هلابك حبيبي واتشرف بمساعدتك
بالنسبه للمشي السريع قلت لك اوكي تمشي تقريباً نصف ساعه على السير مشي سريع وعادي لو تحب تزيد
لكن انصحك انك تنوع في تمارن الكارديو مثلا تمشي على السير نص ساعه وعلى السيكل ربع ساعه وكذا ..
في الفتره هذي راح تتمرن على هذي الادوات بالأضافه الى تمارين الحديد تقريبا 4 او 5 ايام بالأسبوع لشد الترهلات
فأنصحك ماتضغط على نفسك وتجري كثير لأنك بكذا راح تكسب ترهلات اكثر ..
المشي السريع لمدة نصف ساعه يومياً بالاضافه الى تمارين الحديد 4 او 5 ايام بالأسبوع اشوفها من وجهة نظري مناسبه جداً لخسارة الوزن وشد الترهلات ..
بالنسبه للنظام الغذائي: على حسب الصاله انا في صالتي يعطونك نظام غذائي مناسب لك لكن حقيقه لا اعلم عن الصاله اللي راح تشترك فيها
واذا بإستطاعتك تروح لأخصائي تغذيه ويصمم لك برنامج غذائي يروق لك ويكون مناسب لك هذا افضل ..
لكن عموما تذكر في ردي على موضوعك السابق بالنسبه للغذاء نصحتك تبتعد عن اطعمه معينه وتتبع طعام معين
وبالنسبه للسترج اللي تقول عنه او بدلات التخسيس اللي تشبه الكيس هذي حقيقه اللي اسمع عنه انها ماتفيد وافضل طريقه انك تلبس ملابس خفيفه اثناء التمرين لتساعد المسام تتخلص من السموم والافرازات والعرق الله يكرمك ..
وان شاء الله تتوفق وتوصل لهدفك بس اهم شي الصبر والترهلات راح تشد مع الحديد بس كلها مسألة وقت