شراء كاميرا

[che]

السلام عليكم ورحمة الله وبركاته

طبعا انا قديم في هذا المنتدى, لكن هذي أول مشاركة لي في هذا القسم

ودي أشتري كاميرا قبل العيد؛ لأن كيمرتي الصراحة أنسرقت

فلو تتفضلوا حد يعلمني محل مختص بالكاميرات بأشكالها والوانها

في أبوظبي

وطبعا لو حد عنده اقتراح بكامرا معينة اكون ممتن له

خلوني اعطيكم بعض المواصفات:

· أنا ما مهتم بالكامرات الاحترافية, لأني هاوي

· ما مهتم بالميغا بكسل أكثر من الوضوح, اي من خبرتي البسيطة مع كيمرات. كان بعضها الميغا بكسل عالي لكن أي حركة بسيطة تشوش الصورة .... أعتقد هذي تقنية يديدة بالثبات

و بس

[SN!PER WOLF]

الله يعوض عليك

عندك المحلات الكبرى في ابوظبي على شارع الخالدية حذال المجمع الثقافي
مختص لكيمرات النيكون

وعندك كارفور المارينا مول يبيع كيمرات كانون ويمكن يبيع نيكون ما ادري

وبخصوص شو احسن حسب ميزانيتك .. لكن انصحك بنيكون دي 90 سعرها مناسب و وايد شفت ردود تمدحها

ونصيحه ابتعد عن الكانون لن مجربنها وما تستحق انك تشتريها لن الالوان تطلع فيها زفت وغالب عليها البياض
اما النيكون تحس الالوان جيدة

وحياك الله

[che]

شكرا أخي العزيز ...

شكلي بعمل بنصيحتك و آخذ النيكون