تسريع استعادة قائمة التروفيز في PS3
بسم الله الرحمن الرحيم
http://img8.imageshack.us/img8/6760/image03111.jpg
قائمة الـ Trophies من القوائم المهمة إلي تبيّن لك أحصائيات حصدك للكؤوس في جميع
الألعاب، مع تعدد الألعاب وزيادة الكؤوس، الجميع لاحظ بطء في تحميل القائمة وتحديثها، وهي
عملية الـ synchronize. إذا كنت تواجه هذه المشكلة اتبع الخطوات التالية، وراح يرد تحميل
القائمة بسرعة كبيرة كأنك اليوم شاري الجهاز، والطريقة جربتها شخصياً ونفعت معاي.
الخطوات:
1) طـف الـ الجهاز.
2) قم بالضغط على زر تشغيل الجهاز، ولا ترفع صبعك. الجهاز راح يشتغل وتسمع صفارة وحده، تالي ينطفي مجدداً، ارفع صبعك.
3) اضغط من جديد على زر التشغيل حتى تسمع الصافرة مرتين بشكل متتالي بعدها ارفع
صبعك.
إذا قمت بهالخطوات بشكل صحيح، راح تطلع لك رسالة تطلب منك إيصال يدّة التحكم بـ
USB.
بعد توصيلها راح تشوف مثل هالقائمة تطلع لك:
http://elhabib.at/wp-content/uploads...ps3service.jpg
الأولى: إعادة تشغيل الجهاز.
الثانية: استعادة الإعدادات الإفتراضية.
الثالثة: إصلاح نظام الجهاز.
الرابعة: إعادة بناء نظام الجهاز.
الخامسة: استعادة النظام، راح يمسح كل شيء.
السادسة: تحديث النظام.
أختار الـ رابعة وهي: Rebuild Database
انتظر حتى تنتهي العملية، وبعدها اختر عرض قائمة التروفيز
وشوف السرعة في استراجعها، راح تلاحظ الفرق بين قبل وألحين.
ملاحظة: العملية هذه ما راح تمسح ولا شي من ملفاتك المحفوظة
ولكن راح تمسح الملفات المؤقتة مثل اللاعبين إلي لعبت معاهم وهي
قائمة الـ Players Met.
مصدر المعلومة:
http://streetskaterfu.blogspot.com/2...ync-speed.html
http://www.ps3daily.co.uk/20081024/p...recovery-menu/
رد: تـسـريـع اسـتـعــادة قائـمـة الـتـروفيــز في PS3
يعطيك الف عافية على المعلومة
اول مرة اسمع بيها . . جاري التجربة
ولا تحرمنا من جديدك
رد: تـسـريـع اسـتـعــادة قائـمـة الـتـروفيــز في PS3
متأكد مافيها خطر @_@ لاني راح اجربها وابغى امسح القائمة اللي قابلتهم في الاونلاين ماتهمني @@
رد: تـسـريـع اسـتـعــادة قائـمـة الـتـروفيــز في PS3
^^^^^^^^^^^^^
شباب الحركة هاذي كانت تصير ايام 60 جيجا وانا جربتها عليه ونفعتني الطريقه :)
اخوي انت متاكد انها تصير في الاجهزة الجديده
40,80,160,PS3 SLIM
رد علي بأسرع وقت لو سمحت
وشكرا
رد: تـسـريـع اسـتـعــادة قائـمـة الـتـروفيــز في PS3
انا جهازي 80 جيجا العادي مو سليم امريكي .... جربتها وصار معاي اسرع لما افتح قائمة التروفيز بدون لا يمسح اي شي .. فقط اللي ينمسح قائمة Met اللي كنت تلعب معاهم اون لاين ... جربوها شباب ومافي اي خوف .
رد: تـسـريـع اسـتـعــادة قائـمـة الـتـروفيــز في PS3
جربتها وياليتني ماجربتها
سرعة العرض ماتفرق كثير
والاهم
المسجات مع الاصدقاء الي كانت مخزنه انحذفت >_<
ومدري هل بتستمر الحركه كذا كل ما اشغل الجهاز ؟؟
اذا فيه طريقه ارجع للوضع الي قبل علموني
رد: تـسـريـع اسـتـعــادة قائـمـة الـتـروفيــز في PS3
دام إن "الغرض" اللي تبونه شغال تمام لا تلعبون بالجهاز :P
but
التجربه خير برهان :)
رد: تـسـريـع اسـتـعــادة قائـمـة الـتـروفيــز في PS3
اقتباس:
والاهم
المسجات مع الاصدقاء الي كانت مخزنه انحذفت >_<
الرسايل كلها انحذفت ؟؟ لا على كذه ماينفع ><
رد: تـسـريـع اسـتـعــادة قائـمـة الـتـروفيــز في PS3
يا اخوان.. أنا جبت لكم شي بخرب أجهزتكم فيه..
ترى حتى جهازي عزيز علي.. :)
الطريقة جربتها.. ونفعت معاي، ومثل ما قلت لكم ما حذف إلا اللاعبين إلي قمت بمقابلتهم في الأونلاين
الرسائل وغيره تظل موجودة. والسرعة إلي راح تبيّن معاك تسوى.
عموماً الطريقة نقلتها لإفادتكم.. ما أجبرك إنك تسويها.. وأتوقع لو تبحث بمنتدى سوني راح تحصلها..
رد: تـسـريـع اسـتـعــادة قائـمـة الـتـروفيــز في PS3
شباب انا ابغى اعرف دحين في هذي اللحظة ما عندنا دي اس ال فاستخدمنا حق الجيران اقدر اوصل سلك بين اللاب توب والسوني ويشتغل؟
رد: تـسـريـع اسـتـعــادة قائـمـة الـتـروفيــز في PS3