سؤال واجابه عن المكملات الغذائيه(مهم)
السلام عليكم ورحمة الله وبركاته
طبعا باللهجه المصريه
بسم الله الرحمن الرحيمالموسوعه الشامله لجميع أنواع المكمّلات الغذائيّه مع شرح خصائصها وصورها
سين وجيم فى المكملات الغذائيه
ناس كتيره بيتقى ليها أسئله شائعه ومكرره عن المكملات هنحاول نوضّحها فى شكل س و ج فى الموضوع ده ..
نبدأ أول سؤال ..
س: ايه هى المكملات دى ؟
ج:المكملات دى عباره عن مواد طبيعيه مستخلصه من منتجات طبيعيّه زى اللبن والجبنه واللحمه والسمك يعنى تقدر تقول زى الأكل العادى .. بالاءضافه للفيتامينات .
س:طب ليه اصلا هاخد المكملات دى؟
ج:انت هتستخدم المكملات دى لأن لاعب كمال الأجسام زى ماالكل عارف انه بيحتاج يوميا 2 جرام بروتين بكل كيلو من وزن جسمه فبالتالى فى ناس مبتقدرش تجيب الكميّه دى من الأكل العادى كمان فى ناس بتبقى عايزه تزوّد وزنها فابتحتاج سعرات حراريّه كتيره فابتاخد المكمّل علشان كده بتاخد مثلا مكملات زيادة الوزن اللى فى محتواها سعرات حراريه كتيره .. بالاءضافه انّه فى ناس اكتورمورف رفيّعه الأكل مبيجيبش نتيجه معاها حتى لو أكل كتير لازم مكمّل.
كويس طب هى المكملات دى مضره ؟
هو الأكل مضر .. المكملات زى الأكل يعنى مش مُضّره .. هى بعضها ممكن يكون ليه بعض الأعراض الجانبيّه .
طب مانت قلت اعراض جانبيه مش معنى كده انها مضره ؟
لأ فى فرق بين الضرر والأعراض الجانبيّه الضرر اللى بييجى من المنشطات مثلا بيضر الكبد والكلى وممكن تجيب عقم ده ضرر بالغ وممكن يصيب الاءنسان بالأمراض .. أما الأعرضا الجانبيه دى زى اللى فى الأدويه انت مش لما بتكون تعبان وبتجيب دوا وتيجى تقرا النشره بتاعته بتلاقى الأعراض الجانبيه وبتلاقى مكتوب نادرا لما تحدث واهو دواءوممكن تبقى صداع دوار أهو ولما بتخلَص الدواء الأعراض دى بتروحكذلك بعض المكملات وحط تحت بعض دى خط يعنى مش كلها زى الليبو 6 مثلا بتبقى عصبى شويّه ولما بتخلّص العلبه الأعراض دى بتروح ومع ذلك فى ناس أخدته وبتقول معملش معاها أى أعراض كمان .
وعلشان تتأكّد أكتر ان الحاجات دى من منتجات طبيعيه ده كتاب بيشرح ازّاى تعمل مكمّلات فى المنزل .. بس مبنصحش حد انّه يعمل حاجه لا تلغبط ويحصذلك حاجه وبعدين دى عايزه ناس متخصصه .. بس حبيت اعرضع كاءثبات انّها حاجات كلّها طبيعيّه.
http://hotfile.com/dl/11870549/cc432...ments.pdf.html
طب انا عندى 17 سنه ينفع استخدمها ؟
ايه المانع .. حاجه زى الواى أو أى فيتامين - كرياتين - جلوتامين - لكن حاجه زى النيترو تك يفضّل تستخدمه عند سن 21 سنه أو أكتر كذلك الليبو 6 بأنواعه .. كوياتين متكونش كليتك تاعباك وتاخده حتى لو الأكل العادى زى اللحمه مينفعش تكتذر منها وكليتك تاعابك وتشرب ميّه كتير مع الكرياتين ولازم تريّح اسبوعين لو هتستخدمه لفتره طويله كمان حاجه زى البرو كومبلكس جينر ممنوع عن مريض السكر انّما للشخص العادى مفيش أى مُشكله.
جبت الكلام ده منين .؟
مكتوب على العلبه واى حاجه بتلاقيها مكتوبه على العلبه.
طب لو أخدت مكمل زى الترو ماس أو السيريس لزيادة وزنى ... هيرمى وزن بعد اد ايه وكام ؟
دى بقى محدّش يقدر يحددها فى عومل مع المكمّل لو اتظبّطت هيعمل معاك أحلى شُغل وفى مده مناسبه
زى ايه ؟
يعنى الوراثه وطبيعة جسمك والراحه والأكل لازم تاكل من 5 ل6 وجبات فى اليوم ..
كمان ممكن تراجع موضوع يا كوتش خدنا مكمل ومعملش معانا حاجه
وفي ناس مثلا قالت ان هى اخدت الترو ماس وعمل معاها شغل حلو أوى وزى ناس تانيه تقول أخدت سيريس وزوّدها 9 كيلو وناس تقول أخدنا سيريس ومزوّدنيش غير 2 ولا 3 كيلو.. كل ده حسب العوامل اللى قلناها.
طيب انت بتقول 5 أو 6 وجبات وجبات مشكده معدّل الحرق عندى هيعلى فى الجسم زى الناس اللى عايزه تحرق الدهون وتخس؟
لأ مش بتعلّى الحرق والسبب لأن اللى بيتحكّم فى الحرق هنا نوعيّة الأكل يعنى اللى عايز يتخن تلاقيه بياكل نشويّات ودهون كتير طبعا بجانب البروتين .. والجسم الأكتومورف الرفيّع ده بتلاقيه عمال يحرق سعرات طول الوقت..و اللى عايز يخس مثلا لو أكل 6 وجبات فى اليو أو 8 حتّى بالشكل ده عمرّه ماهيحرق حاجه حتى لو استخدم ليبو 6 وجرى علشان نوعيّة الأكل انّما لو على البروتين ونشويات مناسبه ومنع الدهون الا المفيده منها عيعلى معدل الحرق والميتابوليزم هيعلى معاه .
طيب ليه ماكلش 3 وجبات كبيره علشان الميتابوليزم يبطىء ؟
ده مفهوم خاطىء ليه لأن انت مش هتقدر تاكل أكلك كل ه فى اليوم وتجيب سعراتك من ال3 وجبات دى كمان هتاكل كتير وهتضغط على معدتك وغير ده هتجوع ولو جعت الجسم ممكن يحلل العضل وياخد منّه بروتين يعنى هتخس مش هتزيد غير كده فى ناس شهيّتها ضعيفه فا مش بتاكل كتير وغير اللى عنده مشاكل فى معدته .. و ..و.الخ.
طيّب دلوقتى انا هاخد مكمّل وهاكل من 5 ل 6 وجبات فى اليوم ..
ازاى افرَّق بين الاصلى والمضروب و ايه احسن انواع المكملات ومنين اجيبها ؟
حسب المصدر اللى انت بتجيب منذه يعنى التجّار اللى فى المنتدى بيجيبوا من المصدر الرئيسى اللى جايه من أمريكا ودى طبعا الأصليه مفيش كلام وطبعا انت بتشوف صورة المكمّل وتقارن بيها اللى معاك ..
انما تقولى واحد جايبلى كيس مش مكتوب عليه أى حاجه وبيبيعه فى الجيم او فى أى مكان طب انت عارف اللى موجود جوّاه ايه وأصلى ولا لأ.. طبعا متاخدوش فبن الدليل انّه أصلى.
طيب ليه ماجيبش من الصيدليّات ؟
طبعا لأن السعر غالى ومتضمنش جايه بتاريخ جديد ولا مركونه فى الصيدليه من فتره .
طب انا دلوقتى عايز اخد مكمل اخد انهى نوع ؟
فى أساسيات يعنى البروتين اساسى لو عاوز زيادة وزن يبقى ترو ماس - سيريس ماس .. وزنك مناسب وعايز ضخامه عضليّه بدون دهون
يبقى الواى بروتين ممكن تاخد فيتامينات وكرياتين ونو اكسبلود للطاقه والضحامه العضليه طبعا بالاءضافه للأمينو والجلوتيامين وزيت السمك .
وده كمان موضوع فى أغلب وأفضل أنواع المكملات وفيه شرح مبسط لكل مكمل تقدر تحدد اللى انت عاوزه منها..
وايه رأيك فى المكملات المصرى النص كيلو ب30 جنيه ؟
ملوش اى لازمه .. ولا هيعمل معاك أى حاجه .
ليه ؟
لأنّه متعرفش اللى فيه ده ايه .. بروتين ولا ايه بالظبط نفرض انّه بروتين فعلا بروتين مكتوب عليه جرعته 2 ملعقه الصبح و2 بالليل وتلاقى العلبه كلّها على بعضّها فيها 24 جرام بروتين يبقى الجرعه دى هيكون فيها أد ايه وهتعملّك ايه .
طب دا فى ناس بتقول عن الماس ميكر انّه كويّس.. ايه رأيك ؟
اه ده انا قريت النيوترشن فاكتس (حقائق التغذيه ) بتاعته لو صحيحه يبقى كويّس أوى .
طب وايه رأيك فى الفيتامينات المصريه ؟
دى كويّسه انا شخصيّا جرّبتها ..عليها جينسنج بس طبعا الفرق شاااسع بينها وبين المستورد زى الأوبتى مين .. مثال مثلا الرويال فيت جى فيتامين أ A اللى فيتامين النمو كل حبّايه تحتوى على 2000 وحده دوليّه والحبّايه من الأوبتى أو البرو 32 اكس بتحتوى على 10000 وحده دوليّه من فيتامينA أ .. غير باقى الفيتامينات.
ملحوظه : لاتدّع أى من صالة الحديد أو الانترنت أو أى شىء يشغلك عن ذِكر الله.
سُبحانك اللهم وبِحَمدِك أشهد أن لا اله الّا أنت وأن سيّدنا محمّد عبدك ورسولك أستغفِركَ وأتوب اليك.
وطبعا الموضووع منقول للفائده وتحياااتي
المشاركة الأصلية كتبت بواسطة toto jeddah
