ايام معدوده على صدور فاينل فانتسي 11 اذا كنت من المهتمين ادخل الموضوع

[l)@RK-l)EVIL]

السلام عليكم
الكل عارف ان فاينل فانتسي 11 ((اللعبه الي انا شخصيا انطرها قبل صدور فاينل فانتسي 9))
راح تنزل تاريخ 28 اكتوبر يعني على اليوم باقي اقل من اسبوعين 13 يوم
فحابين بهذا الموضوع نقاش هادف
ونتطرق لمشاكلنا باللعبه اي شخص عنده سؤال حاب يعرف شي معين يسال ونحاول نساعد بعض عشان نلعبها مع بعض انشالله
الكل عارف حاليا اكثر من سته كويتين قاعد يلعبونها ياباني لكن للاسف يلعبونها بسيرفر ياباني طبعا هذي مشكلتي >< وهذا الي مخليني اتردد العب معاهم ولا اعرف منهم وايد وخوش ناس حرام الواحد مايلعب معاهم فما علينا منها مشكلتي حاليا

اي شخص عنده سؤال مثلا حول كومبيوتره يقدر يلعبها او لا
طريقه الاشتراك
شلون يدفع
من وين يشتريها
....الخ

سؤال مهما كان ومن اي ناحيه عادي اسال بس لازم تكون متعقله بفاينل فانتسي 11

طبعا حاليا انا وبعض الاعضاء واصقائي مع صديقي لي وفريقه انضمينا لبعض وراح نلعب بسيرفر انجليزي انشالله فالي حاب ينضم معانا اهلا وسهلا وتاكدو ان راح نساعدكم بكل شي وراح نستمتع مع بعض لاقصى حد
طبعا يوجد سيرفر ياباني فيه لاعبين عرب حاليا وتقدرون تلعبون فيه طبعا انتو الي تختارون

والي مايدري اللعبه فيها سيرفرات وايد يعني اذا تبي تدخل بروحك يمكن ماتحصل ولا عربي معاك لان احنا راح ندخل سيرفر معين فاذا حبيت تدخل معانا احنا نعطيك شي اسمه وورلد باس عشان تدخل نفس السيرفر الي احنا فيه حاليا

فاي واحد حاب يدخل فقط يذكر اسمه بالموضوع ويقول مثلا اذا يبي يدخل معانا عشان نسجل اسمه لان باجي فقط اماكن محدوده واذا صرنا وايد مانقدر نسجل بعد ((طبعا نقدر ندخلك بالسيرفر بس ماراح تلعب معانا لان راح يكون مافي مكان

الهدف من اللعبه الاستمتاع مو شرط تكون هاردكور جيمرز عشان تستمتع فيها
فاي واحد حاب يسجل يذكر اسمه بالموضوع واذا حاب يتناقش اكثر معانا يقدر يرسلنا ايميله ونكلمه بالماسنجر طبعا ماعندنا اي مانع اذا انت كويتي او سعودي او اي جنسيه بس المهم عربي

فالزبده:
اذا حاب تلعب معانا ماتكون بسيرفر بروحك قولنا عشان نحجزلك مكان قبل لايصير مافي مكان
اي مساعده محتاج سؤال حول اللعبه او اي سؤال في بالك اسلنا وبنجاوبك

وشكرا

[gaintfoot]

السلام عليك أخوي دارك أنا إنشاء الله ناوي أشتري اللعبه لكن في أشياء ماني فاهمها إن كنت تقدر تجاوبني عليها:
1)ممكن تعطيني فكرة مبسطة عن السيرفرات لأني أشوف سيرفر ياباني وبعدين سيرفر أمريكي واللحين في أحد المواضيع في المنتدى يفكرون بسيرفر عربي وأنا ما أدري وش السالفة

2) طريقة الدفع شفت في موضوع أخوي جلتي إنه يمكن الدفع بالcash u هل في إمكانية دفع بالفيرجن الإنجليزي وإن كان كيف يتم إدخال البيانت للدفع

3)هل يمكن للأشخاص إلي معهم النسخة اليبانية يلعبون مع الذين معهم النسخة الإنجليزية

4) أنا حاب إني أكون معكم في السيرفر نفسه
في الأخير أبغى أشكرعلى الموضوع المفيد وأرجو ما أكون طولت عليك

سلام

[Blaze Dragon]

أنا متفق مع بعض الناس

المهم أبي أفهم طريقة الدفع
وشلون أدفع لهم ؟(الماستر كارد موجودة ) بس وشلون أدفع لهم :s

[l)@RK-l)EVIL]

السلام عليك أخوي دارك أنا إنشاء الله ناوي أشتري اللعبه لكن في أشياء ماني فاهمها إن كنت تقدر تجاوبني عليها:
1)ممكن تعطيني فكرة مبسطة عن السيرفرات لأني أشوف سيرفر ياباني وبعدين سيرفر أمريكي واللحين في أحد المواضيع في المنتدى يفكرون بسيرفر عربي وأنا ما أدري وش السالفة

2) طريقة الدفع شفت في موضوع أخوي جلتي إنه يمكن الدفع بالcash u هل في إمكانية دفع بالفيرجن الإنجليزي وإن كان كيف يتم إدخال البيانت للدفع

3)هل يمكن للأشخاص إلي معهم النسخة اليبانية يلعبون مع الذين معهم النسخة الإنجليزية

4) أنا حاب إني أكون معكم في السيرفر نفسه
في الأخير أبغى أشكرعلى الموضوع المفيد وأرجو ما أكون طولت عليك

سلام

1-السيرفرات كلها موجوده باليابان والامريكان واليابانيين راح يلعبون بنفس السيرفر لكن السيرفرات كثيره اكثر من 20 سيرفر فاذا تلعب بسيرفر مثلا قول سيرفر راجناروك وواحد بسيرفر باهموت مايصير تلعب معاه لازم نفس السيرفر

2-تقدر تدفع عن طريق كاش يو نعم ويصير للنسخه الانجليزيه ايضا

3-يعتمد على السيرفر مثل ماوضحتلك فاذا كانو بنفس السيرفر يصير يلعبون مع بعض لان السيرفرات مشتركه لليابانيين وللانجليز

4-فالعكس ماازعجتنا واذا حاب فعلا تدخل معانا ومزهب كل شي واذا تبي تلعب معانا بنفس السيرفر ارسلي رساله خاصه وضع ايميلك (طبعا اذا متاكد تبي تلعبها )) وانشالله نحجزلك مكان معانا


=======================================
Red_Dragy
أنا متفق مع بعض الناس

المهم أبي أفهم طريقة الدفع
وشلون أدفع لهم ؟(الماستر كارد موجودة ) بس وشلون أدفع لهم :s

دام عندك الماستر كارد مافي اي مشاكل تدخل باللعبه ( تدخل بلاي اونلاين وفي خيارات وايد ومنها شلون تدفع وتضيف شخصيه ثانيه وكل شي انشالله راح يكون بالتفصيل وبالصور اول ماتنزل ))

[sul911]

بصراحة حيرتونا الحين اذا دخلنا السيرفر الياباني كلهم يابانيين والعرب هناك لفلهم عالي جداً فصعبة نلعب معهم فعلشان كذا سجلوني معاكم

بالنسب عندي استفسار اقدر اصمم لي اكثر من لاعب وكل لاعب بسيرفر ؟

[l)@RK-l)EVIL]

بصراحة حيرتونا الحين اذا دخلنا السيرفر الياباني كلهم يابانيين والعرب هناك لفلهم عالي جداً فصعبة نلعب معهم فعلشان كذا سجلوني معاكم

بالنسب عندي استفسار اقدر اصمم لي اكثر من لاعب وكل لاعب بسيرفر ؟

اذا دخلت الياباني الناس فيهم صح ليفلاتهم عاليه لان ضالهم سنه ونص نازله عندهم ف ف 11 يبيلك سنه تلحق عليهم

اوكي انشالله ندخلك معانا
وبالنسبه لسوالك نعم تقدر تصمم اكثر من شخصيه ((اعرف واحد مصمم 6 شخصيات له بروحه ))

[Neo Cid]

اذا دخلت الياباني الناس فيهم صح ليفلاتهم عاليه لان ضالهم سنه ونص نازله عندهم ف ف 11 يبيلك سنه تلحق عليهم

مو شرط أن لفلاتهم كلهم عالية .. براجناروك كل يوم يدخل عشرات اللاعبين الجدد .. و هذا غير ان اللاعبين

القدامى يبون يطورون وضائفهم ذوات اللفلات القليلة .. فاللعبة لو مهما كان لفلك بتحصل على ناس يساعدنك

و تقدر تنظم معاهم ..

[MaYa.EXE]

أنا معكم

[logia]

انا ابي استفسر عن الاشتراك الشهري ؟
ابي كل المعلومات
طبعا مو لازم اقول اني ابي احجز مكان بالفريق لاني انا لاعب اساسي فيه احممممممم

[l)@RK-l)EVIL]

مو شرط أن لفلاتهم كلهم عالية .. براجناروك كل يوم يدخل عشرات اللاعبين الجدد .. و هذا غير ان اللاعبين

القدامى يبون يطورون وضائفهم ذوات اللفلات القليلة .. فاللعبة لو مهما كان لفلك بتحصل على ناس يساعدنك

و تقدر تنظم معاهم ..

كلامك عدل بس مافي وناسه براج ((بالنسبه لي))
كل شي شايفه جدامك والناس ماخذينه حتى الدروع والاسلحه والاسحار تسيتخدم امامك
اما سيرفر جديد بالتدريج وتكون اول المستكشفين والناس كلهم نفس ليفلك وتكون مميز بينهم اما براج لو تطحن نفسك لعب ماتلحق على الي قبلك

وبعدين راج للي مايدري اقوي سيرفر ياباني
وله سمعه وعجيب طبعا الواحد يشوف نفسه وين يرتاح اكثر يدخل

والله ليما الحين تصدقون ودي ادخل راج بس عشان ربعي الي اعرفهم في>< بس وهقه ماعرف ياباني وماعرف غيرهم فيه

[l)@RK-l)EVIL]

انا ابي استفسر عن الاشتراك الشهري ؟
ابي كل المعلومات
طبعا مو لازم اقول اني ابي احجز مكان بالفريق لاني انا لاعب اساسي فيه احممممممم

اممممممم
انا وضحتلك قبل اذا بالكويت طلع فيزا بدينارين يالبخيييييييل ((اما باقي الدول ماعرف اذا يصير تطلعون فيزا او لا))

وفي طريقه كروت كاش يو

كاش يو مثل كروت التلفون تعبي الكرت كل ما فضى حسابك ورخيصه وسهله للاستعمال

اختار الي يناسبك

[hot&max]

انا ابي اعرف حاجة وحدة بس هدا السوؤال خاص في سعودية والي يعرف شي في السعودية يقول في الشهر كم ندفع ليهم وعادي فية اشتراك ارامكوا


الدينارين عشرين اريال صح

[l)@RK-l)EVIL]

الدينارين 25 ريال بالظبط

[THE_ZODIAC]

شكرا على الموضوع

و بقول حق الكايزر ليش قفلت الموضوع

افتح واحد ثاني

و الحين راح يكون فيه تحديث يديد

و حسب ما سمعت لغو بعض الابيتلي من الثيف

سلام

[Final king]

يعطيك العافيه دارك بس عندي سؤال واحد : شلون طريقة شحن كاش يو ولاشتراك بفف11
يعني لو عندي البطاقه شلون اشترك هذي المشكله فقط واذا كان السالفه فيها الايميل ادشه لك على الخاص..............وشكرا