كتاب طبخي !!!!

السلام عليكم .....

هذا أول موضوع لي في هذا المنتدى ، وبصراحة منيب ذاك الزود في الكتابه ، على العموم هذي صور من بعض الأكلات اللي سويتها وصورتها وفيه غيرها كثييييييييير بس في الأيام الجايه إن شاء الله . طبعا ما عندي وقت الحين أكتب الطرق بالتفصييييل بس اللي تبونه أنا حاااااضر :

http://up1.m5zn.com/photo/2009/1/28/...fyfrbe.jpg/jpg

محمرة على الطريقة السوريه .

http://up.graaam.com/uploads/images/...e46f55e888.jpg

خبز عربي .

http://up.graaam.com/uploads/images/...dcb6bcbdf4.jpg

تشيز كيك بالفراولة و التوت الأزرق و الأحمر

http://up.graaam.com/uploads/images/...f6360835cd.jpg

سلطة الطماطم مع جبنة الموزاريلا الطازجة

http://up1.m5zn.com/photo/2009/1/28/...5evn16.jpg/jpg

بيتزا بالبيبروني و الفطر

http://up.graaam.com/uploads/images/...5950178951.jpg

سوشي بتشكيله من المأكولات البحرية ( سلمون مدخن ، سلمون ني ، جمبري بالبخار ، جمبري تمبورا ، كراب )

http://up.graaam.com/uploads/images/...27b8d43da9.jpg

كريم برولي كريمة محروقة ) بالبرتقال و الفانيلا الأصلية

http://up1.m5zn.com/photo/2009/1/28/...hqcflo.jpg/jpg

تاكو اللحم

http://up.graaam.com/uploads/images/...9247d73498.jpg

جمبري بالبانكو ( بقسماط ياباني ) مع صلصة الكوكتيل

http://up.graaam.com/uploads/images/...539068dc64.jpg

تارت بودنج الشكولاته .

http://up.graaam.com/uploads/images/...2768e69027.jpg

فهيتا اللحم

http://up1.m5zn.com/photo/2009/1/28/...np0gkc.jpg/jpg

شوربة البصل الفرنسية

http://up.graaam.com/uploads/images/...e65b056f11.jpg

بنيني بجبنة الموزاريلا الطازجة وصلصة البيستو . مع سلطة البارميزان و الطماطم

http://up.graaam.com/uploads/images/...f9e1ad6d90.jpg

سوفليه الشكولاته

http://up.graaam.com/uploads/images/...c9256f5422.jpg

سلمون وجمبري مدخن في الفرن مع صلصة العسل و الزنجبيل و الصويا .

http://up.graaam.com/uploads/images/...9a59646ab0.jpg

كاساديا بالجبنة و الذرة مع صلصة الجوكامولي

http://up.graaam.com/uploads/images/...475d3272c8.jpg

فيتوشيني ألفريدو بالفطر ، مع سالمون بصلصة البلسمك .

رااااااائع ماشاء الله

الله يسلم ايدك


رااااااااااااااااااااااائع فعلا

اريد كل الوصفات بالتفصيل الممل وخاصة ههذه وياريت بالخطوات المصوره بانتظارك


http://up.graaam.com/uploads/images/...dcb6bcbdf4.jpg

تشيز كيك بالفراولة و التوت الأزرق و الأحمر



http://up.graaam.com/uploads/images/...539068dc64.jpg

تارت بودنج الشكولاته .



http://up.graaam.com/uploads/images/...2768e69027.jpg

فهيتا اللحم


http://up.graaam.com/uploads/images/...9a59646ab0.jpg

كاساديا بالجبنة و الذرة مع صلصة الجوكامولي

http://up.graaam.com/uploads/images/...475d3272c8.jpg

فيتوشيني ألفريدو بالفطر ، مع سالمون بصلصة البلسمك .

السلام عليكم ....

راح أكتب الوصفات اللي طلبتيها و بالتفصيل الممل بس حبه حبه .

حاليا هذي طريقة التشيز كيك و أنا أضمن لك إنها أحسن تشيز كيك ممكن تذوقينها :biggthump طبعا يبغالها شوية شغل بس صدقيني ما فيه تشيز كيك زيها، أنا أعشق شي إسمه تشيز كيك :umm2: جربت آلاف الوصفات وكلها في النهاية تعطيك تشيز كيك ناشف و مشقوق من فوق:28: أما هذي الطريقة فراح تعطيك تشيز كيك نااااااااااااعم :silly: و موب مشقوق من فوق :D .

طبعا الطريقة لتشيز كيك بالفراولة و التوت بس من الممكن تغير الخطوة الأخيرة عشان تسوين أي نوع تشيز كيك يعني ( فراولة بس ، توت أحمر ، كرز ، أو حتى سادة ) .

أنا أستخدم طريقة يمكن تكون شوي غريبة على ناس كثيرة وهي أني أطبخ التشيز كيك في حمام مائي :أفكر:، الحمام المائي يوزع الحرارة بشكل منتظم و بنفس الوقت يخلي الفرن رطب وهذا اللي يميز التشيز كيك . في حالة العجز :bigeyes::D أو الخوف من الطريقة من الممكن إنك تسوينها بدون الحمام المائي بس راح ينشق الكيك من فوق وما راح تكون الكيكة بنفس الطعم، وأسألوا مجررررررررررب .

****** Cheesecake ******

المقادير :

للقاعدة :

٢٠٠ ج بسكوت أي نوع
ملعقتين كبار قرفة
أصبع زبدة


للحشوة :

كيلو و ١٠٠ جرام جبنة فيلادلفيا ( كاااااااااااامل الدسم )
٦ بيضات
فانيلا سائلة
علبة ساور كريم ( قشطة رائبة ) موجودة في قسم الحليب
كوب سكر


للطبقة الأخيرة :

علبتين فراولة طازجة
ثلاث أرباع كوب موية
ربع كوب سكر
توت أزرق للتزين




الطريقة :

١ـ أول شي لازم تطلعين الجبن و البيض و الساوركريم من الثلاجة قبل ما تبدين بثلاث ساعات على الأقل عشان توصل لدرجة حرارة الغرفة وتكون الجبنة لينة. ( هذي الخطوة جدااااا مهمة لأنها تساعد في إن التشيز كيك يكون نااااااااااعم :D )

٢ـ القاعدة :

أ ـ جهزي الصينية حقت التشيز كيك للحمام المائي ( كون الصينية تهرب مويه ) . حطي قطعة قصدير على الطاولة وحطي الصينية فوقها وبعدين لفي القصدير على الصينية عشان تغطي القاعدة و الجوانب وتمنع تسرب المويه .

داري إن الشرح الكلامي صعب عشان كذا شوفوا هذا الفيديو من دقيقة ثلاثة يشرح كيف تغطين الصينية بالتفصيل :
http://www.youtube.com/watch?v=jlgvzj6MXLw


ب ـ أطحني البسكوت مع القرفة و بعدين أخلطي معاها الزبدة بعد ما تذوبينها .

ج ـ جيبي صينية التشيزكيك و غطي القاعدة بطبقة خفيفة بسكوت أو حسب الرغبه و لو تبغين شكل حلو غطي الأطراف بالبسكوت بإرتفاع حوالي ٣ سم ( زي الصورة اللي حاطها ).

د ـ حطي الصينية في الثلاجة إلين ما تجهزين الباقي.


٣ـ الحشوة :

أ ـ شغلي الفرن على حرارة ٣٥٠ فهرنهايت أو ١٧٦ مئوي من تحت طبعا وحطي حديدة الفرن في وسط الفرن وخليه يحتر.

ب ـ بإستخدام خلاط يدوي ، حطي الجبنة في صحن و أخلطيها بسرعة خفيفة إلين تفك وتلين شوي بسسسسس!!! . :09: لا تتحمسين لازم سرعة خفيفة عشان ما تدخلين هوا كثير في الخلطه.

ج ـ أضيفي السكر و الفانيلا و أخلطيها شوي إلين ما يذوب السكر تقريبا.

دـ أضيفي البيض ، حبه و بعدين أخلطي إلين ما تذوب وبعدين الحبة اللي بعدها.

هـ آخر شي حطي الساور كريم و أخلطي إلين ما تذوب ، تأكدي إن الخلطه ما فيها قطع و بعدين صبيها في صينية التشيزكيك .

زـ جيبي صينية كبيرة تكفي القاعدة حقت التشيز كيك وحطي الصينية حقت التشيز كيك فيها وحطيها في الفرن . بعدين صبي موية مغليه في الصينية الأم :D:D يعني الصينية الكبيرة إلين ما توصل لنص الصينية حقت التشيزكيك .( أنتبهي لا تصبين الموية على الخلطة )

ش ـ أخبزي التشيز كيك في الفرن لمدة ساعة إلي ساعة وربع . وشلون تعرفين إذا إستوت ؟؟ إفتحي الفرن وهزي التشيز كيك هزة خفيفة المفروض إن التشيز كيك تهز شوي في الوسط ، ألمسي التشيز كيك في الوسط ( ألمسي فقط موب غمسي أصابعك ) المفروض إن الوسط يكون شوي قاسي . ( طبعا الوقت اللي أنا حاطه تقريبي مرة قعدت تشيز كيك معاي أكثر من ساعة ونص )

ص ـ بعد ما تستوي التشيز كيك طفي الفرن و أفتحي الباب دقيقة و بعدين صكي الباب وخليها في الفرن ساعة عشان تكمل طبخ .

ض ـ طلعيها من المويه و شيلي القصدير و خليها تبرد برا الثلاجة شوي . وبعدين حطيها في الثلاجة لمدة ٥ ساعات على الأقل ، ويفضل ٢٤ ساعة .

الطبقة العلوية :

قريت كثير وصفات تطلب منك تستخدمين حشوة الفطيرة اللي طعمها مقرف :12::o حامضة و الفروالة شكلها خربانه .

هذي الطريقة هي طريقة عامه لصلصة الفراولة أو أي نوع فاكهه من الممكن تستخدمينها مع أي كيك .

أ ـ قطعي علبة فراولة إلى أرباع ويفضل إنك تنقين الفراولة اللي شكلها مش ولا بد، طبعا لا تنسين تشيلين الزرعة اللي ورا :D .

ب ـ حطي الفراولة المقطعة مع الموية و السكر في قدر و خليها تغلي غلية خفيفة يعني موب على أقوى ناار لا بالهداااااااوة . خليها تغلي إلين ما تلاقين الفراولة بدت تنعصر حوالي ١٠ دقايق .

ج ـ حطي الفراولة مع المويه في خلاط و أخلطيها وبعدين رجعيها على النار ونفس الخطوة اللي قبل شوي مع الوقت راح تلاقين الصلصة بدت تثقل . أطبخي الصلصة إلين ما تسير تغطي ظهر الملعقة . وبعدين خليها تبرد في الثلاجة وراح تلاحظين إن الصلصة ثقلت .

د ـ شخصيا أفضل إني أقطع التشيز كيك قبل ما أزينها عشان في التقديم تكون أحلى :

أفضل طريقة لتقطيع التشيز كيك هي إنك تستخدمين سكين طويلة و حادة بس لا تكون سكين خبز لا سكين عادية بس طويلة أهم شي .

غمسي السكين في موية حارة و أمسحيها و بعدين قطعي وبعد كل قطعه غمسيها في مويع حارة و أمسحيها عشان تجيك القطع نظيفة .

بعد ما تقطعين التشيز كيك صبي الصلصة فوقها و زينيها بالفراولة و التوت الأزرق و رجعيها في الثلاجة شوي بس .

وبس قظينا .........


داري إني شوي فيلسوف بس و الله إني أحب التشيز كيك عشان كذا آآآخذ وقتي معااااه :D و مادامني بسويه خلني أسويه بأحسن طريقة .

على العموم التشيز كيك ما يتخطط له فجأة إبدي قبله بيوم نصيييييييييييحه و تأكدي إنك فاضيه وما وراك شي . و أنا أضمن لك تشيز كيك زي اللي في الفنادق و بنفس طعم اللي في تشيز كيك فاكتوري .

بارك الله فيك يا غاليه بانتظار باقي الوصفات ;)

وعليكم السلام و رحمة الله و بركاته

nice!
ماشاءالله اكلات حلوة,

اقتباس:

---

راح أكتب الوصفات اللي طلبتيها و بالتفصيل الممل بس حبه حبه .

---

حلو! بانتظار باقي الوصفات ان شاءالله, راح يستفيد منها الكثير من الأعضاء,

مشكور لانك شاركتنا في هذه الوصفات,
بالتوفيق لك.

السلام عليكم .....

أولا وقبل البدء :p:p:p:p أنا ولد منيب بنت :D:D:D:D داري يمكن شوي غريبة بس العزوبية من مدارس الحياة :D:D:D:D .


الوصفة الثانية هي لتارت بودنج الشكولاته هذي الوصفة جداااا رائعة وسههههههههله ومافيها فلسفة زي التشيز كيك .


بسم الله :

أولا صورة ليست من تصويري لتسييل السعابيل :

http://www.gourmet.com/images/recipe...tart01_344.jpg

****** Chocolate Truffle Tart ******

المكونات :

للقاعدة :

٢٨ حبة أوريو
٣/٤ أصبع زبدة

للحشوة :

٢٥٠ ج شكولاته غامقة ( ٦٠٪ على الأقل نسبة الكاكاو ) من نوع ممتااااااز ، أهم مكون هنا هو الشكولاته يعني أشتروا النوع الغالي موب جلكسي :D:D ، طبعا مهم جدا شكولاته غامقة عشان لازم تحسين بطعم الشكولاته يعني شكولاته بالحليب بيسير الحلى طعمه سواليف. شخصيا أنصح بنوع lindt السويسري فيه واحد ينكتب عليه ٧٠٪ هاذا المطلوب . إذا ما لقيتيه روحي سوبرماركت ثاني بس لا تستخديمن نوع شين :D:D .

٣/٤ أصبع زبدة

بيضتين مخلوطة شوي بس

١/٣ كوب كريمة ( قشطة خفق ) يفضل من النوع اللي موب طويل الأجل .

١/٤ كوب سكر

ملعقة شاهي ملح

ملعقة كبيرة فانيلا سائلة

.........................................


الطريقة :

١ـ أستخدمي نفس صينية التشيزكيك ولكن الحجم الصغير ، لو أستخدمتي الحجم الكبير بيجيك الحلى زي الصورة اللي أنا حاطها بس إذا تبغين أحسن و أطعم أستخدمي صينية صغيرة .

٢ـ سخني الفرن إلى ٣٥٠ فهرنهايت أو ١٧٦ مئوي .

٣ـ أطحني الأوريو مع الزبدة السايحة و غطي القاعدة بطبقة خفيفة جدا من البسكوت و غطي حوالي ٢ سم من الأطراف . وبعدين حطيها في الفرن حوالي ١٠ دقايق . وبعدين خليها تبرد برا الفرن عبال ما تسوين الحشوة .

٤ـ في قدر صغير حطي شوي موية يعني حوالي ٣ سم وخليها تغلي غلية جدااااا خفيفة وبعدين حطي فوق القدر صحن قزاز أو حديد بشرط إن المويه ما تلمس الصحن من تحت . وحطي في الصحن اللي فوق الشكولاته و الزبدة عشان تذوبينهم .وحركي بإستمرار إلين تذوب . بعدين شيلي الصحن اللي فوق اللي ذووبتي عليه الشكولاته وخليه يبرد برا الثلاجة ٥ دقايق .

ملاحظة : هذي هي الطريقة الصحيحة لتذويب الشكولاته ولكن تأكدي إنك ما تستخدمين بلاستك .... وتأكدي إن المويه ما تلمس الصحن عشان ما تحرق الشكولاته .

٥ـ أخلطي باقي المقادير باليد موب بالخلاط يعني :D وبعدين أضيفي الشكولاته عليها . وأخلطي زييين .

٦ـ صبي الخلطه في صينية التشيزكيك و بعدين أضربي الصينية على الطاولة ضربات خفيفة عشان تطلعين الهوا . بعدين حطيها في الفرن حوالي ٢٠ إلى ٢٥ دقيقة إلين ما تبدأ الأطراف شوي تنتفخ . طلعيها من الفرن وخليها تبرد برا الثلاجة حوالي ساعتين . وبعدين حطيها في الثلاجة بدون ما تغطينها حوالي ٤ ساعات .

٧ـ عند التقديم رشيها بشوي بودرة كاكاو .

السلام عليكم ......

اللي بعده ;):أفكر::أفكر::أفكر: :


مقدمة :D :

هذي الطريقة للفهيتا الأصلية :33::D وليست تأليف أو محاولة تقليد، طبعا هذي طريقة فاهيتا اللحم بس من الممكن تستبدل بدجاج أو ربيان ولكن عند إستبدال الربيان لا تتبلين الروبيان أكثر من نصف ساعة.

السر في الفهيتا هو إختيار قطعة اللحم المناسبة :bigeyes: هذا هو السر ببساطه يعني مو أي ستيك راح يعطي نفس النتايج ، الحلو في الموضوع إن الستيك حق الفهيتا أرخص أنواع الستيك :D، بس نصيحة لو جيتوا تجربون الطريقة لازم تستخدمون نوع الستيك اللي مذكور في الطريقة. لا تستخدمون أنواع ستيك ثانية وبعدين تقولون لعبت علينا طعمه موب نفس اللي في المطاعم :D:D.


القطعة اللي راح نستخدمها إسمها Skirt Steak أو ستيك التنورة:D طبعا أمزح يعني مالها داعي تروحين عند اللحام تقولين عطني ستيك تنورة ؟! . طبعا ما أعرف إسم القطعة بالعربي بس دوري سوبرماركت فيها فلبيني وهو بيفهم . هذي رسمه للبقرة :D وهذا مكان القطعه :

http://upload.wikimedia.org/wikipedi...efCutPlate.png

اللي ملونه بالأزرق .

****** Skirt Steak Fajita ******

المقادير :

قطعة أو قطعتين ستيك من اللي فوق أو دجاج أو روبيان وزن الوحدة تقريبا ربع كيلو .

التتبيلة :


ليمونتين خضر .

ملعقتين كبار زيت زيتون

ملح

٣ ملاعق كبيرة خل تفاح

ملعقة كبيرة سكر بني

ثلاث ملاعق كبار كزبرة طازجة مفرومة

فصين ثوم مدقوقة

ملعقة صغيرة أوريجانو

ملعقة صغيرة كمون

فلفل أسود


للزينة :

٢ بصل أبيض مقطعة أجنحة

٣ فلفل بارد بعدة ألوان مقطع لشرائح

خس

صلصة مكسيكية

ساور كريم ( قشطة رائبة )

تشيدر مطحون

خبز تورتيا




الطريقة :

١ ـ أخلطي مقادير التتبيلة و بعدين حطي اللحم معاها وتبليه لمدة أقلها ساعتين في الثلاجة .

٢ـ طلعي اللحم من التتبيلة و حطيه في صحن برا الثلاجة لمدة نصف ساعة عشان يدفا اللحم .

٣ـ تبلي اللحم بملح وفلفل على الوجهين .

٤ ـ لو كان عندك مقلة حديد سوداء أو اللي يسمونه Cast Iron زي اللي في المطاعم المكسيكية فأستخدميها . بس لو ما عندك فبإستخدام شواية على الفحم أو الكهرب أشوي اللحم لدرج الإستوا اللي تبينها . لو ما عندك فمالك إلا المقلا العادية سخنيها على درجة أكثر من الوسط بشوي وحطي زيت عادي موب زيت زيتون !!! و شوحي اللحم يعني شوي زيت بس :D لا تتحمسين .

٥ ـ بعد ما يخلص اللحم لا تاكلينه على طول ، حطيه في صحن مغطى بقصدير مخروم لمدة ٥ دقايق عشان الموية ترجع تتوزع في اللحم مرة ثانيه .

٦ـ في مقلة ثانيه أقلي البصل و الفلفل على دفعات .

٧ـ قطعي الستيك إلى شرائح وقدميه مع البصل و الفلفل و الزينة .


ملاحظة : لو تبغين تقدمين الفهيتا بصوت وحراكت :D;) زي المطاعم راح تحتاجين مقلة حديد Cast Iron اللي تجيك سودا وثقيلة . حطيها في فرن حار عبال ما تسوين الستيك و أول ما تحطين الستيك بتلاقين دخان وصوت وحركات . بس لو ما عندك عاااااادي طعم الستيك نفسه بس أهم شي إنك تختارين القطعة الصح .

أولا اهنئك على الموهبة هذي خاصة انه الصور واضح بأنه طبخك ممتاز
وياليت تشاركنا بوصفاتك في الموضوع ،،خاصة كريم برولي

والتشوكليت سوفليه شكلها ممتازة :cray: أحب اعرف طريقتها
http://up.graaam.com/uploads/images/...f9e1ad6d90.jpg

السلام عليكم .....

أولا أخت blue gaya بالنسبة للسوفليه خليه آآآخر شي لأن يبغاله موضوع لحالة :D:D .


الحين للبعده :

كاساديا الجبن سههههههههههههههله جدا ما راح تاخذ ١٠ دقايق وعلى العموم هذي طريقة أي كاساديا سواء دجاج أو لحم أو أي شي بس غيري الحشوه يعني عشان كاساديا اللحم سويي اللحم حق الفهيتا وبعدين قطعيه وحطيه في الحشوه.

****** Cheese Quesadillas ******

المقادير :

كوب ونصف جبنة مبشورة ( مونتري جاك + تشيدر أصلي :D:D موب كرفت اللي بعلب لا اللي في الثلاجة ويجي لونه أصفر أو أبيض طبعا ينفع بس مونتري جاك أو بس تشيدر بس أنا أشوف كذا أحسن ) .

نصف كوب ذرة

ملعقتين كبار مايونيز

٢ بصل أخضر مقطع صغار

٢ ملعقة كبيرة كزبرة مفرومه

نصف بصله بيضاء مقطعة أجنحة

ملعقة صغيرة كمون

ملح وفلفل

فلفل حار مطحون ( حسب الرغبة )

٤ حبات خبز تورتيلا

زيت


الطريقة :

١ ـ شوحي البصل على حرارة وسط إلين ما يذبل .

٢ ـ بعدين في صحن كبير أخلطي الجبن و البصل الأخضر و البصل المقلي و البهارات و المايونيز و الذرة .

٣ ـ أدهني وجه من الخبز بالزيت و بعدين أقلبيه و حطي الحشوه في نصف الوجه الثاني و أطوي الجزء اللي فوق عشان يكونلك شكل نصف دائرة .

٤ ـ في مقلة أو شوايه أشوي الكاساديا على حرارة وسط إلين ما يسيح الجبن و يبدأ الخبز يتغير لونه .



صلصة الجواكمولي :

٢ حبة أفوكادو مستويه

نصف بصله حمراء مقطعة صغاااااااار .

ليمونه خضراء

رشة تباسكو أو فلفل مطحون حسب الرغبة

أخلطي المكونات و حطيها شوي في الثلاجة .

السلام عليكم ......


فيتوشيني بصلصة الألفريدو ........

هذي طريقة صلصة الألفريدو ، أنا أفضل الفطر معاها بس لو تحبينها بدون الفطر برضه ممكن وممكن تبدلين الفطر بدجاج أو ربيان.


المقادير :

أصبع زبدة

فصين ثوم مقطعة صغار

كوبين وشوي كريمة ( قشطة خفق غير طويلة الأجل ) .

علبة فطر طازج مقطعة شرايح ( لا تستخدمين فطر معلب :boggled::boggled: الطعم غييييييييييير مرة ) ، طبعا لو بتسوينها بالدجاج شوحي صدور الدجاج أول مع ملح وفلفل وبعدين قطعيه . ولو بتستخدمين ربيان أستخدميه بدال الفطر بدون طبخ .

٣/٤ كوب جبنة بارمزان ( أو حسب الرغبة شخصيا أزيد الجبن ، إللي ما تحب البارمزان لا تسوي فيتوشيني :D:D الفيتوشيني بدون بارمزان حليب خايس :D )

ملح وفلفل

شوي بقدونس للزينة

علبة مكرونة فيتشوني

الطريقة :

في قدر كبير أغلي موية ( باردة ) مع ملعقة ملح ( لا عمرك تحطين زيت مع موية السلق حقت المكرونه !!! مهم جدا ناس كثير يغلطون :bigeyes::bigeyes::D ) .

سيحي الزبدة على نار وسط وبعد ما تسيح حطي الفطر و رشة ملح و فلفل ، قللبي الفطر مع الزبدة إلين ما يستوي حوالي ٥ دقايق . أضيفي الثوم وقلبيه مع الفطر دقيقتين تقريبا .

أسلقي المكرونه في المويه المغليه للمدة المكتوبه على العلبة أو أقل من المدة بدقيقة تقريبا ( اللي نبغاه هو مكرونه شبه مستويه أو اللي يسمونها ( al dente ) بالإيطالي يعني لا تكون المكرونه مررررررررررة لينه )

بعدين حطي الكريمة على الفطر و الثوم وخليها تغلي غليه جداااا خفيفة على نار هاااااديه إلين ما تطبخ المكرونه.

أضيفي البارمزان للصلصة و ذوقيها و بعدين عدلي الملح و الفلفل ( مهم جدا إنك ما تحطين ملح قبل البارمزان لأن البارمزان أصلا مالح ) صفي المكرونه ( وأنتبهي لا تغسلين المكرونه بالمويه الباردة ) وبعدين أضيفيها للصلصة لمدة دقيقة بسسسس لا أكثر عشان تشرب الصلصة شوي .

قدميها مع البقدونس و شوي بارمزان زيادة .

السلام عليكم .....


أأأسفين على التأخير ،...............


بخصوص السوفليه راح أفتح موضوع جديد لأن فيه خطوات شوي يبغالها دقة وكله بالصور إن شاء الله .....


الحين الكريم برولي .... واللي ما يعرف الكريم برولي هو عبارة عن كسترد مع نكهة ( كسترد يعني أي مركب من صفار بيض وكريمة ) و فوقه سكر أبيض بس محروق حرق خفيف ، و الحرق هو اللي يسوي الطبقة الذهبية و المقرمشه فوق الكسترد ، راح نستخدم حمام مائي في هذي الوصفه برضه بس الفرق إن الحمام المائي هنا ضرووووووري يعني لا أحد يسويه بدون حمام مائي ما ينفع . اللي ما قد جرب الكريم برولي جربوووه تراه زين...


كثير ناس تستخدم الكريم كرميل ( برضه كسترد ) اللي في ظروف !!؟؟ يعععععععععع :D:D ، طعمه مقرف أنا كنت أكره الكسترد بأنواعه و أنا صغير :bigeyes: والظاهر إن السبب إن أمي كانت تسوي اللي في مظاريف ....:D:D . الكسترد موب سهل إلا أسهل شي ممكن يتسوى و ياليت ما ترجعون تستخدمون المظاريف الخايسه و اللي كلها كيماويات و نكهات صناعيه .

****** Creme Brulee ******

المقادير :

كوبين كريمة ( قشطة خفق ) غير طويلة الأجل .

٦ صفارات بيض .

١/٤ كوب سكر

ملعقة صغيرة قشر برتقال مبشور ( دايما إذا جيتي تبشرين برتقال أستخدمي الجزء البرتقالي بس لا تبشرين الجزء الأبيض اللي تحته لأنه مر )

أصبع فانيلا طبيعي ( إن وجد ) أو ملعقتين كبار خلاصة فانيلا ( سائل أسود ) طبعا لو لقيتوا الفانيلا الطبيعي أنصح فيه وبشده .

شفتو كيف المقادير جدا سهلة .......


الطريقة :

سخني الفرن على حرارة ٣٢٥ فهرنهايت أو ١٦٠ مئوي

في قدر صغير حطي الكريمة و الفانيلا و قشر البرتقال على نار هاديه و أول ما تشوفين أن الكريمة بدت تغلي يعني فيه فقاقيع على الأطراف شيليها من النار وخليها على جنب شوي .

بعدين جيبي صفار البيض و السكر و أخلطيهم فيه خفاقة البيض ( موب خلاط كهرب ) إلين ما يبدأ يتغير لونه ويذوب السكر يعني بس شوي ...:D

صبي شوي من خليط الكريمة ( حوالي ملعقتين ) على البيض ( عشان لو صبيتيه على طول بينسلق البيض ويجيك قطع بيض عشان كذا لازم نرفع حرارة البيض شوي شوي ) و أخلطي زين بعدين صبي الكريمة و أنتي تحركين شوي شوي إلين ما تصبينها كلها .

بعدين جيبي الصحون اللي تبين تقدمين فيها . تقدرين تقدمينها في صحون صغيرة أو فيه صحن كبير زي ما أنا مسوي . وسخني مويه في غلايه المويه عشان الحمام المائي .

جيبي صينية كبيرة وحطي صحون التقديم فيها بعدين أملي صحون التقديم حوالي ٢ سم أو أكثر شوي من الكسترد و بعدين صبي المويه المغليه في الصينية الأم إلين ما توصل المويه لحوالي نصف الصحون اللي جوا .

حطيها في الفرد و أنتبهي لا تدخل مويا في الصحون . بعد حوالي 30 دقيقة أو إلين ام يبدأ الكسترد يجمد .

طلعيه من الحمام المائي و حطيه في الثلاجة ٤ ساعات إلا ييومين :bigeyes::D يعني يصلح لعزيمة .

الخطوه الأخيرة وهي حرق السكر . طبعا الطريقة المعروفة هي إنك تستخدمين دافور نار وشوي شوي تحرقين السكر . أنصح اللي ما عندها دافور تشري واحد . بس لو ما عندك وش تسوين ؟؟؟؟؟ تشغلين الفرن من فوق على أحر شي وتحطين صينية الفرن على أعلى شي .
الحين كيف تحرقين السكر .... طلعي الكسترد من الثلاجة قبل ما تاكلينه بثلاثين دقيقة تقريبا .. بعدين رشي سكر على الكسترد من فوق يعني تبغين طبقة خفيفة سكر فوق الكسترد . بعدين جيبي الدافور و أحرقي السكر إلين ما يقلب لونه شوي بني موب أسود أو لو ما عندك دافور رشي السكر ووزعيه على الصحن بعدين حطي الكسترد في صينية فرن وحطيها في الفرن زي ما ذكرت فوق لمدة ثواني بس إلين ما يقلب السكر ذهبي .....
ملاحظة ( لا تحرقين الكريم برولي إلا قبل التقدين مباشرة )

وبس ،،،،،

اطباق شهية تسلم ايدك

ماشاء الله
تسلـــم أيديك على الوصــفات أخوي
ومشكـــوور

سجلت مخصوص عشان اشكرك
ماشالله مشالله وش هالإبداااع والتشيز كيك شي ثااااني الييم ماشالله
عاد اعشق التشيز كيك بانواعه
تسلم يمينك وكثر لنا من الحلويات لاهنت:D