من بغى الفرقا
من بغى الفرقا لقاله عذر و أسباب ودليل
خل عنك العذر والأسباب دام الحب ضاع
كان ودك بالفراق ابشر عسى عمرك طويل
لا تجاملني مخافه قال مدري خوف قيل
عمر هرج الناس لا يسمن ولا يغني جياع
كان قصدك سر حبك أوعدك لاصبح بخيل
واحفظ أسرارك معي للموت قدر المستتطاع
بس قلها قل ماأحبك وابشر بصبرً جميل
لاتحسبني مثل من طبعهم لوي الذراع
صاحبك ماهو كذا ياصاحب القد النحيل
صاحبك طبعه غريب وغربته غربة طباع
فالهوى ما يقبل الحل والوسط ولا القليل
مثل ما هو لاشرى يشري ليا من باع
ماعشق لذه حياته كثر عشق المستحيل
ولا كره حتى مماته كثر كره الإنصياع
اعتبرني في بداية سكتك عابر سبيل
ورح وانا قلبي معك من وين وجهت الشراع
يكفي اني لذكرت بسالفة عشاق قيل
عاشر احبابه شجاع وفارق أحبابه شجاع
السلام عليكم![]()