-
تصويت لأختيار سيرفر Final Fantasy XIV ARR
السلام عليكم ورحمة الله وبركاته ,
بعد ملاحظة اهتمام كثير من العرب بلعبة Final Fantasy XIV ARR ,
قررت اكتب هالموضوع واخذ أراء الناس واشوف وين راح يكون توجههم.
صفحة السيرفرات :
http://www.arrstatus.com/
في 5 سيرفرات اوروبيه 4 منها New Servers , وواحد Legacy
طبعا الي خالصين منه انه المفروض راح نلعب , بسيرفرات اوروبيه عشان البنق PING
وراح ابدأ بمزايا وانواع السيرفرات :
اولاً : انواع السيرفرات , حاليا موجود نوعين الـNew Serversو Legacy Servers
-الـNew Servers ... راح تكون سيرفرات جديده كل الناس راح تبدأ من الصفر
-الـLegacy Servers ... راح تكون سيرفرات قديمه الناس القديمه راح تنتقل شخصياتها ببعض الأشياء الموجوده بالشخصيه مثل الـ Level \ Classes\Craft\Gather\Gil
ثانياً: مزايا السيرفرات:
الـNew Servers :
-ميزاته :
انه راح نبدأ كلنا من الصفر نستكشف الأشياء مع ناس ماعندهم خبره كبيره من ناحية الـFATES (Dynamic Events)l وبعض الدناجن.
-مساوئه:راح يكون في عدد قليل من الـCrafters وعدد قليل من الـGathering فـ راح يكون الماركيت اسعاره طالعه نازله وملخبط > والاهم من هذا انه راح نتقابل مع الناس الي في الـLegacy servers حتى لو مابغينا ... لو استخدمنا نظام الـDuty Finder
الـLegacy Servers :
-ميزاته: راح يكون في عدد لابئس به من الـCrafters عدد لابئس به من الـGathering فـ راح يكون الماركيت اسعاره ثابته ورخيصه بسبب التنافس بعكس السيرفرات الجديده اول كم اسبوع راح يكون الأسعار نار.
راح يكون في ناس تساعد وتعلم بعضها بسبب الخبره بين الناس.
-مساوئه: راح يكون في ناس لفل 50 , وناس خبره بالدناجن والـFATES.
-بالنسبه للقولد : الاعبين القدامى كان القولد صعب يجيبونه ... فـ الاعبين الجدد ماراح يكون عندهم مشكله عشان يوصلون للقولد الي مع القدامى ...
لأنه القولد في النسخه القديمه كان أقل من النسخه هذي بـ 5 اضعاف
فـ مثلا الي كان معه 1000قولد في النسخه القديمه , ونقلها لسيرفر الجديد
الاعبين الجدد يقدرون يجيبون 5000قولد بنفس الوقت الي جاب فيه الاعب القديم 1000قولد.
مقارنه بين السيرفر الـLegacy و الـNew :
من ناحية عدد الاعبين : ماراح يكون في فرق بين النوعين من السيرفرات .
من ناحية الـMarket : الـماركيت راح يكون سعره ثابت ورخيص بالسيرفر الـLegacy , وغير ثابت بـ New Servers. (في الاسابيع الأوله).
من ناحية الـقولد : الـLegacy راح يكون عندهم قولد كـ بدايه. والـNew راح يبدأو من الصفر.
من ناحية الـCrafters & Gathering: راح يكونون اكثر في السيرفرات الـLegacy وماراح يكون عليها احتكار , بعكس السيرفرات الجديده راح يكونوا قليلين ومحتكرين.
فـ الخيار لكم بإختيار السيرفر ... وللمعلوميه السيرفرات الـلاجيسي والجديده كلها راح تنتهي لنفس الطريق بالكثير بعد اسبوع ونص.
بالنسبه لقيلدات ...
راح يكون في نظام الـLinkshell
مثل الـAlliance عشان تجمع اكثر من قيلد في لينك شيل واحد! بدون خروجك من القيلد الي انت تبي تجلس فيه
بعض القيلدات الي راح تكون في فاينل فانتزي 14 وقت اللإفتتاح :
TEQ-The Empty Quarter
ADSLGATE Guild
انتظر أرائكم وتعليقاتكم:)
اخوكم نايف SkyHawk\Adventurers
-
رد: تصويت لأختيار سيرفر Final Fantasy XIV ARR
بالنسبه لي ماتفرق كثير,
بس افضل Ragnarok بسبب الـMarket + Crafters
-
رد: تصويت لأختيار سيرفر Final Fantasy XIV ARR
بالنسبه لي افضل Ragnarok
:أفكر:
-
رد: تصويت لأختيار سيرفر Final Fantasy XIV ARR
وعليكم السلام ورحمة الله و بركاته
نايس الموضوع وفيه معلومات تساعد على الاختيار, شكرا عليه,
بالنسبه للسيرفر هو نوعين, واحد باليابان والثاني بمونتريال,
الياباني مو كثير يروحون له بسبب اللغة,
فالسيرفرات الانجليزيه مو فقط المكتوب عندها EU اوربي , NA-EU كلها في نفس المكان,,
في موضوع للمشاركه بين الاعضاء في شخصياتكم,
Gather Together Arab FFXIV Players
-
رد: تصويت لأختيار سيرفر Final Fantasy XIV ARR
اقتباس:
المشاركة الأصلية كتبت بواسطة Iris
وعليكم السلام ورحمة الله و بركاته
نايس الموضوع وفيه معلومات تساعد على الاختيار, شكرا عليه,
بالنسبه للسيرفر هو نوعين, واحد باليابان والثاني بمونتريال,
الياباني مو كثير يروحون له بسبب اللغة,
فالسيرفرات الانجليزيه مو فقط المكتوب عندها EU اوربي , NA-EU كلها في نفس المكان,,
في موضوع للمشاركه بين الاعضاء في شخصياتكم,
اقتباس:
المشاركة الأصلية كتبت بواسطة Iris
المشكلة مو في الـping
المشكلة في الوقت , يعني اغلب السيرفرات الغير اوروبيه راح تكون مليانه ناس من امريكا ,ومن هالأماكن الي عكس وقتنا
بعكس السيرفرات الأوروبيه راح تكون مليانه ناس بنفس وقتنا
-
رد: تصويت لأختيار سيرفر Final Fantasy XIV ARR
^ صحيح كلامك بس تظل نظريه لين يثبت العكس مع الافتتاح .. لانه المتوقع هالشي, بس هل فعلاً الناس بتلتزم؟ ما تعرف (طبعا لكل قاعده شواذ بس نتكلم عن الاغلبيه)
:( بخصوص الفلوس كان عندي ملايين, لاحظت شلوا صفر من على اليمين..
-
رد: تصويت لأختيار سيرفر Final Fantasy XIV ARR
سؤال فني
اللاعبين الجدد ... بامكانهم يلعبون فسيرفرات الليجاسي؟
وهل العكس ممكن؟
-
رد: تصويت لأختيار سيرفر Final Fantasy XIV ARR
غالبية العرب في راجناروك.
-
رد: تصويت لأختيار سيرفر Final Fantasy XIV ARR
[
السلام عليكم ورحمه الله
بدايتنا تقبل الله اعمالكم ..... بصراحه اتابع المنتدي بين فتره واخرى وماكنت مسجل وشي رائع من الاخوان بتحديث ونقل اخبار اللعبه وترجمتها للعربيه لتسهيلها للقارئ.. الي لفت انتباهي بعض المقالات الي حبيت اعلق عليها مثلا
اقتباس:
المشاركة الأصلية كتبت بواسطة BombTossLS
غالبية العرب في راجناروك.
هل كتبت هالكلام على نتايج التصويت المنتدى ؟؟ولا هو مجرد نظرتك و بشكل عام لانه من الكتابه تعنيها بان العرب غالبيتهم راجناروك؟؟؟ هل لي بالمصدر الي اعتمدت عليه حتى لايكون هناك لبس للزوار او الاعضاء الجدد باختيارهم السيرفر.. علما بان العرب بالالاف وتقدر تشوفهم بمواقع زام وريديت ونيو قاف وتشوف ارائهم مختلفه بانضمامهم لسيرفرات جديده
-
رد: تصويت لأختيار سيرفر Final Fantasy XIV ARR
أبدا مااكان نتيجة التصويت تعنيلي شي، لانه هذي حقيقة..
سيرفر راج مشهور من زمان انه سيرفر غالبيته عرب من ايام فف11 وكذلك فف14 سيرفر راج فيه عرب كثر اكثر من اي سيرفر ثاني، وان كان فيه فماراح يقايش راجناروك...
-
رد: تصويت لأختيار سيرفر Final Fantasy XIV ARR
اقتباس:
المشاركة الأصلية كتبت بواسطة .::RaK_BoY::.
سؤال فني
اللاعبين الجدد ... بامكانهم يلعبون فسيرفرات الليجاسي؟
وهل العكس ممكن؟
الاول يس الثاني لا,
اللاعبين الجدد يقدرون يلعبون يسيرفر الليجاسي, (كل السيرفرات مفتوحه لهم),
اللاعبين الي عندهم شخصيات قديمه مايقدرون يلعبون فيها بالسيرفرات الجديده, (فقط سيرفرات الليجاسي),
لكن:
اذا كنت لاعب قديم وتريد تلعب في السيرفر الجديد لازم تكون بشخصيه جديده من الصفر مو شخصيتك القديمه,,
-
رد: تصويت لأختيار سيرفر Final Fantasy XIV ARR
اخوي تتكلم عن سيرفر ffxi واسمه مشابه لاكن نحن نتكلم عن سيرفر جديد و سيرفر ليجسي ونسبه العرب الي بيدخلون الليجسي او الجديد وبخصوص السيرفر الليجسي الاختيار لانه اوروبي وليس للانه اسمه راج ويوم تقول حقيقه انه بالفاينل 1.0 راج كان مشهور انا اقولك Excalibur كان اكثر سيرفر عددا باللاعبيين الليجسي وكان فيه نسبه كبيره من العرب لاكن مراح اتناقش الان من هو اكثر لان كلامي هو وين توجهه وتفضيل اللاعبيين للعبه الجديده سيرفر جديد او سيرفر ليجسي ,,, ,وهذي الصوره من موقع فاينل لوندستون الرسمي يبيلك عدد اللاعبيين بكل سيرفر http://im36.gulfup.com/K6Zyc.png
-
رد: تصويت لأختيار سيرفر Final Fantasy XIV ARR
انا شخص ليجيسي لاكن فضلت دخول سيرفر جديدوهو موغل لان اصدقائي جدد ونحب نبدا بداية جديده كانها لعبه جديده خاصه اغلب الكلاسات السبيل لها تغير عن السابق واللعبه بشكل عام تغيرت 80% فنعتبرها لعببه جديده علما بان حتى بالليجيسي سوف تبدا من الصفر بالكويسات ..فهي اختيار شخصي .... وبخصوص البنج مايفرق سيرفر اوروبي او امريكي لانه الداتا بيز بمكان واحد لاكن يفرق بالسيرفر الياباني وهناك كثير من المطالب بفتح داتا بيز باوروبا للاعبيين الاوروبيين والميدل ايست
وللتوضيح لصاحب المقاله مشكورا على نقله وكتابته للموضوع وطلب ارائنا وتعليقاتنا ..بدايتا كتبت ان مميزات انك تبدا من الصفر كلام جميل .. وكذلك اللاعبين ليس لديهم خبره بالداينماك والفيتز؟؟ .. بالفيتز هي جديده سواء للقداماه او الجدد ومن ناحيه الخبره هل قصدك مقارنه مع لاعبيين الليجسيّ؟ لانه بالسيرفرات الجديد هناك لاعبيين من اصدار 1.0 ,ومن لليجسي الذين يحبون يلعبون اللعبه كانها اصدار جديد بمعنى اخر مثل ما اللاعبيين الجدد بيدخلون سيرفرات الليجسي هناك لاعبيين اليجسي يفضلون الدخول والبدأ من جديد بالسيرفرات الجديده ...
وبخصوص مميزات الليجسي والماركت والكرافت -الكاثرينغ هالشي ليس ميزه انما رايك الشخصي وهذي وجهات نظر لان من وجهة نظري الماركت بيصعب على اللاعبيين الجدد بالسيرفر الليجسي لانه القدامه سهل لهم تجميع القولد والفارم خاصه الي لديهم لفلات عاليه بالكرافت يعني مراح يبيعلك بسعر رخيص اذا تعبان على الهاي كوالتي ومضيع وقت حتى جمع الهاي كواليتي ايتمز حتى لو كان في تنافس بالاسعار وكثرتها وانما بالسيرفرات الجديده كلامك عدل سوف يكون في ندره بالايتمز والاسعار يمكن تكون عاليه او معتدله او رخيصه يعتمد على العرض والطلب وحط ببالك بان لن يكون هناك كميه كبيره من الجيل عند اللاعبيين الجدد وكسبها بيكون صعب فمراح يكون هناك ارتفاع بالاسعار بشكل خيالي واتوقع بعد سته اشهر او يمكن اقل جميع السيرفرات بتكون متساويه بالماركت ونقطه ثانية اغلب الي يلعبون كرافتر وكاثرينغ يدخلون لينك شيل خاص لهل الشي لتبادل الايتمز لرفع كرافتهم وليس عن طريق الشراء الا نادرا وللمعلومه انا لدي كذا كرافت لفل 50 لاكني متنازل عن الليجسي لان بالوقت الحالي ومن خلال تجربتي بالفيس 2 الى الفيس 3 بالكرافت..الكرافت والكاثرينغ ليس بذاك الجوب الي يدر ذهب نفس قبل لانه اغلب اسلحه والجير للايند غيم تاخذهم من الدنجن والرايد اوالغايلد كامني ومصدري هو
xivdb
وامابخصوص التلفيل من لفل واحد الى اعلى فلديك كذا اختيار للحصول على الجير والوبن بدون لاتصرف كميه كبيره من القولد وهو الدنجن لاربع اشخاص وتبدا معاك من 15 وصاعد او تشتريهم من الان بي سي باسعار معتدله بهالشي جعل الكرافتر مقيد بالسعر بالمستويات الي اقل من 40 للاسلحه والجير الا ان كان السلاح هاي كواليتي ومن تجربه ليس هناك الكثير يشترون هاي كواليتي باللوو لفل
فاتمنى يكون الطرح باراء شخصيه وليس مزايا ومقارنات لان لن يستظيع احد يقارن الا بعد 3 اشهر من نزول اللعبه وبعدها يعمل المميزات والمساوء لسيرفر واخر...... وحتى لايكون هناك لبس للقارءالجديد للعبه
-
رد: تصويت لأختيار سيرفر Final Fantasy XIV ARR
اقتباس:
المشاركة الأصلية كتبت بواسطة Don Oz
[
السلام عليكم ورحمه الله
بدايتنا تقبل الله اعمالكم ..... بصراحه اتابع المنتدي بين فتره واخرى وماكنت مسجل وشي رائع من الاخوان بتحديث ونقل اخبار اللعبه وترجمتها للعربيه لتسهيلها للقارئ.. الي لفت انتباهي بعض المقالات الي حبيت اعلق عليها مثلا هل كتبت هالكلام على نتايج التصويت المنتدى ؟؟ولا هو مجرد نظرتك و بشكل عام لانه من الكتابه تعنيها بان العرب غالبيتهم راجناروك؟؟؟ هل لي بالمصدر الي اعتمدت عليه حتى لايكون هناك لبس للزوار او الاعضاء الجدد باختيارهم السيرفر.. علما بان العرب بالالاف وتقدر تشوفهم بمواقع زام وريديت ونيو قاف وتشوف ارائهم مختلفه بانضمامهم لسيرفرات جديده
وعليكم السلام اهلا فيك ونايس سجلت لتشاركنا,
بخصوص العرب اكيد السيرفرات كثيره ومو الكل في سيرفر واحد حاله حال باقي الدول واللغات ...
في منهم الي يذكره في المنتديات و النت في منهم الي تجدهم اصدقاء مع بعض ومالهم بالمواقع,
لكن في سيرفر تجد فيه اعدد اكبر من غيره, يعتمد عن المجموعات ...
مافي سيرفر يعجب الكل , كل واحد ميوله و نظرته..
اختيارك للسيرفر هو مع اصدقائك او المجموعه الي ترتاح لهم , اما اذا كنت جديد او تريد تشترك مع مجموعه هنا ابحث عنهم وشوف راي الاعبين في النت,
بخصوص ليجاسي او جديد.. مسائله وقت فقط, بعدين بتكون السيرفرات نفس التقدم باللعبه , وبعدها بيعيدون طلب النقل للي يريد يغير السيرفر سواء ليجاسي او جديد,
-
رد: تصويت لأختيار سيرفر Final Fantasy XIV ARR
Ragnarok
سيرفري ايام FFXI + اصحابي راح يكونون فيه
باللعبه ادخل سيرفر فيه اصحابك افضل من انك تدخل سيرفر فيه عدد اكثر
ولو كانت مزايا السيرفرات الباقيه افضل ، اللعبه بدون Friends & Team up ممله
-
رد: تصويت لأختيار سيرفر Final Fantasy XIV ARR
اقتباس:
المشاركة الأصلية كتبت بواسطة Don Oz
وللتوضيح لصاحب المقاله مشكورا على نقله وكتابته للموضوع وطلب ارائنا وتعليقاتنا
الموضوع انا الي كاتبه سواء هنا او بالبوابه الرقميه او بالربع الخالي :) فـ الموضوع من كتابتي وتنسيقي وليس منقول من شخص اخر :28::28::28::28::28::28::28::28::28::28::28:
-
رد: تصويت لأختيار سيرفر Final Fantasy XIV ARR
Don
انا ما اشوف انك يبت مصدر انه العرب متمركزين في سيرفر معين بعد! اللي يبته انه عدد اللعيبه في سيرفر معين اكثر وهالشي معروف من اول
بخصوص اللي قالوا العرب اكثر في راجناروك, طبعا ما عندهم مصدر رسمي, وين تباهم يكتبونه في موقع سكوير؟ :)
بس في لينكشلات نفس ايام فاينل 11.. يبدأون من منتديات يتيمعون.. ويدخلون سيرفر كـ لينكشل مب لانه السيرفر كله عرب, بس لانه في كذا لينكشل عربي بامكانهم الاشتراك معاهم لو لغتهم تعبانه, وكيف يعرفون عن هاللينكشلز الا من المنتديات وخصوصاً العربيه؟ ف هذا مصدرهم
مثلا اللي يوا ويابو وياهم 20 شخص فلينكشل واحد متيمعين في تويتر وبيلعبون فسيرفر راجناروك, هذا يشجع اللعيبه العرب اللي يحسون انهم ما يبون اجانب يدخلون ويا هالقروب ويتواصلون وياهم قبل ما يختارون سيرفر
بخصوص راجناروك, كلنا نعرف انه يوم سوو merge حق السيرفرات, ما سوو هالشي لراجناروك وكان سيرفر يديد., فالبتالي سيرفرنا من اول كان فيه نقص فاللعيبه والاسعار لانه معظم الناس ما كان عندهم سيوله فاسعارنا مقارنه بالسيرفرات الثانيه كانت اقل بوايد (تبا مصدر؟ اخويه نقل سيرفرات وشفنا الفرق فالماركت بين سيرفر زحمه وسيرفر شبه فاضي)
لكن ك مستقبل محد يقدر يعرف, لانه حتى البيتا ما تثبت شي, يوم بتنزل اللعبه الناس بتبدا تلعب, لانه عندي ربيعاتي للحين ما حصلوا حتى بيتا كيي .. واكيد وايد ناس نفس الحاله ف يوم بتنزل اللعبه بنشوف الزحمه وين بتصير
بخصوصك اختيار سيرفر غير الليجاسي واحنا ليجاسي., صعبه اذا انته تعبان ع الشخصيه ترجع تبدا من اول, ما يسوا عليك
مثلا عندي كل الجوبات 50, ابدا من اول ليش؟ مينونه؟ @_@
بس لو عندك جوب واحد وربعك محد, هيه روح لهم ليش لا؟ الا جوب
ترا عربي عن اجنبي انا ما اشوف تفرق, الا لو لغتك تعبانه وتفضل تتفاهم ويا عربي, بس معظم الاوقات تكون دراما و قود لاك وذ ذات @_@
اوه مصدري - خبره سياسيه~
-
رد: تصويت لأختيار سيرفر Final Fantasy XIV ARR
اقتباس:
المشاركة الأصلية كتبت بواسطة Hawu
بخصوصك اختيار سيرفر غير الليجاسي واحنا ليجاسي., صعبه اذا انته تعبان ع الشخصيه ترجع تبدا من اول, ما يسوا عليك
مثلا عندي كل الجوبات 50, ابدا من اول ليش؟ مينونه؟ @_@
بس لو عندك جوب واحد وربعك محد, هيه روح لهم ليش لا؟ الا جوب
ترا عربي عن اجنبي انا ما اشوف تفرق, الا لو لغتك تعبانه وتفضل تتفاهم ويا عربي, بس معظم الاوقات تكون دراما و قود لاك وذ ذات @_@
اوه مصدري - خبره سياسيه~
صحيح , وهذا الشي الي يخلي الناس تبي تلعب بـ Legacy و يجيبون ربعهم معهم .
بس كـ قروب او اشخاص توهم بادئين ومايعرفون ناس معها شخصيات قديمه والخ اتوقع انه السيرفرات الجديده راح تكون افضل خيار بالنسبه لهم.
حاليا انا عندي قروب تقريبا 25~30شخص كلنا بادئين من الصفر , بس غالبا راح نبدأ بسيرفر Odin بس مادري شو بيصير بعدين
-
رد: تصويت لأختيار سيرفر Final Fantasy XIV ARR
اقتباس:
المشاركة الأصلية كتبت بواسطة ColonelN
صحيح , وهذا الشي الي يخلي الناس تبي تلعب بـ Legacy و يجيبون ربعهم معهم .
بس كـ قروب او اشخاص توهم بادئين ومايعرفون ناس معها شخصيات قديمه والخ اتوقع انه السيرفرات الجديده راح تكون افضل خيار بالنسبه لهم.
حاليا انا عندي قروب تقريبا 25~30شخص كلنا بادئين من الصفر , بس غالبا راح نبدأ بسيرفر Odin بس مادري شو بيصير بعدين
اذا حاب نوحد الجهود ونتحد بسيرفر واحد انا حاضر.. بيكون لمجموعتنا صوتية من برنامج mumble.. مشروع بوم توس بيكون مشروع كبير للاعبي العرب...اتمنى نشوفك في راجناروك.
-
رد: تصويت لأختيار سيرفر Final Fantasy XIV ARR
اقتباس:
المشاركة الأصلية كتبت بواسطة ColonelN
صحيح , وهذا الشي الي يخلي الناس تبي تلعب بـ Legacy و يجيبون ربعهم معهم .
بس كـ قروب او اشخاص توهم بادئين ومايعرفون ناس معها شخصيات قديمه والخ اتوقع انه السيرفرات الجديده راح تكون افضل خيار بالنسبه لهم.
حاليا انا عندي قروب تقريبا 25~30شخص كلنا بادئين من الصفر , بس غالبا راح نبدأ بسيرفر Odin بس مادري شو بيصير بعدين
بس ياخي كلامكم غير مقنع ... يعني اونكم لاعبين جدد لازم تروحون مع الجدد .. ترا انت اللي بتلعب .. مب الناس بتلعب وياك .. وبعدين مافي حد عنده خبره الا اللي لعب البيتا .. اما مثلي اللعبه بتكون جديدة لاني ماتعمقت فالبيتا ..
بالعكس وجودكم مع ناس لفلات 50 بيساعدونكم تخلصون اموركم بسرعه والكرافت..
واذا عن الاسعار... التأقلم بيكون سريع .. وبعدين انت ما بتحتاج تشتري كل شي .. اغلبها يا دروب .. او انت لفل الكرافت وسوي اللي تباه من عرق جبينك
-
رد: تصويت لأختيار سيرفر Final Fantasy XIV ARR
اقتباس:
المشاركة الأصلية كتبت بواسطة .::RaK_BoY::.
بس ياخي كلامكم غير مقنع ... يعني اونكم لاعبين جدد لازم تروحون مع الجدد .. ترا انت اللي بتلعب .. مب الناس بتلعب وياك .. وبعدين مافي حد عنده خبره الا اللي لعب البيتا .. اما مثلي اللعبه بتكون جديدة لاني ماتعمقت فالبيتا ..
بالعكس وجودكم مع ناس لفلات 50 بيساعدونكم تخلصون اموركم بسرعه والكرافت..
واذا عن الاسعار... التأقلم بيكون سريع .. وبعدين انت ما بتحتاج تشتري كل شي .. اغلبها يا دروب .. او انت لفل الكرافت وسوي اللي تباه من عرق جبينك
واذا بسوي كذا, ليش ما ابدأ مع ناس جدد توهم يلفلون مثلي ويرفعون الكرافت والخ؟
انا حاليا جالس اشوف قروبي وين بيروحون وبنقعد سوا تقريبا حنا 30شخص , الى الان الشباب 90%منهم بيروحون اودين ... فـ شكله بيكون السيرفر الاساسي لنا :)
-
رد: تصويت لأختيار سيرفر Final Fantasy XIV ARR
اقتباس:
المشاركة الأصلية كتبت بواسطة ColonelN
واذا بسوي كذا, ليش ما ابدأ مع ناس جدد توهم يلفلون مثلي ويرفعون الكرافت والخ؟
انا حاليا جالس اشوف قروبي وين بيروحون وبنقعد سوا تقريبا حنا 30شخص , الى الان الشباب 90%منهم بيروحون اودين ... فـ شكله بيكون السيرفر الاساسي لنا :)
ياخي والله كلامك فيه نوع من الغشاشه ... وليش ماتلفلون انت وربعك عندنا فنفس السيرفر .. ترا ها الحل الوحيد ان نتجمع جماعة الليجاسي والجدد ..
ليش تنعزلون عن البقية وتروحون سيرفر بروحكم .. لان اذا كلكم low احتمال تحتاجون مساعده .. وطبعا مب الكل بيكون فاضي ولا موجود .. تقدرون تستعينون بمن عنده هاي لفل .. التلفيل بكل السيرفرات نفس الشي ..
-
رد: تصويت لأختيار سيرفر Final Fantasy XIV ARR
اقتباس:
المشاركة الأصلية كتبت بواسطة .::RaK_BoY::.
ياخي والله كلامك فيه نوع من الغشاشه ... وليش ماتلفلون انت وربعك عندنا فنفس السيرفر .. ترا ها الحل الوحيد ان نتجمع جماعة الليجاسي والجدد ..
ليش تنعزلون عن البقية وتروحون سيرفر بروحكم .. لان اذا كلكم low احتمال تحتاجون مساعده .. وطبعا مب الكل بيكون فاضي ولا موجود .. تقدرون تستعينون بمن عنده هاي لفل .. التلفيل بكل السيرفرات نفس الشي ..
مادري ايش قصدك بـ غشاشه الله يصلحك.
بالنسبه لي انا مافرقت معي السيرفر , وتبي تقنعني انه في احد راح يساعد الـLow levels? كل الاجيسي او ع الاقل 95% منهم راح يستكشفون الأشياء الجديدة ويجربون الـArch & Summoner وبالتالي ماراح يكونون فاضيين لاحد .
فـ قلت بما انه هالشي صاير اروح انا والقيلد الي معي كلنا بسيرفر جديد احسن .
للحين ماقررنا اي سيرفر بنروح بس غالباً بنروح Odin ... لانه حتى الان Ragnarok قليلين الي مصوتين له
-
رد: تصويت لأختيار سيرفر Final Fantasy XIV ARR
اقتباس:
وتبي تقنعني انه في احد راح يساعد الـLow levels? كل الاجيسي او ع الاقل 95% منهم راح يستكشفون الأشياء الجديدة ويجربون الـArch & Summoner وبالتالي ماراح يكونون فاضيين لاحد .
فـ قلت بما انه هالشي صاير اروح انا والقيلد الي معي كلنا بسيرفر جديد احسن .
حنى من ال5% اللي تقصدهم، وعرب بعد :)
توجة BombToss بيكون حق اللاعبين الجدد، أغلب اعضاء لينكشيل BombToss بيكونون من الجدد وراح نقضي معاهم أغلب وقتنا.
BT بيكون هو القروب الرسمي لأحد المنتديات المشهورة في المنطقة وبيكون أحد أقوى القروبات في هذا القسم.
شاللي يجعل BT مميز؟
- صوتية تشيل لغاية 25 شخص فقط مخصصة لفاينل فانتسي 14.
- بث مباشر من Twich.tv بشكل دوري.
كتبتلك رد بخصوص إختيارك لراقناروك من عدمه، بس شكلك ماقريته، اقراه فوق.
-
رد: تصويت لأختيار سيرفر Final Fantasy XIV ARR
اختيارنا لسيرفر روجناروك فقط لسبب بسيط...
توصية من سكوير انيكس فقط لا غير
مافكرنا فين العرب ولا فكرنا مين جديد ومين قديم
=====
فيه شي مهم..
لا تجمع بشر بكميات كبيرة وبالنهاية ماتستطيع تلبية طلباتهم خصوصا وانت الليدر
او صدقني راح تدخل دوامه ومسلسل ودراما مالها معنى
من باب النصيحة والتوجيه
انا اشوف 20 شخص كافي جدا لتخدمهم ويخدموك
العبرة ان الجميع يستفيد ليس بجيش جرار لا يخدم الا الليدر واحبابه :)
( مجرد وجهة نظر غير مسؤوله ) :)
-
رد: تصويت لأختيار سيرفر Final Fantasy XIV ARR
اقتباس:
المشاركة الأصلية كتبت بواسطة BombTossLS
حنى من ال5% اللي تقصدهم، وعرب بعد :)
توجة BombToss بيكون حق اللاعبين الجدد، أغلب اعضاء لينكشيل BombToss بيكونون من الجدد وراح نقضي معاهم أغلب وقتنا.
BT بيكون هو القروب الرسمي لأحد المنتديات المشهورة في المنطقة وبيكون أحد أقوى القروبات في هذا القسم.
شاللي يجعل BT مميز؟
- صوتية تشيل لغاية 25 شخص فقط مخصصة لفاينل فانتسي 14.
- بث مباشر من Twich.tv بشكل دوري.
كتبتلك رد بخصوص إختيارك لراقناروك من عدمه، بس شكلك ماقريته، اقراه فوق.
لا قريته , بس الصراحه ماني مهتم بـ Twitch او حتى الmumble لانه هالأشياء متوفره عند كثير , ومتوفره عندنا :)
الله يوفق الجميع , بس حاليا جالس انتظر الـPre-made والشباب الي معي والي في البوابه ... وبنقرر بنروح اي سيرفر , وغالباً بنكون في Odin EU
-
رد: تصويت لأختيار سيرفر Final Fantasy XIV ARR
اقتباس:
المشاركة الأصلية كتبت بواسطة ColonelN
... لانه حتى الان Ragnarok قليلين الي مصوتين له
التصويت بالرد الاول راجناروك له النسبه الاكبر, وفي موضوع اخر ايضا: FFXIV RR : معلومات وتاريخ تغيير السيرفر لياباني و عالمي - (اختيار السيرفر! Ragnarok)
+ التصويت في الموضوع هنا محدود مو شامل كل السيرفر ...
في مكان اخر قد يكون تصويت الاكثر لسيرفر لا رجناروك ولا اودين ...
سبق وقلت رايي في الموضوع بشان اختيار السيرفر,
كل شخص وين يرتاح ويجد اصدقائه الخ,
-
رد: تصويت لأختيار سيرفر Final Fantasy XIV ARR
من ناحيتي انا ماعندي شخصية لجسي لذلك قررت على odin :)
-
رد: تصويت لأختيار سيرفر Final Fantasy XIV ARR
الي في سيرفر Ragnarok وله لنكشل او قروب لفلاتهم بدائيه يضيفوني اسمي sulte ill
-
رد: تصويت لأختيار سيرفر Final Fantasy XIV ARR
سيرفر راجناروك كانوا يقولون عنه فاضي والحين اصبح متروس بشكل خيالي O,O;
وهل ممكن السيرفر له عدد من اللاعبين المحدودين ويصير فل ؟ معناتها لازم نشوف سيرفر ثاني بما انه التحويل راح يفتح تقريبا بعد سبوعين او ثلاثه من انطلاقتها الرسميه ..
-
رد: تصويت لأختيار سيرفر Final Fantasy XIV ARR
المشكله باغلب السيرفرات, مو لسيرفر معين,
السبب في الضغط اليوم ان الاعبين يحاولو يدخلو او يتواجدون في نفس المكان كلهم في نفس الوقت,
فقط فتره والوضع يرد عادي باذن الله,