بدأت العب فاينل فانتسي 8 لاني ماني لاقيه لعبة جديده حلوه فقلت خليني أجربها ....
و هذي طبعاً ماهي أول مره أشتريها في البداية إشتريتها قبل فتره طويله و ماعجبتني فرديتها ....
و لما دخلت المنتدى قريت عنها و إنها أحسن لعبة و و و المهم قلت و الله شكلي مافهمت اللعبة سوه راح أجيبها ثاني مره وأشوف
فرحت و إشترتها للمره الثانية لكن كانت المفاجاة الشريط الاول كان خربان ....
رميته في الزبالة و قلت ماني شاريه لو إيش ...
و لما طلع الجزء التاسع شفت الكل مدحه و قال مافي زيها و و و فقلت ممكن تكون أحلى رحت و إشتريتها
بدات ألعب و أنا لسا في البداية أتحكم في واحد شبح صغير حسيت بالملل فرميتها في الدولاب .....
المهم أخرتها قلت خليني أشتري السابع ممكن يكون حلو لاني كل شويه أقراه إن أحلى الاجزاء السابع ثم الثامن ...
طبعاً السابع مالقيته لانه قديم فقلت أتوكل على الله و أشتري الثامن ممكن مافهمته و اللعبة فعلاً حلوه ...
و بدات اللعبة و رحت أقاتل النبتتين و هزمتهم و بعدها ماعرفت فين أروح....
وأنا ودي لو واحد كذا حريف في اللعبة و لا يشق له غبار يشرحلي اللعبة طريقة اللعب ...كيف أستخدم الاسلحة .....فين اروح دحين ... و من فين ألاقي الاسلحة .....وكيف اعالج سكوال لانه طاقته نزلت مره عند القتال وصلت تحت الميه ....
أرجوا إنكم ماتخيشوني ترى ماأبغى أرمي هذي كمان في الدولاب ودي الاقي شي أتسله عليه ....
و شكراً لكم مقداماً ......
سلام ......جيل
الحياة لعبة ... استمتع بها