رد: أسطورة نينتيندو المظلمة, أسطورة زيلدا: قناع ماجورا
السلام عليكم و رحمة الله و بركاته^^
Link-tumi
اتوقعتك أول واحد ترد على الموضوع لأني أذكر بشي من المواضيع أنا قلت أنه ماجورا هي أفظل جزء و كنت انت أحد المعارضين و بقوة^^
اقتباس:
اولا اهنيك على تقرير الابداع بارك الله فيك
شكرا الله يخليك (هيدا من زوأك على قولة اللبنانيين)
اقتباس:
اما من بعد جزء oot بدة الالغاز و الاسلاحة تتكرر فى جميع اجزاء زيلدا و بدا روتين العبة واضح و ما فى تحدى مثل ما كانت oot
هم صح استخدموا نفس الأسلحة, بس كل جزء تميز عن غيره بشي. مع أنه أوكارينا كانت طفرة, كان مستوى الصعوبة عادي (إذا مش سهل). أما ماجورا فاللعبة صراحة صعبة, لأنك لو ما قبلت شخص معين بالوقت المعين, مستحيل تنهي اللعبة و تنتقل للمهمة اللي بعدها + فما بالك بالألعاب الفرعية!! أما wind walker كانت عكس الأجزاء بكونها كوميدية!! و ألوانها و أسلوبها بهيج. فكانت أيضا إضافة جدا جدا رائعة لعوالم زيلدا. عدى استخدام القارب في الترحال. و الخ^^
اقتباس:
مثل قصة البنت لى ابوها تحول لى موميا و قصة الشخص لى يبحت على القناع عشان يكمل عرسه
اتعرف انه هذا الموضوع حذفت منه أشيا وايدة^^
منها هالقصتين المؤثرتين. لأنه مثل ما قلت بالموضوع, قسم ما وراء النهاية هو المفروض يكون الموضوع الأساسي, و يحتوي على القصص المؤثرة في ماجورا و كيف أثرت علي. هذه كوم, و اتجوف الأسئلة فوق, هذه بعض الأسئلة اللي ما حصلت لها إجابة, و غيرهم كثير! + كل سؤال كنت كاتب له نظرية من عندي اتفسر اللي صاير, فالموضوع كله عباره عن أسئلة و أجوبة. بعدين قلت لحظة, شو بسوي لو محد لعب اللعبة!! مع أني اتوقعت الأغلبية اهنيه لاعبينها بس العكس كان صحيح!! فقلت خلني أسوي نبذة شاملة, و ما أخرب الأحداث, و أتكلم على كيفي في قسمي الأخير. عقب ما كتبت كل شي, حسيت لو ظفت الأشياء الموضوع بيطلع وااااااااااااااااااااااااااااااايد اكبير, و قلت جني مصختها, فقررت أخليها للناس اللي لعبت اللعبة و تبي اتناقش^^.
اقتباس:
وحيرتنى معاك الحق ب اسئلتك وبدية افكر فيها وشكلى راح اعود العبها بتركيز اكثر هده المرة
شكلك!! قول لازم تلعبها مرة ثانية^^
خت فت
شكرا على مرورك ^^ و ما عندي شي أزيده إلا أنك لاااااااااااااااااازم تلحق و تلعب Twilight Princess^^.
No 'Angel
أهلين^^ و أنا من فترة وين اختفى بعد ما كان دوم يشارك!! طلعت مغير الاسم^^
اقتباس:
بس Majora's Mask لعبتها على الـ N64 على أيامها !
نزلت في 2000 .. يعني قبل 7 سنوات .. يعني كان عمري 10 سنين ._."
يالله, من زمان يعني. لازم ترجع تلعبها لأنه هذا ما يعتبر لعب:28:
اقتباس:
ما عندي تعليق على اللعبة .. بس حاب أشكرك على المجهود ^^"
تسلم اخوي احمد على الموضوع [:
العفو و شكرا على مرورك ^^.
Zero-Iyad
اقتباس:
أولا الله يعطيك العافية على الجهد الكبير الذي بذلته في كتابة موضوع "صـــعـــب" كهذا .. فاللعبة غامضة مخيفة يصعب التعبير و الكتابة عنها
الله يعافيك:), بس على فكرة, الموضوع ما طولت بكتابته, اسبوع تقريبا كل يوم قول ثلاث ساعات!! لأنه مثل ما قلت, اللعبة غامضة و مخيفة بشكل غريب, و لأني ما جفت هالشي بمكان ثاني, صارت مهمتي سهلة لأني ما قلت إلا اللي أحس فيه^^. اعرف و أنا أكتب كنت قاعد أسمع الOST مرة أخيرة. الخلاصة, اللي بخاطري كتبته بدون ما أقعد أفكر^^.
اقتباس:
في البداية .. الموضوع بصورة عامة شامل و مرتب .. لكن يفتقر لقليل من الـ"حركة" في التلوين الجاذب لعين القاريء .
و الله أدري, بس قلت لعبة مظلمة, أقعد ألون و أسوي+ السبب "الأساسي" أني كرهت شي اسمه بوست. تكره الساعة اللي اقررت تكتب فيها الموضوع بسببه-_-.
اقتباس:
بالنسبة لي زاد الأمر سوءا الـSaving بأماكن و أوقات معينة .
فوق سواد أجواء اللعبة فأنت مقيّد بحفظ انجازاتك التي دامت لساعات في ذلك المكان , في ذلك الوقت .
كنت بكتب عن نظام الحفظ بس "اتعايزت" أو كسلت.
شخصيا أجوف الحركة حلوة. لأنه تظيف نوع من التحدي باللعب.^^ و فيها نوع من الكلاسيكية.
اقتباس:
منظر فعلا غريب .. محيّر ..
لكن أعتقد انك رحت لبعيد :ponder:
هههه, و الله غصبا عني^^+ لو عرفت الأشياء الثانية اللي فكرت فيها, قلت الكل بيهاجمني لو كتبتها!! فقلت أخليها لنفسي أبرك لي. لا جد, في مناظر تعطيك إحساس غريب جدا و تجبرك للتفكير بأشيا لا تتوقعها أنت!!
اقتباس:
أسئلتك حلوة .. و تدل على انك "نـــــــاحــــــــت" اللعبة ..
ناحتنتها نحات^^
اقتباس:
أخيرا ما قصرت أخي ..
جهد جبار .. التعبير عن هكذا لعبة بكل هذه السطور أمر شبه مستحيل لكنك أثبت أنك قادر على توصيل ما لديك للغير .
تستحق التميز بجدارة .. مبروك عليك .
+ جاري الترشيح :)
بالتوفيق و بانتظار جديدك .. و ان كان منتدى الننتندو الآن يفتقر لشيء فهي هذه المواضيع الجبارة التي تظهر من فترة لأخرى ^^
العفو و الشكر لك أنت على مرورك الجميل جدا و اللي يبرد القلب^^
و ان شاء يكون لنا تواجد قريبا ان شاء الله^^.
و بانتظار مرورك أول ما اتخلص اللعبة
(تعال بخصوص الحفظ, تقدر تستعمل Song of soaring, تنقلك لصخرة البومة, و تحفظ عندها, شو المشكلة!!)
KSA-boy
اقتباس:
حقيقة .. تسلم يدك على التقرير , زمان عن هالمواضيع .
العفو, و أنا اللي أسعدني صراحة مرور الكل اهنيه, لأنه Come to think of it. أعتقد أنه هذا أول موضوع لي اهنيه!!
اقتباس:
بالنسبة لماجورا ماسك .. للأسف الشديد ما حصلت لي فرصة تجربة اللعبة , ناوي أجربها قريب إن شاء الله لما اشتريها من الوي شوب , أو بالطرق الملتوية ( & ) .
ان شاء الله, بس على فكرة, كل واحد قال بيرجع اهنيه أول ما يلعب اللعبة, راح أنتظر مروركم!! فلا تنسون:)
Super Shadow
اقتباس:
الصراحة التقرير جبار و يستاهل المميزة و بقوة :biggthump
زيلدا ماجورا ماسك من أفضل ألعاب زيلدا في تاريخها :biggthump
بارك الله فيك على التقرير الرائع و المفيد :biggthump
شكرا الله يخليك هذا من ذوقك^^
بس ما قلت لنا رايك باللعبة, إذا يربتها و لا لأ!!
المهم, حبيت أشكرك أولا على تعديل العنوان (على فكرة ثاني مرة اتصير!! أول مرة مع الأخ أحمد بموضوع Harukanaru!!)
ثانيا: بما أنه الموضوع فاظي و مش ملون يمكن أستغلك و أظيف صور بأقسام معينة;).
و شكرا على مرورك:biggthump:biggthump:biggthump
Reaper Poet
اقتباس:
يوم كنت صغير لعبت اللعبة بالطرق الملتوية :biggrin: ، المشكلة كنت صغير و ما أفهم وايد :ponder: .. إن شاء الله نعيد التجربة الرائعة لمّا اشتري الـ Wii .. بس أنت متأكد أن اللعبة موجودة في الـVC? :flute:
إن شاء الله^^, بس ما أعتقد نزلت على VC. جيكت أمس. و . . .شكرا على مرورك
:::::::::::::::::::::::::::::::::::::::::::::::::
أخيرا, اللي يحس أنه عنوان الموضوع مش مناسب و عنده فكرة أفظل يقول للأخ شادو أو الأخ حسين لتعديل العنوان!!
و أي نفس الشي إذا كان عندكم أفكار ازيادة اتظيفونها من ناحية الشكل (طبعا من بعد إذن المراقبين!!:))
و أشكر لكم تفاعلكم مع الموضوع
رد: أسطورة نينتيندو المظلمة, أسطورة زيلدا: قناع ماجورا
اخوي ما دامك انهيت اللعبه الله يخليك انقذني ادري ا ن الموضوع مو للمساعدات بس مليت وانا احط مواضيع للمساعدات لزيلدا ماجوراز ومحد يرد علي وانا موقف لعب تخيل من تقريبا سنه (قبل صدور تولايت برنسيس) والمكان الي متوهق فيه هو البير الجاف الي فيه موميا الي اعرفه اني البس القناع وجيب 5حبات فاصوليا وحليب وسمكه بس ما اعرف اشلون (يا ليت او تعلمني اشلون اخذ قاروره ثانيه لان ما عندي الا وحده وتعبت حيل من لغز بيوض السمك الي بالقراصنه على ما خلصتهم ويه والله خوش ذكريات)
ثانيا التعقيب على اللعبه تعتبر افضل لعبه لعبتها من زيلدا ولسببين ربما لانها اول جزء اجربه من السلسله في عام2000 اول ما صدرت لكني وقفت فيها بمنطقه الجورون وراها ضاعت وبعدين عاودت اللعب بها في 2006 لما انصدمت لما لقيتها بمحل بالرحاب اصليه و5 دنانير (عام2000 شاريها ب20 دينار شوف فرق الزمن بالسعر) والثاني اعجبتني حيل سالفه الاقنعه والتحولات الي تصير من زروا وديكو وجورون طبعا لعبت 5 العاب زيلدا ويند ويكر وتولايت برنسيس وماجوارز واوكرينا(الوحيد الي ما لعبت فيه اكثر من15 دقيقه وما اعتبر نفسي جربته) واخيرا فانتوم هيلا غروس
رد: أسطورة نينتيندو المظلمة, أسطورة زيلدا: قناع ماجورا
اقتباس:
شكرا على مرورك ^^ و ما عندي شي أزيده إلا أنك لاااااااااااااااااازم تلحق و تلعب Twilight Princess^^.
كملتها تواليت بنرسس 98% لى ناقصنى 5 ارواح بس
وماعجبتنى مثل ماجورس ماسك و اوكرينا اوف تايم
من الاسباب لى خلانى ما احب ماجورس ماسك هليا هى غموض العبة
تقريبا هده اغمض لعبة لعبتها فى حياتى
اقتباس:
هههه, و الله غصبا عني^^+ لو عرفت الأشياء الثانية اللي فكرت فيها, قلت الكل بيهاجمني لو كتبتها!! فقلت أخليها لنفسي أبرك لي. لا جد, في مناظر تعطيك إحساس غريب جدا و تجبرك للتفكير بأشيا لا تتوقعها أنت!!
اسمع حط بلهى عليك استنتاجاتك كلها لانها مليحة وبدات انها تتعلق ب احسن لعبة عندى
اقتباس:
والمكان الي متوهق فيه هو البير الجاف الي فيه موميا الي اعرفه اني البس القناع وجيب 5حبات فاصوليا وحليب وسمكه بس ما اعرف اشلون (يا ليت او تعلمني اشلون اخذ قاروره ثانيه لان ما عندي الا وحده وتعبت حيل من لغز بيوض السمك الي بالقراصنه على ما خلصتهم ويه والله خوش ذكريات)
شوف باش تخصل حبوب الفصوليا لازم ترجع لى مدينة ديكو اول ما تدخل لى مدينة ديكو
تلقا 3 ممرات
ممر على اليمين وممر على اليسار وممر امامك يرفعك الى رئيس ديكو
انت اسلك الممر الايسر و ادهب لى حد نهايته راح تلقا حفرة ادخل فيها و فى الحفرة راح تلقا شخص ياكل فى حاجا تشبه بطاطا( شكارة فصوليا ) او حاجا هكى اشرى منه 5 وارجع لى المومياء
وانا منبيش نسمى لك الحل الكامل لان العبة تبدا بايخة
وكان علقة مرة تانية اسئل مفيش مشكلة
رد: أسطورة نينتيندو المظلمة, أسطورة زيلدا: قناع ماجورا
^^^^^^^^^^^^^^^^^^^
يعطيك العافيه وما قصرت بس مو هذا قصدي انا اعرف اخذ حليب من المزرعه والسمكه وكذلك حبه الفاصوليا بس احتاج شيئين الاولى زجاجه جديده لاني لا املك الا واحده ولكنها غير ضروره ومهمتها توفير الوقت علي والثانيه اول ما ادخل النفق اعطيه المومياء الفاصوليا وبعدين وين اروح حتى اكمل الطريق
رد: أسطورة نينتيندو المظلمة, أسطورة زيلدا: قناع ماجورا
السلام عليكم^^
rare games
أضغط عشان اتجوف مواقع الزجاجة
ثاني شي, ما فهمت السؤال
انت كم معبد مخلص؟
و هل انت تبي اتكمل المغامرة 100% و لا بس تبي تنهي اللعبة عادي؟ لأنك لو تبي تنهيها 100% ما بقولك الجواب,^^ لانه شي لغز باللعبة خلاني اتخبل "اتجنن", و بالنهاية حليته بالصدفة!!
بس انت قولي كم معبد مخلص و انا بقولك شو اتسوي بعدين^^
رد: أسطورة نينتيندو المظلمة, أسطورة زيلدا: قناع ماجورا
^^^^^^^^^^^^^^^^^^^^^^^
اخوي ماودي نقلب الموضوع النقاشي الي مساعدات بس هذا اخر سوال لي انا مخلص 3 معابد واخذت قناع المومياء ونزلت للبير الجاف وما قدرت اكمل الطريق توهقت فيه الاول عطيته فاصوليا الباقين وهقوني مادري شاعطيهم لا ابي اخلصها عادي اول
رد: أسطورة نينتيندو المظلمة, أسطورة زيلدا: قناع ماجورا
السلام عليكم
^^^^^^^^^^^^^^^^^^^^^^^^^^^^^^^^
أفا عليك الموضوع موضوعك^^, و استفسارات تخلي الموضوع عايش أحسن من ولا شي^^, على العكس أستانس^^
ألحين إنيي للمهم, . . .انت عندك قناع المومياء؟
لأنه غريبة, المفروض تقدر تكلمهم إذا لبست قناع المومياء (اذا ما خانتي الذاكرة المصدية)؟!!
المهم, بقولك الخطوات و إن شاء الله تطلع صح, بس أهم شي خل يكون عندك ثلاث زجاجات, وحده حط فيها حليب, و الثانية سمجه (سمكة), و الأخيرة فاظية!! لا تروح البير قبل ما اتسوي هالأشياء الثلاث.
انت عطيت أول واحد خمس حبات فاصولياء صح؟ بعدها بيخليك تمر.
روح جدام أو للأمام و كلم المومياء اللي بتكون على يمينك, عطها 10 Deku Nuts, و بتمر
بعدين, كمل و و كلم المومياء اللي على يسارك و عطها 10 قنابل
ألحينه , انتبه, بغرفة من الغرف في البئر بتحصل شبح "يسمونه poe" اذبحه و امسك روحه بزجاجة.
ارجع للمومياء اللي عطيتها الDeku nuts و عط المومياء الثانية (أو اللي عدالها) سمكة.
بعدها كمل, بتحصل مومياء عطها روح الشبح أو الPoe.
كمل دربك بعد من تمر منها و بعد بتحص مومياء, عطها الحليب. بتخليك اتمر للغرفة الأخيرة, بعدها بتحصل المشاعل, نورها بسهم النار أو بأي نار وأعتقد بتحارب وحش أو بتحص على درع المرآة, و من دونه ما تقدر تدخل المبعد الأخير.
سؤال أخير, انت ذبحت زعيم العظام اللي هو القائد أو الملك اللي ظل حي و قالك اتقول لجنوده يرتاحون؟ لأنه راح يعلمك الأغنية الأخيرة اللي هي Elegy of emptiness. و اللي بتستخدمها لدخول المعبد الأخير (الله يعينك عليه لأنه أصعبهم)
و قولنا إذا صح اللي قتلك عليه و لا غلطََ!!
رد: أسطورة نينتيندو المظلمة, أسطورة زيلدا: قناع ماجورا
السلام عليكم
اتذكرت شي.
إذا ما حصلت الشبح, أعتقد ما يظهر إلا باليوم الثالث.
رد: أسطورة نينتيندو المظلمة, أسطورة زيلدا: قناع ماجورا
معه اني ما قريت التقرير كله
لاني لاعب اللعبه وخلصتها تقريبا ثلاث مرات
فانا صراحه انعجبت باللعبه ويعجبني غموضها
وبتقريرك هذا خليتني افكر احملها عله الوي واخلصها مره رابعه
صج اسطوره
وبصراحه موضوع مرتب ومنسق وممتاز
يعطيك 1000 عافيه والله ما قصرت
رد: أسطورة نينتيندو المظلمة, أسطورة زيلدا: قناع ماجورا
السلام عليكم^^
ERGO PROXY
شكرا على مرورك, و اذا لاعب اللعبة ثلاث مرات ليش ما اتشاركنا في النقاش عن الأسئلة الموجودة^^
و اذا تعرف أي ماجوراز فريكس دزهم صوبنا و قولهم يشاركون بالموضوع^^
رد: أسطورة نينتيندو المظلمة, أسطورة زيلدا: قناع ماجورا
السلام عليكم جميعا
خبر جميل قريته اليوم أو معلومة بموقع IGN, بخصوص أفظل 100 لعبة على مر التاريخ.
ماجوراز ماسك خذت المركز 31 بعد ما كانت من سنة أو سنتين 71 (أو 76).
و لا حظت أنه الناس بدت اتقدر اللعبة أكثر مع مرور الوقت.
و ادخلوا Ign لانه شي ترتيبات مش متوقعة, بس الحلو أنه قسم كبير من المراكز راح لألعاب قديمة.
و . . . بانتظار ماجوراز ماسك فريكس -_-
رد: أسطورة نينتيندو المظلمة, أسطورة زيلدا: قناع ماجورا
اقتباس:
المشاركة الأصلية كتبت بواسطة Dio-Sama
السلام عليكم^^
ERGO PROXY
شكرا على مرورك, و اذا لاعب اللعبة ثلاث مرات ليش ما اتشاركنا في النقاش عن الأسئلة الموجودة^^
و اذا تعرف أي ماجوراز فريكس دزهم صوبنا و قولهم يشاركون بالموضوع^^
حياك الله ويشرفني اني اكون واحد من الي يناقشون هذي الاسطوره الروعه
بس المناقشه اتكون في نفس الموضوع وله في موضوع ثاني ؟
رد: أسطورة نينتيندو المظلمة, أسطورة زيلدا: قناع ماجورا
اقتباس:
حياك الله ويشرفني اني اكون واحد من الي يناقشون هذي الاسطوره الروعه
بس المناقشه اتكون في نفس الموضوع وله في موضوع ثاني ؟
انا اللي يشرفني وجودكم بموضوعي المتواضع^^, و النقاش أجوف وجوده اهنيه أفظل, بهذا الموضوع^^.
و الله يخليك لا تنسى اذا تعرف اي ماجوراز فريك لا تنسى اتقولهم اييون و يشاركون ترى الموضوع موضوعكم^^.
و شكرا على المرور و بانتظاركم ان شاء الله^^
رد: أسطورة نينتيندو المظلمة, أسطورة زيلدا: قناع ماجورا
السلام عليكم ^^
حصلت فيديو روعة لماجوراز ماسك, الكلام مناسب اللقطات و متأكد اللي ما لعب اللعبة بيروح يركظ يلعبها^^
http://www.youtube.com/watch?v=ijsyq...eature=related
رد: أسطورة نينتيندو المظلمة, أسطورة زيلدا: قناع ماجورا
هذا الموضوع يوجد في منتدى ستار تايمز !!
ونفس الترتيب وتوجد صور للشخصيات !!!!!!!!!!
بس يمكن ما قدرة تحملها ؟؟
لاني انا منزل الموضوع في الجهاز في برنامج الوورد خخخخخخخخ.
بس حبيت اقولك ان الموضوع احلى بل الصور.
سلاا!!!!!!!!!!!!!!!!!ام