أي سؤال أو أي أستفسار عن أي شي في فاينل فانتسي 8 تجدونه في موضوعي و أنا تحت الخدمة

**teta** · 21-01-2002, 01:21 PM

ابغى اعرف كيف ادمج الاسخار مع بعض لاني اخربط فيها

وبعد ابغى اعرف كيف اغير الاسلحة لاني احس فية اشياء كثيرة ناقصتني

**Fly_Batman** · 21-01-2002, 01:46 PM

مشكورين بس عندى سؤال الان انا حصلت على وحش الستدعاء والرقم ورحت الى الحارس وخلانى ادخل القصر وفهمنى الجنرال الخطة بس لما انحجز ثلاثه منهم في غرفة كيف اخرجهم من الغرفة
وكم لازم يكون عندى وحش استدعاء انا عندى الان اربعة بس شوفت فراغ بينهم احس انى تركت واحد
وكمان انا مو فاهم حلول اختبار السي دى الراتب ايش فايدته وفين تستخدم

**zidan_garnet** · 21-01-2002, 02:42 PM

طيب يا أخ محمود أنا أبغى أعرف :
1- البطاقات النادرة وأماكنها ( مع تحديد في أي دسك + شرح مفصل للأماكن )
2- أماكن وحوش الاستدعاء GF ( مع تحديد في أي دسك + شرح مفصل للأماكن )
3- أماكن الدوات النادرة والضربات ( السحر ) النادر والقوي ( مع تحديد في أي دسك + شرح مفصل للأماكن )
4- الوحوش الاساسية في اللعبة مع تحديد نوع كل وحش ونقطة ضعفه

وآسف على التطويل

**teta** · 21-01-2002, 03:57 PM

هذا ايدل ما فية امل ينغلب

علموني كيف

والضرية اللي تقول ان قوتها 9999 كيف اسويها

شرح ممل لو سمحت

**Fly_Batman** · 21-01-2002, 04:05 PM

وانا معاهم ابغى الاجوبة لو سمحت

**renzokhokhen** · 21-01-2002, 06:57 PM

صراحة يا أخ محمود أثبت جدارتك
بس سؤال بسيط صغير. ما هي أفضل استراتيجية لهزيمة ألتمت ويبن؟
مع العلم أني حاصل على سيف الليون هارت لسكوال. و أعرف طريقة استخدام الحركة الخاصة بالسيف. بس هذا الوحش مستحيل هزيمته
و مشكور جدا
(ملاحظة : ينفع أستخدم حركة الكاميكازي مع هذا الوحش ؟)
تحياتي
renzo

**Fly_Batman** · 21-01-2002, 07:30 PM

والله انا مدرى كيف اطلع الحركة الخاصة بالسيف هى تجى بعض الاحيان

احد يقلى كيف اخليها بأستمرار":"

**M7MOOOD** · 22-01-2002, 01:42 PM

أووووووووه :واو:

كل هالطلب للمساعدات مرة وحده :واو:

أوكيك ... راح أساعدكم كلكم و ماراح يصير خاطركم الا طيب :

teta : اذا بغيت تخلي لشخصيتك قوى سحرية ... تستطيع ذلك بطريقتين و هم 1- سحب السحر من العدو في المعارك 2- سحب السحر من نقاط السحب الموزعة في خريطة العالم و مدنها .

و لتسحب السحر سواء من الأعداء في المعارك أو من نقاط السحب الموزعة في العالم عليكأولا أن تربط بشخصيتك خاصية Draw من قائمة Junction ... و أثناء المعركة لتسحب السحر من العدو أختر Draw ثم أختر السحر الذي تريده ثم أختر Stock لتسحب السحر منه أو اذا كنت تريد أن ترد عليه السحر أختر Cast .

أما من نقاط السحب أضغط زر X و أختر الشخصية اللتي تريد سحب السحر لها .

ملاحظة : لا تستطيع سحب السحر لأي شخصية اذا كانت لا تملك خاصية Draw .

أما عن سؤالك الثاني ... فالأسلحة لا تتغير ... بل تتطور و ذلك بشراء الأدوات اللتي تطور الأسلحة من المحلات .

و أي أستفسار ثاني أنا بالخدمة .

**M7MOOOD** · 22-01-2002, 01:54 PM

الحين دور العضو fly_batman في المساعدة

:

لما تنحجز الشخصيات الثلاثة في القصر ... راح تلقى على الرف كأس زجاجي .. روح و ألتقته .. و لازم توضعه في يد التمثال .. و راح تلقى خلفه باب سري .. أعبر منه و كمل مغامرتك .

أما عن وحوش الأستدعاء اللي عندك .. فياريت لو تذكر أسمهم ... علشان أعرف شنو هم الوحوش اللي ناقصينك .. و من وين تاخذهم .

أما عن أختبار رتبة السي دي ففايدته أن كل ما يبت علامات أحسن و أفضل في الأختبار ... يرتفع راتبك اللي تقبضه في اللعبة من وقت لوقت .

**M7MOOOD** · 22-01-2002, 02:03 PM

خل شوي آآآآآآآآخذ نفس :واو: :واو:

أوكيك .. الحين يه دووووور زيدان ( ف ف 9 ) :

أنت قولي أي البطاقات اللي تبيها ... و أنا أقولك وين تلقاهم و اي دسك و وين و شلون بالتفصيل ... و أيضا قولي أسامي وحوش الأستدعاء اللي تبيهم و أنا أقولك وين تلقاهم و اي دسك و شلون و كيف و متى و How
و أنا أرد عليك بالتفصيل

و قولي أي الأدوات اللي تبيهم و حق منو و قولي السحر و القوى اللي تبيهم و أنا أقولك وين تلقاهم و شلون و كيف و متى بالتفصيل

و اي اي اي اي اي اي اي خدمة ثانية أنا حااااااااااااااضر ":"

**M7MOOOD** · 22-01-2002, 02:13 PM

الدفعه الأخيره من الأجوبة

renzokhokhen :
ممكن تحدد الوحش .. و في أي دسك .. و وين مكانه لأني الظاهر ناسيه

fly_batman :

اذا كان قصدك عن الحركة اللي اللي لما تضرب بالسيف على العدو ... يتضاعف مقدار الضرر ... فهذه تنفذ كالآتي :

لما يي دور سكوال في المعركة ... و لما يقترب من العدو ... أول ما يرفع سيفه و قبل لا ينزله على الخصم أضغظ زر R1 ... و ستتضاعف قوة ضرب السيف

و أي أي أي أي أي أي أستفسار آخر عن اللعبة ... أنا حااااااااااااااااضر

و أخيرا خلصت :واو:

**teta** · 22-01-2002, 02:15 PM

ابغى اعرف طريقة لعب الورق

و اسهل طريقة افوز

و ايش فايدة الورق

هي لها دخل بالقدرة كارد

**M7MOOOD** · 22-01-2002, 02:30 PM

teta :
لعب البطاقات هي مجرد لعبة فرعية في الجزء الثامن ... و لكن متعتها كبيرة جدا ... و هي تعتبر هواية مشهورة جدا في فاينل فانتسي 8 .... و تعتبر بطاقاتها النادرة أحد أسرار اللعبة .. و لتلعبها أذهب لأي شخص تقريبا و أضغط زر المربع لتلعب معه .. و هذه نبذه أن فكرة اللعبة :

كل شخص من الشخصين يختار خمس بطاقات .. يلعبونها على لوحة مكونة من 9 خانات ... و لكي تربح في هذه اللعبة .. عليك أن تهزم بطاقاتك بطاقات خصمك .. فمثلا عند وضع بطاقة أحد أطرافها رقم 2 و الطرف الآخر 6 ... يجب أن تلعب من جهة الرقم 2 لتستطيع كسب البطاقه بسهولة و ذلك بوضع رقم أكبر من الرقم 2 .. مثلا رقم 3 أو 4 ..... أما اذا وضعت رقم أصغر من رقم الجهة .. فخصمك سيكسب بطاقتك ... و هذه نبذ1ه صغيرة عن هذه اللعبة الكبيرة

و اي اي اي اي اي اي أستفسار أنا حاضر .

**zidan_garnet** · 22-01-2002, 02:41 PM

كتب العضو (M7MOOOD)
أوكيك .. الحين يه دووووور زيدان ( ف ف 9 ) :

أنت قولي أي البطاقات اللي تبيها ... و أنا أقولك وين تلقاهم و اي دسك و وين و شلون بالتفصيل ... و أيضا قولي أسامي وحوش الأستدعاء اللي تبيهم و أنا أقولك وين تلقاهم و اي دسك و شلون و كيف و متى و How
و أنا أرد عليك بالتفصيل و قولي أي الأدوات اللي تبيهم و حق منو و قولي السحر و القوى اللي تبيهم و أنا أقولك وين تلقاهم و شلون و كيف و متى بالتفصيل

و اي اي اي اي اي اي اي خدمة ثانية أنا حااااااااااااااضر ":"

طيب أنا ما أعرف وشو الوحوش الاستدعاء عشان أقولك عليها وما أعرف البطاقات النادرة اللي موجودة أنا أبغاك انت تعلمني لو أعرف كنت قلتلك

**M7MOOOD** · 22-01-2002, 03:06 PM

زيدان ( ف ف 9 ) :

عن سالفة وحوش الأستدعاء ... أنت قولي شنو أسامي الوحوش اللي عندك اياها ... علشان أعرف اي الوحوش اللي ناقصتك .. و أقولك وين تاخذها و شلون .

أما عن البطاقات النادرة فهذه هي و هذه أماكن تواجدها :

1- بطاقة سكوال : راح تلقاها عند لاجونا ... العب معاه في الدسك الثالث لما يركب معاك الراجناروك .

2- بطاقة رينوا : تحصلها عند ابو رينوا في مدينة ديلينج .. و علشان تخليه يستخدم بطاقة بنته ... خله يفوز عليك بالمره الأواى ببطاقه Idrit علشان ياخذها .. بعدين العب معاه مرة ثانية علشن تاخذ بطاقة Rinoo ببطاقة Ifrit يديده .. بعدين روح لمدينة فيشر مانز هورايزن .. و هناك مارتن .

3- بطاقه زل : تلقاها عند أم زل في مدينة بلامب .. روح لها و معاك زل في فريقك و العب معاها .

4- بطاقة ايرفن : في مدينة فيشر مانز هورايزن روح لزوجة العامدة دوب و العب معاها .. راح تلقى البطاقه عندها .

5- بطاقة سيلفي : في بلامب جاردين .. روح للصف الموجود في الطبق الثاني .. راح تلقى بنتين .. وحده منهم عندها البطاقه .

6- بطاقه ايديا : روح لبيتها و العب معاها .. و راح تلقى بطاقتها موجوده عندها .

7- بطاقة وارد : العب مع الدكتور أودين في مدينة ايستثار في الدسك الثالث .

8- بطاقه كيروس : روح لمدينة ديلينج .. و راح تلقى ريال لابس أسود في أسود .. واقف في الجهة المقابلة للشارع اللي فيه المحلات ... العب معاه و راح تلقى البطاقه عنده .

9- بطاقة لاجونا : روح لبرج لونار في الدسك الثالث .. و العب مع اليون .. راح تلقى بطاقه ابوها عندها .

10- بطاقه سيدير : في بلامب جاردن العب مع سيد قبل لا تنفذ مهمتك الأولى في اللعبة .

و هذه هي البطاقات النادرة و القوية في لعبة فاينل فانتسي 8 .... و اي خدمة أنا حاضر .

الموضوع: أي سؤال أو أي أستفسار عن أي شي في فاينل فانتسي 8 تجدونه في موضوعي و أنا تحت الخدمة

أدوات الموضوع

طبب

ضوابط المشاركة