السلام عليكم
mashkaljey + ابو قحط : شكرا على الاطراء والرد .
toto jeddah : انته وضعك سيء هههههه
ذكرتني بالمثل الشامي اللي يقول : الديك بيموت وعينو بالمزبلة ! :D
اقتباس:
المشاركة الأصلية كتبت بواسطة toto jeddah
فكرت اضخم من غير هرمونات بس مكملات واكل اللي بدي اياه وزاد وزني لين 91 ك 90% منو عضل
هنا متعة كمال الاجسام
هذا الكلام والمنطق السليم زيد في الكتلة العضلية وبعدها قسم ونشف على حسب الرغبة.
اقتباس:
المشاركة الأصلية كتبت بواسطة toto jeddah
وجا يقولي يبغالك كورس كامل ونظيف وللمرة الأخيرة وتصير تحفة !!
الموهم أنا حبيت اسمعه . .
يقولي يبغالك ايكابويز + استنازول أو ونسترول
والأحسن استنازول + بريمو + Gh مع المنظفات بعد الكورس
والليجالون لتنشيط الكبد ..!!
+
احماض تابليت + واي بروتين + جلوتامين + ملتوفيتمين ...
طبعا المنتجات أقل خطرا وما تؤثر خاصة مع المنظفات عكس المنتجات الأخرى
مثل التسترون واخواتها اللي تحتاج زيارة المستشفيات عشان الفحص ..!!
يقولي ,, جسمك رح ينزل بقوة مع الاستنازول , والايكا بويز + البريمو يمسك العضل ويبرزه
ويساعد العروق للتضخيم +Gh ح يحرق الوسط ويقويك ويحث العضلات ويرفع المستوى
لفوووق والمكملات تساعد ع التغذية الصحية طبعا . .
انا بصراحة رغبني اكثر جسمه من جد تحفة ماشاء الله وهوا في كورس ماشاء الله
يقولي ( ماشاء الله خامة جسمك مرة جميلة وجسمك يستجيب بسرعة ) ,, قلت له شكرا :)
قالي تستخدم حاجات ؟؟!! ( قصده كورسات ) قلت له لا طبعا انا اخسس وانشف . .
قالي ناقصك تدخل كورس نظيف ويبغالك gh :boggled:
من جد اتجننت !!
كمان يقولي يبغالك ايكابويز ويبغالك ع الاقل 40 ضربة Gh عشان تتغير للأبد :02:
انا كلمته عن كلام صاحبي المدرب وقالي ان كلام صاحبي 100 %
قلت له المشكلة المخاطر وانا خايف ارجع لها قالي كل الكورس ما يخوف وجسمك
يتحملها بس احطياطا تآخد منظفات بعد الكورس بـ 7 أيام وليجالون ( نفس كلام صاحبي )
هوا قصده يتحملها جسمي عشان الكورس مو خطير مثل التسترون و منجات الضخامة . . .
عموما , ياليتكم كلكم فردا فردا تجو هنا , محتاج وقفتكم معايا ..!!
اش الحل ؟؟
ادخل الكورس اللي حيكلفني فوق الـ 1900 أو لا ؟؟
يا اخي من الاخير وعلى بلاط ( الليل واحد ، والحرامية الوف)
مع احترامي لصاحبك ولجميع الكباتن.
كلامه فيه تضارب عجيب ( كورس كامل ونظيف للمرة الاخيرة)
(كل الكورس ما يخوف وجسمك يتحملها بس احطياطا تآخد منظفات بعد الكورس بـ 7 أيام )
- ما في احد مشى في طريق المنشطات الا وندم ، والمدربين في النوادي شغلهم الوحيد السمسرة
والله انه قائمة المنشطات اللي ذكرتها ارعبتني لدرجة اني حسيت كأنك تتكلم عن مبيدات !
الوحيد اللي سمعت فيه هو Gh اللي هو قروث ...واصحابي في الجيم اللي اخذوا منه اثنوا على نتائجه
لكن تعال شوفهم بعد ما تركوا رياضة الحديد ، اجسام قمة في القبح كرش وارداف مع ترهلات حتى في خدودهم.
- لا تسمع لكلامهم لانه حسب اللي فهمته من ردودك السابقة انك ماشي في الحلاوة وخليك مستمر.
والله الى اليوم اتذكر بدايتي في الجيم وكيف اني كنت اشوف بعض الرياضين بنظرة اعجاب لاجسامهم
لكن مع الايام طلع المستور وهو شغل المنشطات ، وانا استمريت على كلامي تغذية وتمارين لكن
تعال قارن بيني وبينهم الفرق واضح ، اجسامهم تشبعت بالمنشطات حتى انها قامت ما تعطي مفعول معاهم .
واستجابة اجسامهم للتمارين صارت بطيئة غير هذا آدائهم الرياضي يرتفع مره وباقي الايام
في هبوط ، والاوزان ما تتحسن معاهم ، غير الاصابات والمزاجيات الي تتغير كل يوم ، يكفي انهم
حاليا ياخذون التمارين من عندي ويسالوني عن التغذية مع انه معلوماتي كلها مصدرها النت
من مواقع ومنتديات اجنبية وخبرات رياضيين محترفين وكتب طبية .وكل يوم اكتشف
معلومة جديدة عن رياضة كمال الاجسام.
اقتباس:
المشاركة الأصلية كتبت بواسطة رياضي طويل
ابقولك لاني غيرت النادي الي كنت فيه اول وكنت اتمرن فيه لمدة سنتين بديتها في اللياقه بعدين
نزلت على الحديد وكسبت خبره سواءً في التمارين اللياقيه او في تمارين الحديد والحركات
الي تخص كل عضله صح ان النادي متواضع بس الاجهزه تغطي كل التمارين والمدرب
بطل بس ما استمر في النادي ..
وبعدما قطعت ورجعت الحين لبودي ماستر في حي الصحافه والصاله فيها 7 مدربين
لكن حسيت انه يضيع الترتيب الي كنت ماشي عليه ويا عزتي للمبتدئين :(
مع العلم ان النادي القديم مروا علي عدد من المدربين محترفين .. بس ما يستمرون
لان اغلبهم يترزقون الله ومرتبطين بوظائف ثانيه ..
هلا بك
والله اللي تعلمته من رياضة الحديد انها اسلوب تطبقه وهدف توصل له وثقافة تكونها لنفسك
وما يهم درجة النادي ان كان على الزيرو او فخم او عدد المدربين بالعكس يعتمد
على تطبيقك للتمارين والمواصلة.
المشكلة في هاذي الرياضة انك ما تحصل اللي فاهم اساسياتها بالمعنى الصحيح
وكل واحد له راي واسلوب وفلسفه تخصه .
خذ مثلا الصالة اللي اتدرب فيها ... الكابتن حسب كلامه يلعب حديد من 18 سنة واخذ تدريبه
من واحد من ابطال العرب اسمه
عباس الهنداوي لكن تعال شوف جسمه ..
كتلة من الشحوم المتراكبة على بعضها كأنه برميل .
همه الوحيد كيف ينصب على الشباب ويستغلهم ، لا ويشترط عليهم اللي يطلع جسمه يعطيه هدية!
وانا اقول انه من الجيل القديم ومره وحده انفتح على عالم المنشطات فالحبيب قاعد يطبق على الشباب
وخلال الفترة اللي قضيتها في الصالة وهي سنتين ما لقيت واحد استمر معاه اكثر من شهرين ..
كلهم تحصل لهم اصابات ويختفون مع الوقت وبعضهم ما ادري حتى الآن مصيرهم.
وفي نفس الصالة تعرفت على الماني وظيفته دكتورعلاج طبيعي في المستشفى المركزي
يالله على هذا الشخص ما سألته في تمرين او عضلة الا اعطاني تفصيل ومعلومات
عن التشريح العضلي عنها واسمها العلمي ووظيفتها وميكانيكا التمرين والتمارين
اللي تساعد على نموها أو تأهيلها بعد اصابتها ، استفدت منه في امور كثيره ....
لكن حسافه وصل سن التقاعد في الوظيفة وتوكل ومن بعدها مصدري الوحيد للمعلومات هو النت.
انا لو في ايدي سلطة على النوادي كان حصرت دور المدربين فقط في مساعدة الرياضين والاشراف
على نظافة وسلامة الاجهزة في الصالة والمحافظة على النظام وتنظيم البطولات فقط لا غير .
آسف على الاطالة لكن الموضوع من عنوانه نقاش مفلوع والباب مخلوع :biggthump