ابي جدول ونصايح من غير حديد ... حياكم!!!

[ffxxx]

السلام عليكم ورحمه الله وبركاته
صباح الخير للي مصبح على الموضوع ومساء الخير للي في المسى
الطول 175
الوزن 55
العمر 20
المطلوب طبعا زياده وزن (عضل)
الموضوع انا مابي العب حديد انا احب التمارين السويديه مثل الضغط والعقله و الخ
تكفون يا الربع لحد يقول حديد انا احب اتمرن بوزن جسمي
والمطلوب انا ماعرف شلون اتمرن او كيف التكرارات او الايام .
انا الحمدلله اقدر اسوي ضغط فوق العشرين جسمي خفيف
طيب ابي ابتدي من اليوم بتمرين صح يعطيني نتايج
هل اخصص كل يوم تمرين يعني السبت ضغط الاحد عقله
او كلهم في نفس اليوم كم مره اسوي ضغط هل اتمرن مره وحده باليوم لين اتعب او الصبح 10 والعصر 10 وفليل 10 هل اقسم الجولات على اليوم او اجمعهم في تمرين واحد
ياليت من الي عندهم خبره يعلموني من العلم الي عندهم
واذا في مكمل مفيد عطوني اسمه وايش فايدته
لاني ماعرف شي عن المكملات كلش الخبره زيرو
وجزاكم الله خير مقدما وادري ماراح تقصرون

[AmiTy Ville]

والمطلوب انا ماعرف شلون اتمرن او كيف التكرارات او الايام .

اولا عدة تمارين ولكل تمرين عدة جلسات ولكل جلسه عدة تكرارات

انا الحمدلله اقدر اسوي ضغط فوق العشرين جسمي خفيف

حلو عيل ابدأ بأقل من 20 لانه راح يكون عندك عدة تمارين

طيب ابي ابتدي من اليوم بتمرين صح يعطيني نتايج

هالتمارين ماراح تعطيك نتائج بسرعه يبالها صبر لان راح تكون على وزن جسمك فقط

هل اخصص كل يوم تمرين يعني السبت ضغط الاحد عقله

ف البداية حاول تلعب اكثر من 3 عضلات وكل عضله اكثر من 3 تمارين وكل تمرين 3 جلسات وكل جلسه 15 تكرار
بعد اسبوع حاول تركز على عضلتين باليوم وتلعب اكثر من 4 تمارين وكل تمرين 4 جلسات وكل جلسه 15 تكرار

طبعا مع التعود راح تثبت على 4 جلسات او 3 والتكرار يزيد تدريجيا

كم مره اسوي ضغط هل اتمرن مره وحده باليوم لين اتعب او الصبح 10 والعصر 10 وفليل 10 هل اقسم الجولات على اليوم او اجمعهم في تمرين واحد

التمارين تلعبها كلها ف وقت التمرين ويكون الوقت مثلا العصر او اي وقت انت تحدده

ياليت من الي عندهم خبره يعلموني من العلم الي عندهم

مر عالمواضيع المميزه بتلقى مواضيع عن التمارين السويديه وايظا لاتنسى العقله والمتوازي وتمارين ضغط اخرى كالاكتاف

واذا في مكمل مفيد عطوني اسمه وايش فايدته

المكمل الغذائي هو مكمل يساعدك على سد النقص من التغذية ويظا يعطيك بعض العناصر اللي ماتلقاها بتغذيتك والافضل انك تملك اساس عضلي ويتم الاخذ بعد فترة تعود الجسم على التمارين عالاقل

طبعا مثل ما انت عارف ان بناء العضلات صعب جدا بدون الحديد
لكن اللياقه سهله جدا بدون الحديد
وشد الجسم نص نص تقدر بالحديد وتقدر بالتمارين السويديه

بالتوفيق

[ffxxx]

لاهنت يالذيب
بس مافدتني بسم المكمل
وحاب اسمع من باقي الوحوش الي هنا رايهم

[منادة الليل]

بما انك راح تعتمد على وزنك الطبيعي ما راح تحتاج مكمل غذائي

اهتم في تغذيتك الطبيعية هذا اول شي
وبعدها اضف عليها 3 وجبات علشان تكون 6 وجبات باليوم

وخلنا واقعين ... ناس يالغالي تلعب حديد وترفع اعلى من وزنك وملتزمة صح ويالله يالله المكمل يجيب لهم نتايج

وانت بتعتمد على وزنك فلا تستخدم اي مكمل لانه ما راح يفيدك في بناء العضل

وانتظر رد باقي الوحوش

بالتوفيق

[ffxxx]

منادة الليل مشكور على الردك بس شقصدك في

وخلنا واقعين ... ناس يالغالي تلعب حديد وترفع اعلى من وزنك وملتزمة صح ويالله يالله المكمل يجيب لهم نتايج
وانت بتعتمد على وزنك فلا تستخدم اي مكمل لانه ما راح يفيدك في بناء العضل

يعني التمارين الي بسويها ماراح تعطيني النتايج الي ابيها ؟ وهي الزياده العضليه هذا قصدك ؟