك المجال للمستشاره دوديت ترد عليك لأن انا اعرف عملي , اما النظري مااعرف

حتى اني مااعرف شنو يعني كونسول
اعرف كرسترول

الامور هذي انتوا مهندسين كمبيوتر و جامعيين تعرفونه انا توني اخلص امتحانات الصف التاسع وان شاء الله انجح بس

بس انت مضطر تنطر يوم الاحد الساعه 7 ونص عشان تحصل الاجابه من دوديت , باجر الجمعه و عطله واهي ما تبين الا وقت الدوامات

انت بعد الله يهداك يعني ماتدري انها بس في ايام الاسبوع تطلع , كل الناس يعرفون هالشي

وبليزرد حاليا على مشارف الانتهاء من لعبه جديده اسمها تيتان , يعني السنه الجايه او اللي بعدها تنزل , يمكن يماطلون لكن هذا المتوقع , و ووركرافت انتهت نص اللعيبه بوتات

واذا نزلت عالبلي ستيشن بجرافيك حقيقي اعتقد راح تصير عيوب . ترى اللعبه كبيره حيل , انا في كول اوف ديوتي 15 لاعب ضد 15 لاعب يصكني لاق فما بالك بالملايين وفوق هذا حيوانات وطيور و بحر و انهاء وشجر

و اذا نزلوا فكره جديده او لعبه ووركرافت غير عن اللي نعرفها في البي سي بشوف اذا يشغلها بوت او لأ

السالفه معقده وانا توني قاعد من النوم وانت صدمتني بالسؤال هذا

انت لازم تشوف اللعبه عالبي سي اول و تعرف ان بليزرد ماتقدر تنسخها للبلي ستيشن و تحط اشكال واقعيه , من بدأت اللعبه كان اشكال الشخصيات قبيحه , الهيومن ايده اكبر من راسه , وشوي شوي تحسن الرسم وقاموا يعدلون فيها لين الحين قامت تبين الملامح والتفاصيل

باي

[fasterx]

يآهلا ^^
شباب انا جديد معكم بالمنتدى بس صارلي سنة مالعبت اللعبة بسبب الدراسة وكدا
ولقيت هي المنتدى بالصدفة وقررت انضم لكم ممكن تقوولولي السيرفر التي تلعبون عليه؟:
مع روابط تحميل اللعبة لاني لم اجدها حاليا تحياتي لكم:أفكر:

[Karazhan]

انا انصحك تشوفها عند واحد تعرفه وتنسخها منه

واذا ماتعرف ماكو الا تدخل موقعهم وتشترك وكل شي بعدين يقولولك نزل اللعبه ويحطون كلينك او كلينت او كلمه نفس جذي و مكتوب عليها يعني داون لود و تنزلها

الله يعينك بس اذا انت من عيال بطنها داخل السور واشتراكك 100 ميجا او اشتراكات اللي داخل السور غير عننا و اقل شي عندهم 50 جيجا ف راح تنزلها بسرعه الساروخ

واذا انت مو من عيال بطنها وخارج السور واشتراكك 2 ميجا و غاص فيه ودك تقلل وتوفر 20 دينار ف الله يعينك على التحميل

لاحول ولا قوه الا بالله

الرجال بطل يلعب اللعبه

[Karazhan]

صباح خير عالحلوين

بقولكم قصه بس بنفس الوقت مشكله ابي حل لها

انا اشوف امامي حلين اما اني ادخل السجن بسببها عشان اختفي من الناس او انتحر

[Karazhan]

انا الظاهر اني بصير مجنون

والله يجماعه كأني شفت دوديت موجوده الحين و رحت اكتب مشاركه ولما رجعت بتأكد شفت انها مو موجوده

مدري كانت موجوده وطلعت او انا وصلت مرحله الشيخوخه واني اشوف الناس كلهم دوديت من فرط الحب

المشكله ان محد يصدق اني احب لأن اللي مثلي عاده يكونون بلا قلب , فعلا انا بلا قلب لكن رومنسي

والدليل

لا خطاوينا و راها لقى ... وان تلاقينا انتلاقا بشقى

و ايضا

خدعني حبيبي نسى الايام .... خدعني وعطاني الغرام اوهام

وايضا

روح وارسم اعذار وتعذر ... ما امنعنك ما امنعك

لكن تأكد تأكد .... اللي مافيه خير تركه ترى اخير

ايضا

فنان فنان يا فنان .... الله يرحم بشير شنان

هو ملك العود والالحان .... بشير محبوب حتى الان

ابو حمد يا فقيد الفن .... الناس لعبت بألحانك

ابو حمد يااخطبوط الفن .... شوف اغلب الناس غنالك

ايضا

لا تحسب انك ذكي وتفهم .... تلعب على الناس بأخلاقك
حنا عيال الظلام الادهم .... بس القدر يمنا ساقك
ياناس قولوا معي باطل .... كيف الغراب صار قمريه
غراب من جمله الغربان .... اسود ولا فيه ماريه







كل هالرومانسيه هذي مجتمعه فيني , شلون ماتبون الناس تموت فيني

فارس , شجاع , رومنسي , شاعر , كريم

هذي صفاتي , اما صفاتي الجسديه اهي الصفات اللي يتمناها كل شاب و فتاه

وفوق هذا كله مسكين

[Karazhan]

كتبت المشاركه فوق وانا مو في كامل قوتي العقليه

ارجوا المعذره

[Dudette]

اقول بو شنب و Dudette .. عندي سؤال فرضي ..

لو بليزارد قامت بعمل تطوير للعبة Warcraft جديدة للكونسول ( PS4 أو XBone ) بجرافيكس حقيقي مثل اللي حاصل على Final Fantasy XV (http://www.montada.com/showthread.php?t=657626&p=7472413#post7472413)
هل راح تتركون اللعبة الحالية البيسي ؟ او تبقون مثل ما انتوا ؟

و هل احد فيكم جرب Dota 2 ?


يمكن وللعلم ترا انا ما العبها مثل قبل اروح رايدات ودناجن بس ادخل اتمشى وادخلي كم بتل جراوند واجمعلي كم بت وادورلي كم راير واطلع

وليش لا ما اجرب لعبه ثانية

وعن دوتا لعبتها بس ما حبيتها لان لازم تلعبها متواصله وانا ما احب لعبة تحرك اللاعبين بالماوس انك تطق بالماوس مكان واللاعب يمشي لها ولو تبي اي شي لازم ترد البيت مالك ، لا لا موحلوه

بس اخوي وعيال خالتي كلهم يلعبون دوتا مع انها سخيفه بالنسبه حقي

انا لعبت ستار وار وكانت اوكي بس احس واو احلى

[Dudette]

وعن البلاي استاشن هي احبها والعب تكن وستريت فايتر وساعات العب فيفا مع اخواني ومثل كل مره خسرانه ويخلوني اطلع اشتريلهم مكدونالدز ويوم نلعب تكن ساعات افوز واخليهم يودوني سوق الطيور :biggthump

بس لو يعلموني على الفيفا بكسر راسهم بس انا قاعده اتعلمها بروحي :bigeyes: لانهم يخافون افوز عليهم ويتدبسون

:silly:طلعت فل اوبشن ههههههههههههه :psgt:

[Dudette]

عمي بو شنب :bigeyes:

اشوفك تتغزل فيني ترا اقدر اخليهم يصكونك ابان محترم

هههههههههههههههه اسولف معاك

لا عمي ما دخلت لاني كنت مشغوله الخميس والجمعه والسبت كنا في الشاليه مسوين حفله حق اختي تخرجت من الإبتدائي :jap002:

عقبال عيالك ان شاء الله

[Karazhan]

يامن هواه اعزه واذلني كيف السبيل الى وصالك دلني

واصلتني حتى ملكت حشاشتي ورجعت من بعد الوصال هجرتني


http://www.youtube.com/watch?v=qIK1A8s5Qmk

[Karazhan]

اخذ التوقيف منج ليش ما اخذه

التوقيف منج له طعم غير و استقبله بصدري الرحب

[Karazhan]

ودي المنتدى فيه مشاركات صوتيه , يعني اضغط زر بالخيارات ويبدأ التسجيل ولما اوقفه يصير مشاركه صوتيه اللي يضغط عليها يسمع

كان عبرت بالصوت وقلت مواويل لعيونك

[Dudette]

هههههههههههههههههههههههه

قسم بالله طلعت مب هين خساره لو حرمتك تلعب القيم شان قلتلها واخليها تقص صبوعك وتبط عيونك خخخخخخخخخخخخخخ

يا الشيبه

المهم ضحكنا وايد

اقولك ما تعرف وين اختفى هذا الي يغني يالبرتقاله :33:

[Karazhan]

قصدج علاء سعد

357922


هذا مات

حصله فشل كلوي بالكليتين و انسدوا شرايينه و مات

ادفنوه بالنجف عشان مره وحده يمرون يطوفون عليه الربع هناك بما انه قريب من المراقد

يقولون ان البرتقاله اللي اهي البنت اللي ترقص معاه زوجته , مادري صدق جذب

[Dudette]

ويييه صج

الله يرحمة مسكين والله توني اعرف منك :(

[Karazhan]

كلهم يموتون مبجر مو ملاحظه

يعني بشير شنان مات صغير

علاء مات صغير

يوسف المطرف مات صغير

جمال الراشد مات صغير

مع ان هؤلاء ماتوا وتركوا ذكرى لمعجبيهم

يعني عكس الفنانين الحين اللي مالهم ذكرى للي يحبونهم

لكن اللي فوق بأستثناء علاء اللي ماعنده شي غير البرتغاله

مثل بشير والمطرب والراشد ماتوا صغار و فجأه و الى الان الناس تتذكرهم مع انهم مايطلعون بالتلفزيون واجد و اغلب اغانيهم حفلات خاصه

بس المسكين المطرف , كله منك عذبتوه و مات بسبب الحب , كان متزوج اماراتيه ويحبها جان تخليه وتروح الامارات بعد ما تطلقوا

وقعد الرجال يغني عشانها و صار انطوائي وبعدين طاح بتايلند و عاش هناك وكان يبي يعيش باقي عمره لكن رجع بالنهايه

ليش يعني انتوا جذي

[Karazhan]

انا الحين على اعصابي ترى

ناطر الحكم من المحكمه عشان المجلس , اما انهم يبطلون المجلس و نظام الصوت الواحد او يؤيدونه ويستمر المجلس المسرحيه هذا

ابي يبطلون المجلس ويرجع كل شي مثل ما كان

الساعه 12 الحكم , والحين 12 وربع و اتابع تويتر يقولون توهم داخلين الهيئه القضائيه و قفلوا الابواب عشان محد يطلع او يدش بعد و ما يطلعون الجمهور الا لما يقولون كل الاحكام ال56 واللي تتعلق بالطعون الانتخابيه و غيرها بما فيها ابطال المجلس الحاله والصوت الواحد

[Dudette]

شو السالفة شو صاير عندكم ؟؟؟؟ حجي شو صاير بالدنيا

يا رب دم علينا الامن والامان في بلادي وسائر بلاد المسلمين آمين يا رب العالمين

[Karazhan]

ههههههههه

ابطلوا المجلس

يلا كل المهرجين يروحون بيوتهم الحين هههههههههههه

[Dudette]

شو هذا المجلس

شو يسويلكم ؟ :33:

[Karazhan]

مجلس الامه , سلطه الشعب


ماعلينا

تدرين اليوم تصويت احلى بروفايل ؟

وتدرين اني مشارك ؟

روحي صوتي , صوتج امانه

عطيه اللي يستحق

[Dudette]

وانا بعد ابي اشارك

ابي وسام وكاس وكل شي

[Karazhan]

راح عليج

ان شاءالله المركب الياي

روحي صوتي و تذكر ان الدنيا مازال فيها مساكين وفقاره

و الواسطه تسقط الاولويه

روحي صوتي عشان بقولج شي وابي حل منج لأن شكلي بنام بره البيت اليوم

[Dudette]

انزين وين يصوتون؟

[Karazhan]

http://www.montada.com/showthread.php?t=769694

[Karazhan]

و زينتن غطت الافناد باسقتن

قالت لأترابها والسيف يحتضروا


هالله هالله بالتصويت لحد ينسى يصوت

[Karazhan]

اعتقد والله اعلم انه ما طق الملاكم الثاني ولا طقه

هذي نهايه الهياط يا شباب , لحد يهايط عشان مايصير فيه نفس هالمهايطجي

اسمعوا ضحكات المذيع

بالنهايه اغمى عليه من الضرب هههههههههه


http://www.youtube.com/watch?v=S0izGrosRmI

[Dudette]

صباح الخير كلكم

عمي بو شنب بشر منو فاز

[Karazhan]

تو الناس

انا مضرب عن الكتابه الى حين اعلان النتيجه , اذا خسران وهذا 100% اللي راح يكون بسوي ثوره و بعفس الدنيا و بطلع

[Dudette]

كيف يصوتون؟

[Karazhan]

ادخلي الرابط وشوفي دارك حاط صور لكيفيه المشاركه

نفس ما تبين تعطين احد شكر او اعجاب على مشاركه راح تشوفين مكانهم تشريح و اضغطي على اي مشاركه عضو من الاعضاء المشاركين و اختاري ترشيح و بعدين تعطينه صوت

لازم تشوفين و تفتحين عيونج عدل عشان ما تعطين احد بالغلط لأن المشاركه مره وحده بس وبعدين تختفي علامه التصويت

[Dudette]

خلاص رشحت مع ان في وايدين حلوه بروفايلاتهم وانت حاطلي ورد :bigeyes: كل هالشنب و ورد يالله

هههههههههههههههه هاي ترشيحه مع مذله شوي خخخخخخخخخخخخخخ

[Karazhan]

رشحتي منو عاد


عسى رشحتي المندوب بالحق عن صاحب الزمان

الملك الخافي عن العوام

ولد بطنها اللي عروقه بالماي

تدرين شلون

لا تقوليلي من رشحتي عشان ماازعل و حتى لو رشحتيني عشان محد يزعل ويقول خانت الاماراتيين و رشحت كويتي

[Karazhan]

السلام عليكم ورحمه الله وبركاته

اخواني واخواتي

انا انسان مسكين + فقير + مظلوم + يتيم

وانا مندوب الملك رفيجي ولد بطنها اللي عروقه بالماي ارواحنا له الفداء

مااكتب كلمه في موضوع الا وان تكون كلمتي من الملك , يعني اي معلومه او مشاركه اكون سألت الملك فيها و يعطيني الرد وبعدين اكتبه

يعني انا المندوب الحصري و اي شخص يدخل ويقول انه مندوب لا تصدقونه

ليس لدنيا فروع اخرى ولا نتعامل مع ما يسمى ب بداله المطاعم

يعني الزبده انا المندوب الحصري والوحيد , في مواقع اخرى يمكن تحصلون مندوبين للملك لأن حسب تخصص الموقع والمندوب المتخصص لهذه المواقع

انا مندوب هني

لذلك

لازم تقفون معي وتساندوني ضد المعتدين , لازم تكونون معي بالسراء والضراء

انا انسان مسكين ومظلوم ويتيم

وفقير بعد يعني بالغصب احصل وجبه غداء باليوم , للعلم اني اكل وجبه وحده باليوم , ماعندي فلوس حق وجبتين مثل الناس اللي هم غدا و عشا

ولا من عيال التجار والاغنياء اللي 3 وجبات باليوم

انا زين احصل وجبه , فلا تحرموني من ...... اي اي هذا اهو اللي في بالك

انا بروح شوي وارجع بكتب شي عن شي حاصل و فتنه عظيمه يحاولون ان يزجوا بنا فيها اهل ال........

الملك ينتظرني ولازم اروح اخذ منه كلام اللي يبيني اوصله لكم

بي رايت باك

[Dudette]

خلاص يبا رشحتك وللعلم ما في فرق بين كويتي واماراتي وقطري والخ......

المهم ترا رشحتك ولو لقيت صوت واحد هاي انا انزين :silly:

المهم ما علينا شخباركم من زمان ما بربرنا عليكم

المهم امس شريت متووو صغير اظن يسمونه طيور الحب الي عيونهم كبار

وخذيته بيبي بعده ريشه مب طالع كامل والحين قاعده اربيه وااكله سيريلاك مخصوص للطيور والوالده مستانسه عليه وحاطته في حضانه مع صيصانها ويحليله بس يلحقهم ويرقد تحتهم :09:

[Karazhan]

وانتي هذي حياتج

بس تشترين الحيوانات وتربينهم

خلصنا من النعامه و الكلب كرزان والسلحفاه ومادري شنو جا دور بلابل حب

شرايج تاخذيني و تربيني بعد ؟ انا مسكين واحتاج الى الحنان , محروم من الحنان وابي اللي يداريني و يوكلني خصوصا ان فيني مميزات ماتتوفر بالبلابل

مثل اتكلم عربي

اطب على الكتف واليد واكل من اليد بعد , اغني و ارقص واقوم بحركات بهلوانيه بعد


http://www.youtube.com/watch?v=UR6K_1M3iIU

ومميزات كثيره تعجبج صدقيني ويمكن صديقاتج يقولولج سلفيني البت جم يوم

[Karazhan]

على فكره التذاكر و الشحن مجاني

بعد شنو تبين اكثر من هالاغراء

[Dudette]

لا شكرا مسغنين عن خدماتك

وثاني شي مب بلابل اقولك طيور الحب

[Karazhan]

بلابل حب احنا نسميهم وبما ان الكويتيين يسمونهم يعني الاسم اهو الصح

الكويتيين دائما وابدا سباقين لكل شي , يعني مثلا الكبسه او يقولج بهارات الكبسه السعوديه

هذا غلط

لأن الكبسه كويتيه و اول من عملها الكويتيين , السعوديين شنو يعرفون ؟ يعرفون كليجه , يعرفون عيش ولبن , يعرفون عيش و الايدام تمر , هذا اللي يعرفونه

حتى المندي و المطازيز و المظبي وغيرهم اكلات يمنيه , السعوديين بس ياخذون من العالم و يقولون احنا اكتشفنا الاكلات هذي

لذلك اسمهم بلابل حب

او

357984


وهذا بلبل عراقي او النخل

357985


وهذا الافضل للتربيه والتغريد

اللي فوق مزعجين ومايغردون بس صراخ يبط الاذن لدرجه انهم كانوا عندنا بالمزرعه و من كثر ازعاجهم حكم عليهم الملك بالموت غرقا , وربط رجولهم بحبل ووصله بصخره و حطهم بالبرجه مالت الماي عمقها مترين تقريبا ومتروسه ماي و غرقهم

[Dudette]

حرام عليكم يا مجرمين
:cray::cray::cray::cray::cray::cray::cray::cray::cray::cray::cray::cray::cray::cray::cray:

[Karazhan]

هذا حكم من احكام كثيره عرفيه قام بها رفيجي ولد بطنها اللي عروقه بالماي

اهو ترى دموي مو رمنسي نفسي , انا الرومنسي بالعالم

احكام عرفيه منها الحرق و منها الالقاء من مكان مرتفع و منها اطلاق نار , نفس الحمامه اللي بالمخيم كل الحمام يطير الا اهي تطب فوق المحكر وكل ما نكشها عشان تطير تخدعنا وتطير شوي وتروح من ورى المحكر وتطب

الى ان اصدر حضره جنابه حكمه فيها بأطلاق النار عليها , و فعلا قام المجرم كرزان بتنفيذ الحكم و اطلق عليها النار من مسافه 5 امتار , مابقى من الحمامه الا ريش

[Karazhan]

مو كأنه النقاط عندي زادوا ؟

الحين احط عليهم الفاره يقولي معروف للجميع , اعلى لقب احصله منهم شنو ؟ وكم نقطه الكاب مالهم ؟ كأنهم الحين 11 نقطه

مو متأكد لأنهم متلاصقين و صغار , كل ما اعد واوصل 7 اصير احول واتخربط

[Karazhan]

ابي خدمه ياجماعه الربع

انا مسوي جيلد وقالولي جيب 4 يوقعون عليه قبل تسويه , سويت شخصيه بأكاونت ثاني و وقعت , رحت بسوي غيره قالولي حده بالاكاونت مره , سويت اكاونت جديد اللي اهو ابلاش ابو لفل 20 وقالولي مايصير لازم اكاونت رسمي

فأنا ابي منكم 3 بس يدخلون وقت معين و يوقعون , وانتوا عارفين ان مايحتاج لفل معين , سو لفل 1 بسيرفر فروست

فروست شنو نسيت

لحظه بتأكد واجي

فروست وسبر و اختار هورد و ضيفني اسم الشخصيه kenu وكلمني هني او هناك اذا شفتني شابك و قولي وانا اجيك او طير الى ثندر بلوف لأن انا هناك موجود والطيران مجانا حق لفل 1

ومستعد اعطي اللي يوقع 1 سلفر , اذا تتنازل عنه فيك الخير والبركه

الانجليز ذلوني محد راضي يوقع

[Dudette]

خلاص انا بيي بس لما ارد البيت بس تعطيني 1 جولد وما قلت اللاينس او هورد ؟

[Karazhan]

انا هورد

و ثور , يعني سوي ثور او بقره عشان تكونين قريبه

الحين بدش بالاكاونت وبنطرج مو تطولين

فورست وسبر ها وانا قلت 1 سلفر مو 1 جولد الله يهداج تتبلين علي وتخلين الناس تطمع فيني

[Karazhan]

ترى زهقت وانا انطر

[Dudette]

سوري سوري والله نسيتك

خلاص مابي قولد ينفع واحد سيلفر :biggthump

[Dudette]

المهم

هاي لوليتا :jap005: طارت عني

358016

وهاي جودي وفي صوره ولد خالتي قاعد يخرعها

358017


وهذا بااالووو اول ما شريته كان في الحضانه بروحه نايم عقب أمي حطت معاه صيصان تقول خليه يلعب معاهم :jap027: وصورتهم وهم نايمين

358018\

وهاي صورة بااالووو البارحه :jap051:

358019


قولووو ما شاء الله (ما تشاركون وتحسدون لا الصراحه ما ارضاها)

ههههههههههههههههه امزح معاكم

[Karazhan]

ياحظهم

متى يجي اليوم اللي تحطين صوري للمنتدى عشان يشوفوني

[Dudette]

ههههههههههههههههه

بمناسبة شو :jap030:

[Karazhan]

تربيني بدل هالحيوانات والطيور

حتى انج تربين قطوه معاقه , لون عيونها كل وحده غير عن الثانيه

اذا تبين انا ممكن البس نوع من هالانواع وكل يوم شكل غير

358020

[Dudette]

أنت مب اونلاين؟

[Dudette]

فيني رقاد واختي تبي تروح السينما يالله ادخل يا معود

[Karazhan]

لحظه الحين ادخل

[Dudette]

اوكي يالله باي باي

[Karazhan]

باي

شكرا على الخدمات الجليله اللي قدمتيها للملك ومندوبه و ابشرج الملك حاط اسمج في برواز و حاطنه في غرفته بالسرداب المخفي عن العامه تكريما لج ولخدماتج

[Dudette]

يا سلالالالالالالالالام صج

خلني اوهجك انزين طرشلي صورته بشوف

[Karazhan]

الصوره بكل مكان

انا ما خليت قسم من الاقسام الا وحطيت صوره الملك ارواحنا له الفداء

هذي مثلا حطيها خلفيه بجهازج 100%

358058

هذا احد حراس الملك الشخصيين , حراس السرداب

قاعد يفر عالمكان يشوف في متسللين او فضوليين

[Karazhan]

بقولج قصه حياتي باللعبه عن هالاسبوع

بس خليني اروح اول اسبح و ادهن شعري و اغسل النعناع و اضبط قلاص جبن شاي واجي ارويلج قصتي باللعبه

بي رايت باك

[Dudette]

كل هذا تدهن راسك

لايكون شعر تانجيلد وانا ما اعرف لين الحين تدهم بهالشعر

358069

[Karazhan]

انا اسف

انا من صج اسف , انا قليل ادب ومااستحي , انا سبحت و غسلت النعناع وضبطت الشاي و شربته مع النعناع و رحت اللعبه ولعبت ورحت المواقع وشاركت و نسييييييييييييييت السالفه هني

انا مااستحي على وجهي

انا الحين توني اقعد و سبحت و غسلت النعناع وحطيته بالشاي وقاعد اكتب هالمشاركه و قاعد ابحث عن التغيير اللي صار في عضويتي , ابشرج انا فزت بالمسابقه بس مااشوف شي تغير , كأن قصوا علي قالوا فزت عشان يسكتوني و ما عطوني شي

يمكن هاليومين ماادري بس بنطر وبشوف او الثوره

قصتي يا دوديت عن البوت , البوت طلع مجنون

بس خليني اريح شوي واشوف باقي المواقع اللي مسجل فيهم واشوف في احد يبيني او كاتب سؤال وبعدين اجي اقول شنو قصتي مع البوت

[Karazhan]

شوفي

من طلع الرايد الجديد والدخول عن طريق LFR وانا كل اسبوع ادخل بشخصياتي كلهم , انا عندي

ديث نايت = 2

درود = 1

وورير = 1

بالادن = 1


عندي 5 شخصيات لفل 90 , ومثل ماانتي عارفه الشخصيه لازم الايتم لفل 480 عشان يفتح كل الرايدات ال9 , وجير الpvp مايوصل للرقم هذا لأن اعتقد يوصل 470 و بالحاله هذي يفتح نص الرايدات والنص مقفولين لين اضبط الجير و ارفع الايتم لفل من الشغلات اللي تطيح من الرايدات اللي تكون القطعه فيهم

ايتم لفل 480 , اضبط فيهم واطورهم عشان ازيد الرقم الكلي للجير ويصير 480 و ادش

هذا كل الناس تعرفه , وانا ذكرته عشان ابين لكم شكثر ضايق خلقي مع هالسالفه , ادخل رايد من بدايته الى نهايته مااحصل شي , بس الشنط اللي تعطي 30 جولد يمكن

حظ نحس يدافع البلا

المهم وعشان اطول عليكم قررت اني اشغل البوت واجمع جولد و العب باتل جراند اجمع كونكويست عشان اوصل ل3500 واشتري السلاح ابو ايتم لفل 390 يمكن وهالسلاح يرفع الايتم لفل للجير بشكل حلو

المهم اني عانيت مع المشكله هذي , اسوي امور عشان بس اطور الرقم , وتعرفون انتوا 5 شخصيات يتعبون بالشغل

المهم بعد ما خلصت من هالسالفه اما اني اشتري سلاح الكونكويست ابو ايتم لفل 490 او اشتري السيف اظن كلكم تعرفونه اللي على شكل سمكه القرش ويكون ايتم لفله عالي بعد

المهم اني وصلت شخصياتي للرقم المطلوب و فتحت كل الرايدات ال9

لكن شنو السالفه الحين ؟ السالفه الله يسلمج والحاضرين والمشاهدين ان من اول رايد الى اخر رايد ياخذ وقت وجهد كبير , يعني الواحد يتعب ان لعبهم كلهم , كل رايد فيه 3 بوسات و يمكن واحد او اثنين فيهم 4 بوسات , بوسات يعني bosses مو يعني قبلات مثل قبلات رفيجي ملك اللعبه اللي عروقه بالماي الحاره

المهم غير البوسات في الحرس وغيرهم وكل واحد طاقته 130 مليون و تعال اذبحهم

يعني لو نضرب 3 بوسات بكل رايد على 9 رايدات يطلع الناتج = لحظه افتح الحاسبه بتلفوني , يعني 27 بوس

طبعا مثل ماقلت في رايدات فيهم 4 بوسات

المهم انا كل اسبوع ادخل ب5 شخصيات واذبح ال27 بوس و غالبا مايكون الحظ ردي ولا احصل شي , كأني مسوي بووست حق الشباب

المهم ياجماعه فكرت بالبوت , قلت انا شايف بالبوت اختيار raid bot وماعمري استعملته

انا استعملت دنجن بوت قبل مادري متى بالضبط بس كان لفل 60 وكان الدنجن اللي في hellfire والسالفه قديمه يعني يمكن ايام لفل 70 . المهم استعملته شوي قلت بجربه , ولما شفته طلع مفضوح حده

يعني انا من كثر ما شفت انه مفضوح سكرته على طول قلت لحد فيهم يبلغ عني , لأن واضح بوت , واللي مايعرف البوت يقول هذا شفيه يتحرك مثل الاهبل كأنه رجل آلي

المهم ان كان واضح مو انسان طبيعي اللي يلعب , من يومها سكرته و لا استعملته للدنجن و صار استعمالي تلفيل و ماينقق او حداق او اي وظيفه ثانيه

الحين قلت خلني اشوف الرايد بوت هذا اهو نفسه او غير لأن قبل ماكان في رايد بوت بس دنجن

لما اخترت رايد بوت و رحت للضبط عشان اضبط واختار اي رايد يدخل شفت ان ماتفتح معاي الخيارات , قلت يمكن اهو مبرمج جذي و من نفسه يتحرك بس انا اختار الرايد من اللسته باللعبه و لما ادخل يبدأ البوت يشتغل

لكن ماكو فايده , جربتها ولا صار اي شي

قلت خلني اشوف الدنجن بوت هل اقدر افتح الضبط و اعدل , ولما اخترت الدنجن فتح معاي الضبط

ولكن شفت غير عن قبل بالضبط

هذي الصور توضح برنامج البوت و الضبط فيهم

358090
انا مازلت مبتدأ بالقص واللزق والصور ماتطلع نفس ماابي , ماعلينا , هذي الصوره تلاحظين البوت وشنو تبين تسوين , باتل جراند او كويست او رايد او دنجن , والسهم على الدنجن لما اخترتا و ضغطت الضبط , طبعا كلمه ضبط مو مبينه بالصوره لأني فاتح اللسته , الكلمه تحت اللسته لما اخفيها تبين بعد مااختار اللي ابي





358091
لما اخترت الدنجن رحت ضغط على الضبط وفتح معاي اللي يسار واهو في بعد الاختيارات مثل اختيار المونت الارضي والطائر و الاكل والشرب وبالدائره الحمره ضبط الوظيفه اللي اخترتها , يعني اخترت باتل جراند اضغط هذي الكلمه واضبط البوت على اي باتل جراند ابي

واذا اخترت تفريم اضغط هذي واضبط التفريم وشنو ابيه يسوي مثل يجمع الماينقق والهيرب او اختار واحد منهم , لما اخترت الدنجن وضغطتها فتحت الصفحه اللي يمين

تلاحظين فوق دنجن و الدنجن الجديد اللي يكونون 3 لاعبين و رايد اللي عليه دائره حمره , لما اخترت رايد شوفي المستطيل , بدايه كان none يعني ماكو شي

لكن لما فتحت المستطيل شفت الرايدات واسمائهم وفوق بعد النون كلمه فارم , هذي تختارين رايد معين و يفرم عليه مايدخل غيره , تحتها اوتو سلكت بست رايد وهذي اللي انا اخترتها , وتحت اسامي الرايدات

اول شي ماكانوا كل اسماء الرايدات موجوده , هالبوت ينقل الرايدات المفتوحه عندي , اذا مثلا مفتوحين عندي اول 3 رايدات راح تشوفين باللسته هذي ال3 رايدات و باقي الرايدات مو مبينه , و لأني فاتحهم كلهم فالبوت فاتحين فيه كلهم بعد

انا اخترت اوتو سلكت بست رايد ليش

لأن الاختيار هذا البوت من نفسه يشوف شنو الافضل بالرايد ؟ اكيد اخر رايد مفتوح اهو الافضل لأن يعطي جير اقوى

واذا اخترتي نفسي جذي و شغلتي البوت و كل الرايدات مفتوحه عندج راح يختار البوت اخر رايد اللي فيه اخر بوس , ولما يخلصه راح يختار اللي قبله , يعني يمشي بالعكس من الاقوى الى الاسهل , من افضل جير واقوى جير الى اقل جير

يعني يمشي بالعكس من تحت الى فوق

وطبعا يخلصهم كلهم , واذا مثلا دخلتي مع رايد و الشباب ذابحين اول بوس , البوت نفسه يعرف هالشي و اذا ذبحتي الثاني والثالث وانتهى الرايد , البوت يطلع من القروب كأنه لاعب عادي و يسجل برايد جديد عشان اول بوس

بالعربي لازم يشطب الرايد كله ويذبح البوسات كلهم عشان ينتقل الى الرايد اللي بعده

لما تختارين اوتو اهو من نفسه يسجل دخول و يلعب ويخلص الرايد ويطلع و يختار رايد غيره و هكذا , يعني تشغليه و تروحين السوق , ترجعين تشوفين الرايدات كلهم مخلصين و تشوفين الجنط شنو طاح وشنو ماطاح

انا دايم احصل الشنطه الزرقه ام جولد , كرهت الجولد بسبتها . مرات البوت نفسه يفتح الشنط


هذي البدايه والمشاركه الجايه تجربتي مع الدنجن بدي

[Karazhan]

لما شغلت البوت وعملت كل اللي تشوفونه واخترت الرايد

بدايه كنت جديد على الموضوع , و البوت كان فاتح اول 3 رايدات بس , لأن مثل ماانتوا عارفين ان لازم تخلص الرايدات الاوائل عشان يفتحون اللي بعدهم و بعدين يفتحون اللي بعد كل ماتخلص اللي قبل

الى ان توصل الى اخر شي ويقولك لازم تخلص اللي قبل و الجير عندك 480 ايتم لفل

اول شي كانوا المفتوحين عندي اول 3

زعلت بصراحه وقلت شكله بس حاطين فيه اول 3 رايدات والباقي اكيد صعبين على البوت عشان جذي ما حطوهم , لكن بعد ماخلصت اول 3 شفت باللسته افتحوا اللي بعدهم و بعدين افتحوا كلهم , عرفت ان البوت ينقل اللسته اللي عندي و المفتوح يحطه والمقفول مايحطه الا لما تفتحه

المهم اني بدايه تخوفت وقلت مااظن راح يضبط , يعني مثل ماانتي عارفه والمشاهدين الكرام ان الرايد لازم تكتيك معين و لازم الواحد يسوي اشياء مع الرؤساء

نفس مثلا اخر بوس باللعبه , اللي لازم تمسك زاويه اذا اهو راح للنص وماتقدر تضربه , تاخذ زاويه وتراقب ربعك اللي يكبر حجمه تلصق فيه واذا البوس يسوي الحركه اللي يطلع مثل البرق عالارض ويدمج على كل اللي بوجهه ولازم تنحاش , و اخر شي تشتغل ريح ماتخليك ثابت في مكانك ويسوي الحركه السابقه

ولازم تتحاشاه

كل الامور هذي مع البوسات غيره مثل مثلا البوس اللي يجي طيران واللي حجمه كبير ولازم تضرب رجوله وبعدين تضربه

كل هذي الامور وغيرهم انا كنت متخوف منهم , قلت يمكن البوت مبرمج ان يمشي ويتبع التانك و مايهم يموت او لأ , مثل الباتل جراند , البوت يموت و يروح اماكن يموت فيها عشان بس يضيع وقت بالريز خصوصا بالباتل جراند ابو 40 لاعب

يضيع الوقت عشان يخلص الباتل جراند

انا قلت الظاهر نفس الطريقه , يتبع التانك من مسافه 20 يارده , وهذا المكتوب بالبوت وتقدر تزيد او تنقص المسافه , لكن يقولون البوت مبرمج عالمسافه هذي لأنها الانسب

قلت يتبعه ولما يوصل للبوس او اي موبات يضربهم حاله حال اي شخص , اما التكتيك والامور هذي مايهتم فيها , ان مات و ان ما مات مو مهم طالما ان راح يحصل على اللوت و باقي الشباب يقومون بالواجب

فاهمين قصدي عدل

هذا اللي توقعته بصراحه

لكن قلت بجرب وبشوف بنفسي , لما شغلته ودخل الرايد قعدت ابجي

قعدت ابجي ياجماعه على عمري اللي ضاع وانا ادخل الرايدات و اعذب نفسي والبوت عندي

ياجماعه بكل صراحه اقولها , البوت افضل مني بالرايدات والدمج

لما شغلته ودخل اول رايد , قعد يتبع التانك من مسافه 20 يارده , شكله مو مبين بوت , كأنه لاعب عادي

بالهوشه او المعركه مايتحرك ويكون مع الجماعه , اول مايشوف التانك ضرب التارجت يروح يركض ويضرب اللي التانك يضربه

شكله مو مبين بوت بالضرب , والحركه طبيعيه

بالبوسات يوقف ايضا مع الجماعه ولما يضغط واحد ready check البوت يضغط ready بايعها هالبوت

ولما يروح التانك للبوس يروح مع الناس , يضرب ويستخدم الحركات و الدمج ميتر يكون من الاوائل

اي حركه يسويها البوس يعرفها , لدرجه ياجماعه ان كل الرايد يموت الا انا , او مرات يدخلون ناس جدد مع ناس عارفين للبوس , تشوفون نص الرايد ميتين و النص يحاولون يذبحون البوس , البوت مع النص اللي يحاولون يذبحونه

كل التكتيك وحركات البوسات عنده ويعرفها , شي فوق الخيال والله

بالاختيار في غير LFR في نورمال 10 و 25 و في هيروك , ودي اجربه هيروك , مع اني اضمن انه ان ماتوا الشباب كلهم راح يبقى اهو اخر واحد

الحين انا مرتاح , شغلت البوت لكل الكلاسات عندي وكلهم خلصهم , اذا مات بالرايد بروحه او مع البعض ينطر اي واحد يسويله ريز واذا تحركوا ومحد سواله يحي نفسه من المقبره ويلحقهم

الحين ناطر الاسبوع يخلص ويصير ريست على الرايدات , متشوق اشوفه يلعب , بوت مجرم

واللي عاجبني فيه الدمج , يستعمل الحركات والوقت المطلوب , لدرجه ان يكون بالمراكز الاولى حتى لو الجير عادي , ثاني شي البوس الدينصور اللي كل شوي يطلعون ترول لازم نذبحهم

البوت يعرف هالشي ويخلي البوس ويروح للترول يذبحهم وبعدين يرجع

بالعربي كل التكتيك يعرفه

والحين انا مرتاح من سالفه الرايدات

وهذي قصتي للأسبوع

ان شاء الله نلتقي في قصص ممتعه وشيقه وجديده

باي

[Karazhan]

مو كأن لون اسمي تغير ؟ حتى تغير المسمى من المندوب الرسمي الى عضو مميز

خل اشوف السالفه شنو

[Dudette]

ههههههههههههههههه احلف توك تعرف نحن نسويها من زمان والربع يتنكووون بالبوت ويروحون يتعشون وساعات 2 او 3 يحطونه عالبوت ترا عادي وطبيعي وانا اتحراك تعرف يا مندوب الملك

[Karazhan]

السلام عليكم


انا قلتلج جربته بدنجن ايام لفل 60 وكان واضح من حركاته ان الشخصيه الواحد يشك فيها مو طبيعيه او مو اللي يلعب لاعب طبيعي

ومن يومها شلت فكره الدنجن بوت او الرايد بوت من بالي و اقتصر الاستخدام على التلفيل والتفريم

المفروض احنا كلاعبين اشرار نتبادل الخبرات , المفروض تقولين ترى البوت مضبوط بالرايدات عشان نستفيد , كل شرير باللعبه يستفيد من تجارب الشرير الثاني

اما جذي كل شرير يلعب ومايعلم الثاني ماراح نقدر حتى نشهر نقابتنا اشرار بلا حدود

مايصير كل شي براسي اروح واكتشف وبعدين اجي واقول ويطلع نص الاشرار عارفين عن هالشي وساكتين

لا يا جماعه مايصير جذي , كوننا جزء لا يتجزأ من اشرار اللعبه لازم نتبادل الخبرات و نقول لبعض عن كل شي يتعلق بالبوت







منو فيكم يبي المونت alan ؟ اهو اسمه الان او من عندي ؟ اللي في رايد the eye مال لفل 70

كلكم تعرفونه وكلكم تتمنون تحصلون عليه لكن مشكله بالامراء اللي مع اخر بوس , يعني الواحد مايقدر يفرم عليه بسبتهم

مشكلتهم شنو ؟

مشكلتهم انهم سهلين وبسرعه ينذبحون لما تكون لفل 90 , بالبدايه يجي واحد واحد فيهم وتذبحهم , لكن المشكله شنو ؟ المشكله انك بعد ماتذبحهم اول مره تشوف الاسلحه مالتهم تجي ولما تذبح الاسلحه يروح كايل اللي اهو البوس الاخير ويحييهم مره ثانيه و يقومون لك يفركونك

شلون يفركونك ؟ المشكله ان كل واحد فيهم عنده ستن stun و الستن مالهم يبط الجبد غثيث

هم 4 اشخاص , وورير يجيك اول شي وبعدين بالادن الثاني والميج البنت الثالثه والهنتر الرابع

انا بقولكم كتابه وبعدين بحط فيديو يوضع السالفه

بس بالكتابه بقولكم عشان يمكن ناس تشوف الفيديو وماتفهم المطلوب , وانا كشخص مجرب وعارف بقولكم شنو يصير بالضبط وبعدين نشوف الفيلم مع بعض

صرت مصطفى محمود الله يرحمه مو كرزان

المهم

الوورير يعطي fear و البالادن يعني سالينت والميج البنت اغث وحده تعطي الحريق اللي تقعد 10 ثواني تركض حول نفسك من الحريقه والهنتر اول مايجيك يعطيك debuff مدته تقريبا دقيقه , كل 4 ثواني يجيك ستن 3-4 ثواني

شوفوا يا جماعه الطريقه و افهموني عدل واستوعبوا زين

لحد يقولي يعني شنو جذي و اذا صار جذي شنو اسوي

لكل شخص عجز انه يذبحهم و شال الفكره من باله انا اقولك لا تيأس , راح اقولك طريقه ان شاء الله تفركهم فيها , طريقه مجربه ومضمونه وانا شخصيا مجربها بعد ما غسلت ايدي من اني اذبحهم و شلت فكره التفريم من بالي , الحين كل اسبوع ادخل بشخصياتي كلهم وانطر الاسبوع ينتهي بسرعه عشان ادش مره ثانيه

شوفوا ياجماعه

اول ما تدخلون الرايد راح تشوفون ممر طويل فيه الموبات الحرس وبالنهايه تشوفون صاله كبيره فيها الان يطير عدل ؟ قولوا عدل

نظفوا الممر كله واذبحوا كل الحرس و اول ما توصلون الصاله راح تشوفون طريقين يمين ويسار يودونك فوق . انتوا اخذوا الممر اللي يسار , بس قبل تصعدون اعطيكم فكره عن الممر اللي راح تسلكونه للصعود

اقتلوا الحراس الهنتريه اللي بالنص بالصاله معاهم طيور ولما تقضون عليهم روحوا للممر اليسار واصعدوا فوق , لما تصعدون راح تشوفون طيور بعد تقريبا 4 , يدورون فوق اذبحوهم , طبعا انا مااتكلم عن alan لأن قاعد يطير فوق وماراح يجيكم الا لما تتحرشون فيه

اذا تبون تذبحونه كيفكم لكن هذا مو موضوعي الشيق والممتع

بعد ماتنظفون الممر والصاله و الممر بالدور الثاني , راح تشوفون بابين كل واحد ياخذكم لبوس معين واثنينهم يودونك حق كايل اللي اهو اخر بوس , طبعا من الممر اللي قلتلكم راح تسلكونه اللي اهو اليسار , هذا راح ياخذكم صوب reaver مادري اذا اسمه صح او لأ لكن العملاق الآلي

اخذوا الممر اللي يودي للبوس هذا , اذا دخلتوا ممر وشفتوا البوس البنت اللي لابسه جير هنتر ارجعوا و اخذوا الممر الثاني

طبعا بالممر راح تشوفون حرس و موبات اذبحوهم , اذبحوا الحرس بطول الممر لغايه باب البوس العملاق و بعدين ارجعوا واذبحوا الحرس لغايه باب كايل

يعني الممر كله يتنظف

تدخلون على كايل , راح تشوفون حرس عنده غير البوسات "بوسات مو يعني قبلات , يعني bosses" اللي هم الوورير والبلادن والميج والهنتر

لكن راح تشوفون 3 مجموعات من الحراس العاديين اذبحوهم كلهم لغايه ماتشوفون ان بالغرفه بس انتم و كايل و تلاميذه

روحوا حق كايل واول ماتوصلون للدرجات اللي امامه راح تشوفونه يتكلم , او انك تتحرش فيه بضربه من بعيد المهم يتكلم , ان تكلم يعني بدأت المعركه , انت بالحاله هذي تكون تركض

يعني تروح كايل وانت تركض "يعني ترقص مثلا؟" ولما يتكلم تاخذ فوق تحت وترجع مكان البدايه "بدايه الرايد"

اهو راح يتكلم وبعدين يرسلك واحد واحد من اللي عنده , اول شي الوورير و هالوورير يجيك يمشي مو يركض , فأنت على ماتوصل مكان البدايه راح تقعد فتره على ماتشوفه جايك , و مو توقف عند البدايه للرايد . لأن يعطي fear واذا كنت بالبدايه ملاصق للبوابه يمكن تطلع بره الرايد ويصير ريست

راح تلاحظ الممر عباره عن حجرات صغيره انت خلك بالحجره اللي بعد حجره البوابه للرايد

المهم لما يجيك بعد فتره اذبحه , وانتظر يجي البالادن , لما يجي البالادن اذبحه بعد و اول ماتذبحه روح اركض لغرفه كايل , مو غرفه لكن الممر اللي يوديك البوابه مالته

طبعا اول ما تركض وتاخذ الممر يسار و تشوف جدامك الباب اللي يدخلك على الممر اللي يوديك للبوس العملاق و كايل راح تشوف البنت الميج طالعه من الباب , راح تعطيك ضربه فاير بلت عالارض تاخذ فيها ستن بو 10 ثواني

بعد ما يفك الستن طنشها وروح اركض ادخل الممر , اهي راح تتبعك وتحاول تضربك لكن المسافه بينك راح تضطر ان توقف الكاست وتركض وراك

اخذها لغايه منتصف الممر اللي بين ممر البوس العملاق و كايل , يعني اول ماتدخل من الباب استوعب معاي , اول ماتدخل من الباب راح تشوف الممر اللي يوديك حق العملاق وانت تركض تشوف ممر يجي يمينك يوديك حق كايل , انت اخذ الممر اللي يوديك حق كايل وبالنص خل البنت توقف

من تشوفها وصلت لنص الممر ارجع عليها واذبحها , طبعا راح تعاني من الستن مالها لكن اذبحها ماعندك شغل

بعد ماتذبحها عزيزي المشاهد اركض روح للبوس العملاق , راح تشوفه بالنص و حوله حراس , انت لا تذبحه او تقرب صوبه , ولا تتحرش بالحراس , كل ماعليك انك تروح تركض وتدخل الصاله اللي اهو فيها و توقف خلف الباب عشان يضطر الهنتر يدخل الصاله و يجيك خلف الباب

اول مايقرب صوبك راح تشوفه يعطيك debuff مدته دقيقه يمكن و كل 4 ثواني يعطيك ستن 3 ثواني يمكن

انت لا تذبحه بالبدايه ولا تستعجل عزيزي اللاعب , لأن ماراح يصير شي الا لما تذبحهم واحد واحد , يعني لا تقول ابي اذبحهم بسرعه عشان الحق على شي , ماكو شي يصير الا لما تذبحهم , عرفت شلون يعني لا تستعجل بالسالفه

اضرب الهنتر بس لا تذبحه , يعني عطه ضربه وحده او لعنه تنقص طاقته فيها شوي شوي لغايه ماتصير طاقته اقل من النص

ان شفت الdebuff اللي عطاك اياه الهنتر قرب يخلص يعني باقي 5 ثواني ويخلص اذبحه بسرعه , لأن ان ماذبحته بسرعه و خلص الدي بف منك راح يعطيك مره ثانيه على طول وترجع دقيقه

لما تذبحه اركض للممر اللي دخلت منه بس لا تروح صوب البنت الميج , خلك واقف وعينك على الممر اللي يوديك حق كايل وانخش خلف الطوفه راح تشوف الاسلحه تجيك , وانت خلف الطوفه راح يجونك الاسلحه كلهم لأن فيهم كاستر يوقف من بعيد ان كنت مبين , لكن وانت واقف خلف الطوفه راح يضطر يجيك

لا تستعجل فيهم , لما يجتمعون مع بعض اذبحهم كلهم , اول ماتذبحهم روح اركض للبنت و وقف فوقها وخل ظهرك للطوفه لأنها اول ماتصحى راح تعطيك حركه تطيرك بالهوى مسافه 20 يارده , فأنت خل ظهرك للطوفه عشان ماتطير وتكون لازق فيها "مثل اي شاب يلزق بالبنت بالمجمعات التجاريه"

او انك توقف بعدين لأنها ماتعطي الحركه هذي الا للناس اللزقه , الmelee واذا انت هنتر او كاستر اوقف بعيد

اول ماتشوف البنت تصحى حاول قدر المستطاع انك تذبحها بسرعه , كثر ماتقدر حاول ولا تنسى تستعمل الترنكت مالت الpvp لأنها راح تعطيك الستن ابو 10 ثواني و ال10 ثواني هذي كافيه انك تذبحها فيها قبل يتجمعون عليك باقي الشله

اذا ماذبحتها بسرعه راح تشوف الهنتر وصلك , مو مشكله حاول تذبحها وبعدين لف على الهنتر واذبحه , اول ماتذبح الهنتر راح تشوف البالادن وصل او ياخذ شوي ويوصلك , اذبحه بعد

طبعا الهنتر اول مايجيك يعطيك الدي بف ابو دقيقه و يعطي ستن كل 4 ثواني , لكن على مايوصل البالادن والوورير راح يخلص الوقت

يعني لا تنطر لما يصير وقت الدي بف 10 ثواني وبعدين تذبح الهنتر , اذبحه على طول بعد البنت , يجي البالادن يعطيك حركه يطيرك المهم اذبحه ولما تخلص منهم راح يتأخر مثل العاده الوورير لأنه يجي يتمشى "راهي الحبيب"

لما يوصل اذبحه , طبعا انت وينك فيه ؟ انت بالممر اللي فيه ذبحت البنت اول مره , يعني بين باب كايل و بين الممر اللي يوديك حق ريفر العملاق

لما تذبحهم انزل للممر اللي يوديك حق العملاق ونفس الاسلحه انخش ورى الطوفه عشان مايشوفك كايل ويضطر ينزلك بالممر مال العملاق

اضربه و ابعد عن الارض اللي تشتعل نار ولما يسوي سومون حق الان او الطيور الناريه اذبح الطير ومن تذبحه تطلع مكانه بيضه اكسرها واضرب كايل واضرب كايل واضرب كايل

لما تصير طاقته 50% واقل راح تشوفه يركض لمكانه , انت اضرب فيه واهو يركض بس لا تروح وراه , خله يرجع وانتظر مكانك بالممر اللي يوديك حق العملاق

اهو راح يتكلم شوي وبعدين راح يسوي حركه انه يطيرك بالهوى , هذا اذا انتوا عنده بغرفته , لكن بما انكم مو عنده راح يطلع من غرفته ويوقف عن الباب المقفول مال غرفته , لأن مثل ماانتوا عارفين ان بدأت اي معركه مع بوس راح تتقفل الابواب عشان ماكو نحشه

اهو راح يطلع وراح يسوي حركه يسحبك فيها لو وين ماكنت , يسحبك عنده وتشوف نفسك امامه واقف وفجأه تشوف نفسك تقفز بالهوى و تظل طائر , بالحاله هذي اضرب كايل لين يموت , اهو يعطيك دي بف يوصل 9 و هذا الدي بف يقلل الهيلث مالك ورقم 9 يعني 90% يقلل الهيلث

حاول تذبحه وتعطي نفسك هيل اوفر تايم المهم اضرب فيه لين يمون ولاتنسى ان وانت تطير لا تنزل الارض , ان نزلت الارض راح تطير مره ثانيه اعلى شي و تسقط عالارض وتموت

لا تلامس الارض الى ان تنزل بنفسك , ولما تذبحه تشوف حظك باللوت



رفيجي جرب حركه ثانيه وكانت بالوورير , دخل عادي عليهم و لما ذبح واحد واحد فيهم وذبح الاسلحه وقف فوق البنت ولما احياهم مره ثانيه كايل كلهم و بسرعه بسرعه استعمل كل البفات ملات الوورير مثل افتار و ريكلس اللي تعطي كريتكال 20% و حط العلم والترنكات , يعني كل شي يقوي الوورير استعمله

واستعمل الحركه اللي بالتالنت اللي اسمها ,,,, اللي اسمها ,,,,, والله نسيت اسمها بس اللي الوورير يدور على نفسه ويضرب جماعه ستورم سترايك يمكن ؟ او هذي لعبه ؟ كأن اسم لعبه

المهم اللي يدور على نفسه ويضرب جماعه و مايصير فير او ستن عليه يكون اميون

المهم انا جربتها وذبحتهم لكن بعد معاناه لولا سكند وند وله كان مت

رفيجي يقول افضل شي وورير وتضبط معاه اكثر

انا الطريقه اللي ذكرتها فوق استعملتها مع ديث نايت blood واهو كان الافضل بلا منازع , طبعا شخصيتين ديث نايت بلاد جربتهم بالطريقه هذي مو واحد

جربتها مع درود و كان الاسوأ , الدرود كان جارديان , هزئني كايل بالغصب ذبحته

جربتها مع بالادن و كان مضبوط ماشفت مشاكل ولكن بما ان البالادن ماعنده ضربات تعطي هيل و الاورا مالت الهيل تعطي 5 الاف بس , لكن كل ما ذبحت واحد عطيت نفسي فلاش هيل وانتهى الموضوع , وبالهوشه كنت اهيل نفسي من الحركه اللي تجمع لها 3 نقاط

المهم الشخصيات فوق جربت الطريقه اللي قلتها وضبطت معاي وكان الافضل فيهم بلا منازع الديث نايت بلاد , الوورير ماجربت الطريقه هذي لكن جربت طريقه رفيجي و ضبطت بعد معاناه و وشك الموت


وهذا المقطع المصور يعرض لكم الطريقه , المقطع طويل شوي ربع ساعه

المقطع فيه موسيقى



http://www.youtube.com/watch?v=U3aSPmeaDGU


بالدقيقه 14 راح تشوفون انه لامس الارض كان يطير بالهوى ويطيح بقوه وطاقته وصلت نص يمكن , هذا لأن مايدري ان المفروض ما يلمس الارض طول ما انه يطير بالهوى

وانتوا لحد يلامس الارض ان طلع كايل مره ثانيه و طيرك , لا تلامس الارض الا لما من نفسه ينزل

والسلام عليكم ورحمه الله وبركاته

[Dudette]

ترا ضعت ودوخت ورقدت مرتين وانا اقرا المهم بشوف شو السالفه وبخبرك بالنتيجه

[Karazhan]

انا قاعد اقول تكتيك يعني لازم شرح وافي للمهمه من طئ طئ لييي سلام عليكم

الكلام فوق اهو بالعربي عشان اللي مايفهم شنو المطلوب من المقطع , اهم شي الستن مال الميج اللي ياخذ 10 ثواني و ستن الهنتر 4 ثواني ويقعد 60 ثانيه فيج وكل شوي يعطيج ستن

انتي لازم تخلين البف هذا عليج وتخلين طاقت الهنتر اقل من النص , ولما يصير الوقت 10 ثواني اذبحي الهنتر عشان مايعطيج نفس البف هذا وتقعدين دقيقه كل شوي ستن عليج

والفقره الثانيه لما يحييهم كايل مره ثانيه راح يكونون كل واحد بعيد عن الثاني عشان يصير عندج وقت تذبحينهم بسرعه , بعد ما تذبحين الاسلحه

لأن لما يكونون بعيد عن بعض وكل واحد يجي ركض عشانج انت تقضين على الميج بسرعه , لأن ان تجمعوا كلهم مع بعض راح تروحين فيها , راح يحوشج 4 ستنات , مايفتح ستن الا الثاني عليج و تفقدين السيطره على الشخصيه ولا تقدرين تسوين شي

عشان جذي كل واحد تذبحينه بالبدايه بعيد عن الثاني عشان تستفردين فيهم بعدين

يقول الملك رفيجي ولد بطنها اللي عروقه بالماي ارواحنا له الفداء "اذا تجمعوا عليك كلهم مايفكك حتى ترنكت الpvp" هذي مقوله الملك قدس سره

طبعا هالكلام قبل , الحين في لفل 90 احتمال لو كنتي تملكين جير قوي و عندج حركات قويه بدون كاست او ان كنتي ميلي عندج حركات تجي كريتيكال , راح تذبحينهم لأن فرصه ان مايعطونج ستن فيها تقريبا 2 الى 3 ثواني بعد 20 ثانيه من الستنات

يعني لازم بسرعه بسرعه

وشوفي المقطع وطبقي بالضبط مايسوي وراح تشوفين بعد التجربه شلون يكون الوضع

اللهم انصر التلاميذ في كل مكان

والسلام عليكم ورحمه الله وبركاته

[Dudette]

المهم شو بستفيد من هذا التكتيك

[مصفي النية]

يعطيك العافية ياكرازان على هالشرح
الحي يحييك
بالنسبة للبوت عاجبني شغله وكلامك عنه لكني اخاف من الباند خصوصا ان ماعندي الا اكاونت واحد
عندي سؤال صعب شوي واتمنى القى الجواب عندك
تو ملفل لي شخصية ودخلت اول رايد ب LFR
استغربت اني لقيت ناس من سيرفرات مختلفة داخلين معانا وجيرهم عالي حيل كلهم فوق 522 سالت واحد قلت وش الفايدة من دخولك معنا مارد
تتوقع وش السبب اللي يخلي ناس جيرها عالي تدخل اول ريد خصوصا ان مافيه ريبتيشن ولاشيء ؟؟

[Karazhan]

اشكركم اول شي

ثاني شي الاخت دوديت الفايده ان البوس الاخير هذا يقط المونت

358124


اما الاخ مصفي النيه

انا شخصيا الجير عندي عالي بعد في بعض الشخصيات لكن ادخل لهدفين

الهدف الاول اني ادخل عشان اجمع جير ثاني , يعني عندي جير dps والحين ادخل عشان اجمع جير تانك

ومادري اذا تعرف تختار نوع الdrop انت , لأن اليوم تحديدا كلمت واحد من الربع وقلتله ليش ماتدخل تجمع جير هيلر او تانك ؟ قالي شلون , ان دخلت كأني تانك الرايد محدد ان يدخلون 2 وانا مايصير ادخل dps و حاط تانك لأن السيستم راح يخليني تانك

تفكيره قديم الاخ , قلتله لا مو جذي , حط الفاره على صورتك و اضغط يمين كلك تفتح عده خيارات اللي تحدد نوع الدنجن هيروك او عادي وغيرها من الخيارات , راح تلاحظ ان في اختيار مال الloot ومنه تقدر تحدد الloot اللي راح يطيحلك من البوسات

لما سواها استانس والحين مايطوف اسبوع الا يشطب كل الرايدات

وهذا اغلب الناس بما فيهم انا , ندخل عشان نجمع جير ثاني

و الاحتمال الثاني , تلقاهم يدخلون عشان التوكن او الباجات ال90 اللي ياخذونهم بعد نهايه كل رايد , لأن في كويست اسطوري تاخذه من wrathion ولد deathwing اللي يعطيك كويست او سلسله كويستات اسطوريه , من الكويستات اللي تاخذهم منه يقولك اجمع 3000 valor point

وهذا الكويست

http://www.wowhead.com/quest=32476



فأنا شخصيا اتوقع ان الهدف واحد منهم او اثنينهم مع بعض لأن 9 رايدات وكل رايد يعني 90 فالور اذا خلصته غير بعض الفالور تاخذه من داخل الرايد نفسه لما تذبح شخصيات معينه

يعني اعتقد ان طريق سهل للناس عشان يجمعون للكويست

[Karazhan]

بالنسبه للبوت اخوي مصفي النيه

اذا عندك اكاونت واحد واللعبه عاجبتك لا تستخدمه لسببين

اول سبب انه راح يخليك تترك اللعبه و تقعد تشوفه شنو يسوي , وشوي شوي تشوف نفسك مالك خلق تلعب وودك البوت يقوم باللعب عنك لأن مبرمج يسوي كل شي وتقريبا بأتقان افضل من اللاعب نفسه

يعني تخيل بالرايدات يلعب عنك و لعبه مضبوط ويعرف التكتيك وكل شي , بالباتل جراند شغلته على ديث نايت بلاد , الجير العادي البنفسجي والسلاح مال الكونكوست , تخيل لما انا العب فيه يجوني 2 ويذبحوني

لما البوت يعلب يجوني 6 وبالغصب يذبحوني بعد ما ينشف دمهم البوت , ولو ما معاهم هيلر يذبحهم اتوقع

من ناحيه التفريم فهو يجمعلك كل شي من minig , herd , skining وتروح تعرضهم للبيع و تكسب من وراهم

يعني راح تقول انا بعد ليش العب دام يسوي كل شي باللعبه وبشكل مضبوط

انا كنت مدمن لعب وكل اللي اعرفهم نفسي , ومن استعملنا البوت صرنا متفرجين , فأنا اقول دام اللعبه عاجبتك ومازلت تحب تلعبها افتك من البوت

اما الباند فهذا شي مستبعد الا اذا بلغ عنك احد , لأن اغلب الناس الحين يعرفون البوت وتحركاته , مو بعيده اللي يبلغ عنك شخص يستعمل البوت , بالباتل جراند لما يكون 40 لاعب ماعليك خوف ونسبه التبليغ ضعيفه , اما تعلب باتل جراند 15 لاعب راح يصيدونك و مو كلهم بعد يعرفون انك بوت

الرايد محد يصيدك وانا صارلي فتره ب5 او 6 شخصيات ادخل كل اسبوع الرايدات ال9 كلهم واخلصهم بدون مشاكل و انا حتى مستغرب شلون مضبوط بالرايد وماتقول بوت بس في ساعات يخورها خصوصا ان صار لاق , ومحد يصيدك الا اللي يعرف البوت ويستعمله

التفريم يصيدونك لأن واضح و فوق هذا تشوف معاك 10 يستخدمون البوت , فيصير التبليغ من الكل عليك وعلى غيرك , كل واحد يبي يكون الشريف منهم ويبلغ عن الثاني

بس اذا انت ماعندك الا اكاونت وتحب اللعبه لا تستخدمه

اذا انت انسان مجرم ومايهمك شي وتبي تدخل معانا في نقابه اشرار بلا حدود استعمله

[مصفي النية]

تسلم على ردك
اي صح كلامك اتوقع داخلين الريد عشان الكويست

وبالنسبة للبوت صرفت النظر عنه لانه فعلا راح تعتمد عليه وتترك اللعب

[Dudette]

انزين انا في كل الحالات اذبح البوس ومن نحاستي ولا مره طاحلي بس الي معاي يروحون ويحصلونه واولهم ولد عمي عمره 11 وطاحله مرتين والقهر انا اسويله بوست من لاعب ثاني وعنده الماونت ويوم انا ادخل ما يطيح

[Karazhan]

ولد خالتج مادري عمج مايجي الكويت زياره واشيل فلوسي من حساب الجوهره واحطهم بأسمه بحساب جديد بالبنك

وبدل اربح مره 250 الف اصير اربح مرتين

انتي المفروض ماتزعلين . انتي المفروض تستغلين هالولد وتشتركين بأسمه بكل جائزه تشوفينها

انا لو عندي واحد نفسه كان استغليته من زمان وكان الحين قاعد اتغدا بفرايديز من كثر فلوسي

لكن مشكلتي ان اللي عندي كلهم نحس ، يمكن انا اللي احسن واحد فيهم بالحظ

واحد من ربعي من بدايه زل امان واهو يفرم على المونت الدب والى الان ما طاحله

الثاني على التايغر مال زل جرب والى ان شالوه من اللعبه ماحصله

وغيرهم وغيرهم اللي الى ان اتركوا اللعبه وماحصلوا اللي يبونه


نصيحه استغلي هالولد ، عالاقل خليه يدخل الرايد بأكاونتج وانتي ادخلي بأكاونته

[azshara]

دوديت ،،
تعالي اوديك كلثاس ،، حظي مع هالماونت خرافي
شفته طاح 3مرات خلال عشرين مره ذبحته فيها ،، طبعا الحمدلله جبته منزمان :biggthump







كرزان ،،
ماودك تسوي موضوع عن هالبوت وتزودنا برابط تحميل وشرح الله لايهينك ..
عندي اكاونت ثاني وودي اخليه للبوت افرم هيربز ومايننق ،، عاد سيرفرنا ميت مااحد جايب خبر :)
وبالمناسبه وش معنى المكتوب بتوقيعك ..









عندي طلب للناس الفاضية ،،
ودي بكم بوست في ريدات قديمه 60و70 للبلادن حقتي لفلها 73 ...
ابي اجيب لها ترانزموق نكشخها شوي :biggthump
هورد طبعا ،،
هي الوحيده اللي عندي هورد ، لو الاينس كان بالراحه لقيت اللي يسوي لي بوست ..
ف اللي فاضي وحاب يساعد يرفع يده ونخدمكم بالاينس ان شاءالله :أفكر:

[Karazhan]

http://www.thebuddyforum.com/releases/

هذا رابط البوت و بفلوس لازم تشتركين وتاخذين منهم الرقم

الرايدات لفل 60 كلهم سهلين مثل ملتون كور و aq 20 و 40 لكن بلاك ونق اول بوس راح يسبب مشكله لأن لازم واحد يتحكم بالبوس والثاني يذبح الadds اللي يحاولون يذبحون البوس

يعني بروحج صعبه شوي وانا ما بحثت الى الان عن تكتيك يقول شلون نخلص البوس الاول بلاعب واحد

معنى الكلام بتوقيعي اهو لطميه ايرانيه يرددها الايرانيين و تعني "سنذهب الى كربلاء" بمعنى اخر "راح نحتل كربلاء ونضمها للامبراطوريه الفارسيه"

ماعلينا

واذا انتي محظوظه بالمونت ياليت لو تسوين شخصيه هورد للناس اللي يبون المونت وتدخلين معاهم كمشاهده فقط واهو يقوم بكل شي , بس نبي حظج

[Karazhan]

بدايه البحث شفت هالتصوير لأول بوس


http://www.youtube.com/watch?v=eqEeqPfL9mA

بروح اجربه الحين واشوف يضبط معاي او لأ

[azshara]

انا كنت ابي ريدات لفل 60 للاعب عندي لفله 73 يعني صعبه ، الامستحيله اسوي لها سولو ..
اما اللي لفلهم 90 ف بالراحه اسوي سولو للريدات 60و70وكثيرر من لفل 80 ..




بالنسبة لأول بوس في بلاك ونق ف استغرب للناس اللي تقول انه صعبه تسوي له سولو؟
ذبحته كثير عالوارير والبلادن بدون اي مشااكل ومو محتاج لتكتيك معين وحوسه ..
اسهل طريقة اول ماتخش تذبح الثلاثه اللي عاليسار ب Aoe سريعه ، تاخذ الدراقون وتبدأ من جهة اليمين اللي كان فيها البوس ..
تكسر البيض ، لما يطلعون الادز بعد فتره تجاهلهم لاتضيع وقت وتضرب فيهم ، خليك سبااام ع زر التكسير :biggthump

بعد شوي راح يخلص الوقت وتطلع انت من الدراقون ، البوس راح يكون بالنص ، بيمديك تسوي Aoe سريعه عالادرز
المجتمعين عند ال orb وتاخذ الدراقون قبل مايوصل لك البوس .. وترجع تكمل تكسير ..
اهم شي ماتضيع ولاثانيه في ضرب الادز وانت متحكم بالدراقون ... وبيمديك عليه .



* مشكور عالرابط

[Karazhan]

اهو مو صعب لكن المشكله بالدراجون نفسه يموت

توني سويتها و مت و سويتها مره ثانيه وذبحته

اول مره عملت المطلوب وقعدت اضغط رقم 4 بدون ما اضرب اي موب وكسرت البيض لغايه ما باقي يمكن 5 جان يموت الدراجون

سويتها مره ثانيه و اشوه بالبدايه محد جاني وانا بالبوس كلهم راحوا لشخصيتي يضربونها وكنت وورير و اشوف الهيلث مو قاعد يخلص بس المشكله بعدين قام يضربوني بالبوس ولما كسرت كل البيض بقى من الهيلث للبوس الربع يمكن

عموما وافضل شي انا اشوفه ان الواحد لازم يكون عنده اكاونتين , واحد رسمي والثاني للخرابيط

يسوي اي شخصيه فيه و يوصلها لفل 55 وبعدين يركنها على جنب ويسوي ديث نايت , يفضل blood لأن مال ضرب , ويخليه للأمور هذي , انا اذا ابي شي بشخصيه لفل قليل ادخل بالديث نايت لفل 90 و اضبطه , اوديه كل مكان , مره سويت وورير لفل 60 بأكاونت كلاسك ودخلته ملتون كور وجمعتله كل الجير وسلاح اسطوري

ورحت العب فيه تونك , لكن للأسف انصك باند طاحوا علي بليزرد استعمل بوت فيه

المهم ان الاكاونت الثاني اشوفه ضروري , واذا زهق الواحد حط البوت عليه وقعد يجمع جولد له , حتى لو ينصك باند يكون الواحد مضبط شغله و مخلي البوت يرسل كل شي للأكاونت الرسمي , واذا انصك باند يشتري غيره بحساب شهر اشتراك لأن الاكاونتات ارخصوا الحين

وقعد يلفله بالبوت وخلال اسبوع تقريبا او اكثر شوي يوصل 90

انا عندي جير التلفيل مطورهم لغايه لفل 85 , الجديد مطور وجاهز لكن القديم لغايه لفل 80 و يطوره اللاعب لغايه 85 , المهم اني مطورهم و لما اسوي شخصيه الفلها لغايه 85 بسرعه واول مايوصل 85 ارسل الجير مال التلفيل لأكاونتي الرسمي و ابدأ بالتلفيل بجير عادي اشتريه او احصله من الكويستات

و الوضع ميه ميه

راح باند سويت غيره وانا وراهم وراهم بليزرد لما يقولولي يابن الحلال فكنا من شرك , هاك اكاونت جيم ماستر و اترك البوت

هني اوقف البوت

[Karazhan]

ابشركم توني طليت على البوت حاط فيه ديث نايت وشفته ذابح السلحفاه بالرايد الجديد و طاحلي هالسلاح


Bo-Ris, Horror in the Night

بولار سترينج358139


هذي وظيفه البوت دام ظله

قاعد اكتبلكم واهو يلعب عني الرايد ويجمعلي الجير

[Karazhan]

ابشركم وابشر الامتين العربيه والاسلاميه

بعد السلاح اللي فوق طاحلي السيف هذا


Zerat, Malakk's Soulburning Greatsword


358144



اللهم زد وبارك

يوم الاسلحه العالمي

[Dudette]

ول عليك خل يعطونك بان

[Karazhan]

فال الله ولا فالج ياحرمه

شدعوه

هذا اكاونتي الرسمي يعني انصك باند اجابلكم هني 24 ساعه , بعد لا شغل ولا مشغله

[darkitp]

بوشنب .. بخصوص اللون ياريت تراجع كيف تغيره .. لو مهتم ..

[Karazhan]

ابو شنب هذا قبل

الحين ابو السيوف

انا مابي شي جزاكم الله خير حتى ما ودي فيه لكن انغصبت

[Dudette]

تعالي بسويلج بوست افا عليج بس انتي كله اللاينس لاعبينج

[azshara]

تسلمين يارب ماتقصرين ..
متى مافضيتي عطيني وسبر .. ابي بس مولتن كور + هايجل لفل70 :أفكر:
هايجل غثيثه مره بس بأحاول اجيب احد معنا .

[Dudette]

خلاص اليوم ان شاء الله

امس كنت اسوي بوست حق ربعي 2 يبون يوصلون لفل 66 لاني انا لفلي في المونك 66 وهم 45 فاسويلهم بوست لي ما يوصلون معاي وبنلفل مع بعض 2 مونك وواحد وارلووك

اليوم ان شاء بكلمج وبسويلج بوست

[Dudette]

بالمناسبه بو شنب (أبو الحروف ... أوبس اقصد ابو السيوف)

ترا اطالبك ب 3 جولد عن كل توقيع عطيتك اياه

[Karazhan]

واجد 3 جولد يامعوده

او قصدج كل توقيع جولد والمجموع 3 جولد كلهم ؟

طيب ابي اسوي جيلد في سيرفر ستورمسكال وابي مساعده , كم تاخذين

بعد الخصم يعني والسعر النهائي كم ؟

3 سلفر اوكي ؟ انا اشوف ان سعر مناسب جدا و يرضي الطرفين

[Karazhan]

انا بروح انام

ان قعدت بشوف ردج شنو

اتمنى من كل قلبي ان الرقم مايوصل للجولد

يعني سلفر وتحت , سلفر كوبر مجانا احلى واحلى , ومثل ماانتي عارفه انا مسكين + فقير + يتيم

و اما اليتيم فلا تقهر و اسلوبج معاي بسالفه الجولد تقهرني

[Dudette]

هي المجموع 3 جولد

وعلى السيرفر الثاني بعد نفس السعر 1 جولد عن كل توقيع

[Karazhan]

انا رسام بس انتي تغارين مني

رسمت الانديد على مونت الاورك و رسمت ترول لابس قبعه المونك ورسمت البوس في لفل 70 magthridon

كلهم رسمتهم بشكل صادق و معبر يشيب له الرأس

بس انا معروف دائما محارب من المجتمع والكل يشمت فيني , لكن لما اموت راح توصل رسومات الملايين مثل كل الرسامين يعيشون فقراء ولما يموتون مثل فان جوخ تباع رسماتهم بالملايين

و مو اتعشى في فرايديز لا افتح مطعم بدل فرايديز واحسن منه واكل فيه ابلاش

[Dudette]

خف علينا يا مايكل انجلو او خوسييه او هذا الي قلت اسمة

المهم رسمك موووووووووووووووووووول مب شي ولو سمحت لا ترسم مره ثانية او بيعيشون الرسامين وبينتحرون مره ثانية على رسوماتك

[Karazhan]

انا اكتشفت الحين ان انتي انسانه ماتعرفين الفن

وماتدرين ان فن الرسم انواع

انتي ماشفتي رسمتي واللي اطلقت عليها اسم "لاعبي الشطرنج"



شوفيها واحكمي , بس اتمنى تحكمين بضمير مو عشان انا مسكين تقولين فاشله

358201

[Karazhan]

هذي رسمتي بعد

والله العظيم انا اللي راسمهم و مو بايقهم من احد

هذا الرسمه اطلقت عليها اسم "الوداع المحتوم" و انا كفنان مخضرم حبيت اعطي طابع ان المسافر من الجيل الحالي مو بالعصور الوسطى اللي يسافرون على الجمال و الخيول , فحطيت طياره ورى الرجل

و عشان اعطي طابع انه الرسمه خاصه برجل من الجيل هذا خليت قصه شعره سبايسكي او هذي اللي من قصات هالجيل

عشان اللي يشوفها يعرف ان الصوره مرسومه بعهد الطائرات و قصات السبايكي


358202


انا ادري ان محد راح يصدق اني انا اللي راسمهم بس والله العظيم انا