موضوع نقاش Monster

[Mibu Wolf]

السلام عليكم ^^
هذا موضوع نقاش عن الأنمي Monster..تقدرون تتناقشون على راحتكم هني وحياكم اذا في أي استفسار او سؤال


تحذير : أي شخص ماخلص المسلسل لايطلع على شي في الموضوع واذا حاب يناقش في الحلقات اللي شايفها يضع رده واحنا راح نتناقش معاه في حدود اللي شايفه

واحب أبدي بمجموعه اسئله :

1-رأيك بالمسلسل بشكل عام
2-أفضل الشخصيات بالنسبه لك
3-لوتبي توصف يوهان شنو اللي راح تقوله؟
3-خلال المسلسل هل اعتقدت انه تنما قادر على انه يقتل يوهان؟
4-Anna تعرضت لكثير من الأحداث في صغرها ليش الشي هذا ماأثر عليها نفس يوهان؟
5-ما رأيك بالنهايه؟

طبعا مثل ماشايفين الأسئله نوعا ما مفتوحه تقدرون تتعمقون بالشرح


سؤال جانبي


-تخيل لوكان الحين فيKinderhiem 511 شنو رايح يصير بالأمه ؟

[V I O L E T]

السلام عليكم ^^

وعليكم السلام ورحمة الله وبركاته ^^

هذا موضوع نقاش عن الأنمي Monster..تقدرون تتناقشون على راحتكم هني وحياكم اذا في أي استفسار او سؤال

مشكور على فتح مجال النقاش في هالأنمي

الصراحة وايد أشوفكم تتكلمون عن هالأنمي .. وأحس نفسي مثل الأطرش في الزفة XD

جاري تحميل الأنمي ^__^

تريوني أسبوعين أو ثلاثة عسب أشوفه كله وأناقش وياكم

سي يو

[abdulaziz1]

2-أفضل الشخصيات بالنسبه لك

للآن تنما..

على العموم..رديت عشان الموضوع يجي في لوحة التحكم..واذا وصلتلكم ان شاء الله اناقش معاكم..

ومشكور ميبو..

[fuuchan]

1-رأيك بالمسلسل بشكل عام

انيمي يخرع صراحة انا كنت اقعد اطالعه وانا اتراعد صج خوفني يعني غير عن الانميات الثانيه اللي تخوف حسيته شي ثاني بس صج قصته مو طبيعه والرسم حلوو وواقعي واغنية البداية عاجبتني حيل بس اكره اغنية النهاية حدها تخرع ×________×

2-أفضل الشخصيات بالنسبه لك

طبعا يوهان شخصية اكثر من رائعه شلون يخوف ومريض تحسه ومع هذا بارد وبلحظات تحس صج اهو مو شرير وبلحظات وودك تذبحه...
وبعده غريمير سان بغيت ابجي لمن وااي كسر خاطري
مارتن يهبل صج ظهوره بنهاية الحلقات كان مو طبيعي واعتبره 3 حلقات اللي طلع فيها من اجمل حلقات الانمي ^_^

3-لوتبي توصف يوهان شنو اللي راح تقوله؟

انسان يخرع وصج ما اتمنى اكون معاه بنفس المكان >_>

3-خلال المسلسل هل اعتقدت انه تنما قادر على انه يقتل يوهان؟

توقعت 100% انه يذبحه ما توقعت حركة الشهامة اللي سواها وخلاه ينقذه مرة ثانيه ....

4-Anna تعرضت لكثير من الأحداث في صغرها ليش الشي هذا ماأثر عليها نفس يوهان؟

ما ادري معنها اهي الامها خلتها ترووح القصر واهي شافت 46 شخصيموتون جدامها بس ما تعقدت اما يوهان اللي ماشاف شي اهو الي تعقد صج شي غريب#_# يمكن لانه يوهان اهو انحبس بروحه امه تخلت واخته خذوها وقعد يقرى في القصة واهو ينطرهم اكيد بيصير شي بعقله واهو بهل العمر

5-ما رأيك بالنهايه؟

النهاية غريبة يعني صج ما يستاهل يوهان انه يعيش واهم بدافه طيبة وشهامة عيشووه يستاهلون باللي يصير لهم بعدين...

بس المشكله الحين يوهان وين ذلف وراح؟؟؟؟

-تخيل لوكان الحين فيKinderhiem 511 شنو رايح يصير بالأمه ؟

ما بيصير شي غير الذبح والتقتيل بالدولة وبتصير مذبحه بالمدن مثل ماصارت بpeace townاللي اغلب سكانها انذبحو...

[sleeplessgirl]

اول شي السلااام

مشكوور ميبو على الموضوع.. وحبيت اقولك شي!!

قبل مااشوف الانيمي بفتره او اهتم فيه.. شفت توقعيك..قلت شنو اللي Nemeless Monster يوم ضغطت عليه و شفت الصور يصرااحه خفت

وللحيني بس اشوف شكلNameless Monster اخاف ماادري ليش و خصوصا ...سالفه باري باري ...الخ(القصه مالته^^)

واحب أبدي بمجموعه اسئله :

1-رأيك بالمسلسل بشكل عام
المسلسل روعه و قمه..يعني للحين ماشفت انيمي مثل قصته.. بصراحه يخوفك بدون لا اشباح و لا فامبايرز


2-أفضل الشخصيات بالنسبه لك
Tenma: حياته تحطمت من يوم انقذ يوهان...وتحسه بس يفكر يذبح الوحش اللي رده للحياه
Eva: شخصيتها متناقضه ..تموت على تنما بس من كثر حبها ماتبي احد ثاني ياخذه منها..شخصيتها غريبه و عجبتني خصوصا و سالفتها مع بستاني بيتها و مارتن
Martin:دش القصه بريقه حلوه بس بجاني بالنهايه..ماله ذنب يموت

3-لوتبي توصف يوهان شنو اللي راح تقوله؟
وحش!! بارد!!
3-خلال المسلسل هل اعتقدت انه تنما قادر على انه يقتل يوهان؟
لا لانه دكتور متعود ينقذ الناس مو يذبحهم و هذا الي خلاه يتردد مايذبحه بالمكتبه
4-Anna تعرضت لكثير من الأحداث في صغرها ليش الشي هذا ماأثر عليها نفس يوهان؟
ماادري لانها ماكانت نفس اخوها تقرا القصه اللي تخرع.. وماكان ببالها شي !!
5-ما رأيك بالنهايه؟
شعر رقبتي و قف قلت وليه وين رااح شكله بيذبح العالم من يد و يديد..النهايه مفتوحه تخليك تفكر شنو يبي يسوي يذبح امه.. ولا يذبح اللي يعلافون بوجوده و يسوى ثورته من اول و يديد!!




سؤال جانبي


-تخيل لوكان الحين فيKinderhiem 511 شنو رايح يصير بالأمه ؟

مابي اتخيل!!العالم قتله و فيهم Monsters !!جان مابقى احد^_^

[Mibu Wolf]

V I O L E T

حياج الله أختي

وعلى فكره الأنمي حلاته تشوفونه على فترات متقاربه مونفس حالتي ناسي أشياء من الحلقات الأوليه لأني شفت على فترات متباعده

شكرا على المرور الطيب


عزوز

تينما يدخل القلب على طول يعني شخصيه ترتاح لها من أول ماتشوفها

وان شاء الله متى توصل لنا؟؟ << يتحلطم

هههههه حياك يالغالي


fuuchan

وبعده غريمير سان بغيت ابجي لمن وااي كسر خاطري
مارتن يهبل صج ظهوره بنهاية الحلقات كان مو طبيعي واعتبره 3 حلقات اللي طلع فيها من اجمل حلقات الانمي ^_^

Grimmer لما مات بكيت الصراحه كان المشهد مؤثر جدا ! شخصيه بسيطه لكن لها وزن

اما Martin نسيت اتكلم عنه..كان رائع صراحه وأيضا لاتنسون انه هو كان السبب الرئيسي بتحول Eva ..وكافي انه اللي يسوي صوته الممثل الكبيرShuuichi ikeda

ما ادري معنها اهي الامها خلتها ترووح القصر واهي شافت 46 شخصيموتون جدامها بس ما تعقدت اما يوهان اللي ماشاف شي اهو الي تعقد صج شي غريب#_# يمكن لانه يوهان اهو انحبس بروحه امه تخلت واخته خذوها وقعد يقرى في القصة واهو ينطرهم اكيد بيصير شي بعقله واهو بهل العمر

همممم غريبه...ماتعتقدون كلام Bonaparta كان له تأثير عليها ؟ لما كانوا في ال Red Rose mansion

بس المشكله الحين يوهان وين ذلف وراح؟؟؟؟

مايندرى...امه؟ اخته ؟ تينما؟ انتحار جماعي؟ كله وارد

ما بيصير شي غير الذبح والتقتيل بالدولة وبتصير مذبحه بالمدن مثل ماصارت بpeace townاللي اغلب سكانها انذبحو...

شي جميل

sleeplessgirl

وعليكم السلام ورحمة الله وبركاته

قبل مااشوف الانيمي بفتره او اهتم فيه.. شفت توقعيك..قلت شنو اللي Nemeless Monster يوم ضغطت عليه و شفت الصور يصرااحه خفت

وللحيني بس اشوف شكلNameless Monster اخاف ماادري ليش و خصوصا ...سالفه باري باري ...الخ(القصه مالته^^)

أنا في البدايه لماشفت الــEnding كنت اقول شسالفه ؟ يعني كانت غامضه ..بعدين فهمنا وتوضحت مثل ماانتو عارفين

Tenma: حياته تحطمت من يوم انقذ يوهان...وتحسه بس يفكر يذبح الوحش اللي رده للحياه
Eva: شخصيتها متناقضه ..تموت على تنما بس من كثر حبها ماتبي احد ثاني ياخذه منها..شخصيتها غريبه و عجبتني خصوصا و سالفتها مع بستاني بيتها و مارتن
Martin:دش القصه بريقه حلوه بس بجاني بالنهايه..ماله ذنب يموت

Tenma تعجبني طيبته ونبله وشجاعته تخلى عن كل شي وكان يائس لكن كافح..شخصيه تستحق التقدير
Eva كرهتها بسبب التناقض هذا ! كانت ترفع الضغط ..لكن بعد حلقات مارتين قدرنا نهضمها مثل ماقلت هو كان له التأثير الأكبر عليها

شعر رقبتي و قف قلت وليه وين رااح شكله بيذبح العالم من يد و يديد..النهايه مفتوحه تخليك تفكر شنو يبي يسوي يذبح امه.. ولا يذبح اللي يعلافون بوجوده و يسوى ثورته من اول و يديد!!

هو فعلا شي محير لذلك كنت أقول لو ناوكي مخلي في غيبوبه أحسن

شدراج ممكن في Monster 2? ههههههه

مابي اتخيل!!العالم قتله و فيهم Monsters !!جان مابقى احد^_^

أحلى شي << أنسان مريض

وسااانكيووو على الرد sleepless


على فكره كتبت رد ولمانشرته المنتدى علق معاي >____<

رديت كتبت مره ثانيه واختصرت بروح ارتاح شوي << مافي حيل

[The Fridge]

موصل العشرينات فيه.. بكمل الانمي ولي عوده بإذن الله ^^

[NsaN]

1-رأيك بالمسلسل بشكل عام

احد اقوى (ان لم يكن اقوى) مسلسلات 2005..
قصة..شخصيات..موسيقى..اجواء..Monster بكل بساطة Got It All..

2-أفضل الشخصيات بالنسبه لك

Martin: اكثر شخصية تأثرت لموتها..رائعة بالفعل..رغم ان دورها قصير..
Grimmer: يا عيني على هالانسان..تكفيك ابتسامته بس..بس لسبب ما..مشهد موته ما تأثرت فيه..حزنت لموته..و لكني ما اعتقد المشهد كان مؤثر..
Lunge: اعتبره احد اكثر الشخصيات المرعبة بمسلسلات الانمي..له هيبة و رهبة مش طبيعية..

3-لوتبي توصف يوهان شنو اللي راح تقوله؟

مسكين..

3-خلال المسلسل هل اعتقدت انه تنما قادر على انه يقتل يوهان؟

لا..تدري كيف كنت متوقع نهاية المسلسل تكون؟!

توقت ان Tenma بيكون مصوب على Johan..بس ما يقدر يقتله..
توقعت ان Johan بيقعد يتكلم..و تدري..من هالكلام عن العالم و عن كيف صارت الدنيا و من هالكلام الفلسفي..
و بعدين -و بدون اقتناع تام- Tenma يترك Johan..يعني حركة من المخرج ان الـMonster الموجود بينا صعب قتله..
و ان الدنيا بتم على حالها و من هالكلام..

4-Anna تعرضت لكثير من الأحداث في صغرها ليش الشي هذا ماأثر عليها نفس يوهان؟

شوف..عندي تفسيرين..

الاول: Nina قفدت الذاكرة..

الثاني: Johan و من خلال تكرار Nina لسرد اللي شفته بالـRed Rose Mansion..قدر يعمل مثل الـAbsorbation لكلامها..
بحيث خلاها تعتقد ان اللي صار..كان مع اخوها..و مش معاها هي..
وممكن هو مع الايام بدا يصدق ان هالكلام فعلاً حصله هو نفسه..

5-ما رأيك بالنهايه؟

عجبتني الصراحة وايد..و ما كنت اباها تنتهي على سالفة الغيبوبة..
مرة ثانية..نظرية القضاء عالوحش اللي بينا..
و فوق هذا اعتقد حركة حلوة من الكاتب ان يخلينا نفكر..
هالشي يخلينا نحاول نفهم Johan اكثر..

يعني لو كان الامر منتهي عالغيبوبة..لكنا ما عقدنا هالنقاش و تساءلنا عن الي راح يسويه Johan..
بس بنقاشنا عن امر هروبه من المشفى..قدرنا نحلل اشياء عن شخصيته..كل واحد بتوقعاته..

مشكور Mibu و يعطيك العافية..

[Mibu Wolf]

SoliDad

حياك الله أخوي في أي وقت ^^




Kashiwaba

أنت شفته كله ولالا؟ هههههههه لعوزتني يمعود وصلت لي "قصته ممتازه" وبعدين "بس ممل نوعا ما" حبطتني



NsaN

Grimmer: يا عيني على هالانسان..تكفيك ابتسامته بس..بس لسبب ما..مشهد موته ما تأثرت فيه..حزنت لموته..و لكني ما اعتقد المشهد كان مؤثر..

مؤثر جدا بالنسبة لي لدرجه أني دمعت...خصوصا على كلامه أخر شي

The last episode of the magnificent steiner i'm sure he returned to being human ...

Lunge: اعتبره احد اكثر الشخصيات المرعبة بمسلسلات الانمي..له هيبة و رهبة مش طبيعية..

ياأخي مرعب فعلا مرعب الشخص هذا يعني بذمتك ماخفت لما مسك ادولف وقاله " Calculation ?! such Calculations can't be processed by the computer in my head!" << فينك بس يابوجسوووم

شوف..عندي تفسيرين..

الاول: Nina قفدت الذاكرة..

الثاني: Johan و من خلال تكرار Nina لسرد اللي شفته بالـRed Rose Mansion..قدر يعمل مثل الـAbsorbation لكلامها..
بحيث خلاها تعتقد ان اللي صار..كان مع اخوها..و مش معاها هي..
وممكن هو مع الايام بدا يصدق ان هالكلام فعلاً حصله هو نفسه..

معاك...أعتقد يوهان لما نينا قالت له كل اللي صارلها انطبع اللي صار في ذاكرته وكأنه هو اللي حصل له كل هذا...أعتقد الشي هذا يصير في الــTwins يعني يكون عنده ذكريات وهو صغير بس بالفعل تكون الذكرى هذه موله

لكن هم أعتقد كلام Bonaparta لها له أثر أعتقد قالها " أنتي جوهره وجوهره مثلك لازم ماتصير Monster"

عجبتني الصراحة وايد..و ما كنت اباها تنتهي على سالفة الغيبوبة..
مرة ثانية..نظرية القضاء عالوحش اللي بينا..
و فوق هذا اعتقد حركة حلوة من الكاتب ان يخلينا نفكر..
هالشي يخلينا نحاول نفهم Johan اكثر..

يعني لو كان الامر منتهي عالغيبوبة..لكنا ما عقدنا هالنقاش و تساءلنا عن الي راح يسويه Johan..
بس بنقاشنا عن امر هروبه من المشفى..قدرنا نحلل اشياء عن شخصيته..كل واحد بتوقعاته..

نفس الشي أكيد عجبتني ولها معنى رائع...لكن هم لوكان بغيبوبه نظرية القضاء على الوحش ماراح تروح لأنه بغيبوبه يعني مامات..وبذلك يعني النهايه ماراح تكون مفتوحه وكل واحد يقعد يحلل ويفكر << مع ذلك التفكير بالأمر هذا ممتع ههههه

أو اذا مايبي انه يكون بغيبوبه كان يخلي النهايه على اللقطه المرعبه الأخيره

وطبعا مافي أعتراض على النهايه لكن كان أقول أحسن لو أختار شي ثاني غير الهروب

على فكره هم ماقالوا لنا كم سنه مرت برأيكم كم ؟

[Hiei]

السلام عليكم ورحمة الله وبركاته ..

حصلت على هذا الإنمي أخيراً .. الأخ العزيز على قلبي رامشي نصحني بهذا الإنمي وبقوة .. أنا أثق كثيراً في ذوقه ^ ^ و مادام عضو رائع وومميز مثل Mibu Wolf يمتدح هذا الإنمي .. فمتأكد إني سوف أعجب كثيراً بهذا الإنمي ^ ^

لي عودة قريباً بأذن الله الى هذا الموضوع ^ ^

[Mibu Wolf]

Hiei

وعليكم السلام ورحمة الله وبركاته

ياهلا بالأخ Hiei نورتنا يارجل ^___^

خلاص دام صار عندك شوفه وعطنا رأيك وان شاء الله يعجبك

شكرا على الرد عزيزي


اي ودي اتكلم عن كم شغله ...امس صاحبي قالي شلون قدر يوهان يقلد صوت نينا بظبط؟؟
يوهان يعتبر انه هو ونينا شخص واحد..وكلنا شفنا شلون كان يقلدها وهو صغير يعني بالنهايه تعود
وتتذكرون Bonaparta لما اخذ نينا ؟ كانت هي ويوهان ماتقدر تفرق بينهم كلش يعني يوهان عاش لفتره على انه نينا أعتقد لتغطيه على انه الأم مايابت Twins بس بنت فقط ..
ومن الدلائل أيضا على تفكير يوهان لما نينا قالت له عن اللي صار في الــ mansion الكلام انطبع وصارت الذكريات هذه تخصه اهو !

ان شاء الله بس عرفت اشرح

[TNT-BOY]

توني مخلصنه...
لحظة اعطوني مجال شوي
WOOOOOOOOOW

WHAT THE HELL IS WRONG WITH NAOKI ? WHY HE WANT TO KILL US WITH THIS STORY?

يلعن ابوك وطوايفك يا ناوكي D:

احس لو بتكلم من اليوم الين بكرا ماراح اخلص عن التعبير

يعني انا كل الانميات في مرحلة ما اقول بيني وبين نفسي " آها...يعني كدا السالفة!"
بس مع مونستر ماقدرت ~ ماكان عندي الفرصة
كان دائماً في شي كبير ومهم ودي اعرفه

يمكن كم انيمي ينافسه في نقطة المشاهد الدرامية
بس في الغموض والرعب ما اعتقد في انيمي تجراء يقرب لمستواه

وانا اشاهده ....كنت اشوف العظمة
يعني مو حرام ان المانجا اخذت له 7 سنين الين ما خلصها
من 95 الين 01
كانت تستحق كل ثانية كان يألف فيها على مر هل 7 سنين !!

بالنسبة للرسم....غلطان اله حتى يقول انه "عادي - مش سيء" لان الرسم فيه كان خيالي
يعني غير رسم الشخصيات وتعابيرهم
رسم الـbackground كان دقيق و مهتم باقل التفاصيل
راح ارفق صور تبين هل شي
صورة النبيذ..شوف ظل النبيذ كان مرسوم وهو في الكاس
انعكاس الصور على كل النوافذ والمرايا بدقة مع اختلاف الشفافية


الاخراج هو اقل ما ينعمل لقصة كدا....يعني الزوايا و بداء الموسيقى ونهاية المشهد
ماعمري تكلمت عن هندسة الصوت والمؤثرات ~ بس هل انيمي يجبرني اتطرق لهم
صوت الخطوات كان واقعي..يعني اذكر في مشهد كانوا يمشون على رصيف وبعدها يدوسون على سطح حديدي والصوت اختلف مع ان التصوير ماكان من الاسفل بس انا لاحظت ان في شي حديدي كانوا بيدوسون عليه
غير كدا اصوات الاسلحة - الناس - الشجر - دقات القلب
كلهم كانوا في قمة المستوى

تصميم الـOP شي متعوب عليه...يعني غير الموسيقى اله راح اتطرق لها بعد شوي اختيار الصور اله تطلع في اغنية البداية كان رائع ! وطوال ما الواحد يتابع الاحداث يفهم معنى صورة تطلع
كمثال...صورة كأس النبيذ اله يطيح...كان احد مشاهد القتل الجماعي في قصر الورود
مجموعة رسمات يوهان ونينا المبعثرة...مشهد من بيت الفامباير في الحلقات الاخيرة

اله فوق كان كله كلام عن الـOP بس...الـED فكرتها وكلمات الاغاني يمكن تتفوق على الـOP
تروي لك القصة اله تدور حولها الاحداث حبة...حبة
زي ما الكاتب يقطرها لنا ...ماكان يغرقنا بالاجوبة ...بس مع ذالك ماكان يخلينا نموت ضمئاً
كان موازن بكمية الحداث اله يعطينا اياها



الـOST مناسب جداً
يمكن وانا اسمعه لحاله قبل ما اخلص مونستر كنت احس الموسيقى باردة و غريبة
بس مناسبة للاحداث
في شي بديهي معروف في الافلام ~ وهو ان مشاهد الجرايم يكون الموسيقى اوبرا او كمان يعزف بعنف
مونستر استخدموا الكمان (medium shot)...ولو اني شخصياً احب صوت الاوبرا اله تنلعب لمن احد ينقتل

بالاضافة الى موسيقات الـJazz & Blues اله تطلع بين فترة وفترة...تخليني اعيش ام المزاج
زي be lit up جوها جو واحد قاعد لحاله في بار عن جد

اغنية البداية Grain ما تخلي الواحد يمل لمن يسمعها بين عدد من الحلقات
مجموعة من الاصوات الملخبطة ممزوجة ببعض وصنعة في النهاية موسيقة ممتازة ماتحتاج لكلمات
يمكن المؤلف لها استوحاها من كثر لخبطت المشاعر و الافكار والتحليلات اله في النهاية صنعت قصة قمة الروعة...فعمل موسيقى تجسد هل شي
يعني وانت تسمعها في صوت يطلع كانه صوت احد يركب درج -بيت الثلاث الضفادع-
اسمعها بتعمق وراح تحس بروعتها


شنو باقي نعلق عليه ؟
الشخصيات
مادري ليش طولت الين بديت اتكلم في الشخصيات
يمكن لاني ما املك الكلام اله يوصفها

مافي شخصية غثيثة وله مالها داعي...الكل كان في الساحة وله هدف من لعبه في القصة S:
حبينا الطيب (تينما وجماعته - المحقق رانج)
حبينا الشرير (يوهان - ايفا) او بالاحرى اله كنا نعتقد انه شرير <<< بعدين اكمل هل نقطة
حبينا الشخصيات اله كان ظهورها قليل نسبياُ (جريمر - مارتين )

طبعاً الشخصية اله صاير عليها كل الكلام هو يوهان
هل كان مجرم ام ضحية ؟
الاجابة على هل سؤال صعب جداً
يعني كانك تحكم على واحد كان سكران وفاقد عقله وارتكب جريمة
صحيح انه ارتكب الجريمة ~ بس كان تحت ظروف تضغط عليه

وتخيل ان بعد كل هل اشيا يكون غلطان! وان اله صار كان لاخته مش له
قمة التحطم..كل هل سنين كانت على وهم

يمكن ما اعرف ادا هو غلطان وله لا....بس اله اعرفه انه كان ضحية الكبار

الام ما ادري ليش اهملت الين النهاية! ليش نينا نست رحلة البحث عنها ؟
بس الشي اله عملته كان قاسي
اعتقد ان في النهاية المونستر الحقيقي كان هي
*شوف الصورة المرفقة وشوف شكلها كيف طالع شبيه بالمونستر في القصة*


مشاهد عشوائية عجبتني :
-لمن المحقق رانج دخل الحجرة اله كان مستأجرنها يوهان في براغ وحاول يدخل معلومات بس يده ماتحركت
لان ماكان في اي دلالة على ان الحجرة سكن فيها احد...حسيت انه عجز قدام حرص يوهان

- المشاهد اله نينا تتذكر فيها الماضي كانت كلها قوية وتخلي الواحد يخش جو معاها..خاصة لمن اسمع صوت الشهيق القوي السريع

-مشهد موت مارتين...مات وهو سعيد لان امله خاب وايفا انتظرته في المحطة

-مشهد موت جريمر...لمن يبكي ويقول " اذاً هذا معنى الشعور بالحزن ....*لحظة صمت*...اذاً هذا هو معنى الشعور بالسعادة "
يعني الرجال قام يشعر بالفرح لانه بدا يقدر يشعر بالتعاسة والالم

-مشهد ضرب مارتين للرجل اله يسولف مع ايفا في القطار...كان ماسكنه من ثيابه ويضرب به في الجدار وهو يطلع فيه من فوق بكل برود اعصاب وثبوت

- مشهد اتحاد المحقق رانج مع قريمر ... شي ماكنت اتوقعه واعطاني شعور راااائع اني اشوفهم سوا

-مشهد قتال المحقق رانج مع روبيرتو...كيف انه pushed his life to the limit على شان يعرف شنو هو الـPlan ...كان قدير من البداية انه يضغط على جرح روبيرتو ويتحرر من قبضته..لاكنه كان ينتظره يخلص كلامه

- المشاهد اله تروي قصص الكتب.....كلها فلسفة وعبر ~ خاصة قصة ذو العين الكبيرة (الذكي اله ينظر للمستقبل) و ذو الفم الكيبر (الجشع)...المضحك في القصة ان الحياة ما انصفت احدهم....وان اثنينهم في النهاية تندموا على رفض عرض الشيطان او قبوله

- اكيد المشهد الاخير والسرير فاضي.....

هذا نقطة من بحر الـ74 حلقة اله عشناها فيه

في مشاهد كثيرة كدا فيها فلسفة يمكن مش واضحة ....ياليت اله يذكر شي كدا يتكرم علينا بقولهم لان هل انيمي فيه الكثير من الفلسفة اله اكيد انا مفوت على نفسي بعضها
مع ان عمري ما تابعت انيمي بحرص وتركيز زيه
كنت مهتم ادقق على اقل التفاصيل...استمتعت في "المعركة الاخيرة" لاني كنت اراقب آثار المطر وقطراته على المشاهد
يعني تشوف قطرت المطر تمر على خشم تينما وتوقف عند طرفه لحظة وبعدها تسقط....

التنقل بالزمن كان واضح وبسيط فيه ومايعمل اي لخبطة للمشاهد

اول شي سويته لمن خلصت الحلقة هو اني اعدتها الين النص...مشهد الام وهي تكلم تينما ...لاحظوا انها تتكلم بحرقة وهي تطلع في يدها اليمين
اكيد هل مشهد ماكنت فاهمنه اول مرة شفته
بس لمن خلصت الحلقة قلت "لحظة لحظة ! مو كان الام كانت تتندم على هل شي ؟ " وعدته وشفت هل شي

اعتقد الكلام هذا كافي لليوم
على الاقل نفست شوي من الكبت اله جاني وانا اشوف روعة مونستر D: كنت اريد افضفض

للاسف ماقمت اهتم اخذ صور من الحلقة اله من بعد الـ55 يمكن
كان ودي اخذ صور لشغلات واجد لاحظتها
بس استمتعوا بالصور المرفقة ~ كان ودي احط صور اكثر بس للاسف حدي 10 صور


في احد مهتم يسولف معاي عن مونستر ياحلوين ؟ S:

[REDFOX-ZERO]

شي مو طبعي صراحة شكلي بشووفه لا ( يبيله monstar

[The Fridge]

قصة الوحش الذي لم يملك اسما

كَان يا مَكان، في قَديمِ الزّمان.. وعَلى أرضٍ بَعيدة..
عاشَ وَحشٌ لَم يَكُن لَه اسم.
امضَى الوَحشُ حَياتَهُ تَعيساً.. كانَ يَتَمَنّى الحُصولَ عَلى اسمٍ بِأيةِ طَريقة.
لِذا فَقَد قَرّرَ أن يُسافِرَ بَحثاً عَن اسم لِه.
وَلكن.. كانَ العالَمُ ضَخماً.
ضَخماً لِدَرَجة أنّ الوَحشَ قَرّرَ ان يَقسِمَ نَفسَهُ لاثنين حَتّى يَبدَأ رِحلَتَه.
انطَلَقَ أحَدُ الوَحشَينِ للغَرب بَينَما شَقّ الآخَرُ طَريقَهُ نَحوَ الشّرق.



وَجَدَ ذلكَ الذي انطَلَقَ للشّرق قَرية.
وَعَلى مَدخَلها رآى حَدّاداً.
"مِن فَضلِك أيّهالحَدّاد، أعطِني اسمَك" قالَها الوَحش.
"لا أحَدَ يستَطيع التخَلي عَن اسمِه" أجابَ الحَدّاد.
"إن أعطيتَني اسمَك، سَأدخُلُ جِسمَك وأعطيكَ القوّه بِالمُقابِل."
"حَقاً؟ إن كانَ بِاستطاعَتِكَ جَعلي أقوى، فَسَأعطيكَ اسمي."
حينَها قَفَزَ الوَحش بِداخِلِ الحدّاد.
أصبَحَ وَحشُنا يُدعى (أُتّو) الحَدّاد.
وَصارَ (أُتّو) أقوى رَجُلٍ في القَرية.
إلى ان جاءَ يَومٌ قالَ فيه:
"انظُروا الي، انظُروا الي. انظُروا كيفَ تَضَخّمَ الوَحشُ بِداخِلي."
لقم لقم! اكل اكل! مضغ مضغ! بلع!
لَقَد إلتَهَمَ الوَحشُ الجائِعُ الحَدّاد (أُتّو) مِنَ الدّاخل للخارِج.
وَعادَ وَحشاً بدون اسمٍ أو هَوية.
حتّى حينَ قَفَزَ بِداخِلِ (هانز) الإسكافيّ.
لقم لقم! اكل اكل! مضغ مضغ! بلع!
عادَ وَحشاً بدون اسمٍ أو هَوية.
حتّى حينَ قَفَزَ بِداخِلِ (توماس) الصيّاد.
لقم لقم! اكل اكل! مضغ مضغ! بلع!
وعادَ مرّة اخرى وَحشاً بدون اسمٍ أو هَوية.



وَصَلَ الوَحشُ اثناءَ تجوالِهِ بَحثاً عن اسم لامِع الى قَلعةٍ باهِرة.
كانَ بِداخِلِ القَلعَةِ فتىً مريض.
"إن أعطيتَني اسمَك، سَأعطيكَ القوّه."
"إن كانَ باستطاعَتكَ إشفائي وَجعلي قَوياً فَسأعطيكَ اسمي"
قَفَزَ الوَحش بِداخِلِ الفَتى.
شُفيَ الفتى مِن مَرَضِه.
وسعِدَ المَلِكُ بِهذا الخَبَر أيّما سَعاده.
"شٌفيَ الامير! شٌفيَ الامير!"
أحَبّ الوَحشُ اسمَ الفتى.
كَمَا أحَبّ الحَياةَ في القَلعة.
لِذا فَقَد صَبَرَ على جوعِهِ الشّديد.
حتى حينَ شَعَرَ بِخَواءِ مَعِدَتِه، احتَمَلَ.
بَيدَ أنّ جوعَهُ اشتدّ أكثَرَ فأكثَر.
"انظُروا الي، انظُروا الي. انظُروا كيفَ تَضَخّمَ الوَحشُ بِداخِلي."
أكَلَ الفَتى أباهُ المَلِك وحاشِيَتَهُ وخَدَمَهُ، والجَميع
لقم لقم! اكل اكل! مضغ مضغ! بلع!
وبِما أن القَلعَة أصبَحَت خالِية، ولا أحَدَ فيها.. ذَهَبَ الفَتى في رِحلة.
وَمَضى يَمشي ويَمشي أيّاماً.



الى أن جاءَ يَومٌ قابَلَ فيهِ الفتى الوَحشَ الذي انطَلَقَ للغَرب.
"أخيراً حَصَلتُ على اسم لي، اسمٍ جَميلٍ وَرائِع"
قالَ الوَحشُ الذي انطَلَقَ للغرب:
"لَستُ بِحاجَةٍ لأيّة اسم، أنا سَعيدٌ حتى لو كُنتُ بلا مُسَمّى"
يَجِبُ علينا أن نَقبَلَ حَقيقَةَ كَونِنا وَحشينِ بلا هَوِيّة، أو اسم.
أكَلَ الفَتى الوَحشَ الذي اتّجه لِلغرب.



حَصَلَ الوَحشُ عَلى اسمٍ خاصٍ بِهِ أخيراً.
ولكنّ لَم يعُد يوجَد أحَدٌ ليناديهِ باسمِهِ الجديد.. كلّ الناسِ اختَفوا.
(يوهان)..
يالَهُ مِن اسمٍ جميل.

النهاية*

[sleeplessgirl]

WOOOOOOOOOW

تنت هذي كلمتي يوم خلصت مونستر .. قلت هالانيمي عجيب و مايتكرر ابدا ...

بحااول ارد عليك لاني الانيمي شايفته خلا 3 ايام بشهر 6 ..... واكيد نسيته "^^

تصميم الـOP شي متعوب عليه...يعني غير الموسيقى اله راح اتطرق لها بعد شوي اختيار الصور اله تطلع في اغنية البداية كان رائع ! وطوال ما الواحد يتابع الاحداث يفهم معنى صورة تطلع
كمثال...صورة كأس النبيذ اله يطيح...كان احد مشاهد القتل الجماعي في قصر الورود
مجموعة رسمات يوهان ونينا المبعثرة...مشهد من بيت الفامباير في الحلقات الاخيرة

وزيد عليهم يوم يلاقي تنما نفيسه بصحرا باخر الOP كنت اقول شسالفه الصحرا طلعت الحدود بين التشيك و المانيا .. مشهد حلو !!!

...الـED فكرتها وكلمات الاغاني يمكن تتفوق على الـOP

تروي لك القصة اله تدور حولها الاحداث حبة...حبة

زي ما الكاتب يقطرها لنا ...ماكان يغرقنا بالاجوبة ...بس مع ذالك ماكان يخلينا نموت ضمئاً

كان موازن بكمية الحداث اله يعطينا اياها

كنت اخترع منها خرعه .... خصوصا يوم يقول And slowly you come to reliaze
و صور الوحش اكرهه !!

الام ما ادري ليش اهملت الين النهاية! ليش نينا نست رحلة البحث عنها ؟
بس الشي اله عملته كان قاسي
اعتقد ان في النهاية المونستر الحقيقي كان هي

حده قاسي ماكو ام تتخلى عن احد من عيالها .. والسالفه اللي حرقت قلبي ماعرفنا اساميهم الصجيه ..

المشاهد اله نينا تتذكر فيها الماضي كانت كلها قوية وتخلي الواحد يخش جو معاها..خاصة لمن اسمع صوت الشهيق القوي السريع

اي خصوصا حلقات .. تادايما -اوكايدي ..صج كنت اقول شلون نينا ثنتين ...
-

اكيد المشهد الاخير والسرير فاضي.....

لا تذكرني ... والله شهقت شهقه ..قويه و شعر جسمي وقف من الخرعه ...!!


في مشهد يمكن مو قوي واايد بس حبيته ... يوم ايفا تبي تنسى تنما و تروح حق البستاني .. وشايلتله الهديه .. تلاقيه مع مرته و بنته ... ترووح قصرها و تحرقه ..واايد قويه


وشراايك بالمفاجاه انه جريمر و روبرتو ..طلعوا اهما الربع في الميتم ... شتان..

بس اكثر شخصيه كرهته روبرتو.. حقير..

تدري اني عطيت الانيمي كله لبنت خالتي ..داقه على 2 بالليل و تقولي الله يهديج قعدت اطالعه من 9 بالليل ... زالحين 2 ووراي دوام متى انام ... قلتلها هذا Monster >>>ماتقدرش تغمض عينيك

SoliDad

ابدعت/ي ..بترجمه القصه ... والله خليتني اتذكرها ...

مشكور/ه واايد