The Dark Moon
عضوة قديرة

قمر نفس اللي حصل لي قبل مده .!
اول ما ادخل المنتدى احط على الملف الشخصي ...
يطلع لي : آخر نشاط: يشاهد المرفق ◄◄ بنـــــرات الأقســـــام ►►

قلت الله يستر لا تكون عضويتي انسرقت -___-
كنت بكلم الادراه .. بس هونت لاني ما راح اكلم الاداره مره ثانيه
ولا ادري للحين وش السبب .!

آخر نشاط: اليوم 11:25 PM
آخر نشاط: يشاهد المرفق ◄◄ بنـــــرات الأقســـــام ►►

لا حول ولا قوة الا بالله O.o
عضويتي دي وقحة ..
انا موجودة وموديتني لبنرات الاقسام ..
ايش بدك اوقح من كدا عضوية !

الله يجزيك الخير كيلوا ..
حقا ادعية رائعة .. عملت على تحميلها ووضعها في الموبايل كذلك ^_^
جميل XD.. سمعيها لأي أحد تعرفيه يمكن تعجبهم ويدعوا معها.


لكن ياخي ... كله يقوله ورا بعضه .. ما يغير النبرة .. قرقرقرقرقرقرقرقر ... ولا هو الله اكبر..
يعني تحس بجمود .. T_T
ما ارتحت لما صليت عندهم .. وقلت وينك يا شيخنا .. T^T
وهذا بالضبط اللي يخلي بعض التراتيل ما تعجبني <.<.. لازم توجد مقاطع عالية النبرات وإلا صارت رتيبة.
أقول.. ما عندك تسجيل لصوت الشيخ اللي تحكي عنه؟



واحنا في أول ركعة .. خلص الشبخ الفاتحة وقال " ولا الضالين "
طبعا احنا الحين نسمع اصوات الرجال الخشنة وهم يقولوا آمين ..!
بعد سكتوا الرجال واذ بصوت رفيع بينهم لولد صغير يصيح ويقول آميييييييييييييييييييييييييييييييين ..!!!!
>>>> يبغى يثبت وجوده بين العمالقة XD
وانا شوية وكنت حضحك عليه واخرب صلاتي لولا ربنا ستر عليا ..
فكرتيني بشي عن المصليات المختلطة المفصولة <.<.. في زمن بعيد في مكة في مسجد صغير في الحي..
كانوا بيصلوا وفي السجود وفجأة نسمع صوت عجوزة تصيح "حراااميييي".. فكل الرجال قاموا من سجودهم وراحوا يلحقوا حريمهم..
ومرة ثانية -أنا كنت موجود فيها- حصلت لكن دي المرة الحرامي صاح ببرطمة غير مفهومة.. كنا واقفين في الصلاة وبرضه الرجال راحوا.. أنا ما فهمت إش صار وقعدت واقف.. الصف جمبي ما بقي فيه إلا نفرين أو ثلاثة.. الإمام انتهى بسرعة وسلم. خرجت لقيت زحمة والرجال بيتناقشوا عن الأزمة الأمنية في البلدة وهرج فاضي -_-.. الظاهر إنهم ما قبضوا على الحرامي وهرب.. لكن بدل ما يرجعوا يصلوا أو ياخدوا حريمهم للبيوت قاعدين يتكلموا ساعة إلا ربع!
الإمام طبعًا ما كمل الصلاة مع إنه كان باقي الوتر وركعتين.



لي مجموعة ادعية ادعي ربي فيها لما اروح اقيم بالمسجد ..
...
طبعا الدعية بسيطة .. وليست مرتبة ..
لاني بعمل متل ما بيحكي عمرو خالد .. ^^
لو كان دعاء طالع من قلبك حيكون خير من الف دعاء انت حافظه ومش بيطلع من قلبك
فعلاً.. لهذا ما أحاول أحفظ أدعية للتهجد.. لأني أدعي بالله أرتجله من واقع المحيط..
يعني لما الشيخ يقرا آيات عن الموت أو عذاب النار.. في السجود أدعي بحسن الخاتمة والعتق من النار.
ما أكون حافظ غير الأدعية اللي مجمعها عن الإخلاص ونفع الناس.. بس شكلي بأحفظ الأدعية اللي قلتيها..
أقول.. ما قريتي كتاب لعمرو خالد اسمه "إصلاح القلوب"؟


ربي ... لا يحرمك اياها ابد ..
والله يا كيلوا .. لو مرت صلاة وما بكيت فيها احس ان في شي ناقص ..
احس اني غلطت بحاجة عشان كدا ما بكيت في الصلاة .. مع اني خشعت ..!
وارجع البيت متكدرة واقعد ادعي ربي وابكيله انه يسامحني لو سويت شي ..
وما يحرمني لذة البكاء من خشيته ابد ..
عسى يرفق بحالي .. ويمتعني بتلك الدموع الخاشعة ..
عسى ربي يرفق بحالي.. ويرزقني تلك الدموع الخاشعة!
برضه فكرتيني بقصة لأحد الشيوخ المصريين..
كان في محاضرة ويحكي.. يقول جاه ولد قاله أمي تبغاك بسرعة..
قال طيب.. وراح لبيت العجوزة.. قالت إنها تبغى نصيحته ودعاءه..
فسألها عن المشكلة.. قالت "أنا ما شفتش الرسول من يومين!"..
فتسمعي وقتها صياح بعض الناس في المسجد ينتحبوا ويبكوا T_T.


يعني ينفعوا مؤقتا دول الهيدرز اللي بعتهم ؟
مؤقتًا.. نعم.. حأعدلها لما أفضى.. يعني بعد العيد كأقرب تقدير <.<!!


ايييه .. التشاؤم ضروري للحياة ^^
مو كل شي تقدر تسويه سعادة .. وضحك وفرح ..
لحظات كثير من حياة الانسان يحزن .. وييأس ..
بس انا اعمل كدا بحياتي مع جرعات زايدة شوية P:
أنا أستعمل التشاؤم كضرورة حياتية من بطريقة إني أتوقع كل شي سيء حتى تكون حياتي سلسلة من المفاجآت السارة!!
وهي طريقة لعمري سيئة للعيش إن تتوقعي إن ما في شي يمشي عدل وإن كل واحد تعرفيه حيموت بكرة..
لكن الظاهر ماني الوحيد اللي يستمتع بالكآبة XD!


يا ساتر يا رب .. !!
انا صحيح احب الاسود .. وسوداوية الحياة ><
...
اممم لكن يعني ما اقلدهم ..
انا من يوم يومي احب الاسود واحب اخليه شي اساسي في حياتي ..
لان الاسود اللون الوحيد اللي يتماشى مع طباعي .. وتفكيري .. وكدا يعني ..
هيه حتى أنا.. طبعًا مجرد حب السواد ما يخلينا مقلدين لهم.. الأذواق ممكن تتشابه بس..
لكن صاحبي داك يعرف حتى طقوسهم في الانضمام للأخويات وكيف يعبدوا شياطينهم ><..
خايف لو سافر بره يروح ينضم لوحدة منها والعياذ بالله <.<!
وأنا كمان زدته.. لقيت في مكتبة الوالد العظيمة كتاب يتحدث عنهم وعن شرورهم..
قلت دا ينفع أوريه لصاحبي يمكن يبتعد عنهم.. لكن بالعكس عجبه ويقول دا أحلى كتاب قريه في حياته..
يا ربييي ><"! ميئوس منه!


بكيت اول مرة .. لاني حسيت ان فيني خير .. مو كل شي يصدر عني شر او سلبي ..
وبكيت من الخوف ...... خفت الرياء ... والله خفت الرياء
اللهم طهر قلبي من الرياء .. واجعلنا من المخلصين اليك دوما يا رب
اما في الثانية فانفجرت بكاءً .. لاني زعلت .. حزنت ...
ان لو انت صرت خيرا مني انا حكون اقل منك .. وانت حترتفع درجة عني .. يعني ما حكون بالدرجة اللي انت فيها ..
يعني انا في جنة اقل درجة من حنتك .. وبكدا يعني اني ما حوصل الفردوس ..
T_T.. "أنا وكافل اليتيم كهاتين".. كون الشخص خير من الآخر لا يلزم علو درجته عنه..
لأنه قد يكونا بالخير الكثير بما يكفي لمرتبة الفردوس الأعلى.
عن الرياء.. من الأدعية اللي ما تفارقني اللهم أعذني من الرياء..
لأني ملاحظ نفسي ما أقدر أعمل شي بدون ما يكون نفسي أحد يشوفني <.<..
اللهم ارزقنا الإخلاص وباعد عن الرياء بُعد المشرق عن المغرب!

شي أخير.. الأخ يوجي موتو يعرفني معرفة جيدة فما يحتاج تكلميه برسمية عني XD.

كيلوا اخي ..
بالنسبة للمنشد اللي سألتني عنه فاسمه : محمد عبيد
وتأكدت ان النشيد رح تعجبك لان هذا المود من الاصوات يعجبني ^^
خصوصا الاصواء الهادئة .. والحزينة ..
فعلاً دا من النوع اللي يعجبني بشدة.. وبالمناسبة أختي كانت تبحث عنه من زمان..
سمعَت المقدمة حقته في برنامج لكن ما عرفـَت اسم النشيد..
أمس سمعته عندي وصاحت "واو أخيرًا جبته @.@!" وأنا أقول "إش هو O.o؟ ما جبت شي!".
زمان كنت أسمع نشيد لمحمد الحسيان ما أدري تعرفيه أو لا اسمه "وأعلم أنك".. بنمط هادئ وعالي النبرة..
مهما يكن.. هون: Wa A3lamu Annaka.mp3 - 3.88MB
بس حاليًا قاعد أسمع طوال اليوم نشيدك ونشيد "لا إله إلا الله" للعفاسي.. إذا ما سمعتيه اسمعيه حللوو مرة ><". برضه بنفس الهدوء والحزن.

بتعرف قصة الكلمات ولا أحكيلك اياها ؟؟
انا لما عرفت قصة الكلمات للنشيد ازداد عشقي لهالنشيد ..
فلو تحب اعطيك شوية معلومات لعلك تحبها كمان اكثر .. ^^
لي سنوات منزلتها على جهازي .. وما يمر يوم الا لما اسمعها ..
احكيلي.. أنا عادة أسمع النشيد حتى أحفظه بشكل عام.. بعدين أدقق في الكلمات حرفًا حرفًا.
فعبال ما أنتهي من المرحلة الأولى أكون قريت كلامك.


>> على فكرة انا زعلانة منك .. توزع لينكات للناس وانا ما الي .. <<
كوووحح << كحة عجوز...
قلت بوجود التشجيعات الشخصية حتلاقي اللنكات بسرعة بدون إعلان..
وبما إنك في ملفي كل يوم حتشوفي اللينك في بروفايلي..
لكن الظاهر الرد حقه اندعس وراح تحت مع كثرة الردود ^_~"!

السلام عليكم ورحمة الله وبركاته ..
شكرا لكل من قام بزيارتي ها هنا .. اسال الله ان تذكروني عندما احتاج للتذكير ..

اخي الفاضل yugi motoo
بالنسبة لما تبقى فهي 4 ايام باقية .. وحتى اليوم الرابع لا يحتسب لاننا دخلنا في المغرب ..
كلما علينا فعله هو ان نشد المئزر كما كان محمد صلى الله عليه وسلم يشده ..
التهجد التهجد .. واحيووا الليالي الباقية ففيها خير ان شاء الله ..
لا تحرم نفسك متعة السجود في ظلمة الليل الدامس .. لا تحرم نفسك لذة العبادة والناس نيام
رحمة الله بدأت تنتشر واظن انني سمعت انها بتمطر عندنا قريب فالله يرحمنا برحمته ..
اكثروا من الدعاء ولو احببت ادخل ملف الاخ كيلوا بيكا فهو يكتب ادعية رائعة وينشر لينكات جميلة لأدعية الصايغ والشاطري ..
التسبيح والاستغفار ايضا ففي كثرتهما خير ..

نصائح أي احد ينصحها في آخر ايام متبقية لرمضان .. : )
اسأل الله ان يجعلنا من المقبولين .. وان يعتقنا من نار السعير ..

بالتوفيق

داركة..

قرأت لك في ملفات أعضاء ثانيين.. الله يوفقك ما شاء الله عليكي بتحمسي للعبادة فعلاً ^-^!

عندك أي نصائح للأيام الباقية من رمضان؟

*السلام عليكم * ورحمه الله وبركاته*
* *جزاكم الله كل خير اختي الطيبه*

* * اهديكم *وللجميع هذه المحاضره القيمه*
* *ارجو *ان تكون ذات فائده للجميع*

* لا تحزن محاضرة صوتية للشيخ عائض بن عبدالله القرني

http://media.islamway.com/lessons/aqarni//latahzan-AuthAlQarni.rm *
* كليك يمين وحفظ باسم*

داركة.. النشيد الهدية.. كح.. جابلي ترتيل جديد T_T!
ممكن أعرف مين المنشد؟ صوته ما شاء الله.. حالم.
تقومي بالسلام إن شاء الله.. وتعبديه أحسن من قبل.