الجمعة كانت ممتازة ويعطيه العافية شين فيرجيل ماقصر وشباب دبي ماقصروا وإستانسنا معاهم الصراحه ^___^
اللعب كان حلو بس كان في فضايح فلو عندكم مشاكل فالملام أولا وأخيرا أيمن لأنه هو الي راح يسوي الأبلود لوووول
ومادري ليش أحس في كم واحد راح يصير سلحفاة مثلي في البطولة خخخخ ^____~
بس زين من القعده عرفت إنه عندي مشكلة في اللينكز في الجهة اليسار فراح أشتغل هالأسبوع على هالموضوع وكم شغله جديدة في المايند جيمز شفتها من شين فيرجيل بس ماتمشي إلا على الناس الي يعتمدون اللعب الحذر...وفي كم واحد في الليسته على بالي
ومسكين إنفي قعدنا نطيح فيه خخخخخخ لو ماكان معاي في الفريق كان تحلفلي في البطولة وإستلمني صح
عالعموم هذا من فيديو ال dan battle في اليابان والفيديو ممتاز ولاعب إيبوكي مبدع وكان ودي يتأهل لكن للأسف أتوقع Ruu أو Vanao خربوا عليه....بس مايند جيم ممتاز جدا ...مايستعجل إلا لما يكون الخصم تعود إنه مايستعجل فيفاجأه...وشوفوا كيف اللاعبين الثانيين إضطروا يلعبون Rush ضد هاللاعب
وفي شي هو الي يميز اللاعب الحريف عن الثانيين..المقدرة على التأقلم السريع في المباراة....من أول كم ثانية بدأ يفهم أسلوب الخصم ويعرف يستخدم أي أسلوب ضده ولو الخصم غير الأسلوب يقدر هو يغير ويستخدم أسلوب مضاد....عن نفسي أشوف هذي النقطه أهم شي يميز اللاعب المحترف...على أمل نصير محترفين في يوم من الأيام -___-
أيمن الله يعينك الصراحه...عندك فيديوز الجلسه الي طافت وجلسة أمس....يعطيك العافية ومانوصيك في الإختيار....