Judge Balthier
عضو مميز في منتديات البلاي ستيشن

هي فعلا اللعبه غريبه (جفت الحوار كامل وزياده شوي)...انا عكسك ما احب اللهجه البريطانيه...حتى في كلامي أميل للأمريكي وشويييي استرالي XD
لكن طبعا البريطاني هو الاصل ^^
الحوار جذبني فيه الاختيارات...حسيتها وايد تأثر على مسار اللعبه لو مب غلطانه O_O
الحلو ان يرويك كل اختيار هي ايش تفكر وايش ممكن تقول...واهم شي مع ان البطله بنت بس راكزه وادميه (مقارنة بوايد ألعاب فيها بطلات صايعات)
وما اهتميت لضعف الرسوم لأن عندي جودة الجيم بلاي والقصه اهم ^^

الرسمه حلوه...حبيت شغل الملامح الدقيق وتبين احلى من اللي في اللعبه...لكن الشعر ما حبيت التسريحه...اكيد في سبب للقرعه عاليسار صوب الوشم الابيض؟ (بس حبيت رسم الشعر خصله خصله بدقه) x3
بتتعلم هالستايل باذن الله بس اظن يبي له كتاب دروس معين O_O

ايه mature واحيانا مايكون في شي بس هم يطلعون شي من لا شي >_> مب بس مواضيع الانيمي (ترى انيميات الحين فيها النظيف اكثر من زمان) حتى الألعاب...وبعضها ألعب مب اباحيه بس يمسكون لك شخصيه مالها دور كبير صايعه وكأنها أساس اللعبه و....تعرف الباقي -_-"
بس غريبه...هل ليلحين في ألعاب يقطعونها مثل النسخ اليابانيه والاستراليه؟ O_O

ههههه ماعليش انا وايد أدقق...لما الذقن يكبر واحد ملّي انا اجوفه 10 سم XD
الله يبارك في حياتك ^^ هي تبي الالعاب الخفيفه والجماعيه مثل الرياضه وهالسوالف O_O

مقارنة بغيرك انت حقّاني وصريح...حتى لو تحب او تكره الشي تظل تبين مزاياه وعيوبه بكل مصداقيه وعقلانيه مب عاطفه...هذا اللي اغلب الناس المتعصبه ما تتقبله مع الاسف...فعلا الويي يوو حلو بألعابه فقط وهذا سبب شراءه...لكن باقي الامور صج مسبب لنا احباط..شوية احباط مب وايد 3:

تروجيمنغ..لا مافي ازعاج...مب عارفه اوضح لأن وايد اشياء ضايقتني هناك....اهمها انهم مثل ما قلت لك جريئين ويمسكون امور وسخه في نقاشاتهم بحجة المزاح...او حتى البعض يتعمد يقط علي عناوين 18+ وهو عارفني عدل وعارف اني محافظه...ويجادلون ان ليش انتي ما تشاهدين كذا وكذا بس عشان 18+ ... يعني نقاشهم وجدالهم في الغلط...فكرهت النقاش اساسا من هالشي قبل التعصب حتى >_<

جفت الصور...زعلت...ذقن لارا كبران في الجزء الثاني...كانت احلى O"X (ادري اهم شي اللعبه نفيها ._.) والافاتار سبحان الله البنت تشه لارا x3 ايه اذكر انك رويتني رسمات بستايل مشابه وقلت انك ناوي تتعلمه...هو حلو لأنه بين الواقع والخيال ^^ الاكس بوكس1 يامي ناويه تشتريه لألعاب حصريه غير تومب رايدر فما بكون خساره...وغريبه كلامهم عنك بخصوص الويي يوو...معروف انك تحب نينتندو لكن الحق ينقال...الجهاز فيه عيوب..والحق مب كراهيه...غريبين وعقب السب يتفلسفون؟؟؟ O.o

هههه بالعكس لايق...وتخيل المصورين حولينك وانت حاط القلم على اول صفحه بابتسامه عريضه للكاميرا XD

بالنسبه للذوق والناس والله لو اقول لك ان الناس بتعاديك لو في ايش مختلف عنهم مب بس ذوق..حتى لما تمشي عالسراط المستقيم واللي حولينك غلط بيكرهونك...حتى لو انت مختلف في امور تخصك وحدك مثل ايش تاكل ووين تقعد....الحين مع الاسف لو تلاحظ الكل صاير يقلد الثاني...في الالعاب المسلسلات وحتى الاكل اللي ياكلونه ما تصدق لو اقول لك ان كل يوم تصير اكله تقليعه بين الناس...ورق عنب عقب نوتيللا وريد فيلفيت و و و .... واذا انت ما تاكل مثلهم يعني متخلف بالنسبه لهم....الاختلاف يعني تميز في هالزمن والتشابه تخلف لأنه مب عن اقتناع ):

توتير...لا والله ما اقصدك...انا تركته من زمان فما ادري صراحه بالضبط شلون كانت تويتاتك...صج كنت اتكلم معاك هناك بس ما كنت اتصفح اي شي غير سوالفنا...كارهه هالتطبيق كره العمى ):

اوكي بجوف تومب رايدر الاولى ^^ يارب ما تطلع مثل اللي اسميه "الالعاب الناشفه" ):

اقصد اي نقاش بشكل عام في كل اقسامهم...صح صاروا أهدأ من قبل لكن لين حطوا حد او موضوع في بالهم بووووووووووووووووه يسوونها سالفه مثل اليهال >_>
والتويتر أسوأ طبعا...حتى الناس العاقله في المنتديات هناك لها وجه ثاني خايس...في ناس قطعتها لما عرفت حقيقتها في تويتر...ما اتوقع انك بتحصل فرصه لنقاش مفيد مع اوادم هناك -_-"

فعلا سب المواقع اهون لعدة اسباب منها انه بدون صوت وصوره...والمقطع وضحي لي قصدك ^^

بالنسبه للازعاج لا مافي ازعاج خذ راحتك ^^

وبالنسبه للدبل ايجينت لو هو ادمي وعنده عقل داخل جمجمته لا يضيع وقته يتطفل على سوالف غيره بما انه جبان ما يواجهك اذا عنده شي ومكتفي بالمراقبه فقط (:<

بالعكس أجوف لك ذوق راقي وكلاسيكي بشكل عام...وهذا اللي الواحد يحتاجه لكتابة روايه قويه...يمكن الناس ما يعجبها هالشي في الالعاب مثلا او الاكل او الافلام وغيره...لكن عالم الروايات وقراء الروايات غير تماما عن الباقي ^^
مثلا انا ممكن ما حبيت فف12 بسبب الاجواء والقصه والاداء الصوتي...كلعبه...لكن ممكن تعجبني كمانجا او روايه او حتى فيلم...ذوقك من زمان انا اقول قريب من الروايات واي شي كلاسيكي واتوقع بتنجح في هالمجال باذن الله ^^

بالنسبه للشخص اللي تكرهه فالله يهدي ويصلح بينكم...لكن لا تعصب لو بعد فتره استعمل الدبل @ لأني ممكن انسى...ذكرني على طول XD

شي غريب لأن الناس تذم في تومب رايدر اليديده...مب ذم ذم يعني بس تقول مب مستوى...الحمدلله انك مدحتها لاني ماحب فكرة ان الجزء الثاني يفشل لأي لعبه >_<
اهم شي هل الاكشن فيها اقل من قبل؟ ما احب المسدسات والاكشن في مثل هالالعاب عشان جذي لحد يومك متردده لو ألعب الاول او لا ):

وجفت لها صور...فعلا المظهر حلو O_O <<< بدلتها بهاذي...المهم أبق العين XD
عندي فضول أعرف شي...شلون لك طولة بال ما شاء الله تناقش في تروجيمنج...اجوفه مليان ناس دمها حار ومتعصبه O_O

الشر مايجيك ^^ ايه اقرا وانا اكح فتحصلني مضيعه XD
لا صج 3 سنين مب شوي...شيل من ردي كلمة "مؤقت" ._.
بالنسبه للروايه ايه اذكر المقطع وقريته بس نسيت شنو قريت...لأن مر وقت...لكن اذكر قلت لك ان هالشي مب مستحيل...على فكره في عضو في المنتدى بدا بقصص قصيره في المنتدى والحين ما شاء الله يكتب روايته الاولى وكتابته رهيبه..حتى افكار وعمق الروايه تفاجأت فيهم...قعد عالمشروع سنين يخطط ويكتب ويغير لين بدا فعليا يكتبها كروايه كامله ^_^

@_@ <<< لاااااااااااا عاد ماقدر أستغني عنها...انسى الشخص اللي ما تحبه ترى مب حصريه له Y^Y