هههههههه ضحكت عليكم ....نا نا نا نا نا ":"
مستحيل أستغني عنكم
:": هي وين رايح :غضب: لاتطلع كمل إقرأ الموضوع.....مهو تعبوني على
الفاضي
إحم ...القصة ومافيها بعض الغالي الي هنا((وكلكم غالي علي))
إسألوني وش فيني غايب ((صح ولا لأ يالعميد))ومنها عشان أنزل موضوع من بنات أفكاري
القصة ومافيها تعرفون غثاء البحوث والقرف الي لا مناص منه
بس أنا رح أسافر اليومين ذولي عشان كذا رح أغيب عن محاضرات المنتدى الترفيهي بكل أسف
بس هاه لا أوصيكم أبيكم تجلسون عاقلين بغيابي
مهو تلقفون وتحوسون البيت .....
وأنت يالعميد إنتبه للعيال والبنات ,أبيك توصلهم للمدارسهم وتجيبهم ..والبنات مهو تأخر عليهن مثل دايم
والعيال لايطلعون يلعبون بالشارع ..أبيك لاجيت من دوامك تقفل الباب بالمفتاح ...ولا جاء الليل تقفله ((قفلتين بعد)) وتطفي الأنوار وتخلي لنبة الشارع والعه عشان مايطب عليكم حرامي
ومهو أسمع البنات يشتكون منك مثل كل مرة إنك ضربتهن بالعقال:غضب:
ومصروف البيت ...لاتروح تصك به جنوط للسيارتك وتبعثرة على الفاضي
أنت الكبير وأبيك تنتبه لههم كلهم....عشت ولدي
سنو تنتبهين للبنات وتغطين ميمي لانامت بالليل ((لأنها ترفس الغطاء بالليل))
وريمو هذي أنا معطيك كل الصلاحيه معاها ...ولاتنسين تحفضينها((مهو حفايظ)) الأنشودة الي أخذتها أمس":"
وتصلحين لها كل يوم بالصباح شندويشت جبنة البقرة الضاحكه
تري أتاكل على الله ثم عليك...عشتي وأنا أبوك:-)
دينيلسون ...
:غضب: ياويلك وياسواد ليلك لو أدري إنك رايح للحارة الثانيه تلعب بها كورة
أحش لرجولك حش
تجلس بالبيت وتنتبه لمذاكرتك ...عشان لاجيت من السفر أشتري لك كامري مثل ما أتفقنا((من كثر مانشبت بحلقي..أبي سيارة ..أبي سيارة))
عشت وأنا أبوك
بلاك تايقر...
إياني وإياك ياصلني علم إنك متضارب مع ولد المذن مرة ثانيه ولا متضارب بالطليعه
خل إختك سنو ولا السينيورة تذاكر لك زين عشان تنجح...
وأنا لاجيت من السفر أجيب لك معي قطار لعبه هدية ...
عشت ولدي...
سينوريتا
أبيك تساعدين سنو بالبيت وتنتبهين لخواتك الهبلات وتذاكرين ...
وتري جارنا أبو صنهات يلمح شكله يبيك لولدة ...ماتدرين يكن نفرح بك بهالعطله
ومهو مشكله تكملين دراستك بعد الزواج...مافي مانع
عشتي بنتي....
ليان ...
من يوم ما إنولدتي وأنت مزعجتنا أنا محطمه ...أنا محطمه.((كنك طايحه من الدرج))
ويوم أدخل عليك بغرفتك أشوفك يا خاشة النت أو ماسكة التلفون تكلمين خويتك جود
إنتبهي لدراستك وخليني أفخر بك
عشتي وأنا ابوك
ريمو <==تحس إنه ماسوى الموضوع إلا عشان اللحظة ذي
لا تلعبين بالسوني إلا لاقالت لك أختك سنو ...ولا تقربين عيونك عند التلفزيون...بكرة تنعمين ونبلش بك ماحد ياخذك أو يتزوجك لا كبرتي
والخدامه ماتضاربين معاها ...زي المرة الي فاتت فلقتيها بالتلفزيون?:
أجل المرة الجايه وش ترمين عليها !!! الفرن:واو:
لا تشعبطين بالستاير ....ولا تناقزين على الكنب ...ولا تنسين قبل ماتنامين تشربين حليب وتفرشين سنونك
وإنجحي من صف رابع الي عششتي فيه
عشتي وأنا أبوك
ماجد ...
لو أسمع إنك ماخذ السيارة بدون إذن العميد ومفحط فيها ...لا جيت أقفل عليك بالغرفة الي بالسطح
وأمنع عنك المصروف.....
وبنات جيرانا فكهن من شرك ...ياروميو
ولا تطل على جيرانا من فوق السطح":"
عشت وأنا أبوك
وأنا إنشاءالله اكلمكم كل يوم وأتطمن عليكم
يالله يالي قريت الموضوع الله لا ينهك ترد بالله
تعال تعال ...شفتك تبي تنحاش ...وشو ما معاك قلم....خذ هذا أنا جايب معي كرتون أقلام ودفاتر ...يالله أكتب رد
وكل عادة
مرسي للي قراء
ومرسيين للي رح يرد
وثلاث مراسي للي يبي يقلب الموضوع تشات