سأعنون هذا الجزء بالقرار وستعرفون لماذا لاحقا
رسالة لكول سمين
شف حبينا الكلام يكثر والفلسفات والمدارس أكثير في عمليه الرجيم وتنزيل الوزن
بس انا بتكلم عن خبرة
وزني السابق 133 كيلو
كنت اسمعهم ينادوني دايم ينادوني الدب الداشرالفقمة
ما شاءالله على ربعنا في العياره مايحتاج ......
كنت اقول في نفسي خلاص يا ناس ربي خلقني كذا لازما اقبل نفسي كذا
بس مرت السنين وحسيت ان زهرت شبابي بدت تضمحل
دباً قاعد لا صنعه ولا عمله غير طقاق بها الصواني لا رياضه لا سفرات وروحات وفلات مير بهالثوب والغتره قال ايش قال وطني وهو كله عشان لا تبان الفضايح إللي تحت
وإذا كنت ابي العب كوره ادور اكبر ثوب نوم عندي عشان البسه واغدو وامرح في الملعب كالفيل
((((وجميع من يراني يتسائل ياترى هو قاعد يلحق الكوره والا الكوره إللي تلحقه ))))
عموما يوم من الايام وقفت قدام المرايه متجرد من كل شي إلا انا
(((
وناظرت شكلي وقلت وآآآخرتها معاك وش قصت اهلك معي أنت مش ناوي تجيبها البر أبدا ترى بأصفك من جد عاد
!!!
واتخذت قرار
ترررا
خلو بالكم قرار صادق وقلت في نفسي (((( ذسز إت ))) يعني هذه هي
هذه
هي اللحظة إللي لا زم اتغير فيها وللأبد وفعلاً
صممت وقررت
دب داشر قدام المرايه معد ابي اشووووف فاهم والا لا (( كنت اكلم نفسي طبعا)))
وتعلمت اهم مبدأ واصدق مبدأ في عالم الرجيم إلا وهو
ان الانسان يحتاج سعرات معينه تتراوح بين 1700 إلي 2000 كالوري حسب الوزن
إذا زت عنها راح تتخزن شحوم
وإذا نقصت عنها راح جسمك يسحب من هالشحوم المتكدسه على ظهرك
وفعلا يوم ورا يوم
شهر ورا شهر
حتى وصلت للوزن المثالي من 133 إلى 79
والحمد لله
بديت البس بناطيل وبديت اروح نوادي واجرى حسيت ان الدنيا تغيرت بعيني
صارت احلى
الحياة حلوه بس لو ننحف على قوله عبدالوهاااااب
وللحديث بقيه
..
