السلام عليكم ..
وش ذا ؟
لا وبعد كذا تطالبون الإشراف يكون في صفكم !
أنا أكثر مارفع ضغطي سالفة الإلحاد ..
لعنبو بليسكم ..
العلماء الي هم العلماء يفكرون ألف مرة قبل يقدمون على خطوة "تكفير" مسلم ..
إذا الزنا .. لابد على شهادة 4 برؤيتهم "للفعل" كاملاً .. يعني الشاهد إذا شاهد الزاني مختلي بمرأة فقط .. لا يحق له الشهادة بالزنا .. "لكن طبعاً يشهد بالي شافه بس" .. فما بالكم بالكفر إلي هو "إخراج" من الملّة ؟!
لا .. وليتها كذا بس ..
المشكلة إن إتهاماتكم مبنيّة على إستنتاجات .. وفي نظري إستنتاج ضعيف جداً .. وبالإمكان نتهم أي شخص بهالتهمة السخيفة .. نقدر نقول على كل ملتزم "هذا يتستر بالدين" !!
بتقولون ينشر الباطل ..
زين فيه علماء يؤيدونه .. هل هم ملحدين بعد !؟
الرجال جاب كلام مفسرين .. وكلام علماء سابقين .. وغير عن كذا .. قالكم إن الأديان السماويّة الأخرى قالت نفس الشئ .. << أدري إن البعض بينط علي ويقول محرفة ... الخ .. لكن هذي لمجرد الإستدلال وتقوية الموقف .. فالأديان السماويّة صحيحة في أساسها .. وقد يكون فيه تشابه لها مع الإسلام فيما صح منها .. طالما مافيه تعارض .. كمثل هذي المسألة "إذا صح كونها مسطّحة" !
تقومون تعلقون على الضحكات ..
خخخخخخخخخخخخخخخخخخخخ .. والله حالة .. يخوي وش عليك إنت ويّاه .. خلّه يضحك لين بكرة .. وش عليك فيه ؟ بالعكس الضحك يلطف الأجواء شوي ..
وغير عن كذا .. أشوفه يعطي مصداقيّة كبيرة للمناقش .. بحيث إنّك تعرف ردّة فعل الشخص الي أمامك كنّك معه .. ~
مسألة الشخصنة بعد ..
ما أدري أنا .. هل هنغري ذابح لكم أحد ولا مسوي بلاء في أحد ولا وش السالفة ؟!
هو أحد أمرين ..
يا إنكم كذبتوا الكذبة وصدقتوها .. "سالفة الإلحاد" ..
أو إنّها أحقاد وترسبات .. قد تكون نواياها الأساسيّة طيّبة ..
بالنسبة لمحمد .. ذكر لك هنغري .. إنك لم تلتزم "بشروطك" .. ولم أجد رد لك على هذا الكلام ..
عموماً إذا إفترضنا خطأ هنغري في هالمسألة .. صدقني الي جابه كله ماكان من عبث .. وإنما كان إقتناع تام .. خصوصاً إنه كان عنده ردود من جميع النواحي .. ومافيه أي شخص بإمكانه يناقش بهالـ "ثقة" المفرطة .. ألا وهو عنده دراية وعلم كافي بالموضوع ..
برواية أخرى ..
"الذيب مايهرول عبث!" ..
الأمر الي رافعن ضغطي بعد .. هو إنكم قايمين عليه قومة قشرا .. والمشكلة إن الي طلب الموضوع كان "مؤمن" بكرويّة الأرض ويبي يدحض كلام هنغري ..
يعني لو هنغري فتح الموضوع .. ممكن أعطيكم "مبرر" وليس عذراً ..
لكن تطلبون الموضوع ويطق عرقكم من الطرف إلي تحدّيتوه .. فهذي قويّة ..
واااعجباااه ..
الزبدة ..
أنا علمي قليل بهالموضوع .. ولا أقدر أخوض فيه واجد .. وإن كان عندي بعض المداخلات البسيطة الي أبحاول أدرسها زين قبل وضعها .. ويمكن تسبقوني فيها أساساً ..
أنا بصراحة ما أجزم بشئ .. أميل لكونها مسطّحة لأني أشوف الدين يقول كذا .. وفي نفس الوقت فيه مجال لخطأ هالأمر وفهم الأمر بشكل خاطئ .. فما أقدر أجزم .. خصوصاً إن علمي قليل بهالمسألة ..
بعدين أبوضح لكم فكرة تسطيح الأرض ..
تذكرون يومنا بزران وشلون نحسب الأرض ؟! قبل مانعرف الكرة الأرضيّة وغيرها ..
كنا نحسبها تحت .. والسماء فوق ..
بمعنى إن في حال كانت الأرض مسطحّة .. فجميع الأمور الحاليّة بتتغير ..
الشمس والقمر هي الي تدور ..
الشمس وغيرها من الكواكب أصغر من الأرض .. لأن الأرض في هالحالة "تقابل" السماء .. وغيرها الكثير مما يجب وضعه في عين الإعتبار ..
فمن الخطأ التخيّل إن كون الأرض مسطّحة فهي في مجّرة أو غيرها ..
وهالشئ الي أظنّه جعل هنغري يقول إن علم الفلك فاسد ..
في حال كانت الأرض مسطّحة .. كل الي وصلوا له لين الحين في هالعلم بيكون سراب .. وهذا ما دعا هنغري لـ "تسميته" تهريج ..
عموماً أنا لا أثبت شئ .. ولستُ جديراً بالنقاش .. لكن لا مانع بالتعليقات .. سواء داخل النقاشات أو خارجها .. طالما إن فيه قدرة على ذلك ..