على كل شخص حاب انه يبدأ برياضة كمال الاجسام معرفة بعض المفاهيم لانه مضمار مختلف عن اغلب الرياضات الاخرى ، يعني يبعد عن المقارنات بين الحديد واي رياضة قلبيه ( هوائية ) وقبل البداية في عده مفاهيم لازم يفهمها الشخص قبل الدخول :
1- نوعية النمط الي تبحث عنه ( اساسي لانه تبناء عليه باقي الاجزاء )
2- التغذية
3- اسلوب التمرين
4- المكملات الغذائية
أول نقطة نتكلم عنها اليوم نوعية النمط ، لاتوجد أنماط مصنفه في اللعبة كتصنيف دولي ولاكن لحظت هالشي من خلال معاشرتي للعيبه .
1- النمط الفتنس ( الفرنسي ) :
وهو الجسم إلي يكون مشدود وتكون الأكتاف والظهر والبراويز واضحة
( البراويز = الباي و التراي وأجزاء من الكتف )
2- نمط الضخامة :
طبعا هالنوعية تبحث عنها الأشخاص إلي تبحث عن القوة والشكل الكبير ولا يهتم من ناحية المظهر الداخلي للجسم من ناحية التفصيل ولا نسبه الدهون في الجسم .
3- نمط البطولات :
هنا الشخص إلي يدخل هالمجال علشان احتراف اللعبة ودخول البطولات وهذا راح يكون أصعب من ناحية التحضيرات والتجهيزات ووضع برنامج طويل المدى .
طبعا وفقاً لها التصنيفات راح يتشكل الغذاء وأسلوب اللعب والمكملات وفي شي إضافي بالنسبة لنمط البطولات راح نتكلم عنه في الشرح .
طبعا جميع الأنماط هذي تعتمد على فكرة واحده بالأساس من ناحية الشكل مختلفة في المضمون وهي :
طبعا تكون متشابهه من ناحية التوافق بين الاضلاع الاساسية وهي :
1- التمرين بشكل منتضم بوضع جدول خاص ويتم تغيره كل شهرين .
2- التغذيه الجيدة .
3- النوم وهذا عنصر مهم جداً واغلب اللاعبين يغفلون عنه .
وطبعا الاختلاف راح يكون من ناحية الآلية الي توضع بالنسبة للنمط الي راح تتبعه