لقد كونا اطفالاً مشاكسون...0_o

[Lena]

السلام عليكم

طبعا المزاج رايق باقي اسبوع عالدوام <==ابد طيبه ما تقهر


وودي اسولف واسوي جو بالمنتدى ...



امممممممم خطر ببالي هالموضوع....

موضوع عن

مشاغبات الطفوله

اتوقع هالموضوع للكل فيه يد ولا تخلو حياة اي احد منا من هالمشاكسات الي هي معطيه الفطولة طعم مميز



ودي كلكم تقولون عن مواقف مشاكسيه من طفولتكم او طفوله غيركم كذا غريبه ومميزة...



والله عندي مواقف كثير انا وفلير كنا نحوس الدنيا...


وطبعا انا الشريره كنت ..هذاني اعترف






اذكر مرة من المريرات صجونا النمل الصغار...امتلا البيت فيهم

فجائتني خوطه جوهنميه للتخلص منهم:naughty2:

اخذنا انا وفلير علبه بيبس قزاز وملينها مويه وقمنا بعمليه التقاط النمل ثم تغريقه في الماء

وكنا نتمتع بمشاهده الي تعلو فوق تحاول تنجو

او الي تحت ما تت خلاص :vollkomme

الي بالوسط تسبح بين الحياة والموت :indiffere












موقف ثاني اذكر كان عندنا دجاج بالحوش

بس اهب عليهن سريعات

كنا انا وفلير نبي نصيد شي وعجزنا

وجائتنا خوطه جوهنميه مرة اخورى :naughty2:


حفرنا حفرة بالرمل الي بالحوش الي فيه الدجاج

حفره عميقه...وبعدين حطينا عليها جريده

وعلى الجريده ذرينا شوي رمل وورق يابس( يعنني تظليل )


ثم حطينا الفخ ..انه بعض الشعير الذي يحبونه

الدجاج يا قليبي كمخ يحسبوننا نحبهم

وما دروا اننا كذا بالحقيقه

ها هاع والله طيحنا كم وحده













وهالموقف الي بقوله الحين عاد مالي دخل فيه :embarasse

بنات خالي وخالتي كانوا مرة يومننا صغار زهقانين..

وكانوا العيال تحت نايمين..

فجائتهم خوطه جوهنيمه:naughty2: (وراثيه هالصفه عندنا الظاهر)

راحوا اخذوا اقلام الكحل حقات الحريم

وراحوا لغرفة العيال الهدف..

وما يبغالها خيال

شخبطوا على وجيههم..رسموا سكسوكه لواحد..ولحيه كامله لواحد..

والي يحقدون عليه رسموا له خشم بوزو ههههههههههه

وهكزا..(خوسارة ما كنت معهم )

يوم قاموا العيال وشافوا وجيه بعض....!!!

وطبعا البنات راحوا فيها تكفيخ...

(الحين اشوى اني موب معهم..)<==قليله خاتمه








طبعا المجال هنا لايسع لذكر كل المواقف
يلا الحين دوركم ........

[hitler is back]

بهاع المدرسه نستني لا سار عندي شي بقوله

بس يازين عيال خالي

هم احلى واشقى اطفال بالعالم بجيب قصصه بالسكين وعلب الببسي والبيض والمروحه ومصااااااااااايب

[The Noble]

طيب احذفي موضوعك الأول طيب

موضوعك كووول جلست اضحك ضحك

عليكم مواقف

بس في موقف زعلني حق النمل يا مجرمات


بالنسبة لي مواقفي كثيرة جدا كنت شيطون وأنا صغير


باحد المواقف لما كنت عند بيت جدي أنا احب جدتي واموت فيها الله يخليها لي

وجاو أهلي يبون يروحون البيت أنا ما كنت ابي أترك جدتي ابي انام عندها

لكن ابوي أصر أني أرجع معهم وأنا لأ لأ لأ اقول تيته تيته واصيح وانا ماسك يدها

فوشلون بيخلصون من شري >__< راحت جدتي لبست وكانها بتروح معنا أنا كنت صغيرون وما

فهمت اللعبة قالتلي يلا بروح بنام عندكم أنا فرحت ووقفت دموع التماسيح

وفعلا طلعت معنا لبره وجات تركب بالسيارة أنا مع اني كنت صغيرن لكن شيطون كبير فقلت

لها أركبي أول قالتلي لأ اركب أنت لأني ابي اقعد بجنب الشباك لأني حرانه قلت لها طيب <== ينخدع بسرعة ..

وركبت ويوم دخلت بالمقعد الخلفي كان أبوي وامي راكبين قدام وعلى طول جدتي قفلت الباب حق السيارة وابوي دعس على البنزين وأنا جلست اصيح واناديها من الشباك >__<


موقف ثاني يوم كنت صغير كنت أنادي أمي باسمها ما اقولها ماما

وكمان موقف .. كنت عند بيت جدي بسوريا وبيتهم شعبي مثل يلي يجون بالمسلسلات السورية يلي فيها نافورة بالنص

كان عندهم سلحفة صغيرة حلوة ^^ كنت العب معها دايما وازهقها فمرة قلت ليه كذه وصخة لازمها تنظيف فرحت للبحرة الصغيرة يلي وسط البيت وكانت مليانة مويه وغطستها فيه وانا وبكل براءة مو عارف اني قاعد اموتها

فجاء خالي وشافني وقالي وش تسوي ؟ فقلت له ولا ثي كان عليها يع

هههه فمسكها والا السلحفاة انتقلت الى رحمته تعالى غرقا >___<

فيه مواقف كثيرة وتاريخي وأنا صغير حافل فيها كنت شيطون امي كانت تقولي أنت معجون بموية عفاريت


نايس موضوع لينا ^____^

[memy]

ههههههههه هذي الحين شطانه ... يا حليلكم

انا مره لبست اخوي بطانيه و قلت له ارقى فوق ونط لا تخاف راح تطير .. نط الموسكين و انكسرت

رجله <<< ابد ما سوت شي

ترى ما قصدت كنت احسبه من جد راح يطير

وهكزا..(خوسارة ما كنت معهم )

انا اشك في صحه هذي المعلومه

ثانكس على الموضوع

[black ash drago]

كنت العب مع اخوي الصغير توم اند جيري هعهع انا الحقه و امخش و جهه و هو يحاول يخليني امسكه و يزحلق ما يقدر هعهع شفتوا الشيطنة و لكن في يوم من الايام زحلق حقا فطاردته في حوش عمي المبلط او بلاط و كانت الارضية مبللة فاذا باكبر الحوادث تحدث صار هو رجوله في الهو تمشي و انا وجهي في كيس السماد يبكي تم قمنا و اكملنااللعب ثم قالوا لي اني عندي ارتجاج في المخ مدري ليه لاةنخماىةمكلنةاىمفغنةاتىمنلرهلاةتملنىاتملنتةلاىلالةخى


هذي عالطاير ضحكت على اخوي راح اخذ مكينة ابوي و حلق شعر جواجبه و رموشه راسه



شوكرا علوى الموضوعو الحلوو و لاو ادرو لماذو تستخدمو هذهو اللهجتو

الى الوسط

[Undine]

لينا يا حوبكم لتعذيب النملات


متري المخ مقفل بس بحاول استرجع ذكريات

اذكر نلعب بالطين انا واختي ونسوي مطعم وفيه زباين اللي هم احنا بعد

وانا احيانا اسوي مقابلات مع اختي (اصغر مني بسنه) والمايكرفون الباربي حقتي

والا نلعب حريم اللعبه الاسطوريه ونجمع من شراشف الصلاة وتسحيب فيهن بالحوش

والغبرات .. على انهن عبايات لابسينهم ..وكانت هوايتي ألون ذهب امي بالروج الاحمر والبسه

طبعا بالسر <<جرايم

بس يوم كبرنا شوي صار معنا شلة بزارين عيال خالي وبناتهم وكنت انا اللي اخترع الالعاب اذا اجتمعنا ..عاد مااذكر الا الصراخ والظلمه

العاب رعب بس وناسه مره خساره مااذكر مواقف

مره انكسرت رجل خالي لانه جرب يلعب معنا كان بالمتوسط ذاك الوقت بس كبير بالنسبه لنا من اول

بعدين يوم صرنا بالمتوسط طحنا بالاجهزه والسوني وتطنز على بعض ههههههه اونس شي

<<<خشت جو

[~MâLâK~]

اممممممممم

خليني اتذكر

والله المواقف كثيره لدرجه إني مااذكرها

اممم مثلا ..

مره كنت بأول متوسط .. وزواج خالي كان قريب ..
اهل زوجته من منطقه ثانيه وهم مسوين حفله لها هناك ..
المهم ..
سكنا بفندق وكنت نايمه وانا وبنات خالتي بجناح واحد وناسه
وبنص الليل انا وبنت خالتي كنا ميتين من الجوع
عاد من الميانه رحنا باالبجامات ونزلنا باالمصعد ورحنا اخذنا اكل من بنت خالتي الثانيه ورجعنا ..
لما رجعنا ولا تتزحلق بنت خالتي باالأرض هههههههههاا والله جرئه علينا
اشوا محد شافنا ولارحنا فيها

................

وفيه موقف امي قالته لي

مره كان خالي بعد ..
نايم بسابع نووومه ..
ولااجيه انا(كنت صغيره) .. واضحك واقومه .. ويقوم وهو قال: هاه وشو؟ ..
ولا انا طررررررررررررااااااااااااااااااااااخ
صقعته كف المسكين وانحشت

هههههههههههههههاا

احسه للحين حاقد علي ماينلام



................

ومره انا وولد عمتي كنا نلاحق قطوه بحوشنا وحجرنا لها <===احس لينا بتحقد علي من هاالموقف
إلين ماخليناها تدخل داخل شجره فيها خلية نحل ونشبت هناك <== مجرمين
ياختي زي ماقلتي شطانة بزران




هاذي إلي اتذكرها الحين إذا تذكرت شي ثاني اقولتس ..
ومشكوره على الموضوع الحلو ..
بارك الله فيك يااختاه ..











ياللهslaaaaaaaaaaaaaaaaaaaaam

[tidusxxx]

هلا لينا

والله انكم شياطين

اذكر مرة انا وولد خالتي تهاوشنا واحنا حول السنتين(كبر بعض)الاساس انه هو معطني مع شوشتي قمت هبدته وكمل هبدني وهكزا تواليا الين فكونا امهاتنا وما امداني انتقم
وهو كان اصلا توه راد من المستشفى(توه راد ويستفتح بمضارب)ومعاه كيس ادوية
ولهذا اخذت قارورة دوا كحة والولد قدهو نايم عند الفديو.....اقتربت منه بهدوء وقمت بهبده على دمجته....تحسبوني وقفت؟؟؟ابدا حتى يوم صحى وقام يركض ويصيح انا الاحقة بالقارورة الين ما شالني ابوي وحبسني معاه في مجلس الرجال


يوم كان ديدمان توه يحبي......كل ما حاول يقوم يبي يمشي ياقلبي....اباغته من الخلف وادفه ليسقط ارضا.....او اعضه مع رجله<<<كان غيران


مرة كنا نلعب كابوي وهنود......الشعب الكريم ربطوني على عمود بعدين راحوا الدكان وخلوني


مرة بنينا بيت من المراكي(والله كنا مهندسين)وديدمان موب فيه....كلنا كنا جوا البيت....
جا الولد وجته خوطة جوهنمية وطب على البيت وطاح على روسنا


يوم اني صغير ما كنت آكل من التويكس الا الكراميل والبسكوت اعتبره عظم!!!!
وجا خالي بخوطة جوهنمية وحبسني في ركن بكراعينه وغصبني آكل البسكوت

تسلمين على الموضوع ....والله كان عندي خوطط جوهنمية كثير مدري وين راحت

[I`m HeRe]

ههههههههه والله ذكريات حلوه

بنسبه لي

كنا دايم نجتمع عند بيت جدتي أم امي الله يرحمها

المهم كان مجمع كبير فيه بيوت أخوالي

وكنا نجتمع أنا وعيال أخوالي وخالتي كنا كل مره نسطو على بيت من بيوت أخوالي

كنا نجتمع في حديقه بالبيت ونتفق أي بيت نسطو عليه

نروح وناخذ الحلويات اللي بالثلاجه ونلعب بالكمبيوتر <<<<أيام كمبيوتر العائله

ومره جينا بندخل بيت من بيوت خوالي ولا كنا ندري أنه موجود

المهم شافنا وجا بيسكر علينا الباب

أنا واحد من عيال خالتي شفناه وحطينا رجلنا

وسكر على الباقين الباب ورحنالهم من الدريشه نكلمهم

رحنا وشرينا لهم حلاو وببسي <<<<<ينقالنا نساندهم وهم مسجونين

المهم خلاهم مده وقدرها كان يحسبنا بنعقل ما درا أننا شاريلهم حلاو ومستانسين سواليف وفله

أكثر من مره تصير لنا مثل هالمواقف

ومره خربت أخلاق واحد من أخوالي وراح لأهلي يشتكي

المهم قالوله سو بهم اللي تبي

مره خش علينا وجاب برسيم من عقب الخرفان

وأحنا مذرقين خلاص معد نعيدها

هههههه وعبانا ذاك اليوم أنواع الروائح

بس كانت أيام ينقالنا مسوين شله وتعاون وحركات

الله يعيد هالأيام

ومشكوره لينا على الموضوع

[HArb200]

جرائم ذي مهيب مشاكسات

خاصه حقت ميمي ?:

الحين اخوك حاقد اجل خخخخ

بس من جد اعطيكم درجة اولى بالاجرام ..

اما النمل .. حدث ولا حرج ..

وشكرا .. مواقفي عاديه مااحتاج اذكرها .. تقريبا مكرره ,,

[aoks]

ههههههههههههههه صراحة مواقف حلوة...

مشكورة لينا على الموضوع...بس ما اذكر موقف حاليا

[عماد 18]

[FONT=Monotype Koufi]اذكر مرة و انا صغير ..
تهاوشت انا و اخوي الصغير ..
و جوا اهلي و فكوا بيننا بعد ما تهزات انا طبعا ..
فقلت في نفسي و الله ما اعديها ..
المهم العصر ..
لقيت دبوس ..
فخطرت لي فكرة جهنمية ..
ناديت اخوي ..
و اندسحت على الارض ..
و قلت له اتحداك تدعس على راسي ..
طبعا هو ما صدق خبر ..
جا و حط كل ثقله ..
لكنه ما لمس راسي ..
لاني رزيت الدبوس بدون ما يدري و دعس عليه ..
كان انتقاما رهيبا ../FONT]

[Kubaj]

يا حليلكم اجل تغطسون النمل في بيبسي ..هههه..

انا كنت ..أدور الخنافس تدوير ..احفر البيت بس وأطلع خنفس واحد ..

ليش ؟ ..

نياهاهاا

كنت أجمع ألعابي كلها ..جنود ودبابات الخضرا army men اللي زي هذولي

وأجمعهم حول خنفس وأسوي زي المشهد ...

وأنه محكوم عليه بالإعدام مثله مثل باقي الخنافس اللي تطيح بيدي ..

وكان سلاح الإعدام ..هو ..شامبو

فأكب عليه شامبو ويجلس يتقشر ويتفتفت منظر جميل صراحة

وينقسم ظهره نصين ويطلع شي أبيض

ههههههه..

[Lucky guy]

هههههه مواقف حلوة -_____- بس أنا ما تنقال لي مواقف بل ماضي أجرامي الله يسامحني بس

[memy]

جرائم ذي مهيب مشاكسات
خاصه حقت ميمي ?:
الحين اخوك حاقد اجل خخخخ
بس من جد اعطيكم درجة اولى بالاجرام ..

هو الحقيقه انا ما غصبته هو شافني انطط قال يبي يجرب ..

و بعدين من جد كنا نحسب اننا نقدر نطير

ولا الحمد الله ما نحقد على بعض ... مازلنا حبايب