لون على الفوتوشوب مع orange road

[orange road]

بسم الله الرحمن الرحيم

باحط لكم طريقتي في التلوين على الفوتوشوب..
وهي طريقة وايد سهلة ^^
يعني بعد هالدرس محد يقدر يقول ما اقدر او ما اعرف الون على الفوتوشوب..
وانشاءالله الله يعيني واكمل الدرس للاخير..
وانشاءالله انكم تستفيدون من الدرس خصوصا المبتدئين...

:غضب: لان في اعضاء هني ما عليهم كلام.. وقائمة الاغتيالات زادت وطالت... وحجيكوا يوم... انتوا بس حاسبوا على روحكم ياللي تعرفون روحكم :غضب: :غضب:

نرجع حق محور حديثا

اول شي انتوا محتاجين رسمة علشان تلونونها...

في البداية رسموا سكيتش حق الرسمة اللي في بالكم.. واهم شي تركزون ان الابعاد تكون صح...
يمكن هالسكيتش مب ليذاك المستوى (رسمته وانا في الشغل) لكن هو اللي باشرح عليه الدرس...

[orange road]

الاسكيتش اللي فات رسمته بالحبر علشان يطلع واضح...
لكن انتوا ممكن ترسمونه بالرصاص اسهل علشان تمحون..

علشان اضبط الرسمة حطيت ورقة ثانية فوق السكيتش ونقلتها مرة ثانية..
وانتوا ممكن تحبرون السكيتش وبعدين تمسحون الرصاص
او تسوون نفس الطريقة..
المهم اخر شي نبي رسمة ابيض واسود نظيفة..

وبتحصلون على شي جذي ^^

[orange road]

لما تسوون لها سكان سكنروها بال gray scale علشان ما تطلع لنا ظلال صفرا...
وخلو الكثافة على 400 dpi على الاقل علشان تطلع واضحة...

فتحوها على الفوتوشوب..

الحين الرسمة تسكنرت على ال gray scale mode واذا لونا فوقها بتطلع الالوان بدرجات الرمادي...
علشان نخلي الالوان تتلون فوقها عادي لازم نغير المود للرسمة..

ومن قائمة image نختار امر mode ونحدد المود اللي نبيه وهو في هالحالة RGB

[orange road]

الحين احنا نبي نضبط الرسمة حق التلوين.. علشان نقدر نعبيها بالالوان بسهولة ومن غير ما تطلع عندنا فراغات ومساحات بيضا بين اللون وبين خط التحديد..

معناها ان لازم نحول الرسمة من رسمة عادية حق مساحات بيضا بخطوط سودا...

وهالحركة نسويها من امر image ونختار منه امر Adjust وبعدين امر Threshold
استعمل غالبا القيمة 155 ...
عاد هني انت وتقديرك ^^

[orange road]

الحين صار عندنا رسمة جاهزة حق التلوين...

ممكن بعد على الرسمة الاصلية نحدد اماكن الضوء والظل علشان نسهل على روحنا التلوين...

مثل ما سويت بهالرسمة...

علشان لما الون استخدمها كمرجع ^^

[orange road]

الحين باوقف لحد هالخطوة ^^

وفي الليل انشاءالله باكمل الدرس...

برزوا الرسوم علشان تطبقون عليها

[GM Head]

ممتاز يا خلود ^^

هذا هو الدرس لي كنت أبيه

لأني شفت له نفس الخطوات بس بالياباني(المترجم مو قاعد يترجم الموقع) و أنا ما أعرف كل الكانجي >_<

فهذا هو الحل العربي له

و الله يعيطيج ألف ألف ألف ألف عاااااااااااافيييييييييييية @@

[shaheen]

أهااااا وانا اقوووووول شلون تضبطين التظليل ترى تسوين سكيتش;-)
ممتاز يا محترفة
انا شفت بالانمي يسوون هالشئ بس ماكنت ادري معنى الالوان (ظل ولمعان)

حلو.. اختي خلود .. كملي

[هـداف]

اللــــــــــــــــــــــــــه:6

موضوع عجيب ومفيد جدا .....مشكورة خلود على هالموضوع ...طريقتج عجيبه...ننتظر التكمله على أحر من الجمر

[RSSAM]

مشالله درس وايد موفيد

مشكوره ءختي اورجينال رود على هالشغل الممتاز

الصراحه عجبني الدرس تسلم ايدج ;-)

[orange road]

الحمدلله ان الدرس عجبكم ^^

بس معليش.. باضطر اني اكمله بكرة مب الليلة...
بسبب ظروف خارجة عن إرادتنا

[الخطاف]

اووووووووووو
موضوع مفيد وايد ووايد حلو
خنتعرف على الأسلوب (الختير) ...
وحركة تلوينج وايد حلوه ...لازم أجرب

يالله كملي خلود

[Madoka]

مشكووووره خلووود عالموضوع هذا ^___^ راح انتظر تكمله الدرس بفارغ الصبر

[orange road]

^^ نكمل الدرس..

بعد ما ضبطنا الرسمة وحددنا اماكن الضوء والظل على الاسكيتش ...

كل اللي علينا الحين ان نعبي المساحات بالالوان اللي نبيها...

اختاروا اداة الدلو وعبو المساحات ^^
سهلة.. صح؟

[orange road]

ممكن نوقف لحد هالخطوة..
بعض الرسامين يحبون تكون رسومهم ملونة بمساحات ^^ (لو تلاحظون فطوم رسومها القديمة بدون تظليل لكنها حلوة)

لكن ممكن نكمل ونظلل...

التظليل له طريقتين...

وحدة اسمها soft وهي التظليل ما يكون محدد بالضبط، ويستعملون فيه الفرشاة او الاير براش
والنوع الثاني اسمه cell وهو التظليل اللي يكون بنفس الطريقة اللي تكون في الانيمي (لو تلاحظون تكون مناطق التظليل محددة عدل وغامقة)

خلنا نبتدي بطريقة ال soft

اول شي لازم نحدد المنظقة اللي بنظللها علشان لما نلون ما تطلع الالوان على الخطوط وتنعفس الرسمة..

في ادوات في الفوتوشوب تساعدنا على الاختيار ^^
واول اداة بنستعملها هي ال magic wand

روحوا على الويه وضغطوا عليه بالعصا السحرية وبتلقون ان المنطقة تحددت بنقط تتحرك..
هاذي معناه ان ما نقدر نلون الا داخل الاختيار بس...
انزين.. لون الويه موجود بعد بين خصلات الشعر والرقبة...
ما ابي الون كل منطقة بروحها.. ابي احط الظل مرة وحدة...

نوقف فوق المنطقة المحددة ونضغط بالزر الايمن للفارة، وبتطلع قائمة فيها اختيارات.. نحتار امر similar هالامر معناه ان احنا نبي العصا تختار لنا كل المناطق اللي بنفس اللون ^^

او ممكن تضغطون على shift وتقعدون تحددون بالعصا كل منطقة بروحها

وفي الاصدار السادس ما يحتاي زر ال shift لان تلقون خيار اضافة اختيار ثاني لمنطقة التحديد

يعني الحين شلون نختصر هالخطوة

magic wand بعدين الزر الايمن للفارة بعدين similar

^^