المساعد الشخصي الرقمي

مشاهدة النسخة كاملة : اخبااار الدااار -2- (^_^)


Angel whisper
08-04-2002, 07:49 PM
هالمرة كتبت بالعامية عشان محد يأذيني ويقوللي ليش تكتبين بالفصحى:


معركة فيزيائية ضد الجاذبية!!
قلنا يعدي التقويم الأول على خير والله يستر على الثاني... لكن الله ما ستر!!

لان أمس امتحنا امتحان الفيزياء للتقويم الثاني واكثر جواب واثقين من صحته هو اسمنا على أول الورقة!! أما الباقي فأنا ما سمعت عنه أبدا في المنهج اللي درسته .. والمسائل كانت مثل ما تقولون (شيؤوون عجيبوون) وبعد هذي الهبلة اللي ما تتسمى حطت لنا 4 أسئلة من دروس ما درسناها !! والأفظع والأشنع أن احنا مب فالحين في اللي دارسينه.. فكيف بنفلح في شي مب دارسينه؟؟

ويوم فتحنا حلوجنا وتكلمنا قالت وهي تصرخ:بس يلا اسكتو!!! انا على كيفي!! وهاي حصتي وهذا امتحاني وهذا مادري شو وقال خرابيط واااااااااااااااااايد .. بصراحة خلتني أتمنى لو قام الجدار الآدمي و (فعصها) تحت قدميه .. المهم.. عقب ما خلصنا من الشي اللي اسمه امتحان طلعت هي من هالباب ودخل الصراااخ والصياااح ..
وفي اليوم الأول ما خينا أي مدرسة الا وقلنالها عن اللي صار .. وفي اليوم الثاني تجمع حزب من المدرسات حتى يحامون عنا جدام القضاء..

واوووول ما درت الابلة الهبلة قومت الدنيا وما قعدتها وجمعتنا في المكتبة وألقت محاضرتها المعهودة: شو قلة الأدب هاي؟؟ وانتو ما عندكم اسلوب وانتو وانتو .. بس هالمرة زادتها وقالت: بس ابغي اعرف انا الحيوانة ولا انتو الحيوانات؟!! معقول وصلت فيها لهالدرجة؟ يعني هي قبل قالت عنا حمير واغبياء .. لكن حيوانات مرة وحدة؟! هذا شي صدق محد يقدر يستحمله.. وعموما عقب صريخها وشتايمها وصياحها روحت.. اما احنا فكانت اكبر علامات البرود والتطنيش مرسومة على وجوهنا..

وبعد تقبلنا فصيلتنا الجديدة (فصيلة الانسان الحيواني) وقمنا نسمي بعض بكل هبل وعباطة!! هذيج اختارت الكوالا والثانية الشمبانزي والثالثة الديناصور والرابعة سلحفاة ... يعني شو اقول...
بس صدق ما اقدر اخبي عليكم .. هالمرة فعلا انقهرت منها .. ومحد بيسير يعتذر منها.. حتى الحزب الشمالي ما بيسير.. اثاريها كبرت راسها علينا وايد هالمرة..
(وأعلى ما في خيلكم اركبوا and do what you wanna do)

مينشن الحساسة!!
أعتقد انه صار عندكم خلفية زينة عن الآنسة مينشن .. بس انتو الين الحين ما شفتو الجانب الشفاف منها.. وهذي المذكرة.. وبكل صراحة.. رسالة تبجيل واحترام لشخصها النبيل؟؟!!
نادتنا الآنسة مينشن عشان نحضر حصة العربي في المكتبة.. لأنه في موجهة تبغي تشوف تفاعلنا ونشاطنا في الحصة.. وكان الدرس عبارة عن قصيدة لأبي العتاهية يوصف فيها حال الدنيا الغدارة اللي ما فيها خير!!
كل شي مشى تمام التمام الين ما لحنت شاعرة الصف كم مقطع من القصيدة.. نعم وبدون أي مزاح.. فوقفت مينشن وقالت لها : هيا ابدئي!! (ما بكذب عليكم ان صوت هالبنت روووووعة وهادي ومحزن بعد) .. ولما بدأت سكت الصف كله .. الين ما سمعنا صوت مينشن وهي تقول: يا إلهي!!تكاد الدموع تخرج من مقلتي!! فاهتزت الأرض من كثر ما ضحكنا ووقفت البنت ويلست تضحك على الابلة..بس لحظة!! صدق.. الآنسة مينشن تصيح!!!!!!!! فصرخت (...........) وقالت: مرحى يا فتيات... لقد حركنا الجلمود!!
كانت تلك اللحظة لحظة مؤثرة فعلا.. فهذي المدرسة انسانة مرهفة الاحساس.. ولازم نحترمها ونبجلها..
لكن وبكل صراحة.. تفاجأنا بهالموقف.. وانتبهنا على حقيقة كنا مب حاسين فيها .. هي اننا نحب هالمدرسة.. بكل ما في كلمة الحب من معنى..
Auron
08-04-2002, 08:11 PM
مشكوورة على المذكرات


اجل لو تجين عندنا وتشوفين مدّرسينا :غضب: تكرهين عمرك والدراسة كلها:o مافي الا يا حمار يا ............الخ:D واحنا عاد ما نقصر ولا نسكت :cool:
E:man
08-04-2002, 09:20 PM
هع وتهعععت من تعههعها المتعههعهوووووووووووو <<<اختبروا نحو :p

هع آنسة مينشن وحساسة صعبة :p

غيروا اللقب خلوه سانديبل :p

المهم اقول اهم شي النجاح اهم شي هالسنة النجاح وخوذي راحتك

السنه ذي عادي :D <<<<<كلامك انتي وخويتك :D
عماد 18
08-04-2002, 10:18 PM
حيوانات ؟!
المرة الاولى كنتوا حمير ..
المرة الثانية حيوانات ..
المرة الثالثة شحاطات :6 -نعال وانت بكرامة بس بالسوري <== معاه لغات - ..
بصراحة لازم تشوفون لها حل ..
و بخصوص الانسة منشن ..
ترى حتى اللي في سالي بالاخير انهبلت فيمكن هذه بالطريق :أفكر: ..
":"
khaloodi007
08-04-2002, 11:06 PM
?: :6 :أفكر: :غضب:
جمال
08-04-2002, 11:16 PM
شباب ما ودكم تشفون مدرستها؟:أفكر: :p >>>>>ناوي حرش:6
العصفوره الحزين
08-04-2002, 11:52 PM
طيب ليه انتوا ساكتييين عليها هي مدرسه وممكن بسهوووله


تطردونها لانها مو من البلد وهي ليه رافعه خشمها على ايش


:غضب: :غضب:
Angel whisper
09-04-2002, 01:54 PM
Auron : العفوو..:)

E:man : دخلنا في النحو ?: ساندي بيل مرة وحدة؟! بصراحة وايد عليها
انا مطنشة سالفة التفوق هالسنة لكن المصيبة الرسوب:أفكر:

عماد 18 : وتفكيرنا ما يختلف عن تفكير الثيران واغبياء بعد :)
وبعدين شو الفايدة من الحل؟ باقي شهر عن تخلص الدراسة..
الا معقولة تصير مثل الانسة مينشن اللي في سالي؟! :أفكر:

khaloodi007 : :أفكر:

جمال : شو تبغون فيها :أفكر:

العصفوره الحزين : هذي اماراتية منا وفينا ومحد يقدر يقوللها شي لان المديرة تحبها.. وعموما مب باقي وايد عن نخلص الدراسة..خلاص نطنش احسن:)

ومشكورين على ردودكم..:)
العمدا
09-04-2002, 02:47 PM
الله يخلف عليكم...

ان كان هذا صدق مدرستكم..:واو:


بس الي ابي اعرفه:أفكر: انكم وشلون صابريــــن عليـــهــا:p :p
rosey_girl
09-04-2002, 03:26 PM
angel نسيتي تقولين يوم الابله قالت

(بناااات اللي مو عاجبها تنشر الكلام اللي قلته علي التلفزيونات ان شاء الله حتي تخبرون الcnn )

:D

طبعا شلتنا كلها كع كع كع يلسوا يضحكون لان الابله الهبله ما تدرى انه نحن ننشره علي النت:D :D

وبعد نسينا نخبركم عن احوال الوسط الشمالي بعد الامتحان

فغرفه الممرضه صارت زحمه اكثر من اى يوم:واو:

كل بنات الوسط الشمالي هناك اللي ضغطها ارتفع واللي السكرى عندها ما ادرى شو صار له(صدقوني ما ابالغ)?:

واللي منسدحه في السرير في الغرفه ماادرى شو صاير فيها(مساااااكيييييين):" :"
العصفوره الحزين
09-04-2002, 08:43 PM
يعني من البلد اممممممممم بصراحه ما مر على هذي الاشكال


احنا لنا سلطه اي مدرسه ما نبغاها تنتقل لفصل ثاني واحنا نطلب اي



مدرسه تعجبنا والله يعينكم والله هذي مصيييبه كبيره الله يعينكم

:" :" :"
Angel whisper
09-04-2002, 08:55 PM
العمدا : والله كله صدق :)
وانا مستحملة لانها مدرسة عجيبة :p

rosey_girl : صح كيف نسيت اقول هالكلام كله؟!:D

العصفوره الحزينة : :)
ضايع
11-04-2002, 02:55 PM
وش تبي منشن ذي؟

ما لقيتوا لها حل الى الحين:!

الله يعينكم عليها بس لو انها عندنا

هههههههههههاااااي اذا ما خليناها تقدم تقاعد ما اكون ضايع":"

يعني اقصد مدرس نفس طريقتها":"
Angel whisper
12-04-2002, 02:04 PM
ضايع : وينك ا ضايع من زمان ما في خبر عنك :)
واحنا عموما مب مصبرنا مثل ما قلت قبل الا ان هذا اخر شهر ندرس فيه..:)
واذا تبغي عادي بدورلك مدرس يدرس مثلها":"
ضايع
12-04-2002, 03:27 PM
الرسالة الأصلية كتبت بواسطة Angel whisper
ضايع : وينك ا ضايع من زمان ما في خبر عنك :)

شغل ":"

وبعدين انا مشترك قبلك بس الظروووف ولا كان انا الحين في عالم الشهرة
:D بس عادي:)



[i]واحنا عموما مب مصبرنا مثل ما قلت قبل الا ان هذا اخر شهر ندرس فيه..:)
واذا تبغي عادي بدورلك مدرس يدرس مثلها":" [/B]


ياليت
:D

عشان ينتحر:!