يا هلا
طيب يا منى ... أسئلتك بصراحة تحتاج كتاب علشان أجاوبها
بسم الله
دردش لنا شوي عن "بلاك دريم " شخصيته,هوايته, حكمته في الحياة , الأعمال اللي يقوم بها وقت الفراغ
ما عندي شيء اقوله عن نفسي ... عادي زي ما انا .. أغلب وقتي في البيت ..ما أحب أطلع كثير
ما عندي أصدقاء ..علاقاتي العامة زينة ولله الحمد ... سكاكن في المنطقة الشرقية في الخبر ..
شخصيتي ... يقولون متشائم مع اني اللي اشوفه اني اوضح الواقع..والناس تربط الخيال بالتفاؤل
هوايتي ..القراءة وتأليف الشعر وكتابة الخواطر والخيال
حكمتي في الحياة .. ما عندي شيء محدد بصراحة ... بس احب اسعى للأفضل قدر امكانياتي
الأعمال اللي أقوم فيها .. يعني يا إني طالع أسوي شيء معين ..أ في البيت في المنتديات والمواقع أًمم ودعم فني وأقرأ ..أو أقرأ قبل ما أنام ..
بالعربي انسان عادي ..في أحسن مني وفي أسوأ مني >>> كان قلت كذا من أول
طبعاً الكل يعرف إن الحضاره والتطور لها سلبياتها والظاهر انها اكثر من الإيجابيات ناخذ لنا الصياعه كمثال
أنت كـ شاب تفهم في هالشغلات وتشوفها أكثر مني ويمكن يكون في ناس حولك من هالفئه
وشرايك في المغازلنجيه وهل تختلط فيهم عادي وتقول حبيب وغالي ولاتنفر منهم خوفاً على سمعتك خخخ
وهل هم مايسوون شي غلط (لاني في الآونه الاخيره معد انقد عليهم اذا شفتهم خخخ)<-- خرب تفكيرهاالله يعين بس
بصراحة أغلب وقتي في البيت
ما عندي أخوياء كثير ... وبالنسبة للمغازلة ما أميل لهذا الشيء ولله الحمد ..يعني ما ميل للبنات
ايش معجل الشباب ..بكرة بيتزوجون يعني ما احتك مع شباب كثير اصلا ... ولا أغازل ولله الحمد
النت وش عطاك ووش اخذ منك ؟
أعطاني سمعة وحياة ما توقعتها .. يعني حل بعض من مشاكلي .. مثل الفراغ الاجتماعي ومن هالشغلات
وأخذ مني الوقت والجهد
أي انواع الكتب تفضل قرائتها ؟
التحليلية المنطقية .. وعلم النفس
يعني القصص البوليسية مثلا .. وكتب التطوير و برمجة الأعصاب اللغوية NLP
الفوتوشوب سهل ؟
ما في شيء في الحياة صعب ومستحيل
إذا يوجد شخص يستطيع عمل شيء ..فمن المستحيل أن لا تستطيع عمل مثله
لكن تبقى مسألة القدرات
واذا الفوتوشوب صعب..في أشياء كثيرة أصعب منه
أعتقد إنه سهل وبسيط والسبب ان الكثير يشتغلون عليه
ليش بلاك دريم مان بالذات ؟
أسباب كثيرة ...منها إني شفته أكثر اسم يعبر عني تقريبا
ويقولون اسم يخوف رجل الحلم الاسود >>> ينفع ماركة للملابس والعطور
طيب مبسوط عشان المقابله ؟
ما أقدر اقول اني مو مبسوط وأنتي من ضمن اللي يسألون
اذكر لنا موقف مضحك وآخر محزن مريت بهم ؟
موقف مضحك ... مرة معنا عضو في قسم التصميم .. كان يعرض تصاميمه ..وكنت أعطيه رأيي في شغله بطلب منه ..كان واضح عليه انه مبتدأ فجلست أوضح له ... المهم بعد فترة ..وفي المدرسة تكلم أحد الطلاب عن منتدى المنتدى وجاء الأستاذ قال انه عضو في هالمنتدى وهو منتدى مميز وفيه شخصيات عندها علم وذوق ..انا انبسطت خخخ..جاء أحد الطلاب الملاقيف وقال ترى عبدالرحمن[اللي هو أنا] في منتدى المنتدى ..طالعني الاستاذ وقال ايش اسمك ..المهم صرفته باسم ..بس الطالب ما زال ملقوف وجاوب بدالي وقال بلاك دريم مان ..لو شفتوا نظرة عيونه علي خخخ بغى يذبحني
طلع هو العضو اللي انتقده خخخ ... تمنيت ان الارضتبلعني هذيك اللحظة ..بس الحمدلله انا تخرجت الحين وافتكيت منه
أما موقف محزن ...اممممممم ما في شيء في بالي محزن بمعنى الكلمة ... يمكن إني منحوس بالحوادث .. جاتني حوادث كثيرة ..طبعا أتكلم عن اللي سيارات تصدمني وأنا أمشي..غير الحوادث اللي سيارات الثانية تصدمني وانا أسوقها .. من أحد هالمواقف ...كنت ألعب كورة وكسروني .."لعت أعرج من الملعب وكنت متوقع ان حظي نحس لأني طلعت بدري .. شوي وسيارة ما ادري من وين طلعت رقت فوق الرصيف وصدمتني ... ما أعتقد أحد حظه أسوأ من كذا
ليش الرمادي بالذات ولا مسوي متشآئم؟
امممممم ما في سبب ... لكن يخليني مرتاح
وبالنسبة لعلم الألوان لكل لون تفسيرين ...يعني الرمادي يعبر عن التشاؤم ...أو ممكن يعبر عن الترتيب والمنطقية والتحليل
مثل البنفسجي ..في حال انه يعبر عن التعاطف والمحبة الأخوية ... هو يعبر في نفس الوقت عن الخيال وسعة التفكير
طفشت من أسئلتي ؟
أكيد لا
بالعكس أكثر أسئلة اسمتعت فيها إلى الحين
وأتمنى تتكررين الزيارة مرة ثانية
طيب أنت مبسوط عشانك رايح للجامعه وبتصير كبير ؟
الحمدلله .. أحسن من قرف الثانوية
تعرف تطبخ ؟ ولا ماتدري وشلون شكل مطبخكم
خخ طبعا نادر ادخل
اعرف اطبخ اشياء كثيرة ^_^
ساندويش جبن ... وبناتبتر .. وعسل ... ورهش ... ومرتديلا ... ولبنة ...
وتخصصي بالحلى .. مرة سويت طبق وفزت بأفضل طبق >>> لأنه الوحيد اللي استخدم السكر بالغلط
أنت مؤيد للزواج ولا معارض ولا محايد
محايد .. يعني بالنسبة لي باقي كثير
مشكورة على أسئلتك ونترقب المزيد