معلومات المتقدم بالاستفسار :
العمر : 19 , الجنس : ذكر
الطول :1.78 متر
الوزن : 79 كيلوجرام
نسبة الدهون : 19%
و الاستفسار كالتالي :
السلام عليكم ورحمة الله وبركاته
كيف حالكم جميعاً ؟ إن شاء الله في أفضل الأحوال
المهم يا شباب أنا لي فترة تضخيم حوالي 3 شهور والحمدلله كسبت كتلة عضلية معقوله لحد كبير وبديت احس بالضخامه صراحة
طبعاً باقي لي شهرين في كورس التضخيم وبعدها ادخل كورس تنشيف قبل الصيف لمدة شهرين
أنا أبغى أسألكم سؤالين :
1- بصراحة محتار هل أضيف الكرياتين لكورسي ولا لا ؟
هو يحبس الماء في الجسم وانا أبغى أنشف بعدها فما أدري أيش راح تكون فايدته ؟
إذا على الطاقة أنا أستعمل N.O Explode 2.0 فهل للكرياتين أي داعي في الكورس ولا أوفر فلوسي ؟
//
2- كورسي كالتالي :
- بروكومبلكس العادي ..
- نو اكسبلود
- كازين
- اوبتي مين
..
وش أضيف للكورس عشان أحصل أكبر قدر من الضخامه العضلية خلال الشهرين المتبقيه لي ؟
أمينو ؟ كرياتين ؟ جلوتامين ؟ محفز لهرمون التست ؟ [ مع العلم إن عمري 19 ] ولا أيش بالظبط ؟
//
تكفون لاتخيبون ضني أبغى إجابة كافيه و وافيه للسؤالين أملي في الله ثم فيكم