M.a.r.c.o.s

[Final Fantasy 7]

مرحبا جميعا

أكيد تسائلتم عن سبب غيابي الفترة الأخيرة عن المنتدى ؟

أوكيه راح أقولكم السبب ..

السبب و بكل بساطه هو Marcos :icon6:

أكيد تتسائلون منو هو ماركوس .. !

الجواب هو ====> أنا

من فترة .. أيقنت أن هذه العطله الصيفية هي الأسوأ و من دون منازع في حياتي ( دون مبالغه ) .. و السبب هو أن أغلب أصدقائي المقربين و يالي كنت متعود أسهر معاهم كل سنه على الماسنجر للصبح .. انقطعوا عن الانترنت و لأسباب لحتى الآن غير معروفة لي

لذلك و بمحاولة يائسة مني قررت أقوم بخطوة جريئة علشان أنقذ هالعطله يالي ما تزورنا الا بالسنه مرة وحده .. و هي أني أشتري FFXI .. اللعبة يالي كنت مو متوقع و لا يخطر على بالي أني راح ألعبها اطلاقا الا في الزمن البعيد .. فقمت و ضربت بكل هالتوقعات في عرض الحائط و اشتريتها .. و قررت أني أخلي أحلامي تصير حقيقية .. و هي أني أغامر في عالم ضخم و أتعرف على أصدقاء جدد من مختلف المناطق يغامرون معاي .. و فعلا هالحلم الكبير لي تحقق مع عالم فاناديل و هو عالم فف11


فخلوني أعرفكم على شخصيتي الثانية في العالم الافتراضي الآخر ^^

[Final Fantasy 7]

>> Marcos <<

الاسم : Marcos

الفصيله : Hume

الجنس : Male

الوظيفة الأساسية : Red Magic

السيرفر : Ragnarok

الجمهورية : Bastok





بعض الصور لشخصيتي :

[Final Fantasy 7]

>> اليوم الأول <<

بدأت مغامرتي في عالم ( فاناديل ) يوم الاثنين من الأسبوع يالي مضى .. بتاريخ 10/8/2004 .

في البداية تواعدت مع اللاعب ( Aizmov ) يالي هي بالمناسبة امبراطورنا تايدوس في هالمنتدى

تقابلنا في مكان قريب من بيت الموج .. و الظريف أننا احنا الاثنين انصدمنا بأن شخصياتنا عبارة عن توأم .. يعني نفس الشكل بالضبط

المهم .. بدأ يعلمني عن أساسيات اللعبة .. و صار ياخذني بجولة في جمهورية باستوك .. و الصراحه أغرمت فيها من اللحظة الأولى و حسيت أنها هي فعلا موطني باللعبة .. يعني ارتباط من اليوم الأول ^^

بعدين قام و أخذني علشان أنفذ لي أول مهمة في اللعبة .. أول مهمة أساسية .. و أول مهمة فرعيه .. يعني راح أنفذهم اثنين في واحد

قام و أخذني الى كهف أتمم فيه مهماتي .. و بدأ يقول لي قصة صارت في هالكهف .. و هي أنه في قديم الزمان كان فيه محارب قوي و شجاع من فصيلة الايلف ( يالي يشبهون القرده ) و كان فيه انسان يغار منه بشكل غير طبيعي لأنه كان ينال كل المجد يالي هو يحلم فيه .. فأخذه لهالمكان و قتله >_<

المهم .. نفذت المهمتين يالي علي .. و بعدين صار وقت أني أتجول خارج باستوك .. فأخذني ايزموف للخارج و انصدمت من المساحه الضخمه .. و قمنا نخوض شوية معارك و هو يساعدني و يعلمني .. و بعدين قال أنه راح يوريني مفاجأة .. طبعا تفكيري راح أنه راح يعطيهي هدية

بس طلع ظني في غير محله

قام و استدعى لنا تنينه الرهيب يالي يساعده في القتال .. و قال لي أن هالتنين طلع له من بيضه رقاها و رعاها .. ( شي رهيب صح ؟ ) .. و التنين كانت له قوة غير طبيعيه في القتال .. فعلا ساعدنا كثير

و بعدين بديت شوي أتليقف .. و ما أسمع الكلام .. و أحاول أني أستكشف الأماكن بنفسي .. و أقاتل الوحوش لحالي لما تسنح لي الفرصه أني أهرب من ايزموف .. و كانت النتيجه هي .. الموت :icon6:

هني راح ايزموف لأن كان عنده اختبارات فاينل .. و أعطاني وعد من باليوم الثاني راح تبدأ المغامرة الحقيقية لي و المرح الفعلي في اللعبة .. و لحد هني انتهى يومي الأول في عالم فاناديل مع أحداث جدا بسيطه .. و ما كان عندي أي فكرة أن الأحداث بعد ذلك راح تكون أرهب بكثير ^^

[Final Fantasy 7]

العنزات المفترسه & صمت الحملان

بدأ اليوم الثاني .. و دخلت أبكر شوي من الوقت يالي أتفقنا فيه أنا و ايزموف .. و حاولت شوي استكشف المناطق بنفسي .. فرحت و وصلت عند تل صغير موجود في منتصف صحراء باستوك الواسعه .. و لما صعدتها استغربت بوجود عدد من الخرفان و هم يتمشون و يرعون فوق التل .. عاد على طول تذكرت عنزتي الشهيرة يالي صار لي فترة أحط صورها في توقيعي بالمنتدى و مع boind2003 في الماسنجر .. فقمت و بغيت أعمل لها شيك و لا انصدم أني أقدر أتقاتل معاها .. عاد بدأ الفار يلعب فيني .. فقمت و تحرشت فيها ... و ما أشوف الا تركض صوبي و تيي رفيجتها الثانية ( يعني فزعه ) و يقومون علي هم الاثنين .. و ما هي الا ثواني و أنا متسطح على الأرض .. حشى العنزات الخارقات موب عنزات عادية .. و من يومها حرمت أقرب صوب أي عنزة ألقاها جدامي o_O

[Final Fantasy 7]

الفريق الأول & توقع مالا تتوقعه

بعد يالي صار مع العنزات الخارقات .. دخل ايزموف اللعبة .. و طبعا عملت حالي برئ و لا كأني عملت أي شي

قام و أخذني لمكان بعيد .. صاير بعد صحراء باستوك .. و هناك عرفني على بارتي .. و بدأت أولى مغامراتي مع هالبارتي .. و كان معانا وحده اسمها ( Tweak ) .. و كانت هالتويك في كل معركتين تحوشنا .. لازم تموت في وحده منهم .. الكل كان يطلع من المعركة و هو مو حايشه الا أضرار قليله .. ما عدى تويك و السبب أن دفاعاتها كانت من أردئ ما يكون ..

المهم كنا بس نقاتل السحالي .. الا أن خطر على واحد عبقري فينا أننا ننتقل من القتال مع السحالي الى القتال مع نوع آخر من الوحوش .. و هو وحش ضخم ناسي اسمه .. فقام العبقري و جذب الوحش لنا و دحلنا في معركة معاه .. بس طلع الوحش خااااارق .. لدرجة أنه بضربه وحده كان ينقص نصف طاقة اللاعب .. عاد واحد ورى الثاني بدأ يطيح و يموت .. و يالي ظلوا عايشين عملوا حالهم أبطال و صار واحد منهم يصارخ ( موتوا بشرف و قاتلوا حتى الموت ) .. و يالي على فكرة هو أنا

عاد ظلينا في المعركة لما كلنا متنا .. الا شخص واحد .. تتوقعون منو ؟

Tweak

الوحيده يالي ظلت عايشه و هربت من الوحش .. عاد بديت أنا أضحك و اقول ( looool ) و البارتي أغلبهم حاقدين علي ما يستوعبون شنو الشي المضحك يالي صاير .. و طبعا لاني ما أعرف انجليزي فيري قود .. فما قدرت أفسر لهم عبارة ( سخرية القدر ) .. و يالها فعلا من سخرية !

[Final Fantasy 7]

هنالك المزيد ... و لكن بالأول أبي أعرف عجبكم الموضوع و تبوني أكمل و لا لأ ؟




و شكرا لدخولكم الموضوع ^^

[FF^WORLD]

موضوع عجيييييييييييييييب كمله بسرعه شوقتني حق اللعبه

ما عليه كلها كم يوم و توصلني
يله كمل شوف شنو سويت فيني

[ستيف بورنسايد]

و بعدين بديت شوي أتليقف .. و ما أسمع الكلام .. و أحاول أني أستكشف الأماكن بنفسي .. و أقاتل الوحوش لحالي لما تسنح لي الفرصه أني أهرب من ايزموف .. و كانت النتيجه هي .. الموت

لا تصير مثلي :icon6:

[Flanteus]

مبروك ... ماركوس <------- عقبالي ( دا بعده )


رهيبين العنزات صراحة

وكمل أبغى أسمع قصصك شوقتني لـ فف11



سلام ... ( لا يكون اسمه/ها ... توفيق وليس تويق/ ك )
..

[DARK_SAYNO]

مدام انك طفشان ليش ما تضيفني عندك

(تكفى ضيفني عندك يرحم والدييييييك )

هذا هو ايميلي

dark_sayno_210@hotmail.com

احتريك وتراني عارف انك متصل الحين

[l)@RK-l)EVIL]

===================================
محارب قوي و شجاع من فصيلة الايلف ( يالي يشبهون القرده )
===================================

[نويدراتي]

هلاعبه ماتنلعب الا اون لاين؟؟!
صراحة حمستني لها

[brave death]

yup elvaan is wolf not monkey,
good job dark evil
congratulations marcos,
//tell bravedeath if u wanna any help

[Wingless Angel]

مرحبتين

مبروووك على ff وعقبالي بعد مليون سنة

سلملي على Marcos بس سؤال ليش اخترت هذا الأسم بالذات

و بعدين بديت شوي أتليقف .. و ما أسمع الكلام .. و أحاول أني أستكشف الأماكن بنفسي .. و أقاتل الوحوش لحالي لما تسنح لي الفرصه أني أهرب من ايزموف .. و كانت النتيجه هي .. الموت :icon6:

مسكين

عاد بدأ الفار يلعب فيني .. فقمت و تحرشت فيها ... و ما أشوف الا تركض صوبي و تيي رفيجتها الثانية ( يعني فزعه ) و يقومون علي هم الاثنين .. و ما هي الا ثواني و أنا متسطح على الأرض .. حشى العنزات الخارقات موب عنزات عادية .. و من يومها حرمت أقرب صوب أي عنزة ألقاها جدامي o_O

مسكين مرة ثانية شان زقرت عنزتك يمكن تساعدك

بس يوم شفت الصورة هذي مب عنزة هذا خرووف

الوحيده يالي ظلت عايشه و هربت من الوحش .. عاد بديت أنا أضحك و اقول ( looool ) و البارتي أغلبهم حاقدين علي ما يستوعبون شنو الشي المضحك يالي صاير .. و طبعا لاني ما أعرف انجليزي فيري قود .. فما قدرت أفسر لهم عبارة ( سخرية القدر ) .. و يالها فعلا من سخرية !

مسكين مرة ثالثة بدايتك كلها مووت

بس شان شردت معاها نوجت وتركت البارتي مالك يموت بروحه

وانا انتظر قصصك الباقية

بس لا تموت وايد عشان ما اقوول مسكين مرة رابعة

[XAVI.6]

حمستني كمل

عقبالي