ان شاء الله تشوفوا العجائب والمفاجئات والروائع مع
الرابطة GTA
ان شاء الله تشوفوا العجائب والمفاجئات والروائع مع
الرابطة GTA
MapleStory : mhnamiPS3 ID : mhnami
رد جديد......... و تعريب جديد........ وشي جديد
بس فيه شي قديم ورهيب بنشوفه
دائما ً نحب نسألكم وش تتوقعون اتوقعوا وش الجديد اليوم
نريحكم ونقول بس نبدأ باردود اول
--------
أنيمي2004
مشكور وماقصرت على التواصل بس خلك متواصل بس الى الان ماحد قدر ياخذ الاستار من محمد النعمي
وبالنسبه للسيارات اصبر شوي وبتشوف السعوديه صح
لا تقطع عاد ننتضرك
-----------------------
الاخ shot
الله يعافيك . واعتقد ان محمد النعمي قال شي من الاجابه
بس السيارات الموجوده في النت نحطها مع كثير من التعديلات
اما الغير موجوده فلابد من فكره للتصميم وهي متعبه جدا
ومنتضرين نقدك البناء
------------------------------
ولد البوكواره
نشكرك على المشاركه .. الكلام مو على ادخال السيارات هذا اضنه موضوع مشروح مسبقا .. لكن الفكره في التعديلات والتعريب وهنا يضهر الابداع .
ومشكور على التفاعل مره اخرى .بس لاتندفع
-----------------------------
محمد النعمي
تستحق هذا اللقب من الرابطه لتفاعلك الكبير مع الموضوع
نرجو الاستمرار على كذا ... بس خلي خالك يعطينا فره في سيارته عشان نشوف هو مثل جي تي والا لا
شد حيلك لا يطير منك الستار
goldburg is best
-----------------------------
Spidey
تراك طولت الغيبه بس نتمنى الانتهاء قريبا ولا تطول
مشكور
-----------------------
نتأسف على الاطاله
متحمسين نبدأ الموضوع .... اوكيه نبدا
اول شي كنا طالعين نبي نتمشى بس على وين نروح .. المهم وحنا ماشيين نناضر فوقنا الا الاسلحة مو عربيه
(تحسون انكم في شاشه الكمبيوتر )
قلنا مافي امل لازم نغيرها لعربي والا الاعضاء بيزعلون وبدينا في مرحلة التغيير والتعديل والحذف والاضافه (تحس انك عند مسجل الكليه )
بس تتوقعون غيرناها والا لا امممممممممممم ماندري وش تتوقعون .
قول ليه ساكت ...... ايه انت قول ...
طيب شوفوها وقولوا رايكم
تروها من داخل اللعبه على العموم راح تشوفونها في الصورة الجايه واضحه
وبعد ماغيرناها الا وحنا تعبانين وجيعانين وين نروح
قلنا على برجر كنج ونمشي له بس ماعندهم قائمه كبيرة
وجبتين بس مو مشكله مشي حالك ناكل ونمشي بس نسينا قبل مانمشي وش رايكم تشوفون المطعم
وش رايكم رهيييييييب بس لو تشوفونه من جوه
شكلكم ماودكم تشوفونه بس يمكن تبون تشوفونه
على العموم هذا المطعم من جوه شوفوه وشوفوا السلاح في الصور متغير اسمه وشوفوا الوجبات ثنتين بس وسلطه
وانتبهوا لاتكثرون في الغدا
نكمل
وصلنا الى ذاك ... الجيب اللاندكروزر VXRبس حركه ماحد راح يتوقعه
بس هو اصلا صالون ان كانكم تعرفون الصالون القديم شوفوه حركه
بس اللوحه قديمه ... وش رايكم فيه مو طبيعي يرجعك 10سنوات ورى
وهذي صوره من خلفية الجيب
شوفوا اللوحه واضحه الشايب ماغيرها صالون من جد
وهذي طفاية الحريق ههههههههههههاي كلكم تعرفونها في السيارات القديمه (على بالهم اجهزة امان )
وش رايكم حلو مره
وتعتذر الرابطه عن كثرة الصور وما تسببه من بطئ في التصفح لدى الاعضاء ولكن ( ماباليد حيله ) اذا عندكم حل غير تصغير الصور لانه يسبب عدم وضوح الصوره .احنا حاضرين
وبكذا ننتهي من جزء اليوم في التعريب والتعديل
(هل تتوقع ان تجد افضل من هذا )
سنستمر الى ان نصنع مدينة الاحلام
صج انك خاين
لابس ملابس ماكدونالد ورايح برجر كنج لووول
مشكورين واكتر شي عجبني البرجر كنج ننتظر مفاجئتكم للغد او اليوم وننتظر ايضاُ وصلة تحميلها
مسافر للدراسة الجامعية
ما شاء الله على التعريب
هذا المطلوب !!!!!!!
ياخي حرام عليكم ليه ما تعزموني معاكم على الاقل اشوف المحل الجديد بورجر كينج
طيب طيب طيب
الصالون هذا حقى جدي اشتراه ولين الحين معاه محافظ ههههههههههههههههه
والطفايه انا نصحته يشلها معاه
واخيرا : اشكركم يا الرابطة على المجهود الي بذلتوه واقول للاعضاء : انتظروا الجديد دائماً
وانا برضه انتظر جديدكم
MapleStory : mhnamiPS3 ID : mhnami
جهد رايق من جد
لتنسون الدساتن؟ والهايلكسات؟ والقالابيات المزركشه؟ وجموس الخظرة. الحاقات البدلي
Core Dumped
••••••••••••••••••••
اشوف لو تحطون ماكسيما بعد بيكون شئ حلو لأنها من اشهر مواتر السعوديه على حد علمي
ولو تكون المكسيما موديل 98 او 97 وتكون ذهبيه بتكون شئ عجيب
يعطيكم ألف عافية على هذا الشغل و الى الامام يا شباب
كل يوم نقول اليوم تتحق الاحلام
وانشاء الله راح تتحقق في مدينة الاحلام
نشكركم على التواصل ونبي اكثر
----------------------
shot راح تشوف ماكدونالز قريب (باقي الديكور بس )
متواصل على طول
-------------------
spidey راح تشوف مطاعم اكثر (عشان تتخير وش تاكل )
وباقي التعريب متواصل
------------------
محمد النعمي تعجبنا . خليك ستار على طول
راح نعزمك .( بس في مطعم بخاري خخخخخخخخ)
--------------------
sandan ابشر بالسيارات السعودية
وخلي عينك عالحدث .
---------------------------
ولد البوكواره راح تشوف اشياء تعجبك
وخلي معنا عالسمع
--------------
Fox نورتنا صراحه
ونتمنى ماتغيب عنا
--------
اهاااااااااااا بدى موضوع اليوم ... وش عندنا اليوم
عندنا تغيير في شي ثاني
كلنا متعودين على تغيير skin بس نفس body لكن اليوم
اليوم رحنا لمحل البدل وشرينا بدله عسكريه على كيفكم
(كأنا على الجبهه )
عليها ستره واقيه وخوذه عسكريه (طبعا طقم نفس اللون )
شفوفوا الحركه وقولولنا رايكم
لو انكم لاعبين اللعبه كان تشوفونه صح .. المهم
واحنا ماشيين من الشارع الا واحد من الحي جاي قاشع
طبعا على رجوله ..... ياشباب...ياشباب...
واحنا نقول وش عنده ذا كمان ..
على وين رايحين ....(نصرفه وش نقول )
على السوق .(ونتورط )
خذوني معكم (وش ذالنشبه)
طيب شف قلاب الثوب واصل الى خشمك
ايه انا قاصدها .كاشخ
بس مامعنا سياره ....... (باخاويكم كعابي )
طيب اطلع معنا في الباص . عاد شوفوا الباص حركه
النقل الجماعي
عنيييييف الصراحه
ويطلع معنا ويوم نوصل السوق وننزل .
قال ماعرفتوا اسمي .قلنا وش اسمك .قال حمني .قلنا هلا وغلا بحمني
ويقول شفتوا هذا الفان .(ايه) باوريكم وش باسوي .(يبي يرقم )
ويروح لم السواق ومعه عايله ويرمي الرقم ويمشي وحرك الفان
ويرمون ورقه في الارض (قال بس رقمها ) الا هو رقمه متقطع ستين قطعه
وتقفل مع حمني (اسمه حتى غبي ) ويركب مع واحد ويلحقه ويحد الفان ويمسكه السواق ويكفخه تكفخ الين تأدب
شوفوا السياره قبل الترقيم عند السوق وبعده يوم كفخ حمني في الشارع
سياره سعوديه صح والحين نروح للمفاجئة الاخير اليوم
طبعا تقوم الصبح ودك تتمشى وتقري جرايد طيب كل الجرايد english لازم فيه جريده سعوديه
ونشتري جريدة الرياض (يمكن فيه اعلان عن وضايف )
طلع مافي اعلان ونقطع الجريدة ونرميها في الشارع
ونقلب السيارة (سرنا هولك على غفله) شوفوا الجريدة
وش رايكم مقفله صح
وننهي جزء اليوم من التعريب
هذه ليست النهايه ومدينة الاحلام اقتربت
مشكوووووووووووووووووورين
والله فنانين شو بقى تعملوا تعربوا الاعلانات؟؟
ان شاء الله تنهوا مدينة الاحلام.
مسافر للدراسة الجامعية
ما شاء الله عليكم
بس ناقصكم انكم تعدلون على الشخصيه وتخلونه لابس (دشداشه)
و انكم تغيرون اسم Vice City
GTA مدينه الرياض
السلام عليكم انا مالاحظت الموضوع الا متأخر شوي و اولا اشكر النظمة على العمل الشاااااااااااق الزاااااااااحف <<<<< من اهل الطايف
ثانيا : ماقلتوا لنا كيف بتسونها اذا خلصتم؟ تنزلونها عالنت؟ او تبيعونها CD؟؟؟؟؟
ومرة ثانية شكرااااااااااا بس عندي طلب ياليت تحط تيرسل 98 لوحته ( درأ 458 ) ولونه كحلي تكفووووووووووووووووووووون!
... قيد الانشاء ...
... under construction ...
:vereymad:
أهلين بارابطه الحلوة والله أبداع
لايتصوره العقل الصراحة الموضوع
يستاهل التثبيت وأرجو أن الله يفقكم
في ها العمل الضخم الي بيكون أول خطوة
نحو تعريب الألعاب وأنشاء الله نشوف أبدعاتكم
والسلام عليكم
..................أنيمي2004 ..............
والله ما قصرتوا ابداً
وماشاء الله على التكتيك , عمل رائع جداً
انا الحقيقة اعجبني النقل الجماعي روعة (( سعودية بمعنى الكلمة ))
اشكركم على هذا الفن واستمروا
ونحن ننتظر جديدكم
MapleStory : mhnamiPS3 ID : mhnami