ديمو لعبة Driver الأن في اللايف !

[FARES360]

نزل من يومين ديمو لعبة درايف في الأكس بوكس لايف بحجم 700 م.ب
يحتوي هذا الديمو على 3 اطوار مختلفه للتجربه.. من نوع سنجل بلاير
- مهمه ملاحقة شخص معين
- مهمه السباق في الشارع العام
- مهمه المطارده والهروب من الشرطه

ملاحظة:
للي حاب يجرب الملتي بلاير ينتظر اسبوع من الأن حتى اصداره بالشبكه..

نبي انطباعاتكم شباب؟
انا ابدأ..
توقعاتي كانت في محلها والديمو اثبت جودتها الممتازه
تحكم السياره جيد وسلس
الجرافكس مناسب لهذا الجيل من فئة السيارات
بشكل عام الديمو كان ايجابي

[PS Player]

اي نزلته قبل يومين ولعبته اكثر من مره بشكل عام اقدر اقول اني استمتعت باللعب

وبنفس الوقت مو منبهر من اللعبه

من ناحيه الجرافيكس تمنيت انهم تاعبين على السيارات كثر ماهو مبين تعبهم على الشخصيات لكن بشكل عام جميل ومرضي بالنسبه لي

التحكم اختلف معاك السياره تحسها ثقيله حيل خصوصا عند الانعطاف يمين ويسار لدرجة انه مافي لفه ما استخدمت فيها الهاند بريك بشكل اجباري

بالنسبه للاطوار كلهم حلوين خصوصا اللي فيه R8 ممتع وفكره السباق بسيارتين عجبتني تحسسك بحماس

اكثر شي غثني انهم حاطين لك وقت بالمهمات 3 دقايق تقريبا لان كان بخاطري احوس بالماب واستكشف يمين ويسار


بشكل عام الديمو كان جيد لكن بالنسبه لي شخصيا ماحسيت بنكهة درايفر والى الآن متردد بشراء اللعبه

[AL- M a T a D o r]

نزلت الديمو قبل شوي
اللعبة تحسنت عن الاجزاء السابقة
التحكم بالنسبة للسيارات الكبيرة كان صعب خصوصا عند اللفات
الشيء الجميل ان الناس اللي حولك لاقربت منهم يوخرون عنك على طول واهم شيء مايدخلون في الجدار مثل الجزء السابق

اتفق معك الديمو كان ايجابي..

[PS Player]

امس نزل ديمو الملتي بلير ونزلته ولعبت لاخر الوقت

بصراحه !!

حماااس لابعد حدود

مو فاتحين الا مود واحد اللي هو Free For All
في اكثر من مود باللعبه لكن مقفلينهم بالديمو
بالنسبه لمود Free For All
في عدة تحديات داخل هالمود
سبيد وجمب واوفر ستريك وتاق

اكثر شي عجبني هو TAG

فكرته نفس فكرة شابتر ذا فلاج في العاب الشوتر

بحيث انه احد اللاعبين ياخذ التاق ويهرب وباقي اللاعبين يطاردونه عشان ياخذون منه التاق ( بمجرد لمس سيارة اللاعب تاخذ التاق )

طول مايكون معاك التاق يزيد السكور تبعك
تنتهي اللعبه بوصولك لسكور معين ( 100 )

احسن مافي الديمو انه كله عرب
كل ما ابحث ادخل مع عرب مادري اذا هالشي على حسب الايبي او بالصدفه او الاجانب قليل باللعبه

انشالله نشوف اعضاء المنتدى هناك

[Tockuchi]

^
إنطباعك يحمس , أفكر أنزله اليوم
يعطيك العافية

[PS Player]

^^

نزله استمتع على فكره شنو القيمرتاق تبعك ؟ ولا ماسويت ؟


~~~~~~~~~~~


داخل Free For All

Speed : فكرته انك تقود السياره باعلى سرعه ممكنه كل مازادت سرعتك تزيد سرعه حساب السكور لك
Overtake : فكرته انك تقود السياره وتحاول انك تمر بجانب السيارات اللي بالشارع بشكل قريب جدا , كل مازادت سرعتك وقربك للسياره يعطونك نقاط اكثر
Trailblazer : في هالتحدي يكون في سياره يقودها الكمبيوتر وخلف هالسياره نفس الذيل اللي عليك انك تكون على مسار السياره او الذيل اللي خلفها طول ما انت بالمسار يتم حساب النقاط لك
Jump : فكرته اعتقد واضحه من اسمه كل اللي عليك انك تقفز بالسياره اعتمادك راح يكون على الصعدات والنزلات اللي بالشارع كل ماكانت القفزه اكبر زاد عدد النقاط الي تحصل عليها
Qualiflying : نفس فكرة Jump لكن هني حاطين لك بالشوارع كوم رمليه تساعدك على القفز بالاضافه الى الصعدات والنزلات , طول ماتكون في الهواء يتم حساب النقاط لك
TAG : نفس فكرة Capture the Flag في العاب الشوتر في بدايه اللعبه تكون سياره يقودها الكمبيوتر معها التاق اول شخص يلمسها ياخذ التاق ويهرب اللي عليك انك تاخذ التاق , طول مايكون معاك التاق يتم حساب النقاط لك ( بمجرد لمس السياره اللي معاها التاق يتحول لك التاق )

بكل التحديات يكون الفوز لاول شخص يوصل لسكور 100



حجم الديمو 898MB

[I C E]

جاري تحميل الديمو حاليا

شباب يا ليت نشوفكم اليوم في الملتي بلير

[Tockuchi]

My Gamertag : Tockuchi
إن شاء الله بنزله الحين