اذا تحسبون ان سوني 2 انتهى بصدور اكس بوكس الجديد ورسوومه القوويه
انا اقولكم ان سوني قدمت في اخر عهد السوني 2 المجيد لعبه تنافس في اخراجها ورسوومها اقووى الالعاب على الاطلاق مثل فاينل فانتسي وميتل جيرسوليد وحتى رزدنت ايفل 4
قصة اللعبه ان البطل يحاول انقاذ خويته الميته ومافيه مكان الا هالارض اللي خصصت فقط للمنبوذين والملعونين من الارض ووضعهم في مكان خالي من البشر ولايوجد فيه الا الطبيعه الساحره والاماكن الخلابه وبالاضافه لوحوش عملاقه جدآ يتجاوز طول بعضها لطول ناطحات السحاب وبتحس بهالشي يوم تلعب اللعبه فعلآ
والجميل فاللعبه ان البطل مب اقووى واحد فالعالم ولا بطل الابطال لا بالعكس واحد عاادي جدآ ولا عنده مقدرات خاصه وقووات خارقه كل اسلحتك من بداية العبه لنهايتها
سيف و سهم عادي
يعني اختبار حقيقي لمهارتك فاللعب
ولان البطل يبي ينقذ خويته تكلم مع واحد من السما اسمه دورمين وهو يظهر لك مثل النور في معبد كبير هذي صورته من الخارج
واعتقد انهم يقصدون فيه الاله اللي يتحكم بالاموات في هالعالم والعياذ بالله
وبيطلب منك تهزم 16 وحش عملاق متنوعين مابين طيور وزواحف وبرمائيات وحوش مائيه وبالطبع اللي يمشون على رجلين مثل البشر وكل واحد منه له استراتيجيه خاصه لضربه ضرربات موجعه
انا هزمت الحين 14 وحش باقي لي 2 بس وكل ماتهزم وحش يطلع لك فلم احيانا يكون فيه قصه واحيانا يكون عادي جدآ
لكن كلمة الحق تنقال في معارك الوحوش الطائره لاخراج والابداع بيدهشك لدرجه انك ماتبي تخلص من المعركه ودك تستانس على حركات الوحش وهو يقلب فيك بالسما وتشووف تحتك الجبال والاراضي بمنظر مايتكرر في لعبه ثانيه
بعرض لكم الصور واسمحولي اذا كانت احجامها كبيره لاني مابي الجوده تكون تعبانه
^^^^^^^^^^^^^^^^^^^^^^^^^^
الوحش الخامس الطائر اروووع وحش قابلته واكثر واحد تونست معااه صراحه
^^^^^^^^^^^^^^^^^^^^^^^^
الوحش السادس ثاني اصعب وحش بالنسبه لي
^^^^^^^^^^^^^^^^^^^^^^^^^^^^^^^
نسيت ترتيب هالوحش بس هوشته ونااااااااااااااااااااااااااااااااااااااااااااسه عالاخــر
^^^^^^^^^^^^^^^^^^^^^^^^^6
اول وحش فاللعبه
وانشالله ان التقرير البسيط هذا اعجبكم وحمسكم اكثر للعبه
سلامووووووووووووووووووووووووووش