السلام عليكم ورحمة الله وبركاته
اشحالكم يالربع ؟
عساكم بخير ,,
ما احب اكتب مقدمات فأدخل بالموضوع ...
المصدر : خاص بموقع منتدى الألعاب العربي :
كنت اكلم احد المتواجدين في Media city و بالتحديد مسؤول في Gaming Company موقع الشركة
منتجة اللعبة العربية Legend Of Zord موقع اللعبة
و سألني إن كنت أشتري الألعاب أصلية أو نسخ , فأكيد كل شغلنا نحن العرب كوبي :":
وسالته إن كانت هناك مشاريع يسوونها - ألعاب بالعربي - و قالي لحد الآن في مشروعين ..
1- سباق سيارات 4*4 Racing game موقع اللعبة
2- لعبة آر بي جي نسيت اسمها .
لكن لا تفرحون وايد , هذي الألعاب تكلفهم وقت و جهد , يعني ما بتجيك بالساهل إلا إذا كنت تستاهل ..
وإذا كنت تستاهلها لازم تمشي عالمثل المصري اللي يقول : شيّلني و أشيلك يعني الزبدة لازم نشتري اللعبة أصلية و ما في مكان للكوبي ..
و عادي جدا واحد يقول إنه ما يسوى عليه يشتريها أصلية لأنها بسيطة , ياخي مافي لعبة بدأت قوية , لازم حبة حبة ..
و قالي إنه كلم أحد المسؤولين في كونامي و سأله : كم عدد النسخ اللي ممكن تباع في الإمارات ؟
قاله : 100 نسخة و على الأكثر 500 <===بالله هذي حاله ؟!
هم تفكيرهم إن العرب ميتين وخمسين مليون نسمة ( وأكثر عن النص دبش ) فبالتالي يريدون مئة ألف نسخة تنباع
وقاله إنه مثل W11 و MGS هذي ألعاب فيها إقبال على الأصلي منها فضلا عن الكوبي .
و السؤال الحين : شو بتسوي لنا كونامي لو وصلنا للعدد المطلوب من بيع النسخ ؟
1- راح يكون لكم اعتبار عندهم وبالتالي يسوون ألعاب تحاكي أفكاركم <==من زين هالأفكار :6
2- بيكون في سوق عربي قوي
3- بيكون في الألعاب أعداء عرب و أعداء للعرب ,, يعني تشوف زومبي يهدم مسجد ودك تزنطه :6
4- خفض الآسعار للشركات اللي تتعاقد معها كونامي , وبالتالي يولّد زيادة في الألعاب العربية .
5- و غير ذلك من الأشياء اللي راح تسويها كونامي .
لكن لا تنسون هالشي ما يصير إلا بالأصلي , تخيلوا لو كل اللي في السعودية يشترون أصلي كان وصلت عدد النسخ نص مليون ( الله يخلي السعوديين لو يسوون اللي نبيه ) و طبعا غيرهم مطالبين لكن نحن نقول فرضا يعني اللي في السعودية فقط , فما بالكم باقي الدول ؟
ودامكم تشترون لشركة مفضلة ساعدوها تسوي لكم ألعاب أحسن
و السؤال المطروح هنا : كيف نتجنب الكوبي ؟؟ إلا إذا الله سلط عليكم واحد منعها هذا كلام ثاني ..
فكروا للنهوض بشعب عربي وألعاب عربية ياخي ودك تلعب مرة لعبة نفس وننج إليفن أو ميتل جير أو تومب رايدر وتفهم عليهم على طول بدون ترجمان :":
يالله شباب قولوا كيف ممكن نتجنب الكوبي ؟ و لو - أقول لو - يعني حرف امتناع لامتناع صدرت لعبة عربية من شركة كبيرة مثل كونامي , هل تشتريها أصلية ؟
* قبل مدة بسيطة صدرت مجلة ألعاب جديدة إلا أنها ما استمرت مع أني شفتها و الصراحة مجلة فيها عن كل الألعاب لكن ما انكتب لها النجاح ليش لآنها 25 درهم ,, ومثل ما انتوا عارفين العرب يبون مجلة كوبي بعد بخمس دراهم ما يقدرون يشترون أصلية , الود وده يقوله صور لي إياها أبيض و أسود ..
فلاش : أقول يوم نحن مب قادرين نسوي مجلة تكون معتمدة ونشتريها وفيها كل اللي نبي ,, متى بنسوي ألعاب عربية ؟!