انت أكيد مامتك دعيالك يا كايتو لأنه جالك اللي يرد عليك بالمفيد حيث انني من المحاربين القدامى
ايه الحمدلله كل يوم بتدعي لي أمي ( الله يكبر دماغك ) و ( الله يثبت علينا العقل والدين )
كتر شيء مؤلم حقيقي للزوجه عندما تشعر ان زوجها يعاملها كند له أو طرف آخر في الحياه لابد أن يسيطر عليه و يقهره بأي وسيله وكأنه داخل الحرب العالميه الأخيره
ويضع نفسه و أهله في كفه و يضع الزوجه في كفه أخرى
اللي بعامل مرته هيك محتاج علاج نفسي بس للأسف في بعض الرجال بياخدوا العلاقة الزوجية من باب ( مني المال و منك العيال ) وبس !..ولابده يخالطها ولا بده يتدخل فيها ولا بده يعاشر اهلها..ولو اتدخلت باهله بقول لها انت مال خص بأهلي و و و ..
عنجد يا جماعة الله لا يجمعكم مع هيك رجال ويجيكم ابن الحلال اللي بقدر الحياة الزوجية حق قدرها..
والحمدلله أبشرك يا فريسكا انه الرجال اللي هيك نادرين جدا وقلة قليلة في المجتمع.. وبكرا بينقرضوا ان شا الله ^_^
في حين انه لو احتواها و جعلها تشعر انهم كيان واحد سيجد من الخير الكثير
عقبال ما نفرح بزواجك ان شاء الله
ونشوف الحرب الالكترونيه يا بطل
ان شا الله و شكرا لك فريسكا
ranooosh
وبالشاب كمان العناد صفة رئيسية فيهم خاصة لما يجي عبالو يحط عقلو بعقل مرته ولازم كلمتو هي اللي تمشي
خلاص اتفقنا انه العناد موجود عند هداك وعند هديك
..
بعدين في فرق بين العناد النكددددد والعناد العادي..يعني طبيعي الزوجين يختلفوا بالرأي بس الاهم ما توصل لبرا البيت ..مثلا خلفنا بنت صغيرة وانا كنت بدي اسميها مثلا منى او عبير وهي بدها تسميها خوجاء او عبلة
..ساعتها بدي افجر عناد الدنيا كله فوق راسها ..
إنتو ليش ماخدين فكرة إنو المرأة طلباتها كتيرة؟
يعني مش غلط تشتريلها كل فترة وفترة هدية
بس مو طقم ألماس مش عارفة كم قيراط
هاد الحكي بس بتشوفوه بالمسلسلات
بالمسلسلات وعند اقرباء العيلة الكريمة
ولسا ما حكينا عن بقية العائلات الكريمة
عموما مش ماخدين عنكم فكرة انكم متطلبات ..لكن احيانا بعض النسوان ( بدهم الشي بغير وقته )..و اعتقد هاي مشكلة طفيفة تخص بعض الفتيات فقط ممكن نتجاهلها
بس هي بطبيعتها غيورة المفروض تنبسطوا مو تزعلوا
كيف انبسط على جنرال بالبيت كل ما ارجع للبيت اضرب له تحية سلام واعطيه وردة عشان يسمح لي اشرح له تأخري كمن دقيقة
صحيح الغيرة حلوة و بتعطي نكهة ..بس المصيبة لما تزيد عن حدها وتقلب نكد وهموم بتنهش البنت وبتضايق الزوج..
الى اصحاب تعريفات الـ male
عفكرة شباب انا ماسك الموضوع لحالي ؟
حرام عليكم حدا يجي يساعدني مابكفي بدافع عنكم ببلاش