Legaia 2 Dual Saga

[Leonium]

[SIZE=1]أنا مستغرب إنه بعض محبي ألعاب الآر بي جي ولا مره بعمرهم إسمعوا بلعبه Legaia 2 Dual Saga!
المهم إهيا لعبه قديمه بس صراحه روعه على أيامها ويمكن راح تعجب إلي ما إلعبوها.
تتميز اللعبة بقصتها الرائعة وأسلوب قتال جميل جدا، أيضا سوف تجدها صعبة قليلا في البداية مما يؤدي إلى الحماس وتحدي لإنهاء اللعبة، والذي يحبب إليك اللعبة أن كل سلاح يختلف عن سلاح آخر من حيث الشكل والنقش،
وهذي بعض الصور من اللعبه إنشالله تعجبكم. (على فكره هذي أول مشاركة حقي وإنشالله أكون عضو فعال)[/SIZE]

]

]

[/CENTER][/CENTER][/CENTER]

[Flanteus]

حياك الله في المنتدى أخ ليون


فعلا لعبة رائعة ...

يمكن أكثر شيء عجبني فيها الأدوات وطريقة دمجها للحصول على أسلحة ودروع وأدوات جديدة

كذك الخيمة .. كانت رائعة جدا تقدر تطبخ فيها وتسوي أكلات تزيد من معنويات اللاعبين

كذلك تسوي شات بين اللاعبين .. عاد هذي أم الفلة وفايدتها كبيرة ..

تخليك تعرف عن الشخصيات أكثر كذلك لو نسيت مهمتك يذكرونك الشخصيات اللي معاك ..


أنا أنهيتها مرة واحدة وتقريبا كشفت فيها كل شيء .. وأنهيت مرحلة السيب الطويل !! أكثر من 6 ساعات متواصلة لأن السيب مافيه تخزين !!


واستمتعت باللعبة كثير ..

وصراحة ما ندمت اني شريتها أصلي ..


.. مشكور أخوي على موضوعك بس الصور ما تظهر ...



سلام

[Zatar]

اول شي الصور مو طالعه
وثانيا العبة روووووووووووووووووعه الصراحه ومثل ماقال اخوي Flanteus
هذي ميزه العبة

[عاشق الطليان]

اخوي انا خلصت اللعبة مرة وحده وبصراحة اللعبة روعه والحين العب بيها مرة ثانية بس عندي سؤال وصلت للغز المجاري بس ما قدرت اتخطاه نسيت الحل ممكن تساعدني

توجد 12 مزهرية والمزهرية رقم12 مضاءه وطبعا انا بعدني ما حصلت شارون

طبعا هذا اللغز له حلين

الحل الاول قبل شارون

والحل الثاني بعد ما احصل شارون

اريد الحل الاول عشان اروح واحارب بوبا واحصل على الجوهرة وارجع القرية بس ما عرفت اطلع من هاللغز

ممكن الحل باسرع وقت ؟؟؟

[Leonium]

أخوي أنا بعطيك أكثر من حل وأنا ماني عارف أي لغز قصدك بس أهما ثلاث ألغاز (العقرب والسلحفاة والسمكة)

أولا لغز السمكه:- راح تلقى كل مزهريه عليها حرف(بالظغط على الزر X) ، وأنت لازم تظيء المزهريات التي تبدأ بحروف السمكه بالإنجليزي F,I,S,H

ثانيا لغز السلحفاة:- ظيء المزهريات التاليه بالترتيب ( الصفراء، الزرقاء الغامقه، الحمراء، الخضراء )

ثالثا لغز العقرب:- ظيء المزهريات التاليه حسب اتجاه عقارب الساعه (الساعه السابعه، الساعه الثالثه، الساعه الخامسه، الساعه الثانيه)


هذي ألغاز التي على ما أعتقد سوف تمر عليك في المرحله الأولى قبل أن تتعرف على شارون (على فكره أنا اللعبه خلصتها سنة 2002، يمكن أكون نسيت لغز أو شي وشكرا)

[gohn smith]

أخوي انا شفت اللعبه في مجله اجنبيه ومن اول صوره عرفت انها لعبه حلوه ومع انها مو جديدة الا انها نا وصلت عندنا (الشرقيه).

[Leonium]

أخوي أحب أقولك مو كل لعبة قديمه ينمل منها

وإذا أنت صج تحب ألعاب الآر بي جي ذات الطابع القصصي المميز أنصحك أنك تشتري هذي اللعبه وحتى لو إهيا قديمه مافيها شي
وشكرا

[FinalFantasy9]

السلام عليكم ورحمة الله وبركاته .. واهلاً بك يا ليـــون بمنتدى الآر بي جي ..

وبالنسبه للعبه .. الصراحه انا مالعبتها ولاشريتها حتى .... لكن انشاء الله ناوي اشتريها بعد كلامكم الطيب عنها .. بس متى بلعبها ما ادري ..

وشـــــــــــــــــــــــــكراً

[kjhgfdsa]

السلام عليكم


كيف الحال شباب

انا امووووووووووووووووووووووووووووووووووووووووووووووووووووووووووووووووووووت بشي اسمه ليقاايا

انهيت الجزااء الاول بس كان روعه الجزاء الاول وللحن عندي بعد بنهيه ثاني مره ابي اكتشف صناديق

ما فتحتهم وجوااهر وسيووف وشقلات كثير وان شالله اختمه للمره الثانيه

انا الحين قاعد العب الجزء الثاني حلو حده واخذة مايا وشارون والعملاق شسمه ارقي جنه

الي تلقااه بمدينة الهنود الحمر وحليت كل الالغاز ولما اخذ شارون اروح لمدية دارك بالكهف الي تحت

واجهني لغز نفس 12 مزهريه بس مو وحده مضائه حاطين لك اثنين مضاائه وحليتها بذكاائي هههه

لا تصدق بذكاائي صاري اربع ايام احل فيها واخيرا حليتها ههههههههههههههه

ورحت اخذة جوهرة الوند الريااح والحين وعطيتها الربان الي بالسفينه مالت ابوو شارون

ورحت اخذة الهندي وبعدين انا الحين واصل عند كهف النار باخذ جوهرة النار

هههههههههههههه شرياك مو قطعة شوط طويل وعندي قاائمه باقوي الاسلحه الي تدمجها

وانا ماشتري اسلحه اربعين الف وخمسين الف لا اشتري جوااهر الزرق واروح مدينة الهنود الحمر

وفي واحد هندي يطلع لك الجواهر كلهم حقااتك مثلن عندي نوع القولد سبعه الهندي هذا يطلع لك جوهرة القولد المطوره وماخذ شي بس واحد وعاد انت كيفك تبي واحد علي عدد الجواهر الي عندك من القولد

وجذي ادمج الاسلحه حقااتي واطلع المطوره لهم وماشتري شي غير الاي تيم ههههههههه شرايك مو مخ

وانا اقدم المسااعده لاخواني اسألو اي سؤال انا لا اخوي صاحب الموضوع

مع التحيه

العسكر

[Leonium]

مشكورين أخواني كلكم


بس على فكره في حجر مهم بهاللعبه يمكن البعض يتساهل عنه أسمه heaven stone هذا ،الحجر راح ينفعك في الخلطات عشان تطلع أقوى الدروع وأقوى الأسلحه

فأذا كان عندكم هالحجر لا تبيعونه لأن مهم جدا أهم آيتم بالشريط بالنسبه لي (البعض يبعه لأن سعره غالي، فأقولهم لا تغركم الفلوس)

[فيصل سنيك]

من أفضل ألعاب الاربي جي عندي
رهيبة من ناحية المعارك والقصة
اسلوب المعارك فظييييييييييييييييييييع
الجزء الاول انا من ناحيتي افضل من الثاني

ومشكور اخوي انا مرحلة السيب تعديتها بعد 5 ساعات


وشكرا

[kjhgfdsa]

حفظة اسم الجوهره عندي ان شالله مابيعها


بس بسالك لان هذا الشي عقدني


يعطووني بالمعارك اشيااء كانها عضاام

ابيض صغير مدري حق شنون السؤال

هل ابيعه او ستضهر لي فاائدته بعدين؟؟ وماهي الفواائد

ارجو الرد

ملاحظه الاشياء هذي ماتقدر تستخدمها ولا شي بس زينه بس سعرهاا غالي :shock22:

[Leonium]

العظام تختلف عن المعادن، فتظهر صورت المعادن كجواهر زرقاء أما العظام فأنها لا تشترك في الخلطات أبدا وإنما تبيعها إلى دكتور في معمله في مدينه Tanza، ولكن الأهم أنك لا تتساهل بأي معدن تجده فقد يكون له نفع كبير ف خلطاتك


ملاحظه هامه:- إن حجر Heaven stone يعتبر نادرا جدا بحيث لا تجده بسهوله

[Flanteus]

أوه أجل فيه محترفين !!

على العموم حبيت أسأل فقط .. هل أحد فيكم قدر ياخذ الشخصية ذو اللباس الأسود والشعر الفضي ..؟

لأني حاولت أني أواجهه في كل المعارك لكن ما جاء في فريقي ...


يمكن لأنه ليس مبرمج على انه يدخل في فريقي بس عندي احساس غريب يقول انه شخصية سرية ..


غير كذا أنا ممستر اللعبة من إلى ..
بس ناسي من إلى

يمكن من الأشياء القوية اللي لازم تكتشفها .. غير السيب طبعا
أماكن التطوير الخارقة في الخريطة ... أنا كشفتها كلها واحدة حقت دروع ( مكان دمج دروع قوي جدا .. والثانية بتاعة أسلحة وغيرها ... وفي مكان آخر تلاقي فيه الأقزام فاتحين بسطة ويبيعون لك أدوات زي اللوز .. بس ما أعتقد انه مكان سري ...


وأرهب مدينة في اللعبة هي الهنود الحمر على قولة الأخ العسكر ,,, خخخخخخخخخ

ومن ناحية البيع أنا ما أبيع لو حجة البقرة على قرونها هذا نظام لعبي في أجزاء ليجايا وفف 9 .. لوجود نظام دمج في كلا اللعبتين ..

حبيت أسأل أيضا ايش أقوى طبخة ؟؟
انا طلعت طبخة قوية للانج قوية جدا والمقادير بتاعة الطبخة ليست كلها نادرة إنما أداة طبخ نادرة جدا هي اللي كانت مشكلة في تحضير الطبخة ...

أيضا هناك مهمات خاصة في مدينة مدري ايش .... اللي تقابل فيه صاحبنا أبو شعر فضي أول مرة .. في تلك المدينة في وحدة تعطيك مهمات .. أنهيتها كلها ولحد يفوتها لأنها مهمة ومن صميم المسترة

من الناحية القتالية أرى ان الجزء الأول أحسن ولكنه صعب موت



سلام

[Leonium]

الفارس ذو لشعر الفضي هو على ما أعتقد فقط شخصية تتحداك في مهماتك ولا أظن أنه يستطيع أن ينظم إلى فريقك لأنه ليس عدوك وليس صديقك في نفس الوقت


ولقد حاربته وحده مع رفاقي وأنه قوي جدا حتى أنه كاد أن يهزمني


فالمهم لا أعتقد بأنك سوف تسطيع ضمه إلى أصدقائك ومتابعة سيرك معه، حتى لو أنهيت جميع مهمات التى يطلبونها منك في تلك المدينة
ولكن سوف تجده في الآرينا أثناء قيامك بمعارك فيها، إذا صادفته هناك فلن يرحمك بضرباته القاضيه حتى يضمك إلى الأرض