Tenshi na konamaiki

[Tokimeki]

هذ ا السؤال موجة للشباب و الاولاد ^^
شنو اتسوي لو يوم من الايام لما كنت ولد صغير و كنت تتمشي مع صديقة طفولتك و كنت ولد همك الاكبر انك تصير ما في احد اقوي منك فدايمن انشوفك داش في معارك و قتال بس علشان تثبت انك جونجر او الرجل الحديدي و مافي أحد يقدر عليك و في هذا اليوم تشوف شخص يلبس ملابس غريبة و في مجموعة اولاد قاعدين يضايقونة و يطقونة !!! فإنت لازم اتوريهم قوتك !!! مو حبا في مساعدة هذا الشخص ! ^^ المهم, يتضح بعدين ان هذا الرجل هو ساحر !!! و يقولك نتيجة لموقفك الرجولي و الشهم راح يعطيك كتاب . و هذا الكتاب يحققلك امنية واحدة ! اي شيء تتمناة * يا من حظك !!! * و طبعا انت بدون تفكير و مستعيل تقول " انا ابي اصير في جسم رجل قوي البنية !! " و يحققلك الساحر الامنية ! بس يلعب بالكلام الي قلتة و يحطك فd جسم وحدة بنت !!!!!
طبعا هذي الاحداث ما راح اتصيرلك لكن صارت حق الشخصية الرئيسية للأنمي الي اعتبرة واحد من الانميات الكوميدية و فيها مواقف عجيبة و ما تمل منها ^^ و ودك اتشوف الحلقة وحدة وراء الثانية ^^
طبعا الاحداث تبدي لما تمر سنين على هذي الحادثة الغريبة و تدش او يدش Megumi Chan الثانوية مع صديقتها Hanakain الي تكون الوحيدة الي تعرف بسرها ^^ و دايما اتذكرها انها لازم تتصرف كبنت الحين ! طبعا Megumi داخلها للحين روح الصبي العنيف و السوبر قوي !!! و شلون تحولت الى بنت جذابة و الكل مفتون فيها ! ^^ و هي الحين قاعدة اتدور على الكتاب و الساحر علشان يردها حق صورتها الطبيعية . طبعا في المدرسة لازم اتشوفون اشلون اتقاتل Megumi الشباب و محد مصدق ان من هذي البراءة في روح شيطان قوي ^^ تذكرني الأحداث شوي بالمانجا المشهورة Pretty Face ^^

الانمي هذا بصراحة عجبني ...الرسم مو وايد حلو . لكن الاحداث مشوقة و تضحك و انا بصراحة انصح الكل ان يطالعة لانة بصراحة ما يتطوف ^___^ خصوصا اذا كنت مدمن انمي ^^

هذي بعض المعلومات عنة ^^
المخرج : Hiroyuki Nishimori
عدد الحلقات : 50
سنة الانتاج : 2002
الشركة المنتجة : TV Tokyo/Shogakukan
الاسم بالانجليزي : Cheeky Angel
نوعية المسلسل : كوميدي - رومانسي - قتالي - خيالي



الشخصيات ^^


طبعا هي الشخصية الرئيسية و من خلالها نشوف المواقف المعقدة و مفهومها و نظرتها كونها بنت لكن بروح صبي ! * معقدة شوي *



هي صديقة Megumi Chan من الطفولة و الوحيدة الي تعرف بسره , و دايما هي الي تساندة في ان يتأقلم مع حياتة الجديدة و ان يتصرف كبنت ^^



هذي الشخصية من الشخصيات المفظلة عندي ^^ طبعا هو يعتبر المرعب في الثانوية ! و يقدر يحصل على اي شيء يبية ^^ و لما انتقلت Megumi chan للثانوية الجديدة كانت بصف Soga و أغرم فيها ..بس بعد ما هزمتة و كسرت راسة و قام يصير مجنون Megumi ^___^



هم هذا من الاشخاص الي انغرمو ب Megumi و مشكلتة ان يبي يبدي صفحة جديدة من حياتة في مرحلة الثانوية لان كانوا يسمونة ايام المتوسط بال " Werido " يعني معقد على عايش بعالمة الخاص على ...على ^^


هو الشخصية الي يسمونها " Pervert " فطبعا هم لة حصة من المواقف مع Megumi Chan ^^

[Tokimeki]

هذي أغلفة ال DvD

[Tokimeki]

هذي بعض اغلفة المانجا ^^


حتى مسوين لعبة في ال Play Station ^__^


و احلر شيء استانست علية هو الألعاب الصغيرة للشخصيات ...حدهم حدهم كيووووووووت ^^



ان شاء اللة قدرت اوضح و اعطيكم فكرة و لو بسيطة لهذا الانمي ...و الاهم ان يعجبكم ^^ مرة ثانية الي يحب الكوميدية يروح و يشوفة ^^ انا للحين ما شفت كل الحلقات بس من بدايتة و هو عاجبني ^^

ايي نسيت اقول ان تقدروت تنزلونة من موقع Animesuki ^__^

يلا Bai Bai
(n_n)\\

[أحمد جمعة]

السلام عليكم

والله أنا شايف انها ممكن تكون قصة جديرة بالمتابعة , ولكن عندي سؤال....

متى نشاهد أول فيلم من هذه الأفلام بشخصيات عربية ولست أعني الدوبلاج
ولكن أن يكون أساساً علربي وليس مجرد اقتباس كالعادة

[TNT-BOY]

Tokimeki
مشكوره على التقرير الحلوه عن هل انمي

طبعا انا لما شفت الموضوع مادريت انه عن نفس الانمي Cheeky Angel <<<<< انا حافظنه بهل اسم
وهل انمي كنت ادور عنه قبل 6 اشهر يمكن بس ماحصلته وطنشته ونسيته
بس الحين لما عرفت قصته عدل وعرفت اسمه بالياباني اكيد راح ارجع ادور عنه من جديد

بس حلقاته كثيرة انا مانا مشتهي اتابع Marmalade Boy بسبب طول حلقاته

تذكرني الأحداث شوي بالمانجا المشهورة Pretty Face ^^

وانا اقول بويش تذكرني قصته
بس في فرق بينهم على ما اعتقد
ان بطل بريتي فيس كان ولد بجسم ولد لاكن بوجه فتاة "الوضع محرج اكثر"

لاكن بطل\ـة تينشي ولد في جسم فتاة بالكامل يعني في شي جديد

واكيد راح تكون الكوميدية طاغيه فيه والمواقف المحرجة الى بيتعرض ليها

هذ ا السؤال موجة للشباب و الاولاد ^^
شنو اتسوي لو يوم من الايام لما كنت ولد صغير و كنت تتمشي مع صديقة طفولتك و كنت ولد همك الاكبر انك تصير ما في احد اقوي منك فدايمن انشوفك داش في معارك و قتال بس علشان تثبت انك جونجر او الرجل الحديدي و مافي أحد يقدر عليك و في هذا اليوم تشوف شخص يلبس ملابس غريبة و في مجموعة اولاد قاعدين يضايقونة و يطقونة !!! فإنت لازم اتوريهم قوتك !!! مو حبا في مساعدة هذا الشخص ! ^^ المهم, يتضح بعدين ان هذا الرجل هو ساحر !!! و يقولك نتيجة لموقفك الرجولي و الشهم راح يعطيك كتاب . و هذا الكتاب يحققلك امنية واحدة ! اي شيء تتمناة * يا من حظك !!! * و طبعا انت بدون تفكير و مستعيل تقول " انا ابي اصير في جسم رجل قوي البنية !! " و يحققلك الساحر الامنية ! بس يلعب بالكلام الي قلتة و يحطك فd جسم وحدة بنت !!!!!

كل هذه سؤال ؟؟؟؟؟؟

بس اكيد الحياة تجارب وشي جميل ان الواحد يغير بين فترة وفترة :icon6: <<<<<<<<< حرام عليك بس مو الى هل درجة عاد


مشكورة مرة ثانية على التقرير

بس انا اريد اعرف ويش قصدهم بـCheeky Angel ؟
خدوده مافيهم شي بس فمه و خشمه هم المميزين فيه
واله يسمع هل اسم يفكر البطل واحد متين وماسك في ايده آيس كريم وسرته طالعة بسبب دبته <<<<<< ماصارت خدود دي

[3shiro]

شكرا على التقرير الجميل و بالنسبه لي هالأنيمي واحد من أحلى الأنيمس الكوميديه اللي شفتها.

[Tokimeki]

مساااء الخير ^^

احمد جمعة مشكور على ردك ^^

متى نشاهد أول فيلم من هذه الأفلام بشخصيات عربية ولست أعني الدوبلاج

للأسف ما اتوقع مثل هذي القصص تصير عربية ...احنا الحين بالدبلجة فيها مليون قصة ...التقطع و تغير و تحريف القصة و الاسامي و اشاء مالها داعي تتغير ... اللة كرييييم ^_____^

هاااااي TNT كيف الحال ^^ اول شيء العفو ^^ و ثاني شيء نبدي انرد ..

طبعا انا لما شفت الموضوع مادريت انه عن نفس الانمي Cheeky Angel <<<<< انا حافظنه بهل اسم

انت اسم اللة عليك الظاهر امنزل مليون انمي مع بعض اغلب الاوقات القاك منزل حلقات بس ما شفتهم و بعدين تنساهم ...ابي اعرف عيل شنو شفت

بس حلقاته كثيرة انا مانا مشتهي اتابع Marmalade Boy بسبب طول حلقاته

ماارملد بوي ايييييييييييييييييييييينن ^^ بس ما اتوقع ان من النوعية الي انت تحبهم ...بس هم لازم اتشوفة عيل انا عكسك احب الانمي الي يكون طويل ...علشان ما يخلص و تعيش فية ^^ عاد لما يخلص يكون بجي و نواح

واكيد راح تكون الكوميدية طاغيه فيه والمواقف المحرجة الى بيتعرض ليها

صح كلامك !! كل سيناريو راح يكون لة ميزة خاصة ^^ و بصراحة ما ادري اي موقف يكون الاحرج XD بس اتوقع ان Yuna chan عانت اكثر ^^ ما ادري لما اكمل المسلسل راح احكم علية ^^

كل هذه سؤال ؟؟؟؟؟؟

تصدق اني نسيت اني ساءلة سؤال بالبداية XD

بس انا اريد اعرف ويش قصدهم بـCheeky Angel ؟

واللة انا هم ما ادري شنو قصتهم مع الاسامي ...عاد اهم لهم هذي السوالف ...ولا I My Me Strawberry Eggs من ويييييييين امطلعين هذا الاسم >__<!!

واله يسمع هل اسم يفكر البطل واحد متين وماسك في ايده آيس كريم وسرته طالعة بسبب دبته <<<<<< ماصارت خدود دي

لوووووووووووووول !! يا سلام على التحليلات

3shiro هااي ..مشكور اخوي على ردك ^^ و صح هذا الانمي و الكوميدية الي فية حرام الواحد يطوفها ^^

[Noisy Silence]

السلام عليكم ...

شنو اتسوي لو يوم من الايام لما كنت ولد صغير و كنت تتمشي مع صديقة طفولتك و كنت ولد همك الاكبر انك تصير ما في احد اقوي منك فدايمن انشوفك داش في معارك و قتال بس علشان تثبت انك جونجر او الرجل الحديدي و مافي أحد يقدر عليك و في هذا اليوم تشوف شخص يلبس ملابس غريبة و في مجموعة اولاد قاعدين يضايقونة و يطقونة !!! فإنت لازم اتوريهم قوتك !!! مو حبا في مساعدة هذا الشخص ! ^^ المهم, يتضح بعدين ان هذا الرجل هو ساحر !!! و يقولك نتيجة لموقفك الرجولي و الشهم راح يعطيك كتاب . و هذا الكتاب يحققلك امنية واحدة ! اي شيء تتمناة * يا من حظك !!! * و طبعا انت بدون تفكير و مستعيل تقول " انا ابي اصير في جسم رجل قوي البنية !! " و يحققلك الساحر الامنية ! بس يلعب بالكلام الي قلتة و يحطك فd جسم وحدة بنت !!!!!

انا الحمدلله شخص مسالم و ما ابغا استقوي على احد يعني ان شاءالله شي زي كذا ما اعتقد انو يسرلي ^^

شكرا اختي Tokimeki على التقرير الحلو وجزاكي الله خير ,,,
بصراحه هيه القصه قريبه من المانقا Pretty Face زي ما قلتي اختي ,, صراحه انا هادي المانقا ما حبيتها مره فاعتقد انو هذا الانمي ما راح يعجبني .

على كل حال شكرا مره ثانيه على التقرير ...

[Midou Ban]

Hi toki-chan

Thank you for the report ^^
I'm downloading the first eps from IRC
Looks like the anime has a great success in the anime community

Dewa
Midou Ban

[*Ran*]

شنو هالتقرير توكي
التقرير هالمره عن انيمي مو عن مانجا ( أخيراً خليتي المانجا شوي بحالها ).....
التقرير حلو توكي وخاصة طريقتج في كتابة القصة ^___^ ....... وبالنسبة للانيمي انا قريت
عنه من قبل وعجبني وايد .... أحب السوالف إلي جذي تضحكني وايد ... يعني انا لما أشوف رانما
أو I My Me Strawberry Eggs أموت ضحك ^____^ وهذا الانيمي شكلي راح أحبه بعد
...... وحلقاته بعد عددها حلو يعني مو شوي وانا مثلج توكي أسوي عزا لما انيمي أحبه يخلص
عشان جذي ما ابي اخلص مارملد بوي مع إن عندي باقي الحلقات ^^

ماارملد بوي ايييييييييييييييييييييينن ^^

لازم أعلق يبتي طاري مارملد بوي وما أتكلم ..... مارملد بوي انيمي رائع وحلقاته تينن
وتحسين بالشخصيات وايد لكن أظن يعجب البنات أكثر ^____^ لأن في اولاد اعرفهم
ماعجبهم موليه ....... لكن TNT جربه نعرفك تحب تجرب كل شي

+ Ja Na +

[kitten]

واااو توكي من زماااان ما شفتج بالمنتدى شخباارج

اولا مشكووورة على الموضوع العجييييب و القصه اللي تونس و مثل ما قلتي يذكرني شوي ب بريتي فايس
لكن الصور مووو طالعه حساافه لكن راح ادور على الصور عشان اشوف اشكالهم (مثل ما تدرين اهم شي الشكل عندي )

مشكوووورة حبيبتي على الموضوع الكووول (حسااافه الاشتراك مالي راح يخلص و ماراح اقدر انزله الا بالعطله اليايه بس ذكريني فيه عشان انزله اوكي توووكي )

[Midou Ban]

Ne ne Kittenchan

from which anme is that avatar of yours
^^

Onegai ^^
Midou Ban

[Midou Ban]

? masaka...Saeko from City hunter

[Tokimeki]

واااااااة وين الصور >___<!!
ما ادري ليش الموقع الي انا حفظة فية الصور ما يشتغل !! على حظي الحلو :vereymad:
انا راح احطهم مرة ثانية للي...المشكلة اني ما اقدر اعدل على الصفحات الاصلية !

هذي صورة للجروب مع بعضهم


الحين نعرف الشخصيات الاساسية ^^ تقدرون تقرون المعلومات عنهم من فوق انا راح احطهم بالترتيب ^^

[Tokimeki]

الحين راح احطلكم صور اغلفة ال Dvds ^^